TD Urdu

TD Urdu Contact information, map and directions, contact form, opening hours, services, ratings, photos, videos and announcements from TD Urdu, News & Media Website, .

TD Urdu — the Urdu faction of The Dayspring Media (TD) — proudly stands as Pakistan’s first youth-centric media platform, dedicated to amplifying the voices and issues of the younger generation.

تھرپارکر(ہمارے نماءندےکامران خواجہ سے)تھرپارکر اور عمرکوٹ میں گرمیوں اور بارشوں کے باعث زہریلے سانپوں کے نکلنے کے واقعات...
19/07/2025

تھرپارکر(ہمارے نماءندےکامران خواجہ سے)تھرپارکر اور عمرکوٹ میں گرمیوں اور بارشوں کے باعث زہریلے سانپوں کے نکلنے کے واقعات میں اضافہ ہوگیا ہے۔ محکمہ صحت کے مطابق گزشتہ ڈیڑھ ماہ میں سانپ کاٹنے کے 200 سے زائد کیسز رپورٹ ہوئے ہیں۔ ڈاکٹر خادم سمیجو نے بتایا کہ علاقے میں 10 سے زائد اقسام کے زہریلے سانپ موجود ہیں۔ سماجی کارکن رام چند کوہلی کے مطابق لوگ دیسی طریقوں سے زہر پھیلنے سے بچنے کی کوشش کرتے ہیں۔ مقامی افراد نے تھرپارکر اسپتال کو فوری طور پر بہتر بنانے اور ویکسین کی فراہمی یقینی بنانے کا مطالبہ کیا ہے۔

اسنوکر میں ڈبل فتح: محمد آصف اور حسنین اختر نے عالمی ٹائٹل جیت لیےمناما، بحرین – پاکستانی کیوئسٹ محمد آصف نے آئی بی ایس ...
18/07/2025

اسنوکر میں ڈبل فتح: محمد آصف اور حسنین اختر نے عالمی ٹائٹل جیت لیے

مناما، بحرین – پاکستانی کیوئسٹ محمد آصف نے آئی بی ایس ایف ورلڈ ماسٹرز اسنوکر چیمپئن شپ میں بھارت کے برجیش دمانی کو 3-4 سے شکست دے کر ٹائٹل جیت لیا۔

اسی چیمپئن شپ میں 16 سالہ محمد حسنین اختر نے انڈر 17 کیٹیگری میں ویلز کے رائلی پاول کو 0-4 سے ہرا کر عالمی اعزاز اپنے نام کیا۔

دونوں کھلاڑیوں کی جیت پر ملک بھر میں خوشی کی لہر دوڑ گئی۔

برمنگھم، امریکہ – پاکستان پولیس کے ریسلر فرقان احمد خان نے ورلڈ پولیس اینڈ فائر گیمز 2025 میں دو کانسی کے تمغے جیت کر مل...
18/07/2025

برمنگھم، امریکہ – پاکستان پولیس کے ریسلر فرقان احمد خان نے ورلڈ پولیس اینڈ فائر گیمز 2025 میں دو کانسی کے تمغے جیت کر ملک کا نام روشن کر دیا۔
انہوں نے 125 کلوگرام فری اسٹائل اور 130 کلوگرام گریکو رومن ریسلنگ کیٹیگریز میں نمایاں کارکردگی دکھاتے ہوئے امریکہ و منگولیا کے حریفوں کو شکست دی۔ فرقان کا کہنا تھا:

"یہ تمغے پاکستان کے عوام کے نام ہیں۔"

ان کی کامیابی نہ صرف پاکستان پولیس بلکہ پوری قوم کے لیے باعثِ فخر ہے۔

اسلام آباد: جموں و کشمیر کوآپریٹو ہاؤسنگ سوسائٹی (JKCHS) کی مبینہ بدانتظامی، اربوں روپے کی مالی بدعنوانی، قانونی خلاف ور...
18/07/2025

اسلام آباد: جموں و کشمیر کوآپریٹو ہاؤسنگ سوسائٹی (JKCHS) کی مبینہ بدانتظامی، اربوں روپے کی مالی بدعنوانی، قانونی خلاف ورزیوں اور دو دہائیوں سے ترقیاتی کاموں میں تاخیر کے خلاف متاثرین نے ڈی سی آفس اسلام آباد کے باہر شدید احتجاج کیا۔

مظاہرین کا کہنا تھا کہ سوسائٹی نے سال 2005 میں سیکٹر F-16 کے لیے 3381 کنال زمین حاصل کی اور الاٹیز سے اربوں روپے وصول کیے، تاہم بیس سال گزرنے کے باوجود نہ تو ترقیاتی کام مکمل ہوئے اور نہ ہی الاٹیز کو پلاٹس کا قبضہ دیا گیا۔

متاثرین نے الزام عائد کیا کہ سوسائٹی کی جانب سے جھوٹے اخباری بیانات اور اشتہارات کے ذریعے ترقیاتی کاموں کے آغاز کے دعوے کیے جاتے رہے، مگر عملی طور پر کوئی کام نہیں کیا گیا۔ مزید برآں، سوسائٹی گزشتہ دو سال سے جنرل باڈی کا اجلاس بلانے میں ناکام رہی ہے اور نہ ہی اعتماد کا ووٹ حاصل کیا گیا، جو کوآپریٹو قوانین کی کھلی خلاف ورزی ہے۔

سی ڈی اے کے ایک نوٹیفکیشن کے مطابق، اگر سوسائٹی مقررہ وقت تک ترقیاتی کام مکمل نہ کروا سکی تو حکومت خود یہ کام سر انجام دے گی، لیکن تاحال اس پر کوئی عملی پیش رفت نہیں ہو سکی۔

متاثرین نے وزیراعظم پاکستان، چیف کمشنر اسلام آباد، چیئرمین سی ڈی اے اور دیگر اعلیٰ حکام سے مطالبہ کیا ہے کہ سوسائٹی کی مجرمانہ غفلت اور مبینہ کرپشن کی فوری تحقیقات کروائی جائیں اور ذمہ داران کے خلاف سخت قانونی کارروائی عمل میں لائی جائے۔

راولپنڈی اور اسلام آباد میں 15 گھنٹے سے جاری موسلا دھار بارش نے تباہی مچا دی۔ راولپنڈی میں 230 ملی میٹر سے زائد بارش ریک...
17/07/2025

راولپنڈی اور اسلام آباد میں 15 گھنٹے سے جاری موسلا دھار بارش نے تباہی مچا دی۔ راولپنڈی میں 230 ملی میٹر سے زائد بارش ریکارڈ ہوئی، نالہ لئی کی سطح خطرناک حد تک بلند ہونے پر خطرے کے سائرن بجا دیے گئے اور پاک فوج گوالمنڈی پل پہنچ گئی۔

شدید بارش سے نشیبی علاقے زیر آب آ گئے، متعدد سڑکیں بند اور درجنوں افراد مختلف حادثات میں جاں بحق جبکہ سیکڑوں زخمی ہوئے۔ ضلعی انتظامیہ نے متاثرہ علاقوں سے انخلا کا عمل شروع کر دیا ہے، جمعرات کو ضلع راولپنڈی میں ایک روزہ تعطیل کا اعلان کیا گیا۔

پولیس کی تحقیقاتی رپورٹ کے مطابق اداکارہ حمیرا اصغر کی موت اب تک کے شواہد کی روشنی میں کسی حادثے یا قدرتی وجہ سے ہوئی، س...
16/07/2025

پولیس کی تحقیقاتی رپورٹ کے مطابق اداکارہ حمیرا اصغر کی موت اب تک کے شواہد کی روشنی میں کسی حادثے یا قدرتی وجہ سے ہوئی، سازش یا خودکشی کا کوئی ثبوت نہیں ملا۔ رپورٹ کے مطابق ان کی لاش 8 جولائی کو کراچی کے اپارٹمنٹ سے ملی تھی، جہاں دروازہ اندر سے ڈبل لاک تھا اور کسی تیسرے شخص کی مداخلت کا امکان مسترد کر دیا گیا۔

ابتدائی پوسٹ مارٹم میں جسم پر تشدد یا جدوجہد کے نشانات بھی نہیں ملے، تاہم موت کی حتمی وجہ زہریلے مواد کے تجزیے کے بعد سامنے آئے گی۔ رپورٹ کے مطابق آخری بار 7 اکتوبر 2024 کو ان کا موبائل استعمال ہوا تھا، جبکہ لاش تقریباً آٹھ ماہ پرانی اور گل چکی تھی۔

پولیس نے عمارت میں نگرانی کے فقدان، ہمسایوں کی عدم توجہی، اور مالک مکان کی بے دخلی کارروائی کا بھی ذکر کیا ہے۔ اداکارہ کو لاہور کے ماڈل ٹاؤن میں سپردِ خاک کیا گیا، جہاں صرف چند افراد موجود تھے۔

واشنگٹن/اسلام آباد — پیو ریسرچ سینٹر کی تازہ رپورٹ کے مطابق پاکستان ان پانچ ممالک میں شامل ہو گا جو 2100 تک دنیا کی آباد...
14/07/2025

واشنگٹن/اسلام آباد — پیو ریسرچ سینٹر کی تازہ رپورٹ کے مطابق پاکستان ان پانچ ممالک میں شامل ہو گا جو 2100 تک دنیا کی آبادی میں ہونے والے 60 فیصد اضافے کے سب سے بڑے محرک بنیں گے۔
دیگر چار ممالک میں نائجیریا، کانگو، ایتھوپیا اور تنزانیہ شامل ہیں، جو زیادہ تر افریقہ سے تعلق رکھتے ہیں، جبکہ پاکستان اس فہرست کا واحد ایشیائی ملک ہے۔

رپورٹ کے مطابق پاکستان میں نوجوان آبادی کا تناسب بدستور بلند ہے، جس کی وجہ سے آئندہ دہائیوں میں یہاں آبادی میں اضافہ دنیا کے دیگر علاقوں کے مقابلے میں زیادہ رہے گا۔ ماہرین کا کہنا ہے کہ یہ اضافہ ملک کے لیے ایک مواقع سے بھرپور چیلنج ہے، جس سے فائدہ اٹھانے کے لیے تعلیم، صحت اور روزگار کے شعبوں میں سنجیدہ اصلاحات درکار ہیں۔

اداکار و کامیڈین شفاعت علی نے کہا ہے کہ مرد ساری زندگی دوسروں کے لیے فیصلے کرتا ہے مگر خود کے لیے سوچنے کا وقت نہیں ملتا...
13/07/2025

اداکار و کامیڈین شفاعت علی نے کہا ہے کہ مرد ساری زندگی دوسروں کے لیے فیصلے کرتا ہے مگر خود کے لیے سوچنے کا وقت نہیں ملتا۔ پروگرام ’رمز‘ میں گفتگو کرتے ہوئے انہوں نے کہا کہ مردوں کی تربیت ایسے ہوتی ہے کہ وہ جذبات ظاہر نہیں کرتے، حالانکہ ان میں بھی احساسات ہوتے ہیں۔ ان کا کہنا تھا کہ انسان کسی بھی مرحلے پر اپنی سوچ اور عادات بدل سکتا ہے، اور انٹرنیٹ پر دیکھا جانے والا مواد بھی اس کی شخصیت پر اثر ڈالتا ہے۔

وزیراعلیٰ خیبرپختونخوا علی امین گنڈاپور نے کہا ہے کہ 90 روزہ تحریک شروع ہوچکی ہے، آر یا پار ہوگا، عمران خان ظلم کے باوجو...
13/07/2025

وزیراعلیٰ خیبرپختونخوا علی امین گنڈاپور نے کہا ہے کہ 90 روزہ تحریک شروع ہوچکی ہے، آر یا پار ہوگا، عمران خان ظلم کے باوجود مذاکرات کو تیار ہیں۔ انہوں نے الزام عائد کیا کہ ریاستی ادارے سیاست میں مداخلت کر رہے ہیں اور ملک میں مارشل لا کا تسلسل جمہوریت کو نقصان پہنچا رہا ہے۔

ساہیوال میں افسوس ناک واقعہ پیش آیا ہے، جہاں ایک خاتون نے اپنے 2 بچوں کے ساتھ ٹرین کے سامنے آکر جان دے دی۔ ریسکیو حکام...
13/07/2025

ساہیوال میں افسوس ناک واقعہ پیش آیا ہے، جہاں ایک خاتون نے اپنے 2 بچوں کے ساتھ ٹرین کے سامنے آکر جان دے دی۔ ریسکیو حکام کا کہنا ہے کہ خودکشی کا یہ واقعہ جھال روڈ ریلوے پھاٹک کے قریب پیش آیا ہے، جاں بحق ہونے والی خاتون اور بچوں کی لاشیں ہسپتال منتقل کی گئی ہیں، تاہم اب تک خود کشی کی وجہ سامنے نہیں آسکی۔

پاکستان کی ہاکی ٹیم کا بھارت میں ہونے والے ایشیا کپ میں شرکت نہ کرنے کا امکان ہے۔ ذرائع کے مطابق فیصلہ کشیدہ پاک-بھارت ت...
11/07/2025

پاکستان کی ہاکی ٹیم کا بھارت میں ہونے والے ایشیا کپ میں شرکت نہ کرنے کا امکان ہے۔ ذرائع کے مطابق فیصلہ کشیدہ پاک-بھارت تعلقات اور سیکیورٹی خدشات کے باعث کیا جائے گا۔ ایشیا کپ 27 اگست سے 7 ستمبر تک بھارتی ریاست بہار کے شہر راجگیر میں شیڈول ہے۔ بھارتی حکومت نے ویزوں کی منظوری دے دی ہے، جبکہ پاکستان ہاکی فیڈریشن نے حکومتی کلیئرنس کے لیے وزارت داخلہ سے این او سی طلب کیا ہے۔ یہ ایونٹ ہاکی ورلڈ کپ کا کوالیفائنگ ٹورنامنٹ بھی ہے۔

بلوچستان کے ضلع لورالائی میں بسوں سے اتار کر شہید کیے گئے 9 مسافروں کی لاشیں ڈیرہ غازی خان منتقل کردی گئیں، جن میں دو سگ...
11/07/2025

بلوچستان کے ضلع لورالائی میں بسوں سے اتار کر شہید کیے گئے 9 مسافروں کی لاشیں ڈیرہ غازی خان منتقل کردی گئیں، جن میں دو سگے بھائی بھی شامل ہیں۔ شہدا کا تعلق پنجاب کے مختلف علاقوں سے تھا۔ مسافر کوئٹہ سے لاہور جا رہے تھے جب سورڈکئی کے مقام پر فتنہ الہندوستان کی کالعدم تنظیم بلوچستان لبریشن فرنٹ کے دہشتگردوں نے انہیں اغوا کے بعد قتل کر دیا۔

Address


Telephone

+92512262157

Website

Alerts

Be the first to know and let us send you an email when TD Urdu posts news and promotions. Your email address will not be used for any other purpose, and you can unsubscribe at any time.

Contact The Business

Send a message to TD Urdu:

Shortcuts

  • Address
  • Telephone
  • Alerts
  • Contact The Business
  • Claim ownership or report listing

  • Want your business to be the top-listed Media Company?

Share