Crime News Vehari

13/08/2026

پورے ملک پاکستان کی طرح وہاڑی کی عوام بھی 14 اگست کی خریداریوں میں مصروف

13/08/2026

*پولیس تھانہ ماچھیوال اور عوام کا تعاقب، بروقت کارروائی کے دوران ڈکیتی کے بعد فرار 3 اضلاع کے 26 مقدمات میں ریکارڈ اور ضلع وہاڑی کے 10 مقدمات میں مطلوب ملزم زخمی حالت میں گرفتار*

وہاڑی: نامعلوم ملزم نے اسلحہ کے زور پر موڑ 6 ڈبلیو بی کے قریب شہری سے نقدی اور پرس چھیننے کی واردات کی اور اڈہ ماچھیوال کی جانب فرار ہو گیا

وہاڑی: 15 کی کال پر پولیس تھانہ ماچھیوال اور شہریوں نے بھی ملزم کا تعاقب کرنا شروع کر دیا

وہاڑی: پولیس اور عوام کے تعاقب کرنے پر فرار ملزم تیز رفتاری اور بوکھلاہٹ کی وجہ سے 561 ای بی کے پختہ کھال سے ٹکرا گیا جسے پولیس نے زخمی حالت میں گرفتار کر لیا۔

وہاڑی: ریکارڈ پڑتال کرنے پر زخمی ملزم کی شناخت طارق نسیم سکنہ رتہ ٹبہ سے ہوئی جو کہ ضلع وہاڑی، ضلع ٹوبہ ٹیک سنگھ اور لاہور کے ڈکیتی، چوری و رابری جیسے 26 سنگین مقدمات میں ریکارڈ یافتہ اور ضلع وہاڑی کے 10 مقدمات میں مطلوب نکلا

وہاڑی: پولیس نے زخمی ملزم کے قبضہ سے موٹر سائیکل، اسلحہ ناجائز پسٹل اور ڈکیتی شدہ رقم برآمد کر کے تحویل میں لے لی ۔

وہاڑی: ایس ایچ او تھانہ ماچھیوال رانا مہتاب عالم نے زخمی ملزم کو فوری طور پر ابتدائی طبی امداد کے لیے ہسپتال منتقل کر دیا ہے

12/08/2026

*قوتِ سماعت و گویائی سے محروم زین اسلم کی ڈی پی او وہاڑی تصور اقبال سے ملاقات کی خواہش پوری، میٹرک میں نمایاں نمبرز حاصل کرنے پر حوصلہ افزائی*

سوشل میڈیا پر وہاڑی پولیس کی کارروائیاں دیکھ کر ڈی پی او وہاڑی تصور اقبال سے ملاقات کا جذبہ رکھنے والے قوتِ سماعت و گویائی سے محروم طالب علم زین اسلم کی خواہش پوری ہوگئی۔

زین اسلم نے ڈی پی او وہاڑی تصور اقبال سے ملاقات کی، جہاں ڈی پی او وہاڑی نے طالب علم کی حوصلہ افزائی کرتے ہوئے میٹرک کے امتحان میں نمایاں نمبر حاصل کرنے پر اسے 10 ہزار روپے نقد انعام دیا۔

ڈی پی او وہاڑی تصور اقبال نے زین اسلم کی محنت، لگن اور تعلیمی کامیابی کو سراہتے ہوئے کہا کہ خصوصی صلاحیتوں کے حامل بچوں کی حوصلہ افزائی ہمارا فرض ہے۔ محنت اور عزم کے ساتھ ہر مشکل کو شکست دی جا سکتی ہے۔

زین اسلم نے ڈی پی او وہاڑی تصور اقبال سے ملاقات پر خوشی کا اظہار کیا اور وہاڑی پولیس کی عوام دوست سرگرمیوں کو سراہا۔

12/08/2026

*ڈی پی او وہاڑی تصور اقبال کی ہدایات پر پولیس تھانہ ٹبہ سلطانپور کی کارروائی*

*دم کروانے آئی اولاد کی خواہشمند خاتون کو اغواء کرنے والا جعلی پیر مری سے گرفتار، مغویہ بحفاظت بازیاب*

میلسی ۔ پولیس تھانہ ٹبہ سلطانپور نے ایک اہم کارروائی کرتے ہوئے دم کروانے کے بہانے آنے والی خاتون (ش) کو مبینہ طور پر بہلا پھسلا کر اغواء کرنے والے جعلی پیر نور محمد خٹک پٹھان کو مری کے علاقے سے گرفتار کر لیا ہے۔ ترجمان پولیس کے مطابق ملزم خود کو روحانی عامل اور پیر ظاہر کر کے اولاد کی خواہشمند خاتون کو روحانی علاج کا جھانسہ دیتا رہا اور دم کے بہانے اسے اپنے ساتھ بنوں اور پھر مری لے گیا۔ خاتون کے گھر سے غائب ہونے پر شوہر کی جانب سے نامعلوم شخص کی پر اغواء کی درخواست موصول ہونے پر فوری طور پر مقدمہ درج کیا گیا جبکہ ڈی پی او وہاڑی تصور اقبال کی ہدایات پر ایس ایچ او تھانہ ٹبہ سلطانپور رانا ثاقب نذیر پر مشتمل ٹیم تشکیل دی گئی جنہوں نے جدید ٹیکنیکل ذرائع کی مدد سے ملزم کا سراغ لگایا۔ کارروائی کے دوران مغویہ خاتون کو بھی بحفاظت بازیاب کروا لیا گیا، جسے قانونی کارروائی کے بعد اہلِ خانہ کے حوالے کر دیا گیا۔

09/08/2026

ڈسٹرکٹ پولیس آفیسر وہاڑی تصور اقبال کی ہدایات پر پولیس تھانہ فتح شاہ کی کاروائیاں ۔

مختلف کارروائیوں کے دوران 5 ملزمان گرفتار، شراب اور اسلحہ برآمد

شراب فروشوں کے خلاف کاروائی میں ملزمان اللّہ دتہ اور یوسف سے مجموعی طور پر 58 لیٹر شراب برآمد

ناجائز اسلحہ رکھنے والوں کے خلاف کاروائیوں میں ملزمان عدیل، نور اور حسنین لطیف سے دو عدد پسٹل 30 بور اور ایک عدد رائفل برآمد۔

ایس ایچ او تھانہ فتح شاہ محمد آصف نے پانچوں ملزمان کے خلاف الگ الگ مقدمات درج کر کے مزید کاروائی کا اغاز کر دیا۔

09/08/2026

ڈسٹرکٹ پولیس آفیسر وہاڑی تصور اقبال کی ہدایات پر پولیس تھانہ کرم پور کی انسداد گیمبلنگ ایکٹ کے تحت کارروائی

بذریعہ تاش جواء کھیلتے (2) ملزمان ممتاز اور شاہد کو گرفتار کر کے جواء پر لگی وٹک رقم اور دو موٹر سائیکل قبضہ پولیس میں لے لئے گئے ۔

ایس ایچ او تھانہ کرم پور محمد ذوالفقار نے ملزمان کے خلاف مقدمہ درج کر کے مزید کاروائی کا آغاز کر دیا۔

07/08/2026

*ڈی پی او وہاڑی تصور اقبال کی ہدایات پر ایس ایچ او تھانہ ماڈل ٹاؤن بوریوالا مہر قیصر منظور کی بڑی کارروائی نوسرباز گینگ کے 2 ملزمان گرفتار، 4 مقدمات ٹریس، 6 تولہ طلائی زیورات مالیتی 29 لاکھ روپے برآمد*

07/08/2026

*وہاڑی(رانا حفیظ احمد) کارخانہ بازار نزد جی پی او آفس ڈاکخانہ کے بلکل سامنے ڈکیتی کی واردات، ڈاکو موبائل فون لوٹ کر فرار*
تھانہ سٹی کی حدود، کارخانہ روڈ نزد جی پی او آفس (ڈاکخانہ) کے قریب انصاف موبائل شاپ پر ڈکیتی کی واردات پیش آئی، جہاں نامعلوم مسلح ڈاکو شہریوں سے لاکھوں روپے مالیت کے موبائل فون چھین کر فرار ہوگئے۔

عینی شاہدین کے مطابق ملزمان اسلحے کے زور پر دکانداروں کو یرغمال بنا کر قیمتی موبائل فون لوٹنے کے بعد ہوائی فائرنگ کرتے اور اسلحہ لہراتے ہوئے موقع سے فرار ہوگئے، جس سے علاقے میں خوف و ہراس پھیل گیا

پولیس تھانہ سٹی نے موقع پر پہنچ کر مزید تفتیش شروع کر دی شہریوں نے بڑھتی ہوئی ڈکیتی کی وارداتوں پر تشویش کا اظہار کرتے ہوئے مطالبہ کیا ہے کہ ملزمان کو فوری گرفتار کر کے قانون کے کٹہرے میں لایا جائے اور شہر میں گشت بڑھا کر شہریوں کے جان و مال کا تحفظ یقینی بنایا جائے

04/08/2026

کرمپور میں کمسن بچوں پر تشدد کے معاملہ پر ڈی پی او وہاڑی تصور اقبال کا نوٹس

ڈی پی او وہاڑی تصور اقبال کی ہدایات پر پولیس تھانہ کرمپور نے فوری کارروائی کرتے ہوئے وقوعہ کا مقدمہ درج کر کے ملزم اسرار احمد کو گرفتار کر لیا۔

ملزم اسرار احمد نے اپنے پاس کام کرنے والے دونوں بھائیوں 9 سالہ فیضان اور 10 سالہ علی احمر کو دکان پر نقصان کرنے کے الزام میں تشدد کا نشانہ بنایا تھا۔ ایس ایچ او تھانہ کرمپور محمد ذوالفقار جٹ نے ملزم کے خلاف قانونی کارروائی کا اغاز کر دیا ہے

کمسن بچوں کے ساتھ بدتمیزی، قانون ہاتھ میں لینے اور تشدد جیسے واقعات ہرگز برداشت نہیں کیے جائیں گے، قانون کی خلاف ورزی کرنے والوں کے خلاف بلا امتیاز کارروائی جاری رہے گی۔ تصور اقبال ڈی پی او وہاڑی

04/08/2026