اسلام آباد فوڈ اتھارٹی کے ترجمان کے مطابق، ترنول کے علاقے سے 50 سے زائد گدھے اور گدھے کا گوشت بھاری مقدار میں برآمد کیا گیا ہے۔ ڈائریکٹر فوڈ اتھارٹی نے اس غیر قانونی سرگرمی میں ملوث افراد کے خلاف فوری قانونی کارروائی کا حکم دے دیا ہے۔
ترجمان نے مزید بتایا کہ فوڈ اتھارٹی کی ٹیم برآمد شدہ گدھے کے گوشت کو تلف کر رہی ہے۔ اس حوالے سے سندھ اسمبلی میں بھی تشویش کا اظہار کیا گیا تھا کہ گدھے کا گوشت کن کن افراد نے استعمال کیا۔
اسلام آباد فوڈ اتھارٹی کی ڈپٹی ڈائریکٹر ڈاکٹر طاہرہ صدیق نے ابتدائی تحقیقاتی نتائج کے بارے میں بتایا کہ یہ گوشت ملک سے باہر سپلائی کیا جا رہا تھا۔
27/07/2025
آئی ایس پی آر (انٹر سروسزز پبلک ریلیشنز) نے کیپٹن سرور شہید کو ان کی بے مثال قربانی پر خراجِ عقیدت پیش کیا ہے۔ کیپٹن محمد سرور پاکستان کے پہلے نشانِ حیدر حاصل کرنے والے ہیرو ہیں۔
انہوں نے 27 جولائی 1948 کو پہلی کشمیر جنگ کے دوران تلپترہ کے مقام پر اپنی جان وطن کے لیے نچھاور کر دی۔ کیپٹن محمد سرور شہید نے اس موقع پر غیر معمولی جرات، بہترین عسکری حکمتِ عملی، اور بے لوث فرض شناسی کا مظاہرہ کیا۔
آئی ایس پی آر کے مطابق، ان کی یہ عظیم قربانی آج بھی جرات اور حب الوطنی کی ایک لازوال علامت ہے۔ پاکستان کی مسلح افواج کیپٹن محمد سرور شہید کی اس لازوال میراث کو سلام پیش کرتی ہیں۔
27/07/2025
موٹر وے پر ڈھوک سیال کے قریب ایک مسافر بس کھائی میں گرنے سے خوفناک حادثے کا شکار ہو گئی۔ یہ حادثہ بس کے بے قابو ہو جانے کے باعث پیش آیا۔
ریسکیو حکام کے مطابق، اس حادثے میں 8 افراد اپنی جانوں سے ہاتھ دھو بیٹھے جبکہ 18 افراد زخمی ہوئے۔ زخمیوں کو فوری طبی امداد کے لیے ٹراما سینٹر کلر کہار اور ڈی ایچ کیو ہسپتال منتقل کیا جا رہا ہے۔
موٹروے پولیس کے ترجمان نے بتایا کہ یہ بس اسلام آباد سے لاہور جا رہی تھی اور حادثہ بس ڈرائیور کی غفلت اور لاپرواہی کی وجہ سے پیش آیا۔
27/07/2025
27/07/2025
اگر گاڑی پانی میں گر جائے تو کیا کرنا چاہیے؟
26/07/2025
اسلام آباد میں گزشتہ 20 سال سے میڈیا سے وابستہ ایک کیمرہ مین کینسر جیسے موذی مرض سے نبرد آزما ہیں۔ وہ اس وقت نوری ہسپتال میں زیر علاج ہیں اور علاج کے اخراجات نے ان کے اہل خانہ کے لیے شدید مشکلات کھڑی کر دی ہیں۔
صحافتی برادری اور صاحب ثروت افراد سے اس کیمرہ مین کی مدد کے لیے اپیل کی گئی ہے۔ ان کے علاج کے لیے فوری مالی امداد کی اشد ضرورت ہے تاکہ وہ اس بیماری سے لڑ سکیں اور صحت یاب ہو کر دوبارہ اپنے فرائض انجام دے سکیں۔
میڈیا تنظیموں اور متعلقہ اداروں سے بھی درخواست کی گئی ہے کہ وہ اپنے اس ساتھی کی مشکل گھڑی میں مدد کے لیے آگے آئیں اور ان کے علاج میں اپنا کردار ادا کریں۔
تفصیلات کے مطابق مدد کرنے والے افراد اس نمبر پر رابطہ اور ایزی پیسہ کر سکتے ہیں۔
ارشد محمود ایزی پیسہ
26/07/2025
وفاقی دارالحکومت اسلام آباد میں بلوچ یکجہتی کمیٹی (بی وائی سی) کے جاری احتجاجی دھرنے کے دوران ایک شہری کی جانب سے نقاب پوش افراد کی موجودگی پر سوال اٹھانے پر ہنگامہ آرائی ہو گئی، جب معروف انسانی حقوق کی کارکن ایمان مزاری نے سوال کرنے والے شخص کا موبائل چھیننے کی کوشش کی۔
واقعہ اس وقت پیش آیا جب ایک شہری نے دھرنے میں موجود نقاب پوش افراد کی شناخت کے بارے میں استفسار کیا اور پوچھا کہ یہ لوگ کون ہیں۔ اس سوال پر ایمان مزاری نے مداخلت کرتے ہوئے اس شخص کا موبائل فون چھیننے کی کوشش کی، جس سے موقع پر کشیدگی بڑھ گئی۔
اس واقعے نے سوشل میڈیا پر بحث چھیڑ دی ہے، جہاں کچھ صارفین ایمان مزاری کے طرز عمل پر تنقید کر رہے ہیں جبکہ کچھ ان کے دفاع میں کھڑے ہیں۔ دھرنے کے منتظمین کی جانب سے ابھی تک اس واقعے پر کوئی باضابطہ بیان جاری نہیں کیا گیا ہے۔
واضح رہے کہ بلوچ یکجہتی کمیٹی کا دھرنا بلوچ لاپتہ افراد اور ماورائے عدالت قتل کے خلاف جاری ہے، اور اس میں وقتاً فوقتاً مختلف شخصیات شرکت کرتی رہی ہیں۔
26/07/2025
وفاقی وزیر داخلہ محسن نقوی کی ہدایت پر اسلام آباد میں تجاوزات ہٹانے کی مہم کا جائزہ لیا گیا۔ سی ڈی اے اور انتظامیہ نالوں پر بنی غیر قانونی اور خطرناک عمارتوں کو ہٹا رہے ہیں، جہاں سے دوبارہ تجاوزات کی روک تھام کے لیے ڈرون اور گوگل ارتھ کی مدد سے مستقل نگرانی کی جائے گی۔
چیئرمین سی ڈی اے نے عوام کو اپنی تجاوزات خود ختم کرنے یا عمارتیں سیل کرنے کی تنبیہ کی۔ سی ڈی اے کی خدمات کو ڈیجیٹلائز بھی کیا جا رہا ہے تاکہ ادائیگیوں کو آسان بنایا جا سکے۔
دریں اثنا، سی ڈی اے چیئرمین نے پاکستان ٹینس فیڈریشن کے صدر سے ملاقات کی۔ اس ملاقات میں اسلام آباد میں ٹینس کے فروغ اور کورٹس کی بہتری پر بات چیت ہوئی، جس میں سی ڈی اے نے تعاون کی یقین دہانی کرائی۔
26/07/2025
ذہنی سکون برباد کرنے والے باجے مارکیٹوں میں پہنچنا شروع
Be the first to know and let us send you an email when Islamabad Now posts news and promotions. Your email address will not be used for any other purpose, and you can unsubscribe at any time.
