Aftab News

09/12/2022

کیا اسٹبلشمنٹ مولانا فضل الرحمٰن کے ساتھ کھڑی ہوگئی ہے
اگر بلوچستان کی سیاسی تاریخ پر نظر ڈالیں تو عام انتخابات سے قبل صوبے کی متعدد سیاسی اور قبائلی شخصیات عموماً أن جماعتوں کا رُخ کرتی ہیں جن کو اسٹیبلشمنٹ کی آشیرباد حاصل ہو۔ جمعیت علمائے اسلام (ف) بظاہر اب صوبہ بلوچستان میں اپنی سیاسی ساکھ مستحکم کرتی نظر آ رہی ہے۔پاکستان میں حکمراں جماعتوں کے سیاسی اتحاد پاکستان ڈیموکریٹک موومنٹ (پی ڈی ایم) میں شامل اہم جماعت جمعیت علمائے اسلام (ف) بظاہر اب صوبہ بلوچستان میں اپنی سیاسی ساکھ مستحکم کرتی نظر آ رہی ہے۔

صوبے کی سیاسی و قبائلی اثر و رسوخ رکھنے والی متعدد شخصیات نے حالیہ دنوں میں جے یو آئی میں شمولیت اختیار کی ہے۔ ان رہنماؤں میں سب سے قابل ذکر سابق وزیر اعلیٰ بلوچستان نواب اسلم رئیسانی ہیں۔

جمیعت علما اسلام ف کے سربراہ مولانا فضل الرحمان کی زیر قیادت ہونے والے ورکرز کنونشن میں نواب اسلم رئیسانی کے علاوہ میر ظفر اللہ زہری، میر غلام دستگیر بادینی اور میر امان اللہ خان نوتیزئی بھی شامل ہیں۔

09/12/2022

بلوچستان ہائی کورٹ کا سینیٹر اعظم سواتی کے خلاف صوبے میں تمام مقدمات ختم کرنے کا حکم

بلوچستان ہائی کورٹ نےسینیٹر اعظم سواتی کو ریلیف دیتے ہوئے صوبے بھر میں ان کے خلاف درج مقدمات ختم کرنے کے ساتھ انھیں رہا کرنے کا حکم دیا ہے۔

اس حوالے سے جسٹس ہاشم کاکڑ نے درخواست پر سماعت کی اور اعظم سواتی کے خلاف کیسز ختم کرنے کا حکم دیا اور عدالت کا پولیس کو اعظم سواتی کو رہا کرنے کا حکم دیتے ہوئے پولیس کو انھیں رہا کرنے کا حکم دیا ہے۔

خیال رہے کہ اعظم سواتی کے بیٹے نے اپنے والد کے خلاف مقدمات ختم کرنے کی درخواست دائر کی تھی جس میں مؤقف اختیار کیا گیا تھا کہ ان کے خلاف بلوچستان میں درج پانچ مقدمات ختم کیے جائیں۔

اعظم سواتی کے بیٹے عثمان سواتی کے وکیل نصیب اللہ ترین نے بتایا کہ ہائی کورٹ نے یہ قرار دیا ہے کہ اعظم سواتی کے خلاف درج پانچ ایف آئ آر زکا کوئ قانون جواز نہیں۔

انھوں نے بتایا کہ ’عدالت نے کہا کہ چونکہ اعظم سواتی کے خلاف ان کے ٹویٹس کے حوالے سے ایف آئی اے نے راولپنڈی میں ایف آئی آر درج کی ہے جس کے بعد قانون کے مطانق کسی دوسرے علاقے میں اس کیس سے متعلق ایف آئی آر درج کرنے کا کوئی جواز نہیں ہے۔

نصیب اللہ ترین نے کہا کہ ’ہائیکورٹ کے جج نے کہا کہ اگر اعظم سواتی کسی اور مقدمے میں مطلوب نہیں ہیں تو ان کو فوری طور پر رہا کیا جائے۔‘

بلوچستان پولیس نے اعظم سواتی کو اسلام آباد سے تحویل ضلع کوئٹہ کے علاقے کچلاک میں ایک مقدمے کے حوالے سے کوئٹہ منتقل کیا تھا۔

کچلاک کے علاوہ اعظم سواتی کے خلاف چار دیگر علاقوں میں ادی نوعیت کے مقدمات درج کرائے گئے تھے۔

08/12/2022

افغانستان میں قاتل کو مقتول کے باپ نے سرعام سزائے موت دے دی: طالبان

افغانستان میں اقتدار سنبھالنے کے بعد سے طالبان نے پہلی مرتبہ کسی سزایافتہ مجرم کو سرِ عام سزا دی ہے جب مقتول کے والد کو قتل کے جرم میں سزایافتہ شخص کو سرِ عام گولی مار کر ہلاک کرنے کی اجازت دی گئی۔

طالبان کے ترجمان کا کہنا تھا کہ اس شخص کو جنوب مشرقی فرح صوبے میں لوگوں سے بھرے ہوئے کھیلوں کے سٹیڈیم میں ہلاک کیا گیا تھا۔ طالبان کے ترجمان کی جانب سے بعد میں جاری کیے گئے بیان کے مطابق اس دوران مقتول کے والد نے اس شخص کو تین مرتبہ گولی ماری۔ اس موقع پر درجنوں طالبان رہنما موجود تھے۔

یہ واقعہ طالبان کی جانب سے ججوں کو شریعہ قانون کا مکمل نفاذ کرنے کی ہدایت جاری کرنے کے چند ہفتوں بعد سامنے آیا ہے۔

طالبان کے رہبرِ اعلیٰ ہیبت اللہ اخونزادہ نے یہ ہدایت نامہ گذشتہ ماہ جاری کیا تھا جس میں ججوں سے سزائیں نافذ کرنے کا حکم دیا تھا۔ ان سزاؤں میں سرِ عام موت کی سزائیں، ہاتھ کاٹنے اور سنگسار کرنے کی سزائیں شامل ہیں۔

تاہم طالبان کی جانب سے ان جرائم اور ان سے متعلق سزاؤں کے بارے میں طالبان کی جانب سے باضابطہ طور پر تشریح نہیں کی گئی۔

اب تک سرِ عام کوڑے مارنے کے متعدد واقعات سامنے آ چکے ہیں جن میں درجنوں افراد کو لوگر صوبے میں ایک بھرے ہوئے فٹبال سٹیڈیم میں کوڑے مارنے کا واقعہ شامل ہے۔ تاہم یہ پہلی مرتبہ ہے کہ طالبان کی جانب سے عوامی طور پر کسی کو سرِعام سزا دینے کے اقدام کو قبول کیا گیا ہے۔

طالبان کے ترجمان ذبیح اللہ مجاہد کے مطابق سزا دیے جانے کے دوران متعدد سپریم کورٹ جسٹس بھی وہاں موجود تھے۔ ان کے علاوہ فوجی افسران اور سینیئر وزرا بھی موجود تھے جن میں وزیرِ قانون، خارجہ اور داخلہ شامل ہیں۔

08/12/2022

وہ چھوٹا سا ملک
جو روس، یوکرین جنگ کی وجہ سے امیر ہو رہا ہے
روس اور یوکرین کی جنگ کے نتیجے میں سابق سوویت یونین کی چھوٹی سی ریاست جارجیا کی ایسی چاندی ہوئی جس کی اس ملک کے حکام کو بھی توقع نہیں تھی۔

تقریبا 37 لاکھ نفوس پر مشتمل جارجیا کا ملک روس کی جنوبی سرحد پر واقع ہے۔ جنگ کے آغاز کے بعد سے ہزاروں روسی شہری نقل مکانی کر کے جارجیا پہنچے ہیں۔ اور یہ روسی تارکین وطن اپنے ساتھ غیر معمولی رقوم بھی لے کر آئے۔

اس کا نتیجہ یہ نکلا کہ وہی ملک جس کی ترقی کی شرح جنگ سے قبل پانچ فیصد تک تھی، اب 10 فیصد کے حساب سے ترقی کر رہا ہے۔

08/12/2022

08/12/2022

افواج پاکستان کابحیثیت ادارہ امتحان کاوقت ہےآرمی چیف، دیگرفوجی قیادت شہید ارشد شریف کی والدہ درخواست کی روشنی میں خود آگے بڑھے اور انٹرنل تحقیقات کیساتھ تمام نامزد افراد کو انکے عہدوں سے ہٹا کر غیرجانبدارانہ شفاف تحقیقات کا راستہ ہموار کرے

07/12/2022

ارشد شریف قتل کیس: حکومتی جے آئی ٹی مسترد، سپریم کورٹ کا نئی تحقیقاتی ٹیم تشکیل دینے کا حکم

07/12/2022

ارشد شریف کا قتل
سوچے سمجھے منصوبے کے تحت کیا گیا‘ سپریم کورٹ میں فیکٹ فائنڈنگ رپورٹ جمع
سپریم کورٹ میں جمع کرائی گئی فیکٹ فائنڈنگ رپورٹ میں دو رکنی تحقیقاتی ٹیم کی رائے ہے کہ کینیا میں صحافی ارشد شریف کی موت شناخت کی غلطی سے نہیں ہوئی بلکہ یہ قتل کا ایک سوچا سمجھا منصوبہ تھا جس میں بیرون ملک کردار بھی ملوث ہوسکتے ہیں۔
اس میں کہا گیا ہے کہ ارشد شریف کے خلاف پاکستان میں مقدمات درج تھے جس کی وجہ سے انھیں ملک چھوڑنے پر مجبور کیا گیا اور متحدہ عرب امارات کے حکام نے انھیں دبئی سے جانے کا کہا۔
اس رپورٹ کے مطابق اس قتل میں کینیا، دبئی اور پاکستان میں ’ٹرانز نیشنل کرداروں کو نظر انداز نہیں کیا جاسکتا۔‘

06/12/2022

قوموں کی زندگی میں معاشرہ ریڑھ کی ہڈی کی حیثیت رکھتا ہے، کسی معاشرہ کا بننا، ٹھہرنا اور پھر زوال پذیر ہو جانا دنوں یا مہینوں نہیں بلکہ برسوں پر محیط ہوتا ہے، تقاضا یہ تھا کہ ایک نئے معاشرے کی بنیاد ڈالی جائیلیکن ممکن نہ ہوسکا جس عمارت کی بنیادیں ہی کمزور ہوں اس کی تعمیر کیونکر مضبوط ہو سکتی ہے، لہذا آج اگر ہم معاشرہ کے موجودہ مسائل کی فہرست تیار کریں تو کتنے ہی مسائل ہیں جو ہمیں عادتاً اور عملاً دونوں طرح سے نظر آتے ہیں، باالخصوص خصوصی مسائل جواب عمومی روپ دھار چکے ہیں ان میں سرفہرست جھوٹ، دھوکہ، فریب، قتل و غارت اورعصمت دری ہیں اور بھی کتنے ہی ایسے مسائل ہیں جو جرائم کی فہرست میں آتے ہیں جن پر بندھ باندھنا ناگزیر ہے، آج کے عصری مسائل میں عصمت دری نے جو طوفان برپا کر رکھا ہے اس نے پورے معاشرے کو تہس نہس کرکے رکھ دیا ہے۔گویادن کے اجالے میں ہے رات کا سناٹا،رات کی تاریکی میں ایک مخصوص طبقے میں شر پھیلانے والے مردوں نے عام معاشرے میں شیطانیت کا جو برہنہ کھیل کھیلنا شروع کیا ہے، آج تک سمجھنے سے قاصر ہوں کہ وہ کون سی خواہش ہے جو معصوم بچیوں، بچوں، خواتین اور خسروں سے بھی نہیں ختم ہوتی، لاقانونیت عروج پر ہے، جنگل کے قانون میں ایک ٹی وی چینل پر ایک ادھورے انسان کا انٹرویو دیکھا، جب تک گناہوں میں لت پت تھا نوٹوں کے بستر پر سوتا تھا، جب ہدایت پائی تو فاقوں میں گھر گیا، کسی جگہ سوتیلا باپ بیٹی کے ساتھ تو کہیں سسر بہو کے ساتھ اور کہیں مولوی معصوم بچے بچیوں کے ساتھ۔بقول اقبال ،سبق شاہین بچوں کو دے رہیہیں خاکبازی کا،رشوت اور سفارش کے بل پر بننے والے ڈاکٹرز، انجینئرز، وکلاء￿ حتیٰٰ کہ ججز کی حالت بھی سب کے سامنے ہے مثلاً لاقانونیت نے عوام کی چیخیں نکلوا دی ہیں، کیا اپنی نسلوں کو خون کے آنسو رلانے کے لئے اس معاشرے کی بنیاد ڈالی گئی تھی؟ ذرا نہیں پورا سوچئے، کہیں تو کوئی کمی رہ گئی ہے، کہیں جھول رہ گیا ہے، کہیں تو کچھ رہ گیا ہمارے اجداد سے۔بقول فیض،جس دیس سے مائوں بہنوں کو،اغیار اٹھا کر لے جائیں،جس دیس کی گلیوں کوچوں میں،ہرسمت فحاشی پھیلی ہو،جس دیس میں بنت حوا کی،چادر بھی داغ سے میلی ہو،جس دیس میں غربت مائوں سے،بچے نیلام کراتی ہو،اس دیس کے ہر اک لیڈر پر،سوال اٹھانا واجب ہے۔

06/12/2022

جس دیس سے قاتل غنڈوں کو ۔ اشراف چھڑاکر لے جائیں
جس دیس کی کورٹ کچہری میں ۔ انصاف ٹکوں پر بکتا ہو
جس دیس کا منشی قاضی بھی ۔ مجرم سے پوچھ کے لکھتا ہو
جس دیس کے چپے چپے پر ۔ پولیس کے ناکے ہوتے ہوں
جس دیس کے مندر مسجد میں ۔ ہر روز دھماکے ہوتے ہوں
جس دیس میں جاں کے رکھوالے خود جانیں لیں معصوموں کی
جس دیس حاکم ظالم ہوں ۔ سسکیاں نہ سنیں مجبوروں کی
جس دیس کے عادل بہرے ہوں ۔ آہیں نہ سنیں معصوموں کی
جس دیس کی گلیوں کوچوں میں ہر سمت فحاشی پھیلی ہو
جس دیس میں بنت حوا کی چادر داغ سے میلی ہو
جس دیس میں آٹے چینی کا ۔ بحران فلک تک جا پہنچے
جس دیس میں بجلی پانی کا ۔ فقدان حلق تک جا پہنچے
جس دیس کے ہر چوراہے پر ۔ دو چار بھکاری پھرتے ہوں
جس دیس میں روز جہازوں سے ۔ امدادی تھیلے گرتے ہوں
جس دیس میں غربت ماؤں سے ۔ اپنے بچے نیلام کراتی ہو
جس دیس میں دولت شرفاء سے ۔ ناجائز کام کراتی ہو
جس دیس کے عہدیداروں سے عہدے نہ سنبھالے جاتے ہوں
جس دیس کے سادہ لوح انساں ۔ وعدوں پہ ہی ڈھالے جاتے ہوں
اس دیس کے رہنے والوں پر ۔ ہتھیار اٹھانے واجب ہیں
اس دیس کے ہر اک لیڈر کو ۔ سولی پہ چڑھانا واجب ہے