فوڈ اتھارٹی جھنگ کا ایکشن — معروف فاسٹ فوڈ شاپ پر چھاپہ، ناقص اور ایکسپائر اشیاء برآمد
جھنگ: برائٹ ڈے پر فوڈ اتھارٹی کی ٹیم نے شہر کی ایک مشہور پیزا، شوارما اور برگر شاپ پر چھاپہ مارا۔ کارروائی کے دوران فریزر سے ناقص، باسی اور خون آلود گوشت سمیت ایکسپائر اشیاء برآمد کی گئیں۔ حفظانِ صحت کی سنگین خلاف ورزی پر دکاندار کو 30 ہزار روپے جرمانہ عائد کیا گیا۔
ذرائع کے مطابق شہر میں کئی ایسی فاسٹ فوڈ شاپس ہیں جہاں اسی نوعیت کی غیر معیاری اشیاء عوام کو کھلائی جا رہی ہیں۔ عوام سے گزارش ہے کہ ایسی دکانوں سے احتیاط برتیں اور کسی بھی خلاف ورزی کی صورت میں فوڈ اتھارٹی کو اطلاع دیں۔
03/07/2025
جھنگ: وائلڈ لائف چناب پارک سے چار نایاب ہرن چوری
جھنگ کے وائلڈ لائف چناب پارک سے نایاب نسل کے چار ہرن چوری ہو گئے، جن میں کالے ہرن بھی شامل ہیں۔ ذرائع کے مطابق، چوری کیے گئے ہرنوں کی مالیت کروڑوں روپے ہے۔
ابتدائی اطلاعات کے مطابق ہرن غائب کیے گئے ہیں، تاہم ڈسٹرکٹ آفیسر وائلڈ لائف کا کہنا ہے کہ صرف تین مادہ ہرن چوری ہوئے ہیں، جن کی ایف آئی آر درج کروا دی گئی ہے۔
ڈسٹرکٹ آفیسر کا مؤقف مسلسل تبدیل ہوتا رہا — پہلے کہا کہ یہ محض افواہ ہے، پھر تسلیم کیا کہ ہرن چوری ہوئے ہیں۔
واقعے کا نوٹس لیتے ہوئے سیکرٹری جنگلات اور ڈی جی وائلڈ لائف سے مطالبہ کیا جا رہا ہے کہ معاملے کی مکمل تحقیقات کی جائیں اور ذمہ داروں کے خلاف سخت کارروائی کی جائے۔
25/06/2025
کل رات جھنگ سٹی بائی پاس پھاٹک کے قریب پروفیسر محمد اشرف (گورنمنٹ گریجویٹ کالج جھنگ) کے گھر پر مسلح افراد نے اندھا دھند فائرنگ کر کے قیامت ڈھا دی!
🔴 پروفیسر صاحب شدید زخمی
🔴 کزن محمد اقبال انجم شہید
🔴 بھائی عبدالرحمان کی حالت نازک (الائیڈ ہسپتال ریفر)
🔴 ماں اور بہن کو گولیاں مار کر معذور کر دیا گیا
قاتل دیواریں پھلانگ کر داخل ہوئے اور پورے گھر پر گولیاں برسائیں۔
نہ پردہ دیکھا، نہ حرمتِ نسواں کا خیال کیا۔
👎 2 ہفتے پہلے پروفیسر صاحب نے ڈی پی او جھنگ کو دھمکیوں سے آگاہ کیا، لیکن کوئی ایکشن نہ لیا گیا۔
📄 تھانہ سٹی پولیس نے 12 نامزد اور 5 نامعلوم افراد کے خلاف مقدمہ درج کر لیا ہے۔
⸻
📣 مطالبہ:
• آئی جی پنجاب، آر پی او فیصل آباد اور ڈی پی او جھنگ فوری نوٹس لیں!
• ملزمان کو فوری گرفتار کر کے نشانِ عبرت بنایا جائے
• متاثرہ خاندان کو مکمل تحفظ اور مفت علاج دیا جائے
📢 انصاف کا قتل بند کرو!
📢 اس ظلم پر خاموشی گناہ ہے!
24/06/2025
تمام فیصل آباد روڈ ۔ مدھانی جٹ، موچی وآلہ ، گوجرہ موڑ ، چمرانوالی کے لوگوں سے درخواست ہے کہ ناقض روڈ کی تعمیر کے خلاف جاگو ۔ روڈ بند کرو اور ناقص تعمیر رکواو ۔ ہر بندہ خود اپنے حقوق کی حفاظت کرو
14/06/2025
🚨 ڈی ایچ کیو اسپتال جھنگ کی نئی عمارت میں خوفناک آگ! 🚨
👶🏻👩🍼 گائنی وارڈ اور چلڈرن وارڈ متاثر
📍 ناقص مٹیریل اور گھٹیا تاروں کا انجام
جھنگ کے ڈی ایچ کیو اسپتال کی نئی عمارت میں آج ایک اور المناک واقعہ پیش آیا۔ گائنی وارڈ میں لگنے والی آگ نے چلڈرن وارڈ تک کو لپیٹ میں لے لیا۔ اسپتال میں بھگدڑ، چیخ و پکار، خواتین اور بچوں کی جانیں خطرے میں پڑ گئیں۔ 😢
ریسکیو 1122 نے بروقت کارروائی کر کے وارڈز کو خالی کروایا، ورنہ جانی نقصان ناقابلِ تلافی ہوتا۔
یہ آگ ایک بار پھر ناقص مٹیریل، غیر معیاری بجلی کی تاروں اور ٹھیکیدار ایس ٹی خالد اور بلڈنگ ڈیپارٹمنٹ کے گٹھ جوڑ کی غفلت کا نتیجہ ہے۔ 😡
📢 ہم مطالبہ کرتے ہیں:
🔹 ایس ٹی خالد اور بلڈنگ آفیسران کے خلاف فوری کارروائی
🔹 مکمل انکوائری ٹیم تشکیل دی جائے
🔹 انٹی کرپشن تحقیقات کا دائرہ وسیع کیا جائے
🔹 اسپتالوں میں عوام کی جانوں سے کھیلنے والوں کو سزا دی جائے!
📢 وزیر اعلیٰ پنجاب، ڈی جی انٹی کرپشن، سیکریٹری سی اینڈ ڈبلیو فوری ایکشن لیں!
06/06/2025
ضلع جھنگ میں موسم کا حال
گزشتہ چند دن جھنگ اور گردونواح میں موسم انتہائی خوشگوار رہا۔ تاہم اب گرمی پھر سے شدت اختیار کر رہی ہے۔
*گرمی کی ایک شدید لہر پاکستان کو متاثر کرنے جا رہی ہے۔ عید کے دنوں میں جھنگ اور گردونواح کا درجہ حرارت 45 سے 47 ڈگری سینٹی گریڈ تک پہنچنے کا امکان ہے۔ اس کے ساتھ ساتھ گرد آلود ہوائیں چلنے کا بھی امکان ہے*
گرمی کی موجودہ شدید لہر اس ماہ کے وسط تک جاری رہنے کا امکان ہے ۔
جون کے وسط سے پری مونسون کی بارشیں متوقع ہیں۔ لیکن اس سے پہلے اگلے ایک ہفتے موسم شدید گرم رہنے کا امکان ہے ۔
21/05/2025
گوجرہ موڑ، منگانی روڈ کے مکینوں کو گزشتہ تین دنوں سے شدید مشکلات کا سامنا ہے۔ علاقے کا ٹرانسفارمر خراب ہو چکا ہے اور تاحال نہ تو اسے مرمت کیا گیا ہے اور نہ ہی کوئی متبادل ٹرانسفارمر فراہم کیا گیا ہے۔ شدید گرمی میں بجلی کی عدم فراہمی کے باعث گھروں میں چھوٹے بچوں اور بزرگوں کا برا حال ہے، جبکہ جانوروں کو پانی کی قلت کا سامنا ہے۔
متعدد بار شکایات درج کرانے کے باوجود واپڈا کی جانب سے کوئی عملی اقدام نہیں اٹھایا گیا۔ علاقہ مکینوں کی ایکسئین واپڈا اور ڈپٹی کمشنر جھنگ سے پرزور اپیل ہے کہ فوری طور پر اس مسئلے کا نوٹس لیا جائے اور علاقے میں بجلی کی فراہمی بحال کی جائے۔ خدارا، عوام پر رحم کیا جائے۔
09/05/2025
شورکوٹ ائیر بیس پر پاکستانی ائیر ڈیفنس سسٹم نے بھارتی حملے کو ناکام بنا دیا۔
09/05/2025
ضلع جھنگ سے اپڈیٹ❗
آج رات بھارت نے رفیقی ائیر بیس پر حملہ کیا جسے ائیر ڈیفنس سسٹم نے کامیابی سے ہوا میں ہی ناکام بنا دیا۔
09/05/2025
بھارت کی جانب پاکستان کے تین ائیر بیس کو نشانہ بنایا گیا ہے ۔نور خان ۔ مرید اور شور کورٹ ایئر بیسیز پر میزائل داغے ہیں جنہیں ناکام بنا دیا گیا۔سیکورٹی ذرائع
09/05/2025
پاکستان کی مسلح افواج نے شورکوٹ (ضلع جھنگ) میں واقع رفیقی ایئرفورس بیس پر بھارتی کروز میزائل حملے کو کامیابی سے ناکام بنا دیا اور دشمن کے حملے کو مؤثر طریقے سے پسپا کر دیا۔
18/04/2025
شورکوٹ:
فیسکو کی لاپرواہی کا نتیجہ غریب بیوہ عورت کی بھینس کرنٹ لگنے سے مر گٸی
تفصیلات کے مطابق حلیمہ بی بی بیوہ معظم قوم منگن کے گھر کے اوپر سے بجلی کی تاریں گزرتی ہیں، پچھلے ایک دو دن سے بجلی کی تاروں سے چنگاریاں نکل رہی تھیں، متعدد بار کالز کرنے کے باوجود کوئی شنوائی نہیں ہوئی، آخرکار بجلی کی تار ٹوٹ کر بھینس پر گری جسکی وجہ سے موقع پر کرنٹ لگنے سے مرگٸی
غریب بیوہ عورت کی اعلی حکام سے نقصان کے ازالے کی اپیل
Be the first to know and let us send you an email when Voice of Jhang posts news and promotions. Your email address will not be used for any other purpose, and you can unsubscribe at any time.
