03/06/2026
شہر میں تجاوزات کے خلاف آپریشن کے دوران چھوٹے کاروبار کرنے والے غریب کیبن اور برف کے پٹھے والے سڑکوں پر آ گئے۔ سالوں سے روزگار کا انحصار چھوٹے کیبن، برف کے پھٹے، کیبن اور باہر ٹھیلے چلانے پر کرنے والے افراد نے آنکھوں میں آنسو لیے انتظامیہ سے رحمت کی درخواست کی اور کہا کہ روزگار چھننے سے ان کے چھوٹے بچے بھوک کے مجبور ہو جائیں گے۔غریبوں کی دہائی پر مقامی پیپلز پارٹی کے رہنما میر حیدر خان جمالی اور وزیر احمد عمرانی نے مداخلت کی اور انتظامیہ کے ساتھ مذاکرات کے بعد ان دکانداروں کے لیے ایک ماہ کی عارضی مہلت حاصل کروائی۔ سابق صوبائی وزیر میر حیدر خان جمالی نے کہا کہ غریبوں کے دکھ کو سمجھتے ہوئے فوری مدد ضروری تھی تاکہ غربت اور بھوک کا خطرہ ٹل سکے۔دوسری جانب انتظامیہ نے واضح کیا ہے کہ بالا حکام کے سخت احکامات پر بلا تفریق کارروائی جاری رہے گی اور قانون کی نظر میں سب ایک جیسے ہیں۔ انتظامیہ نے کہا کہ پہلے بھی شہر کے مفاد میں ایرانی پٹرول کے خلاف کارروائی کر کے عوام کو ریلیف دیا گیا تھا اور اب بھی وہ شہر کی صفائی اور بہتری کے لیے مہم جاری رکھے گی۔یہ تنازعہ شہر میں غریبوں کے روزگار اور انتظامی نظم و ضبط کے درمیان توازن کی عکاسی کرتا ہے — ایک طرف محنت کش خاندانوں کی گزر بسر، اور دوسری طرف شہر کی منظم رہنمائی کے لیے قوانین کا نفاذ۔ فوری حل کے طور پر ایک ماہ کی مہلت دی گئی ہے، اب دیکھنا یہ ہے کہ مستقل حل کے لیے انتظامیہ، مقامی نمائندے اور متاثرہ افراد کس طرح آگے بڑھتے ہیں
#پیپلزپارٹی
