07/03/2026
نوجوان قیادت کی روشن مثال، سینیٹر اسد قاسم رونجھو
تحریر سلمان شوکت رونجھو
پاکستان کی سیاست میں وقتاً فوقتاً ایسی شخصیات سامنے آتی رہی ہیں جو اپنی صلاحیتوں، وژن اور خلوصِ نیت کے باعث کم عرصے میں ہی نمایاں مقام حاصل کر لیتی ہیں انہی ابھرتی ہوئی شخصیات میں سینیٹر اسد قاسم رونجھو کا نام نمایاں طور پر لیا جا رہا ہے وہ اس وقت سینیٹ قائمہ کمیٹی برائے کشمیر امور و گلگت بلتستان و سیفران کے چیئرمین کی حیثیت سے خدمات انجام دے رہے ہیں اور مختصر عرصے میں اپنی کارکردگی اور سنجیدہ طرزِ سیاست کے باعث ایک باصلاحیت اور مخلص سیاسی رہنما کے طور پر ابھر کر سامنے آئے ہیں۔ پاکستان کی سیاست میں نوجوان قیادت کی ہمیشہ ضرورت محسوس کی جاتی رہی ہے سینیٹر اسد قاسم رونجھو اسی نوجوان قیادت کی ایک امید افزا مثال ہیں وہ تعلیم یافتہ، باصلاحیت اور قومی معاملات پر گہری نظر رکھنے والے رہنما ہیں سیاست میں ان کا انداز نہایت سنجیدہ، شائستہ اور متوازن ہے یہی وجہ ہے کہ انہوں نے بہت کم عرصے میں نہ صرف پارلیمانی حلقوں بلکہ عوامی سطح پر بھی اپنی ایک مثبت شناخت قائم کی ہے بطور چیئرمین قائمہ کمیٹی کشمیر امور، گلگت بلتستان و سیفران انہوں نے اپنی ذمہ داریوں کو نہایت سنجیدگی سے نبھایا ہے۔ کشمیر پاکستان کی خارجہ اور قومی پالیسی کا ایک انتہائی اہم مسئلہ ہےجبکہ گلگت بلتستان اور سیفران کے معاملات بھی قومی سطح پر بڑی اہمیت رکھتے ہیں اس حساس ذمہ داری پر فائز ہو کر سینیٹر اسد قاسم رونجھو نے نہ صرف ان معاملات کو سنجیدگی سے لیا بلکہ مختلف فورمز پر ان مسائل کو مؤثر انداز میں اجاگر بھی کیا، ان کی قیادت میں کمیٹی نے اہم اجلاس منعقد کیے، قومی سطح پر مشاورت کو فروغ دیا اور کشمیر کے مسئلے کو عالمی سطح پر اجاگر کرنے کی کوششوں کو تقویت دی وہ اس بات پر یقین رکھتے ہیں کہ مسئلہ کشمیر صرف ایک علاقائی مسئلہ نہیں بلکہ انسانی حقوق کا ایک بڑا مسئلہ ہے جسے عالمی سطح پر موثر انداز میں پیش کرنا ضروری ہے۔سینیٹر اسد قاسم رونجھو کی ایک نمایاں خصوصیت ان کی حب الوطنی ہے وہ پاکستان کے مفادات کو ہر چیز پر مقدم رکھتے ہیں اور یہی جذبہ ان کی سیاسی سوچ اور عملی اقدامات میں واضح طور پر نظر آتا ہے وہ ملک کی ترقی، استحکام اور قومی یکجہتی کے لیے دن رات کوشاں رہتے ہیں ان کا ماننا ہے کہ مضبوط پاکستان ہی ایک روشن مستقبل کی ضمانت ہے۔ سیاسی میدان کے ساتھ ساتھ وہ عوامی مسائل کے حل میں بھی بھرپور دلچسپی رکھتے ہیں اپنے حلقے اور عوام کے ساتھ رابطہ رکھنا ان کی سیاسی ترجیحات میں شامل ہے وہ عوامی مسائل کو سننے اور ان کے حل کے لیے سنجیدہ کوششیں کرنے کے قائل ہیں یہی وجہ ہے کہ لوگ انہیں ایک امید کی کرن کے طور پر دیکھتے ہیں۔نوجوان قیادت کی کامیابی کا انحصار صرف عہدوں پر نہیں بلکہ کردار، دیانت اور عوامی خدمت کے جذبے پر ہوتا ہے سینیٹر اسد قاسم رونجھو ان خصوصیات کے حامل رہنما کے طور پر سامنے آئے ہیں ان کی سنجیدگی، شائستگی اور مثبت سوچ انہیں دیگر سیاستدانوں سے ممتاز بناتی ہے یہ حقیقت بھی قابل ذکر ہے کہ پاکستان کو اس وقت ایسی قیادت کی ضرورت ہے جو جدید تقاضوں کو سمجھتی ہو، قومی مفادات کا تحفظ کر سکے اور عالمی سطح پر پاکستان کا مؤثر مقدمہ پیش کر سکے۔ سینیٹر اسد قاسم رونجھو کی شخصیت میں یہ تمام خصوصیات بدرجہ اتم موجود دکھائی دیتی ہیں اگر یہی جذبہ، محنت اور خلوص برقرار رہا تو یقیناً آنے والے دنوں میں سینیٹر اسد قاسم رونجھو پاکستان کی سیاست میں ایک نہایت اہم اور مؤثر کردار ادا کرتے نظر آئیں گے ان کی قیادت نہ صرف نوجوانوں کے لیے ایک مثال بن سکتی ہے بلکہ ملک کی ترقی اور استحکام میں بھی اہم کردار ادا کر سکتی ہے یہ کہنا بے جا نہ ہوگا کہ اسد قاسم رونجھو جیسے پڑھے لکھے، باصلاحیت اور محب وطن نوجوان رہنما پاکستان کی سیاسی فضا میں ایک مثبت تبدیلی کی علامت ہیں ان کی خدمات اور کوششیں اس بات کی غمازی کرتی ہیں کہ وہ ملک کی بہتری، عوام کی خدمت اور قومی مفادات کے تحفظ کے لیے پوری لگن کے ساتھ اپنا کردار ادا کر رہے ہیں اور یہی جذبہ کسی بھی سچے سیاسی رہنما کی اصل پہچان ہوتا ہے۔
