29/09/2025
گڑھاموڑ پل ظہیر آباد شہید کے رہائشی حاجی محمد ادریس جٹ (مرحوم) کا بیٹا اور معروف شخصیت چوہدری بشیر احمد جٹ(عجوہ ٹریڈرز پل ظہیر آباد شہید) کا بھتیجا محمد انیس واہلہ جٹ جو کہ اچانک حرکت قلب بند ہونے سے انتقال کر گیا تھا۔ جس کی رسم قل خوانی برائے ایصالِ ثواب کی محفل مقامی ڈیرے پر منعقد ہوئی۔ رسم قل خوانی میں علاقہ کے معروف امام و خطیب قاری شعیب احمد نے فلسفہ موت پر روحانی خطاب کیا۔ فلسفہ موت روحانی خطاب کرتے ہوئے حضرت علامہ مولانا قاری شعیب نے کہا کہ جوانی کی موت ایک ایسی چیز ہوتی ہے جو دوسروں کو ہلا کر رکھ دیتی ہے۔ہر جاندار کو موت کا ذائقہ چکھنا ہے، مزید کہا کہ اس وقتی زندگی کو کامیابی اور ناکامی کا معیار نہیں بنانا چاہیے اور موت سے پہلے آخرت کی تیاری کرنی چاہیے۔ رسم قل کی محفل میں رسم قل خوانی میں سیاسی، سماجی، مزہبی شخصیات سمیت دیگر افراد نے کثیر تعداد میں شرکت کی ۔ آخر میں مرحوم کی مغفرت اور بلند درجات کیلئے خصوصی دعا بھی کی گئی۔
