D News G-B

17/07/2025

17/07/2025

وزیر اعلیٰ گلگت بلتستا ن حاجی گلبر خان کی زیر صدارت صوبے کے مختلف اضلاع میں بارشوں اور سیلاب کی وجہ سے ہونے والے نقصانات اور ایمرجنسی کے تحت بحالی کے کاموں کا جائزہ اجلاس منعقدہوا۔اس موقع پر وزیر اعلیٰ نے کہا کہ سیلاب متاثرین کی بحالی حکو مت کی اولین ترجیح ہے، ہنگامی بنیادوں پر ایمرجنسی کے تحت پینے کیلئے پانی کی فراہمی، آپ پاشی چینلز، بجلی اورشاہراہوں کی بحالی یقینی بنائی جا ئے،کمشنر اورڈپٹی کمشنر کے پاس موجود فنڈ ز کو بھی استعمال کیا جا ئے،وزیر اعلیٰ نے ایمرجنسی کے نفاذ کے حوالے سے متاثرہ اضلاع کے ڈپٹی کمشنر ز کی جانب سے بحالی کے کام ایمر جنسی پورٹل پر آپ لوڈ کرنے میں تاخیر کا نوٹس لیتے ہو ئے کہا کہ بحالی کے کاموں میں غیر ضروری تاخیر ناقابل برداشت ہے،اعلیٰ آفیسران متاثرہ علا قوں کا بروقت دورہ کریں اورمقررہ ٹائم لائنز کے مطابق بحالی کے کاموں پر ایمر جنسی کے نفاذ کیلئے بروقت پورٹل پر اپ لوڈ کریں،وزیر اعلیٰ نے ایڈیشنل چیف سیکر یٹری اور سیکر یٹری داخلہ کو ہدایت کی کہ وہ ایمر جنسی کے نفاذ کیلئے جمعہ کے روز متعلقہ فورم کا اجلاس طلب کریں اورتمام ڈپٹی کمشنر ز کو پا بند بنایا جا ئے کہ فورم کے انعقاد سے قبل بحالی کے کاموں کیلئے ایمر جنسی نافذ کرنے کیلئے متعلقہ پورٹل پر آپ لوڈ کریں اور ان کی بحالی کے کاموں پر ایمر جنسی نافذ کیا جائے۔اس موقع پر وزیر اعلیٰ نے کہا آپ پاشی کے چینلز متاثرہونے کی وجہ سے مقامی زمینداروں کو فصلوں کے متاثر ہونے کا خدشہ ہے۔ متاثریں کو درپیش مسائل کو حل کرنے کیلئے متعلقہ آفیسران ایمانداری سے اپنی صلاحتیں بروئے کا رلا ئے۔ وزیراعلیٰ نے کہا کہ صو بائی حکو مت سیلاب متاثرین کی بحالی تک چین سے نہیں بیٹھے گی۔اس موقع پر معاون خصوصی برائے ڈیزاسٹر مینجمنٹ اتھارٹی محمد علی قائد، صد رپا کستان پیپلزپارٹی گلگت بلتستان و ممبر اسمبلی امجد ایڈووکیٹ، ایڈیشنل چیف سیکر یٹری،سیکر یٹری برقیات،صوبائی سیکر یٹری داخلہ سمیت محکمہ خزانہ، ڈیزاسٹر مینجمنٹ اتھارٹی، محکمہ موصلات و تعمیرات اور دیگرمحکموں کے آفیسران اجلاس میں شریک تھے۔ تمام اضلاع کے ڈپٹی کمشنر ز نے بھی بذریعہ ویڈیولنک وزیر اعلیٰ کو متعلقہ اضلا ع میں سیلاب کے نقصانا ت کے متعلق آگاہ کیا۔

17/07/2025

وزیراعلی گلگت بلتستان حاجی گلبرخان کے زیرصدارت دیامر فارسٹ ورکنگ پلان کمیٹی کا اجلاس ہوا جسمیں دیامر بھر سے داریل تانگیر چلاس تھک نیاٹ گوہرآباد سے تعلق رلھنے والے معززین کی ایک بڑی تعداد شریک رہے جسمیں ورکنگ پلان کمیٹی کے زمہ داران نے گفتگو کرتے ہوۓ کہا کہ ورکنگ پلان میں مزید تاخیری حربے استعمال نہیں کیاجاۓ اور جس سے ورکنگ پلان کمیٹی میں مایوسی اور بے چینی پھیلنے لگی ہے
وزیراعلی گلگت بلتستان حاجی گلبرخان نے فارسٹ ورکنگ پلان کمیٹی کے معزز اراکین اور عمائدین دیامر کا شکریہ ادا کرتے ہوۓ کہا کہ دیامر کے عوام کا دیرینہ مسئلہ فارسٹ ورکنگ پلان گزشتہ کئے سالوں سے پنڈولم کے طرح لٹکا ہوا تھا اب آپ معززین اور ہم سب کی محنت سے یہ مسئلہ حل ہوا انہوں نے عمائدین سے گفتگو کرتے ہوۓ مزید کہا کہ ورکنگ پلان کا مسئلہ محکمے کی غفلت اور لاپروائی سے تاخیر کا شکار نہیں ہوا بلکہ فارسٹ مالکان کی ذاتی چپکلش ذاتی مخالفت کے وجہ سے تاخیر کا شکار ہوا ہے مگر چند چیزوں میں محکمہ فارسٹ کی غفلت سے بھی انکار ممکن نہیں ماضی سے لیکر تاحال فارسٹ ڈپارٹمنٹ متحرک نہ ہونے کے وجہ سے اب تک تاخیر ہوا ہے مگر اب دیرآید درست آید اب اہلیان دیامر کا دیرینہ مسئلہ حل کے قریب سے قریب تر پہنچ چکا ہے
چئف کنزرویٹر نے کہا کہ ورک آرڈر سے پہلے جتنی لکڑی ہے وہ تمام وہاں سے اٹھاناہے
جو دیامر فارسٹ کا فنڈ ساڑھے تین ارب جی بی کنسولیڈٹ فنڈ میں سابق منسٹر فارسٹ کے دور میں ڈالا گیا ہے اب مزید تاخیری حربے استعمال کئے بغیر ورکنگ پلان کو عملی شکل دی جائیگی اور ورک آرڈرز دئے جائینگے

16/07/2025

وزیراعلی گلگت بلتستان حاجی گلبرخان نے سیلاب سے متاثرہ علاقے کا دورہ کرکے ایمرجنسی کا اعلان کردیا

اینٹی کرپشن اورایل جی آر ڈی کا مسئلہ نہیں بلکہ رحیم گل اور ڈی جی کاذاتی مسئلہ ہے

ذاتی تشخص پامال کرنےوالوں کے ساتھ قبائلی انداز میں بھی نمٹنا جانتے ہیں

وزیراعلی کامنصب کتنا اہم ہے یہ حاجی گلبرخان نے عملا ثابت کردیا

16/07/2025

مشیر وزیراعلی براۓ میڈیا مولانا محمددین نے کہا کہ گزشتہ کچھ دنوں سے ایک مخصوص ٹولہ سوشل میڈیا پر سیکریٹری رحیم گل صاحب کے خلاف منفی اور زہریلا پروپیگنڈا پھیلانے میں سرگرم ہے۔ یہ کم ظرف اور گھٹیا ذہنیت کے حامل لوگ، جنہیں نہ تو اخلاقیات کا پاس ہے اور نہ ہی سچائی سے کوئی واسطہ، مسلسل جھوٹے، بے بنیاد اور من گھڑت الزامات کے ذریعے ایک باکردار، باوفا، اور عوام دوست شخصیت کو بدنام کرنے کی ناکام کوشش کر رہے ہیں۔واضیح رہیکہ آجکل ذاتی تشخص پامالی کے لئے چند مخصوص طبقے کے مخصوص گروہ سوشل میڈیا میں پرانی اپنے آباء و اجداد کے قبریں کھودنے کی کوشش کرتے ہوۓ ایف آئی اے کی پرانی سڑی ہوئی ایف آئی آر بھی وائرل کرنے کی کوشش کررہے ہیں ان لابی کا اصل مقصد آنے والے دنوں میں بڑے پیمانے پر تقرر و تبادلے ہورہے ہیں انکو رکوانے کے لئے اس طرح کی چالیں چلنے لگے ہیں لیکن یاد رکھو پرانی قبریں کھودنے والوں تم خود ہی ان قبروں میں دفن ہونگے نماز بخشوانے گئے تو روزے گلے لگ گئی والی کہانی ہوگی
ہمیں معلوم ہے کہ یہ وہی عناصر ہیں جو اپنی ذاتی ناکامیوں، حسد، اور ذاتی دشمنیوں کی آگ میں جل کر دوسروں کی عزت کو نشانہ بنا کر اپنے ضمیر کو تسکین دینے کی کوشش کرتے ہیں۔ یہ حرکت نہ صرف اخلاقی دیوالیہ پن کا ثبوت ہے بلکہ اس بات کی کھلی علامت بھی ہے کہ ان کے پاس رحیم گل صاحب کے خلاف کہنے کو کچھ سچ نہیں ہے، اس لیے اب جھوٹ، بہتان تراشی اور اخلاقی پستی کا سہارا لے کر ایک بے بنیاد مہم چلائی جا رہی ہے۔

ہم یہ واضح کر دینا چاہتے ہیں کہ رحیم گل صاحب کی عزت، خدمت، اور کردار ہر ذی شعور انسان کے سامنے روشن دن کی طرح عیاں ہے۔ عوام نے ہمیشہ ان پر اعتماد کیا ہے، اور ان کی خدمات کو سراہا ہے۔ سوشل میڈیا پر بیٹھ کر فیک آئی ڈیز کے ذریعے کیچڑ اچھالنے والے جان لیں کہ اگر کیچڑ میں ہاتھ ڈالیں گے تو گند پہلے خود انہی کے ہاتھوں پر لگے گا۔

یہ گھٹیا ہتھکنڈے نہ پہلے کبھی کامیاب ہوئے ہیں، نہ اب ہوں گے۔ عزت و ذلت صرف ربِ ذوالجلال کے ہاتھ میں ہے، اور جھوٹ، بغض اور حسد کی بنیاد پر کی جانے والی ایسی مہمات اللہ کے انصاف سے زیادہ دیر بچ نہیں سکتیں۔

ہم ان کردار کشی کرنے والوں کو خبردار کرتے ہیں کہ اگر وہ باز نہ آئے تو قانونی چارہ جوئی کا حق محفوظ رکھتے ہیں۔ اگر کسی کو واقعی کوئی الزام لگانا ہے تو ہمت کرے، ثبوت کے ساتھ کھل کر سامنے آئے۔ ورنہ یاد رکھو: سچ دیر سے سہی، مگر ظاہر ضرور ہوتا ہے۔

رحیم گل صاحب ایک بااصول، نڈر، اور خالصتاً عوامی خدمت پر یقین رکھنے والی شخصیت ہیں۔ اُن کے خلاف پروپیگنڈا دراصل ایک منظم سازش ہے تاکہ ان کی شفاف کارکردگی اور عوامی مقبولیت کو نقصان پہنچایا جا سکے۔ لیکن ہم یہ واضح کرتے ہیں کہ ایسی گھٹیا سازشیں ہمیں کمزور نہیں کر سکتیں بلکہ مزید مضبوط بناتی ہیں۔

آخری بات ان سازشی عناصر سے: اگر تمہارے اندر واقعی کچھ ہے تو میدان میں آؤ، نام، چہرہ، اور ثبوت کے ساتھ سامنے آؤ—ورنہ سستی شہرت کے لیے جھوٹے پروپیگنڈے پھیلانا بند کرو