
10/08/2025
*بوریوالا: ڈرائیور کے اندھے قتل معہ ڈکیتی کا معمہ حل، ملوث 3 ملزمان گرفتار، گاڑی برآمد کر کے مقتول کے بچوں کے حوالے کر دی گئی*
پولیس تھانہ صدر بوریوالا نے اہم کامیابی حاصل کرتے ہوئے ٹیکسی ڈرائیور کے قتل معہ ڈکیتی کے مقدمہ میں ملوث تینوں ملزمان کو گرفتار کر لیا۔ ملزمان کے قبضہ سے ڈکیتی شدہ گاڑی بھی برآمد کر لی گئی
27 اپریل کی رات ملزمان واردات کی نیت سے لاری اڈا بوریوالا سے وہاڑی جانے کے لیے سواریاں بن کرساجد محمود کی گاڑی میں بیٹھے
ملزمان نے 515 ای بی کے قریب گاڑی چھینی اور مزاحمت پر ٹیکسی ڈرائیور ساجد محمود کو فائرنگ کر کے قتل کر دیا اور فرار ہو گئے۔
پولیس تھانہ صدر بوریوالا نے واقعہ کا فوری طور پر مقدمہ درج کر کے تفتیش کا آغاز کر دیا تھا۔
ڈی پی او وہاڑی محمد افضل نے مقدمہ کو ٹریس کرنے کے لئے ایس ایچ او تھانہ صدر بوریوالا زبیر سندھو اور احمد کامران پر مشتمل خصوصی تشکیل دی
پولیس کی ٹیم نے جدید ٹیکنالوجی، سی سی ٹی وی فوٹیج اور خفیہ ذرائع سے حاصل معلومات کی بنیاد پر تینوں ملزمان کو ٹریس کیا۔
پولیس ٹیم نے ملزمان کی گرفتاری کے لئے فیصل آباد، اوکاڑہ، جڑانوالہ، لاہور سمیت مختلف اضلاع میں لگاتار ایک ماہ ریڈ کئے اور آخر کامیابی ملی
پولیس کی ٹیم نے کامیاب کاروائی کرتے ہوئے مرکزی ملزم شہزاد سمیت عثمان مصطفٰی اور حسن کو گرفتار کر لیا۔
گرفتار ملزمان کے قبضے سے واردات میں استعمال ہونے والا اسلحہ اور گاڑی بھی برآمد کر لی گئی۔ ملزمان کو شناخت پریڈ کے بعد جوڈیشل کر دیا گیا ہے
ڈی پی او وہاڑی محمد افضل اور ایس ڈی پی او سرکل بوریوالا رانا محمد عمران ٹیپو نے ایک تقریب کے دوران برآمد ہونے والی گاڑی کو مقتول ڈرائیور کے بچوں کے حوالے کر دی
ڈی پی او وہاڑی محمد افضل نے کارروائی میں حصہ لینے والی ٹیم کے لئے ایک لاکھ روپے انعام اور سی سی تھری سرٹیفکیٹس کا اعلان بھی کیا
شہریوں کے جان و مال کا تحفظ پولیس کی اولین ترجیح ہے اور قانون کے مطابق سخت سے سخت سزا دلوائی جائے گی۔ محمد افضل ڈی پی او
وہاڑی پولیس پر یہ قتل قرض تھا جسے پوری ٹیم نے مستعدی کے ساتھ خوب نبھایا اور سرخرو ہوئے۔ محمد افضل ڈی پی او وہاڑی