Tawar-e-Pakistan is focusing on highlighting untold stories of Pakistan through our web & socials.
18/07/2025
ریکوڈک منصوبہ 2028 تک پروڈکشن میں، بلوچستان میں 25 ہزار روزگار کے مواقع
ریکودک مائننگ کمپنی (آر ڈی ایم سی) کے کنٹری منیجر ضرار جمالی نے کہا ہے کہ ریکودک منصوبہ دنیا کی بڑی تانبے اور سونے کی کانوں میں سے ایک ہے مزید جاننے کیلئے پہلا کمنٹ چیک کریں
18/07/2025
فیلڈ مارشل سید عاصم منیر سے لیبیا کی مسلح افواج کے کمانڈر انچیف کی ملاقات
لیبیا کی مسلح افواج کے کمانڈر انچیف لیفٹیننٹ جنرل صدام خلیفہ حفتر نے آج جی ایچ کیو راولپنڈی میں پاک فوج کے سربراہ فیلڈ مارشل سید عاصم منیر سے ملاقات کی۔آئی ایس پی آر کے مطابق ملاقات میں باہمی دلچسپی کے امور، علاقائی صورتحال میں رونما ہونے والی تبدیلیوں، سیکیورٹی چیلنجز اور دفاعی تعاون سے متعلق معاملات پر تفصیلی تبادلہ خیال کیا گیا مزید جاننے کیلئے پہلا کمنٹ چیک کریں
18/07/2025
مستونگ: قومی شاہراہ پر پولیس گاڑی پر فائرنگ، ایکٹنگ ڈی ایس پی شہید، 3 زخمی
مستونگ میں قومی شاہراہ پر چوتو کے قریب نامعلوم مسلح افراد نے بلوچستان کانسٹیبلری کی گاڑی کو نشانہ بنایا۔ فائرنگ کے نتیجے میں ایکٹنگ ڈی ایس پی عبدالرزاق سواتی شہید جبکہ تین اہلکار زخمی ہوگئے۔
زخمیوں کو فوری طور پر قریبی اسپتال منتقل کر دیا گیا۔ واقعے کے بعد سیکیورٹی فورسز نے علاقے کو گھیرے میں لے کر سرچ آپریشن شروع کر دیا ہے اور حملہ آوروں کی تلاش جاری ہے۔
18/07/2025
اسلام آباد / لاہور: مون سون بارشوں اور اس سے جڑے حادثات نے ملک بھر میں تباہی مچا دی—این ڈی ایم اے کی تازہ رپورٹ کے مطابق 26 جون سے 17 جولائی 2025 تک پاکستان میں کم از کم 178 افراد جاں بحق اور 491 زخمی ہوئے۔ مزید جاننے کیلئے پہلا کمنٹ چیک کریں
18/07/2025
سرمایہ کاروں کی عید، پاکستان اسٹاک مارکیٹ میں تاریخی تیزی
کراچی: پاکستان اسٹاک ایکسچینج (PSX) نے تاریخ رقم کر دی! مزید جاننے کیلئے پہلا کمنٹ چیک کریں
18/07/2025
اداروں میں ربط کا سنگین خلا،محسن نقوی نے قومی کوآرڈینیشن ڈرائیو شروع کر دی
اسلام آباد: وفاقی وزیر داخلہ محسن نقوی کی زیرصدارت منعقدہ خصوصی اجلاس میں وفاقی وزارتِ داخلہ کے تمام ذیلی اداروں کے مابین کوآرڈینیشن بڑھانے کا فیصلہ کیا گیا۔ وزیر داخلہ نے سروس ڈلیوری میں بہتری اور نتائج میں تیزی کے لیے مزید جاننے کیلئے پہلا کمنٹ چیک کریں
17/07/2025
چاغی،لیویز فورس باضابطہ طور پر پولیس کمانڈ میں شامل
چاغی میں حکومت بلوچستان کے اہم فیصلے کے تحت لیویز فورس کو باضابطہ طور پر پولیس کمانڈ میں شامل کر لیا گیا ہے۔ ایس پی چاغی محمد عثمان سدوزئی کی زیر نگرانی انضمام کا عمل مکمل کیا گیا۔ اس اقدام کے بعد اب لیویز اہلکار پولیس ڈھانچے کے تحت کام کریں گے اور مشترکہ طور پر امن و قانون نافذ کریں گے۔
ایس پی چاغی کا کہنا تھا کہ “لیویز اہلکاروں کا پولیس فورس میں شامل ہونا خوش آئند اقدام ہے، جس سے سیکیورٹی کی صورتحال میں بہتری کی توقع ہے۔” حکومتی احکامات پر مکمل عملدرآمد کے ساتھ چاغی میں اب لیویز اور پولیس ایک نظام کے تحت ذمہ داریاں ادا کریں گے۔
یہ انضمام ضلع چاغی میں امن و امان کے نئے دور کی نوید لاتا ہے، جہاں اب دونوں فورسز مربوط حکمت عملی سے شہریوں کو بہتر تحفظ فراہم کریں گی۔
17/07/2025
صدر ڈونلڈ ٹرمپ کا ممکنہ دورۂ پاکستان، تیاریاں شروع
امریکی صدر ڈونلڈ ٹرمپ کا رواں سال ستمبر میں پاکستان کا مختصر دورہ متوقع ہے۔ ذرائع کے مطابق، صدر ٹرمپ بھارت میں 18 ستمبر کو منعقد ہونے والی ایک اہم کانفرنس میں شرکت کے لیے آئیں گے، اور اسی موقع پر چند گھنٹوں کے لیے پاکستان کا دورہ بھی ممکن ہے۔
سرکاری ذرائع کا کہنا ہے کہ امریکی صدر کے ممکنہ دورے کے پیش نظر ابتدائی تیاریاں شروع کر دی گئی ہیں۔ سیکیورٹی اور سفارتی سطح پر مشاورت جاری ہے تاکہ صدر ٹرمپ کے قیام کو محفوظ اور کامیاب بنایا جا سکے۔
معروف سیاستدان اور سابق سینیٹر مشاہد حسین سید نے بھی اس حوالے سے بیان دیا ہے کہ ان کے ذرائع کے مطابق صدر ٹرمپ پاکستان کا مختصر، چند گھنٹوں پر مشتمل دورہ کریں گے۔
اگر یہ دورہ عمل میں آتا ہے تو یہ امریکی صدر کی جانب سے کئی سال بعد پاکستان کا ایک غیر معمولی اور اہم دورہ ہوگا، جس کے پاک-امریکہ تعلقات پر مثبت اثرات مرتب ہونے کی امید کی جا رہی ہے۔
17/07/2025
لیاری میں رہائشی عمارت کا افسوسناک حادثہ: چھت گرنے سے دو خواتین جاں بحق، تین زخمی
لیاری کے علاقے کھڈا مارکیٹ میں ایک رہائشی عمارت کی پانچویں اور چھٹی منزل کی چھتیں گرنے سے دو خواتین جاں بحق جبکہ تین خواتین زخمی ہو گئیں۔ واقعے کے بعد عمارت کو فوری طور پر سیل کر کے رہائشیوں کو محفوظ مقامات پر منتقل کر دیا گیا۔
ایکسپریس نیوز کے مطابق حادثے کے فوراً بعد امدادی ادارے اور پولیس جائے وقوعہ پر پہنچ گئے اور امدادی کارروائیاں شروع کر دیں۔ ریسکیو ادارے ایدھی کے مطابق عمارت کی چھٹی منزل کی چھت گر کر پانچویں منزل پر آ گری، جس سے نیچے والی چھت بھی منہدم ہو گئی۔
واقعے میں جاں بحق خواتین کی شناخت 45 سالہ حرمت رفیق اور ان کی بہن کے طور پر ہوئی ہے، جبکہ زخمیوں میں 40 سالہ سکینہ، 18 سالہ حاجرہ اور 22 سالہ جویریہ شامل ہیں۔ تمام متاثرین کو سول اسپتال منتقل کر دیا گیا ہے۔
ڈی آئی جی ساؤتھ اسد رضا نے بتایا کہ جاں بحق خواتین آپس میں بہنیں تھیں، جبکہ زخمی خواتین ان کی بیٹیاں ہیں۔ جائے حادثہ پر ریسکیو اور پولیس کی ٹیمیں موجود ہیں اور تحقیقات جاری ہیں۔
اسسٹنٹ کمشنر سب ڈویژن کیماڑی، ندیم اورنگزیب نے بتایا کہ عمارت میں مرمتی کام جاری تھا اور اسی دوران چھت گرنے کا واقعہ پیش آیا۔ انہوں نے بتایا کہ لیاری میں اس وقت 107 خستہ حال عمارتیں موجود ہیں جن کی جانچ کا عمل جاری ہے۔ انہوں نے کہا کہ سندھ حکومت 15 دن میں ایک جامع پالیسی مرتب کرے گی۔
وزیر بلدیات سعید غنی نے واقعے پر افسوس کا اظہار کرتے ہوئے کہا کہ ابتدائی تحقیقات کے مطابق چھت گرنے کا سبب مرمتی کام تھا۔ انہوں نے تسلیم کیا کہ سندھ بلڈنگ کنٹرول اتھارٹی (SBCA) کچھ عمارتوں کو بددیانتی کی بنیاد پر مخدوش قرار دیتی رہی ہے، اور شفافیت کے لیے فہرست کا ازسرنو جائزہ لیا جا رہا ہے۔
سعید غنی نے بتایا کہ ہر ضلع میں ڈپٹی کمشنر کی سربراہی میں کمیٹیاں قائم کی گئی ہیں، جن میں نجی ماہرین بھی شامل ہیں۔ عمارتوں کو خالی کروانے کے بعد متبادل رہائش کے لیے ہوٹلز کو خالی کرانے کی ہدایات دی گئی ہیں تاکہ متاثرہ خاندانوں کو وہاں منتقل کیا جا سکے۔
انہوں نے کہا کہ خستہ حال عمارتیں خطرناک ہیں، اور تنگ گلیوں میں کارروائی میں مشکلات پیش آ رہی ہیں۔ مکینوں سے اپیل کی گئی ہے کہ اپنی جانوں کو خطرے میں نہ ڈالیں۔ انہوں نے تسلیم کیا کہ غیر قانونی تعمیرات کے خلاف کارروائی میں کوتاہیاں ہوئیں، اور بتایا کہ اب قانون میں ترامیم کی جا رہی ہیں تاکہ غیر قانونی تعمیرات کے خلاف سخت ایکشن ممکن ہو۔
17/07/2025
راولپنڈی، اسلام آباد میں طوفانی بارش: ندی نالے بپھر گئے، رین ایمرجنسی نافذ
راولپنڈی اور اسلام آباد میں گزشتہ رات سے جاری موسلا دھار بارش نے معمولاتِ زندگی کو شدید متاثر کر دیا ہے۔ نالہ لئی میں پانی کی سطح خطرناک حد تک بلند ہونے کے باعث خطرے کے الارم بجا دیے گئے ہیں اور اطراف کی آبادی کو محفوظ مقامات پر منتقل ہونے کی ہدایت جاری کر دی گئی ہے۔
محکمہ موسمیات کے مطابق، جڑواں شہروں میں اب تک 250 ملی میٹر سے زائد بارش ریکارڈ کی جا چکی ہے۔ راولپنڈی کے مختلف نشیبی علاقے زیر آب آ چکے ہیں، جن میں ڈھوک کھبہ خاص طور پر متاثر ہوا ہے۔ نالہ لئی میں کٹاریاں کے مقام پر پانی کی سطح 20 فٹ جبکہ گوالمنڈی پل پر 19 فٹ تک پہنچ گئی ہے، جب کہ دریائے سواں بھی خطرناک حد تک بھر چکا ہے۔
اسلام آباد کے سیکٹر آئی-12 میں سب سے زیادہ 186 ملی میٹر بارش ریکارڈ کی گئی ہے۔ پانی گھروں میں داخل ہونے سے شہری شدید مشکلات کا شکار ہیں۔ چکری روڈ کے گاؤں لادیاں میں ایک خاندان بچوں سمیت چھت پر پھنس گیا، جنہیں نکالنے کے لیے ہیلی کاپٹر بھیج دیا گیا۔
ضلعی انتظامیہ نے راولپنڈی میں ایک روزہ تعطیل کا اعلان کر دیا ہے اور شہریوں کو گھروں میں رہنے کی ہدایت کی گئی ہے۔ نالہ لئی، کٹاریاں اور گوالمنڈی کے علاقوں میں انخلاء کی وارننگ جاری کر دی گئی ہے، جبکہ ریسکیو، واسا، سول ڈیفنس اور دیگر اداروں کو ہائی الرٹ کر دیا گیا ہے۔
پنجاب کے دیگر اضلاع میں بھی شدید بارشوں کے باعث رین ایمرجنسی نافذ کر دی گئی ہے۔ وزیراعلیٰ پنجاب مریم نواز نے عوام سے اپیل کی ہے کہ وہ اداروں سے تعاون کریں اور احتیاطی تدابیر پر عمل کریں۔ ان کا کہنا ہے کہ تمام سرکاری ادارے ہنگامی صورتحال میں پوری لگن سے کام کر رہے ہیں اور عوام کو سائرن اور اعلانات کے ذریعے خبردار کیا جا رہا ہے۔
ایم ڈی واسا نے ممکنہ سیلابی صورتحال سے نمٹنے کے لیے پاک فوج کی مدد طلب کر لی ہے، جبکہ شہریوں سے غیر ضروری سفر سے گریز کی اپیل کی گئی ہے۔
محکمہ موسمیات نے آئندہ چند روز میں مزید بارشوں کی پیشگوئی کی ہے، جس سے صورتحال مزید سنگین ہونے کا خدشہ ہے۔
17/07/2025
Urban Flood Alert After Continuous Rain | Residents of Islamabad & Rawalpindi Advised to Stay Safe
17/07/2025
چیف جسٹس پاکستان کا سپریم کورٹ برانچ رجسٹری کوئٹہ کا دورہ، وکلاء سے ملاقاتیں اور اہم اعلانات
چیف جسٹس پاکستان جسٹس یحییٰ آفریدی نے 16 جولائی 2025 کو سپریم کورٹ برانچ رجسٹری کوئٹہ کا دورہ کیا، جہاں انہوں نے معزز جسٹس جمال خان مندوخیل، جسٹس مسرت ہلالی اور جسٹس شکیل احمد کے ہمراہ سپریم کورٹ بار، ہائی کورٹ بار اور ڈسٹرکٹ بار ایسوسی ایشنز کے اشتراک سے منعقدہ تقریب میں شرکت کی۔
تقریب میں سپریم کورٹ بار ایسوسی ایشن کے صدر روف عطا ایڈووکیٹ، بلوچستان ہائی کورٹ بار ایسوسی ایشن کے صدر عطا اللہ لانگو، ڈسٹرکٹ بار کوئٹہ کے صدر قاری رحمت اللہ سمیت قانونی برادری کے نمائندگان شریک ہوئے۔
خطاب میں چیف جسٹس نے بینچ اور بار کے مضبوط تعلق کو مؤثر اور شفاف نظامِ انصاف کے لیے بنیادی قرار دیا اور کوئٹہ کی مہمان نوازی کو سراہتے ہوئے اسے "اپنا دوسرا گھر" کہا۔ انہوں نے وکلاء کے مسائل سنے اور قانونی شعبے میں محنت، لگن اور تعاون پر زور دیا۔
اہم اعلان میں چیف جسٹس نے بتایا کہ خواتین وکلاء کے لیے دو بیچز، ہر ایک میں 30 وکلاء (ایک کوئٹہ اور دوسرا مکران سے)، وفاقی عدلیہ اکیڈمی اسلام آباد میں خصوصی تربیت حاصل کریں گے۔ مزید برآں، انہوں نے کوئٹہ رجسٹری میں بار روم کے لیے جگہ اور سہولت مرکز قائم کرنے کا عزم ظاہر کیا۔
اسی روز چیف جسٹس نے بار کونسلز کے نمائندوں کے ساتھ اجلاس کیا، جس میں خیبر پختونخوا بار کونسل کے وائس چیئرمین احمد فاروق خٹک، بلوچستان بار کونسل کے وائس چیئرمین راحب خان بولیدی اور چیئرمین لیگل ایجوکیشن کمیٹی قاسم علی گوجیزئی شامل تھے۔ اجلاس میں نئے وکلاء کے لیے لازمی تربیتی پروگرام اور بار کونسلز کو درپیش مالی مسائل پر غور کیا گیا۔ فیصلہ ہوا کہ جوڈیشل اکیڈمیز کے ڈائریکٹر جنرلز سے ملاقات کے بعد 15 روزہ تربیتی پروگرام تشکیل دیا جائے گا۔
یہ دن عدلیہ اور بار کے درمیان قانونی تعلیم کے فروغ اور عوام کو بروقت انصاف کی فراہمی کے عزم کے ساتھ اختتام پذیر ہوا۔
Be the first to know and let us send you an email when Tawar-e-Pakistan posts news and promotions. Your email address will not be used for any other purpose, and you can unsubscribe at any time.
