Journalist TV

20/07/2025

20/07/2025

20/07/2025

📢 سردار حامد یار ہراج کا دھواں دار دورہ خانیوال: سیاسی منظرنامہ ہلا کر رکھ دیا، عوامی طاقت کا مظاہرہ، دیرینہ ورکرز کے دل جیت لیے !!!

(✍️ سید ثاقب نقوی)

خانیوال کی سیاست ایک بار پھر نئی کروٹ لینے لگی! سابق وفاقی وزیر، چیئرمین ایرا اور پنجاب کی بے مثال سیاسی قد آور شخصیت سردار حامد یار ہراج نے اپنے آبائی حلقے این اے 145 خانیوال میں دھواں دار اور انقلابی دورہ کیا جس نے نہ صرف سیاسی حلقوں میں ہلچل مچا دی بلکہ عوامی رابطہ مہم کو نئی روح بخشی !!!

🌐 یہ دورہ محض رسمی نہیں بلکہ عوامی طاقت، سیاسی حکمت عملی، اور بے لوث خدمت کے عزم کی شاندار مثال تھا۔ سردار حامد یار ہراج نے اپنے حلقہ انتخاب میں مختلف عوامی اجتماعات میں بھرپور شرکت کی، اور اپنے دیرینہ ساتھیوں، ورکرز اور نوجوانوں سے کھلے دل سے ملاقاتیں کیں۔ ہر ملاقات ایک نئی امید، ہر مصافحہ ایک نیا پیغام، اور ہر گفتگو میں خدمت، سچائی اور ترقی کا عزم جھلکتا رہا۔

🤲 انہوں نے سابق ریڈر ڈی پی او مہر سعید کے گھر جا کر ان کے بھائی کی وفات پر گہرے دکھ کا اظہار کیا اور فاتحہ خوانی کی۔ اس موقع پر سابق ڈسٹرکٹ چیئرمین محمد رضا سرگانہ بھی موجود تھے۔ یہ ملاقاتیں ثابت کرتی ہیں کہ سردار ہراج سیاست کو صرف اقتدار نہیں بلکہ خدمت اور رشتوں کی بنیاد پر سمجھتے ہیں۔

🌠 ان کے ہمراہ سیاسی میدان کی نمایاں شخصیات سابق مشیر وزیراعلیٰ پنجاب حامد ناصر، راؤ طاہر لطیف (امیدوار چیئرمین یونین کونسل پیرووال) اور چوہدری خالد گجر بھی موجود تھے، جنہوں نے سردار ہراج کی قیادت پر مکمل اعتماد کا اظہار کیا۔

☔ سردار حامد یار ہراج نے کارکنوں سے طویل مشاورت کی، عوامی مسائل، ترقیاتی رکاوٹوں اور آئندہ کے سیاسی لائحہ عمل پر گہرے نکات اٹھائے۔ ان کا انداز گفتگو اعتماد سے بھرپور، ان کی موجودگی کارکنوں کے لیے امید کی کرن، اور ان کا ویژن خانیوال کے تابناک مستقبل کی نوید ثابت ہوا۔

💢 سیاسی تجزیہ کاروں کے مطابق سردار حامد یار ہراج کا یہ متحرک اور جارحانہ انداز بتا رہا ہے کہ خانیوال میں جلد ہی بڑی سیاسی تبدیلیوں کی بنیاد رکھی جا رہی ہے۔ ان کی واپسی نے ورکرز میں نیا جوش بھر دیا ہے اور مخالفین کی صفوں میں واضح اضطراب دیکھا جا رہا ہے۔

یہ دورہ صرف ملاقاتوں کا سلسلہ نہیں، بلکہ ایک عہد کی واپسی ہے — خدمت، دیانت اور قیادت کے سنہری دور کی نوید ہے

19/07/2025

🍀دنیا کے کئی ایسے ممالک ہیں جہاں پاکستان جتنی یا اس سے بھی زیادہ بارش ہوتی ہے — بعض اوقات اسی مون سون سسٹم سے —
💥لیکن وہ ممالک تباہی کا شکار ہونے کے بجائے، بارش کے پانی کو ذخیرہ، ری سائیکل اور دوبارہ استعمال کرکے اسے قومی اثاثے میں بدل دیتے ہیں۔

💐ذیل میں ایسے ممالک کی فہرست ہے جو بھاری بارشیں تو برداشت کرتے ہیں، لیکن جدید حکمت عملیوں کے ذریعے اسے رحمت میں بدل دیتے ہیں:
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
1️⃣سنگاپور
سالانہ بارش: تقریباً 2400 ملی میٹر

پانی کا نظام:
سنگاپور میں قدرتی تازہ پانی کا کوئی ذریعہ نہیں، لیکن انہوں نے Marina Barrage جیسا زبردست منصوبہ بنایا۔

ملک کا دو تہائی رقبہ پانی ذخیرہ کرنے کے لیے استعمال ہوتا ہے۔

بارش کا پانی ری سائیکل کرکے NEWater نظام کے ذریعے دوبارہ استعمال کیا جاتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
2️⃣جاپان
سالانہ بارش: تقریباً 1700 ملی میٹر

پانی کا نظام:
جاپان نے دنیا کا سب سے بڑا زیرِ زمین سیلابی ٹنل بنایا: G-Cans Project۔

اسکولوں اور دفاتر میں بارش کا پانی جمع کرنے کے نظام رائج ہیں۔

ہر لمحے کی نگرانی کرنے والے ریئل ٹائم واٹر سسٹمز موجود ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
3️⃣جرمنی
سالانہ بارش: 700–1200 ملی میٹر

پانی کا نظام:

گھروں میں بارش کا پانی جمع کرنے کے ٹینک، سبز چھتیں اور جاذب زمینیں۔

بارش کا پانی باغبانی، فلشنگ، اور انڈسٹری میں استعمال ہوتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
4️⃣آسٹریلیا
سالانہ بارش: 1200–1600 ملی میٹر

پانی کا نظام:

بارش اور قحط دونوں کے ساتھ مقابلہ کرنے کے لیے، آسٹریلیا نے شہری بارش ٹینکس اور ری سائیکلنگ واٹر پروجیکٹس شروع کیے۔

کچھ علاقوں میں قانوناً لازم ہے کہ ہر نئی تعمیر میں بارش کے پانی کا ٹینک ہو۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
5️⃣نیدرلینڈز
سالانہ بارش: 800–1200 ملی میٹر

پانی کا نظام:

Room for the River پروگرام کے ذریعے شہروں میں ایسے علاقے بنائے گئے جو اضافی بارش کو جذب کرتے ہیں۔

شہری پلازہ، واٹر اسکوائرز، اور سبز چھتیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
6️⃣بھارت (کچھ ریاستیں)
سالانہ بارش: 1000–3000 ملی میٹر

پانی کا نظام:

چند ترقی یافتہ ریاستوں میں بارش کا پانی جمع کرنے کے قوانین، ریچارج ویلز اور کمیونٹی واٹر منیجمنٹ کے اقدامات موجود ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
7️⃣پاکستان
سالانہ بارش: 1300 ملی میٹر
🌷صورتحال:🌷
بدقسمتی سے، پاکستان میں مون سون کی بارش ہر سال سیلاب، تباہی، اور جانی و مالی نقصان
ئ کہنقصان کا سبب بنتی ہے۔

زیادہ تر بارش کا پانی ضائع ہو جاتا ہے، یا شہر و دیہات میں تباہی مچا دیتا ہے۔

پلاننگ کی کمی، کرپٹ بلدیاتی نظام، ناقص انفرااسٹرکچر اس تباہی کی بنیادی وجوہات ہیں۔

🌧 پاکستان کے لیے اسباق:

بارش مسئلہ نہیں — مسئلہ ہے اس پانی کو ذخیرہ نہ کرنا۔

◉ پاکستان اربن ریزروائرز بنا سکتا ہے۔

◉ بارش کے پانی کی ٹینکیاں، سبز چھتیں، واٹر پارکنگ بنا سکتا ہے۔

◉ اسکولوں، مساجد اور دفاتر میں زیرِ زمین واٹر سٹوریج سسٹم لگائے جا سکتے ہیں۔

◉ ڈیجیٹل مانیٹرنگ اور الرٹ سسٹم، جیسا کہ جاپان اور کوریا میں ہے، اپنائے جا سکتے ہیں۔

نتیجہ:
جن ممالک میں بارشوں کے بعد سیلاب آتے ہیں، وہ اکثر بدترین گورننس، ناقص منصوبہ بندی اور کرپشن کا شکار ہوتے ہیں۔
جبکہ وہ ممالک جو بارشوں سے فائدہ اٹھاتے ہیں، انہوں نے ہر قطرۂ باران کو نعمت سمجھ کر استعمال کیا۔

جیسا کہ قرآن کریم میں ارشاد ربّانی ہے:

وَجَعَلْنَا مِنَ الْمَاءِ كُلَّ شَيْءٍ حَيٍّ
"اور ہم نے ہر جاندار چیز کو پانی سے پیدا کیا"
(سورۃ الانبیاء، آیت 30)

بارش زندگی ہے — جب تک تمہاری قیادت اسے موت میں نہ بدل دے۔

19/07/2025

18/07/2025

ڈی پی او اسماعیل کھاڑک — خانیوال کا ضامنِ امن و انصاف !!!

(✍️ سید ثاقب نقوی)

جب خانیوال میں امن، تحفظ اور قانون کی حکمرانی کی بات کی جاتی ہے، تو ایک نام نمایاں ہو کر سامنے آتا ہے — ڈی پی او اسماعیل کھاڑک۔ وہ ایک ایسے پولیس افسر ہیں جنہوں نے اپنی تعیناتی کو صرف ایک سرکاری فریضہ نہیں بلکہ خدمتِ خلق، قانون کی بالادستی اور امن کی بحالی کا مشن بنایا۔ ان کی قیادت میں خانیوال نے نہ صرف جرائم میں واضح کمی دیکھی بلکہ شہریوں نے محفوظ، شفاف اور انصاف پر مبنی نظام کا عملی نمونہ بھی محسوس کیا۔

✅ امن کے محافظ، عوام کے ہمدرد !!!

ڈی پی او اسماعیل کھاڑک کا شمار پنجاب پولیس کے ان افسران میں ہوتا ہے جنہوں نے پیشہ ورانہ قابلیت کو ذاتی خلوص کے ساتھ جوڑ کر پولیسنگ کے معیار کو ایک نئی بلندی عطا کی۔ ان کا انداز قیادت سختی میں نرمی، اور نرمی میں اصول پسندی کا حسین امتزاج ہے۔ وہ نہ صرف ایک کمانڈر ہیں بلکہ ہر اہلکار کے لیے ایک راہنما اور ہر شہری کے لیے ایک نجات دہندہ کی حیثیت رکھتے ہیں۔

🔒 جرائم کے خلاف بلاتوقف جدوجہد !!!

ان کی قیادت میں خانیوال میں:

ڈکیتی، راہزنی اور چوری کے کیسز میں نمایاں کمی

منشیات فروشوں اور قبضہ گروپوں کے خلاف فیصلہ کن کریک ڈاؤن

اسلحہ بردار مجرموں کے خلاف کامیاب کارروائیاں

اشتہاری ملزمان کی گرفتاریاں

جرائم کی نشاندہی اور روک تھام کے لیے خفیہ نیٹ ورک کی بہتری

ان تمام اقدامات کی وجہ سے خانیوال میں شہریوں کا پولیس پر اعتماد بحال ہوا اور خوف کی فضا امن میں تبدیل ہونے لگی۔

🕊️ محرم الحرام 1446ھ — امن، عقیدت اور قیادت کا سنگم !!!

محرم الحرام کے موقع پر سیکیورٹی کی حساسیت کا اندازہ ہر ذی شعور فرد کو ہے، اور ڈی پی او اسماعیل کھاڑک نے اسے محض ایک ڈیوٹی نہیں بلکہ عقیدت، احساسِ ذمہ داری، اور ریاستی فرض کے طور پر نبھایا۔ ان کے زیرنگرانی:

✅ تاریخی حفاظتی اقدامات کیے گئے !!!

ضلع بھر کے 200+ سے زائد جلوسوں اور مجالس کے لیے مکمل سیکیورٹی پلان

ڈویژنل کمانڈ کنٹرول سینٹر کا قیام، جہاں سے ہر جلوس اور حساس مقام کی لائیو نگرانی

3 ہزار سے زائد پولیس افسران و اہلکاروں کی مؤثر تعیناتی

رضاکارانہ فورسز، رینجرز، اور اسپیشل برانچ کے ساتھ مکمل کوآرڈینیشن

واک تھرو گیٹس، میٹل ڈیٹیکٹرز، اور سی سی ٹی وی کیمرے کی تنصیب

سائبر مانیٹرنگ سیل کے ذریعے سوشل میڈیا پر بھی گہری نگرانی

کسی بھی ہنگامی صورتحال کے لیے ریسکیو 1122، سول ڈیفنس اور میڈیکل ٹیمیں الرٹ

🙌 علماء کرام اور منتظمین سے قریبی روابط !!!

ڈی پی او اسماعیل کھاڑک نے تمام مکاتب فکر کے علماء اور جلوسوں کے منتظمین سے مسلسل رابطہ رکھا، تاکہ بین المسالک ہم آہنگی کو فروغ دیا جا سکے۔ انہی روابط کے نتیجے میں محرم کے دنوں میں کہیں بھی کوئی ناخوشگوار واقعہ پیش نہ آیا۔

💬 کھلی کچہریاں اور اعتماد سازی !!!

محرم الحرام سے قبل اور دوران وہ خود جلوسوں کے روٹس پر موجود رہے، تمام افسران سے رابطے میں رہے، اور ہر معمولی سی شکایت پر فوری کارروائی کو یقینی بنایا۔ یہی وجہ ہے کہ عزادارانِ امام حسینؑ نے ان کے انتظامات کو تاریخی اور بے مثال قرار دیا۔

🧠 پولیس کلچر میں فکری انقلاب !!!

ڈی پی او صاحب نے نہ صرف نظام بہتر کیا بلکہ پولیس اہلکاروں کی تربیت، رویوں اور ذہنیت کو بھی بدلا۔ انہوں نے “پولیس عوام کی خدمت کے لیے ہے” کا نعرہ صرف بینرز تک محدود نہ رکھا بلکہ ہر تھانے اور ہر اہلکار کو اس سوچ کا عملی پابند بنایا۔

💡 ٹیکنالوجی اور شفافیت کی جانب پیش قدمی !!!

ڈی پی او اسماعیل کھاڑک نے پولیسنگ کو جدید بنانے کے لیے کئی اصلاحات کیں:

ایف آئی آرز کی آن لائن رجسٹریشن اور فالو اپ

ڈرون نگرانی کے ذریعے دور دراز علاقوں پر نظر

تھانوں کی ڈیجیٹل مانیٹرنگ

پٹرولنگ ٹیموں کی جی پی ایس ٹریکنگ

یہ سب اقدامات نہ صرف نظام کو شفاف بناتے ہیں بلکہ پولیس کی کارکردگی کو قابلِ حساب بھی بناتے ہیں۔

🌟 عوامی خدمت کا سنہرا باب !!!

ڈی پی او اسماعیل کھاڑک نے ثابت کر دیا کہ اگر ارادہ مضبوط ہو، نیت صاف ہو، اور وژن وسیع ہو تو ایک پولیس افسر پورے ضلع کی تقدیر بدل سکتا ہے۔ وہ صرف خانیوال کے ڈی پی او نہیں، بلکہ پولیسنگ کے ایک نئے اور روشن باب کے بانی ہیں۔

🙏 عوام کی دعائیں، قیادت کا فخر !!!

خانیوال کے ہر باسی کے دل سے یہ دعا نکلتی ہے:

> “اللہ اسماعیل کھاڑک جیسے دیانتدار، فرض شناس اور عوام دوست افسران کی تعداد بڑھائے، اور انہیں مزید طاقت دے تاکہ وہ ظلم کے خلاف ڈٹ کر کھڑے رہیں اور مظلوموں کی امید بنے رہیں
DGPR Punjab Maryam Nawaz Sharif Govt of Punjab Team MNS Dpo Khanewal RPO Multan Deputy Commissioner Khanewal Government of Pakistan Chief Minister Punjab's Updates Chief Minister Complaint Cell Punjab Shabo-Roze Khanewal

16/07/2025

📢 خانیوال کے ممتاز سیاسی و سماجی رہنما رحیم گل خان خٹک کو "افواجِ پاکستان جانثار موومنٹ" پنجاب کا کوآرڈینیٹر مقرر کر دیا گیا نوٹیفیکیشن جاری سیاسی و سماجی شخصیات کی طرف سے مبارکباد !!!

(✍️ سید ثاقب نقوی)

خانیوال کی سیاست اور سماجی خدمات کا ایک روشن نام , رحیم گل خان خٹک کو "افواجِ پاکستان جانثار موومنٹ" پنجاب کا کوآرڈینیٹر مقرر کر دیا گیا ہے۔ اس اہم تقرری کا باقاعدہ نوٹیفکیشن جاری کر دیا گیا ہے، جس پر خانیوال سمیت پنجاب بھر سے مبارکبادوں کا سلسلہ جاری ہے 🌠

رحیم گل خان خٹک کا شمار خانیوال کی ان نامور شخصیات میں ہوتا ہے جنہوں نے اپنی پوری زندگی عوامی خدمت اور محروم طبقات کے حقوق کی جدوجہد کے لیے وقف کر رکھی ہے۔ ان کی سیاست کا مرکز ہمیشہ عام آدمی، مزدور، کسان اور پسے ہوئے طبقات رہے ہیں۔ خانیوال کے حلقہ پی پی 209 میں وہ ایک مضبوط سیاسی و سماجی حیثیت کے حامل ہیں اور ایک وسیع ووٹ بینک رکھتے ہیں جو عوامی سطح پر انکی خدمات کا برملا اعتراف ہے

💢 رحیم گل خان خٹک نے نہ صرف خانیوال بلکہ نواحی علاقوں میں بھی سماجی بہبود، تعلیم، صحت اور خدمتِ خلق کے متعدد منصوبوں میں سرگرم کردار ادا کیا۔ انہی خدمات کے اعتراف میں انہیں اس سے قبل "افواجِ پاکستان موومنٹ" کی جانب سے ضلع خانیوال کا وائس چیئرمین منتخب کیا گیا تھا، جہاں انہوں نے غیر معمولی تنظیمی صلاحیتوں کا مظاہرہ کیا۔

اب ان کی انتھک محنت، قیادت کی صلاحیتوں اور خلوص کو سراہتے ہوئے تنظیم نے انہیں پنجاب بھر کا کوآرڈینیٹر مقرر کر دیا ہے، جو ان کی قائدانہ صلاحیتوں اور ملک و قوم سے محبت کا منہ بولتا ثبوت ہے۔

🌐 پنجاب بھر سے مبارکبادوں کا سلسلہ جاری !!!

اس تقرری کے بعد افواج پاکستان جانثار موومنٹ کے مرکزی چیف کوارڈینیٹر سلیم ممتاز بوبی اور مرکزی سینئر وائس چیئرمین سید ثاقب نقوی نے رحیم گل خان خٹک کو مبارکباد پیش کرتے ہوئے نیک خواہشات کا اظہار کیا جبکہ پنجاب کے مختلف اضلاع سے افواج پاکستان جانثار موومنٹ کے عہدیداران، کارکنان، اور ہمدردوں کی جانب سے نیک خواہشات اور مبارکبادوں کا تانتا بندھ گیا ہے۔ دوسری طرف خانیوال میں ان کے مداحوں نے خوشی میں مٹھائیاں تقسیم کیں، اور سوشل میڈیا پر ان کی تقرری کو بھرپور انداز میں سراہا جا رہا ہے۔

سیاسی و سماجی حلقوں کا ردعمل !!!

خانیوال کی معروف سیاسی و سماجی شخصیات نے کہا ہے کہ:
"رحیم گل خان خٹک ایک باکردار، مخلص اور خدمت گزار شخصیت ہیں، جو اس عہدے کے نہ صرف اہل ہیں بلکہ وہ اسے مزید عزت و وقار بخشیں گے۔ ان کا انتخاب تنظیم کے لیے ایک خوش آئند اور نتیجہ خیز قدم ہے۔"

14/07/2025

جام امجد الٰہی سٹھار مرحوم !!!

محسن وہ میری آنکھ سے اوجھل ہوا نہ جب !!!

سورج تھا میرے سر پر مگر رات ہو گئی !!!