پاکستان بھر سے خبریں،انٹرویو ،اشتہارات کےلیے رابطہ کر?
24/08/2026
پاک فوج نے سرحد یونیورسٹی کے اسلام آباد (روات) کیمپس میں طلباء کے احتجاج کے دوران ایک فوجی افسر کی مبینہ مداخلت، ہاتھا پائی اور ہوائی فائرنگ کے واقعے کا سخت ترین نوٹس لیتے ہوئے متعلقہ افسر کو تحویل میں لے کر باقاعدہ انکوائری شروع کر دی ہے۔
پاک فوج کے مطابق فوج کا ڈسپلین اور تادیبی نظام انصاف اور غیر جانبداری پر مبنی ہے۔ تمام قصور واروں کو ان کے کیے گئے اقدامات کا سامنا کرنا پڑے گا۔
سوشل میڈیا پر وائرل ویڈیوز کے مطابق پیر کو سرحد یونیورسٹی کے روات کیمپس میں طلباء کی جانب سے فیسوں، کلاسز کی شیڈولنگ اور شعبے کے سربراہ سے متعلق درپیش انتظامی مسائل پر احتجاج جاری تھا۔
اسی اثنا میں مبینہ طور پر چند طلباء اور اسٹوڈنٹ افیئرز کی سربراہ ڈاکٹرآئینہ کے درمیان تلخ کلامی ہوئی اور طلباء کی جانب سے بدتمیزی یا سیٹیاں بجانے کا واقعہ پیش آیا۔ جس پرانہوں نے اپنے شوہر، جو کہ پاک فوج میں افسر ہیں، کو کیمپس بلا لیا۔ افسر کی آمد پر معاملہ مزید بگڑ گیا اور گفتگو ہاتھا پائی تک جا پہنچی۔
ہوائی فائرنگ، وائرل ویڈیو اور پاک فوج کا فوری ایکشن
سوشل میڈیا پر وائرل ہونے والے ویڈیو شواہد کے مطابق مذکورہ افسر نے غصے میں آ کر طلباء پر لاٹھی یا ہاتھ سے وار کیے اور بعد ازاں اپنے پاس موجود پستول سے ہوائی فائرنگ کر دی، جس سے یونیورسٹی کیمپس میں کشیدگی پھیل گئی۔
Be the first to know and let us send you an email when GN News HD posts news and promotions. Your email address will not be used for any other purpose, and you can unsubscribe at any time.
