FATA Leaks news

20/08/2023

ڈپٹی ڈائریکٹر ریلیف شکیل اقبال کے خلاف فوری طور پر اعلی سطحی انکوائری تشکیل دی جائے، ملک حیات اللہ محسود

محسود قوم سے سروے کلیئر کرنے کے عوض فرنٹ مینوں کے ذریعے اربوں روپے ڈپٹی ڈائریکٹر ریلیف شکیل اقبال ہڑپ کر چکا ہے، ملک حیات اللہ محسود

ڈپٹی ڈائریکٹر ریلیف شکیل اقبال نے قواعد و ضوابط اور میرٹ کی دھجیاں اڑا کر مسمار مکانات کی مد میں ڈیڑھ ارب روپے اپنے فرنٹ مینوں کے ذریعے نکالنے کا منصوبہ بنایا ہے، ملک حیات اللہ محسود

ایف ائی اے اینٹی کرپشن و دیگر احتسابی اداروں سے نوٹس لینے کا مطالبہ

ائی جی ایف سی ساؤتھ و ٹی ڈی پی سیکرٹریٹ سے مداخلت کا مطالبہ

جنوبی وزیرستان( ڈسٹرکٹ پریس کلب رجسٹرڈ ) ڈسٹرکٹ پریس کلب جنوبی وزیرستان اپر (ر)کے صدر اور قبائلی رہنما ملک حیات اللہ محسود نے میڈیا کے نمائندوں سے بات چیت کرتے ہوئے کہا کہ
محسود قوم کے تباہ شدہ مکانات کےمعاوضے کے ادائگیوں میں غیر قانونی رکاوٹیں پیدا کرنے والا ڈپٹی ڈائریکٹر ریلیف شکیل اقبال پشاور میں کروڑوں روپے جائیداد کا مالک بن گیا ۔سابقہ روایات کو برقرار رکھتے ہوئے معاوضے کے ادائگیوں پر رشوت خوری کا بازار گرم رکھتے ہوئے حالیہ فنڈز میں بھی وزیرستان کے مقامی سیاستدانوں کے ساتھ ملکر اپنے من پسند افراد کو نوازنے کا جو پلان بنایا ہے اسکو کسی بھی صورت کامیاب نہیں ہونے دینگے ۔ان کا مزید کہنا تھا کہ شکیل اقبال نے وزیرستان میں موجود اپنے فرنٹ مینوں اور کچھ سیاسی افراد کے زریعے محسود قوم کا جو خون چوسا وہ بہت ہے انکو مزید محسود قوم کا خون چوسنے کی اجازت کسی بھی صورت نہیں دینگے ۔ضلعی انتظامیہ کی جانب سے بنائی گئی سٹیرنگ کمیٹی جس میں انتظامیہ سمیت فوج کے کرنل رینک کا افیسر بھی ہوتا ہے سے کلئیر ہونے کے باوجود کبھی مسنگ پکچر اور کبھی سیم فیملی سمیت مختلف طرح کے الزامات لگاکر شکیل اقبال منظور نظر افراد کو نوازنے کے لئے راہ ہموار کرتا ہے جو کہ غیر قانونی اقدام ہے ۔انکا مزید کہنا تھا کہ حالیہ فنڈز کے تقسیم کے لئیے بھی من پسند افراد کو نوازنے کی حکمت عملی بنائی گئی ہے جس کو کسی بھی صورت کامیاب نہیں ہونے دینگے

ملک حیات اللہ محسود نے فوری طور پر ڈپٹی ڈائریکٹر ریلیف شکیل اقبال کی معطلی اور اس کے خلاف اعلی سطح کی جے ائی ٹی انکوائری تشکیل دینے کا بھی مطالبہ کیا ۔
ملک حیات اللہ محسود کا مزید کہنا تھا کہ ہم متعلقہ اداروں سے مطالبہ کرتے ہیں کہ شکیل اقبال کو فوری طور پر منصب سے ہٹایا جائے اور ان کے غیر قانونی اقدامات کی تحقیقات کے لئیے اس پر انکوائری بناکر انھیں کڑی سزا دی جائے تاکہ محسود قوم کے تباہ شدہ مکانات کے معاوضے کے ادائگیوں کے لئے انے والے فنڈ پر پشاور میں اپنے بچوں کے لئیے بنگلے بنانے والے کردار کی حقیقت سب کے سامنے اجائے
انہوں نے فوری طور پر اینٹی کرپشن ایف ائی اے و دیگر احتسابی اداروں سے بھی اس معاملے پر انکوائری قائم کرنے کا مطالبہ کیا ۔
ملک حیات اللہ محسود نے ائی جی ایف سی ساؤتھ وٹی ڈی پی سیکرٹیریٹ پشاور سے بھی اس معاملے میں مداخلت کی اپیل کی ۔

12/08/2023

قبائلی ملک وسابقہ یونین کونسل ناظم ملک حبیب محسود کا جنازہ ٹانک کے علاقے گرہ پتھر میں ادا کردیا گیا

( ڈسٹرکٹ پریس کلب جنوبی وزیرستان اپر رجسٹرڈ) گزشتہ روز نامعلوم موٹرسائیکل سواروں کی فائرنگ سے قتل ہونے والے سابقہ آئی جی خیبرپختون خوا پولیس کے بھائی ملک حبیب کا جنازہ سخت سیکورٹی میں ادا کیا گیا، جنازے میں ڈپٹی کمشنر ساؤتھ و ٹانک، سول وعسکری حکام، قبائلی عمائدین اور نوجوانوں نے کثیر تعداد میں شرکت کی۔
ملک حبیب کو گذشتہ روز گھر کے قریب دو موٹرسائیکل سواروں نے اغواء کیا، اور موقع پر فائرنگ سے انکے گن مین کو شدید زخمی کردیا گیا جو بعدازاں زخموں کی تاب نہ لاتے ہوئے جاں بحق ہوگئے جبکہ حبیب محسود کو اغواء کار ٹانک سے 14 کلومیٹر دور اپنے ساتھ لے گئے اور منزائی کے مقام پر انکو بھی گولی مار کرقتل دیا گیا۔
پولیس ڈی پی او وقار احمد کے مطابق قاتلوں کی گرفتاری کے لیئے پولیس کا آپریشن تاحال جاری ہے۔

11/08/2023

03/08/2023

شہیـد تــم سے یـہ کــہہ رہے ہــیں لــہو ہمــارا بھُــلا نا دینــا

آئی جی پی آخــتر حیــات خان آر پی او ڈیرہ ڈویژن عبــدالــغفور آفــریــدی اور ڈی پی او نیــاز مــحمد خــان کے خصوصی احکامات کے مطابق صوبہ بھر کی طرح
جنوبی وزیرستان اٙپر میں بھی یوم شہدا پولیس انتہائی عقیدت و احترام کے ساتھ منایا جارہا ہے

جس کی مناسبت سے پولیس لائن جنوبی وزیرستان اٙپر میں شہدا پولیس جنوبی وزیرستان کے ایصال ثواب اور درجات کی بلندی کیلے قران خوانی کا اہتمام کیا گیا جس میں ڈسٹرکٹ پولیس آفسر نیاز محمد خان ڈپٹی کمشنر اشفاق خان ڈی ایس پی ہیڈکوارٹر نور خان ڈی ایس پی سرکل شیراللہ خان، لائن آفسر طارق نواز و دیگر سٹاف سمیت کثیر تعداد میں پولیس فورس کے جوانوں اور افسران نے شرکت کی، قران خوانی کے بعد ملک کی سلامتی امن و امان کے قیام اور استحکام کیلے خصوصی دعائیں کی گئی جس کے بعد ڈی پی او نے شہدا وزیرستان پولیس کے لواحقین میں تحائف تقسیم کئے

اس دوران ڈی پی او کا کہنا تھا کہ پولیس فورس کے جوانوں اور آفسرز نے ملک و قوم شہریوں کی تحفظ اور امن و امان کی خاطر جانوں کے نذرانے پیش کئے ہیں ہمیں اپنے عظیم شہدا پر فخر ہے جنہوں نے اپنے خون سے بہادری اور جرات کی تاریخ رقم کی ہے جسے ہمیشہ سہنرے الفاظ میں یاد کیا جائیگا اور اُنکی لازوال قربانیوں کو خراج تحسین پیش کرتے ہیں، جن مقاصد کیلے ہمارے جوانوں نے قربانیاں دی ہیں اُن مقاصد کا حصول ہمارا عزم ہیں ہم اپنے شہدا کے خون کو کسی صورت رائیگا نہیں جانے دینگے،

شہدا کے اہل خانہ کی دیکھ بال ہماری ذمہ داری اور فرض ہیں ہم انکے درد میں برابر کے شریک ہیں شہدا کے لواحقین اور بچوں کو کسی صورت تنہا نہیں چھوڑا جائیگا ہمارے دروازے لواحقین کیلے ہمیشہ کھلے ہیں شہدا کے بچوں اور خاندان کی فلاح و بہبود ہماری اولین ترجیح ہے۔

30/07/2023

ڈی پی او جنوبی وزیرستان اٙپر نیاز محمد خان کے خصوصی ہدایات کے عین مطابق ایس ایچ او سراروغہ محمد نیاز محسود کا جرائم پیشہ عناصر کے خلاف کریک ڈاون بدستور جاری
رات کی تاریکی میں گاڑیوں سے بیٹریاں ٹائر چورانے والا چور دھرلیا گیا مال مسروقہ برآمد مزید تفتیش جاری

(پی آر او) تفصیلات کے مطابق ڈسٹرکٹ پولیس آفسر جنوبی وزیرستان اٙپر نیاز محمد خان کے خصوصی ہدایات کے عین مطابق وزیرستان میں جرائم پیشہ عناصر کے خلاف کریک ڈاون بدستور جاری ہے، جس کے تحت ایس ایچ او سراروغہ محمد نیاز محسود نے مخبر خاص کی اطلاع پر کاروائی کرتے ہوے گاڑیوں سے بیٹریاں اور ٹائر اُتارنے والا چور ملزم سلیم اللہ ولد عبدالمجید خان سکنہ سراروغہ کو حسب ضابطہ گرفتار کرکے مقدمہ درج کرلیا گیا ملزم کے قبضے سے مال مسروقہ برآمد کرلیا گیا جبکہ ملزم کے شریک ساتھیوں کی تلاش جاری ہے، چوروں کے خلاف متعد بار علاقہ عوام کی جانب سے شکایات موصول ہوئی تھی واضح رہے کہ ڈی پی او کے ہدایات کے مطابق ایس ایچ او سراروغہ نیاز خان محسود کی جرائم پیشہ عناصر کے خلاف بدستور کاروائیاں جاری ہے۔

29/07/2023

سیاسی و سماجی شخصیت حاجی قزافی محسود کا 31 جولائی کو ڈپٹی کمشنر کمپاونڈ جنوبی وزیرستان ٹانک میں ایڈوکیٹ حکمت اللہ کے اغوائیگی کے حوالے سے بلائے گئے جرگے کے حوالے سے قوم کے نام پیغام

29/07/2023

مائنز اینڈ منرل ایکٹ کیا ھے.
حکومت نے مائنز اینڈ منرل گورننس ایکٹ 2017 میں ترمیم کرتے ہوئے اس میں ایک شق کا اضافہ کیا ھے جس کے مطابق قبائلی اضلاع کی تمام معدنیات حکومت کی ملکیت ہوں گی اور انہیں زمین سے نکالنے کا ٹھیکہ حکومت دے گی۔
ایکٹ میں شامل کی گئی شق اے 2 میں مزید کہا گیا ھے کہ صوبے کی تمام معدنیات مستقل طور پر حکومت کی ملکیت تصور کی جائیں گی اور ان سے فائدہ اٹھانے کا حق بھی اسی کا ہوگا۔
نئے اضلاع میں اس قسم کا قانون پختون دشمنی پر مبنی تصور کیا جاتا ھے۔ نئے قانون سے صوبے کے سرمایہ کاروں پر کاروبار کے دروازے بند ہو جائیں گے اور خیبر پختونخوا کے لوگوں پر معدنیات کی لیز لینے کا دروازہ بند ہو جائے گا۔ حکومت صرف منظور نظر لوگوں اور اداروں کو ٹھیکے دینے کے پابند ہیں ۔
قانون کب بنا؟
بہت سے لوگوں کا خیال ھے کہ صوبائی حکومت نیا قانون لائی ھے لیکن جس شق کو مائینز اینڈ منرل گورننس ایکٹ کا حصہ بنایا گیا ھے وہ ویسٹ پاکستان ریونیو ایکٹ 1967 میں پہلے سے موجود ھے اور اس کے الفاظ بھی اسی جیسے ہیں۔
ویسٹ پاکستان ریونیو ایکٹ 1967 کی شق نمبر 49 میں درج ھے کہ ’جہاں بھی کانیں اور معدنیات ہوں گی وہ ہمیشہ حکومت کی ملکیت ہوں گی اور حکومت کو ان کے استعمال کا اختیار ہوگا۔
اس شق کے نیچے دوسری شق میں وضاحت دی گئی ھے کہ ایٹمی توانائی، تیل اور قدرتی گیس وفاقی حکومت کی ملکیت ہوگی جب کہ دوسری معدنیات ’ویسٹ پاکستان‘ کی ملیت ہوں گی۔ یہ ایکٹ چونکہ مشرقی پاکستان، جو اب بنگلہ دیش ھے کے الگ ہونے سے پہلے بنا ھے اس لیے اس میں ویسٹ پاکستان کی اصطلاح استعمال کی گئی ھے۔

قانون میں قبائلی اضلاع کے لیے خصوصی رعایت
حکومت کی جانب سے اس قانون میں معدنیات کی ملکیت کے حوالے سے نئی شق تو شامل کر دی گئی ھے لیکن ساتھ ہی قبائلی اضلاع کو دس برس کے لیے خصوصی مراعات دی گئی ہیں۔
مائنز اینڈ منرل گورننس ایکٹ کے شیڈول آٹھ میں لکھا ھے کہ حکومت ریونیو ایکٹ میں ترامیم کر کے قبائلی اضلاع میں جائیداد کی ملکیت کے حوالے سے تنازع حل کرے گی اور قبائلی اضلاع کی معدنیات کے ٹھیکوں میں مقامی لوگوں کو فوقیت دی جائے گی اور ٹھیکے دینے کے لیے مقامی رسم و رواج اپنائے جائیں گے۔

ایکٹ کے شیڈول چار کی شق نمبر پانچ میں لکھا ھے کہ معدنیات کے مقامی شئیر ہولڈرز کے شئیر کے لیے ایک جلسہ عام کیا جائے گا جو ٹھیکے دینے کے لیے کیا جاتا ھے اور اسی کے ذریعے معدنیات میں ان کے شئیر کی نشاندہی کی جائے گی۔
اسی طرح شیڈول کی شق دس میں لکھا ھے کہ اس نئے قانون سے پہلے جتنے بھی ٹھیکے دیے گئے ہیں وہ برقرار رہیں گے اور ٹھیکوں کے حوالے سے کوئی بھی تنازع ایکٹ کے تحت بننے والی کمیٹی حل کرے گی۔
قبائلی اضلا ع میں معدنیات کے ٹھیکے کیسے دیے جاتے ہیں؟
جتنا بھی منافع ان معدنیات سے حاصل ہوتا ھے وہ قبیلے کے ہر ایک خاندان میں تقسیم کیا جاتا ھے۔ کانوں کی ملکیت سمیت لیز میں بھی مقامی افراد کو ترجیح دی جائے گی اور ٹیکس کے حوالے سے پرانے طریقہ کار کو ہرگز تبدیل نہیں کیا جائے گا

قانونی پیچیدگیاں ھے؟
اس نئے ایکٹ کے خلاف پشاور ہائی کورٹ میں پٹیشن دائر ہیں۔
کہ ’حکومت اس ایکٹ کے شیڈول آٹھ میں قبائلی عوام کے لیے خصوصی مراعات کی جو بات کرتی ھے وہ اصل میں قانون کی غلط تشریح ھے اور قبائلی عوام کو دھوکے میں رکھنے کی کوشش کی جا رہی ھے۔
ایک طرف حکومت نے ایکٹ میں نئی شق شامل کی ھے کہ معدنیات حکومت کی ملکیت ہوں گی جب کہ شیڈول آٹھ میں بھی اس بات کا ذکر مبہم رکھا گیا ھے کہ ملکیت قبائلی عوام کی ہوگی لیکن حکومت اس پر بضد تھا کہ معدنیات کی ملکیت اب بھی مقامی قبائل کے پاس رہے گی۔

اس قوانین کا دائرہ قبائلی اضلاع تک بڑھانے کے لیے ضروری ھے کہ پہلے وہاں لوگوں کو سہولتیں دی جائیں اور ترقیاتی منصوبے شروع کیے جائیں۔ اس وقت قبائلی علاقوں میں تعلیمی اداروں اور ہسپتال کی خاطر خواہ سہولیات موجود نہیں ہیں اور لوگوں کی روزی معدنیات سے جڑی ہوئی ھے۔

کیا حکومت واقعی قبائلی اضلاع کی معدنیات پر قبضہ کرنا چاہتی ھے؟
حکومت نے مائنز اینڈ منرل گورننس ایکٹ 2017 میں ترمیم کرتے ہوئے اس میں ایک شق کا اضافہ کیا ھے جس کے مطابق قبائلی اضلاع کی تمام معدنیات حکومت کی ملکیت ہوں گی اور انہیں زمین سے نکالنے کا ٹھیکہ حکومت دے گی۔

حکومت کی جانب سے اس قانون میں معدنیات کی ملکیت کے حوالے سے نئی شق تو شامل کردی گئی ھے لیکن ساتھ ہی قبائلی اضلاع کو 10 برس کے لیے خصوصی مراعات دی گئی ہیں لیکن یہ سب زبانی باتیں ہیں جس پر عملدرآمد ہوتا ہوا نظر نہیں آتا ،پی ٹی آئی حکومت نے سب سے پہلے قبائلی معدنیات پر ڈاکہ ڈالنے کی کوشش کی جس کے لئے سابقہ صوبائی ترجمان اجمل خان وزیر نے بے بنیاد تاویلیں پیش کرتے رہے ، گوشتہ سے لیکر مرانشاہ تک تمام لیز ایف ڈبلیو کے حوالے کی گئی ہیں ۔

سابقہ اور موجودہ حکومت قبائلی عوام کو معاشی طور پر پیچھے دھکیلنا چاہتا ھے۔

اجمل خان ایڈووکیٹ ۔۔۔۔۔۔۔

22/07/2023

قبائل یونین آف جرنلسٹس کابینہ کا اجلاس یونین کے مرکزی صدر اوردین محسود کے زیر صدارت آیبٹ آباد میں منعقد ہوا، اجلاس میں قبائلی صحافیوں کو درپیش مسائل پر تفصیلی تبادلہ خیال کیا گیا، اجلاس میں قبائلی علاقوں میں حالیہ بدامنی کے واقعات پر تشویش کا اظہار کرتے ہوئے اوردین محسود نے کہا کہ قبائلی عوام گزشتہ آٹھارہ سالوں سے آذیت کی زندگیاں گزار کر مختلف مصائب کے شکار ہوچکے ہیں اور 9/11 کے بعد قبائلی عوام پر روح زمین تنگ کردی گئی ہے، انھوں نے حکمرانوں سے قبائلی علاقوں میں قیام امن کیلئے ٹھوس اقدامات آٹھانے کا مطالبہ کیا۔

19/07/2023

جنوبی وزیرستان: سپنکئی راغزائی کے مقام پر ڈسٹرکٹ پریس کلب جنوبی وزیرستان اپر(رجسٹرڈ)کے لئے قبائلی عمائدین کے تعاون سے زمین کا تعین کردیا گیا جلد ہی تعمیراتی کام شروع کیا جائیگا۔جگہ کا تعین کرتے وقت مقامی قبائلی عمائدین سمیت نوجوانوں نے شرکت کی اور ڈسٹرکٹ پریس کلب کے کابینہ اراکین اور ممبران نے بھی شرکت کی اس موقع پر ڈسٹرکٹ پریس کلب کے صدر ملک حیات اللہ محسود نے قبائلی عمائدین کا شکریہ ادا کیا ۔انکا مزید کہنا تھا کہ حکومت نے سپنکئی رغزائی پر ہیڈ کوارٹر بنانے کا نوٹیفکیشن تو جاری کیا لیکن ایک سال سے زائد عرصہ گزرنا کے باوجود نہ تو ہیڈ کوارٹر کی کسی اور جگہ نوٹیفکیشن کی گئی اور نہ سپنکئی رغزائی کے نوٹیفکیشن کو عملی جامعہ پہنایا گیا ۔ڈسٹرکٹ پریس کلب کی تعمیر پر جلد کام کا آغاز کیا جائے گا اور انشاءاللہ ڈسٹرکٹ پریس کلب کی عمارت پریس کلب کی پہلی عمارت ہوگی۔

13/07/2023

ڈسٹرکٹ ہیلتھ افیسر لوئر وزیرستان کو بتھے کی وصولی سے روکا جائے، سیاسی اتحاد کی پریس کانفرنس

جنوبی وزیرستان( بیورو رپورٹ ) تفصیلات کے مطابق ضلع جنوبی وزیرستان لوئر کے پاکستان پیپلز پارٹی، پشتون خواہ ملی عوامی پارٹی ،جماعت اسلامی، نیشنل ڈیموکریٹک موومنٹ، پاکستان تحریک انصاف کے قائدین و دیگر سماجی شخصیات نے ڈسٹرکٹ پریس کلب وانا میں ہنگامی پریس کانفرنس کرتے ہوئے کہا کہ ڈی ایچ او لوئر وزیرستان ڈاکٹر عنایت الرحمن نے کرپشن کا بازار گرم کر رکھا ہے ان کا کہنا تھا کہ ایک جانب مختلف ہسپتالوں میں ڈاکٹر و دیگر سٹاف ڈیوٹی پر حاضر نہیں ہو رہا جبکہ دوسری جانب ایک غیر مقامی چارج نرس کو اپنے اختیارات دے کر بتھہ وصولی پر لگایا گیا ہے

ان کا مزید کہنا تھا کہ جنوبی وزیرستان وانہ کے اکثر ہسپتالوں میں پونسٹان کی گولی تک دستیاب نہیں جبکہ دوسری طرف ڈاکٹر عنایت الرحمن اکثر اوقات پشاور میں گزارتے ہیں اور ضلع کو ریموٹ کنٹرول سے چلانے کی ناکام کوشش کر رہے ہیں

ان کا مزید کہنا تھا کہ چارج نرس کو اپنے ساتھ لا کر محکمہ صحت لوئر وزیرستان کا بچہ کچا ڈھانچہ بھی ڈاکٹر عنایت الرحمن تباہ کر رہے ہیں

ان کا مزید کہنا تھا کہ جعلی اور بوگس بلوں کے ذریعے محکمہ صحت لوئر وزیرستان کے اکاؤنٹ سے دھڑلے سے رقوم کی وصولی کی جا رہی ہے جس پر اہلیان علاقہ کو شدید تشویش ہے

اہلیان علاقہ نے فوری طور پر سیکرٹری ہیلتھ،ڈی جی ہیلتھ ،وزیر صحت اور سول وعسکری حکام اور نگران وزیراعلی سے نوٹس لینے کا مطالبہ کیا ہے

11/07/2023

ڈپٹی کمشنر ساؤتھ وزیرستان اپر کی ہدایت پرتحصیل سروکئی میں محکمہ زراعت توسیع کے طرف سے فری فروٹ پلائی ٹریپس کی تقسیم کا سلسلہ جاری ہے۔ ڈائریکٹر جنرل زراعت توسیع قبائلی اضلاع مراد علی خان،ڈسٹرکٹ ڈائریکٹر زراعت ساؤتھ وزیرستان ڈاکٹر محمدانورخان،ایگریکلچرافسرسروکئی سعودوزیراورآئی سی ٹی افسران طاھر، نورحمان اورفیلڈاسسٹنٹ سیدولی خان نے زمینداروں، کسانوں اور باغبانوں میں مفت فروٹ فلائی ٹریپس تقسیم کئے۔اس موقع پر محکمہ زراعت توسیع کے افسران کا کہنا تھا کہ پیداوار کو بڑھانے کے ساتھ ساتھ فروٹس کی پروٹیکشن یقینی بنانے کیلئے تمام وسائل بروئے کار لائے جا رہے ہیں تاکہ نہ صرف کسان اور باغبان مستفید ہو سکیں بلکہ لوگوں کو معیاری اشیاء کی دستیابی کو بھی یقینی بنایا جا سکے۔

08/07/2023

ڈسٹرکٹ پریس کلب جنوبی وزیرستان

بیورو رپورٹ

ڈسٹرکٹ پریس کلب جنوبی وزیرستان کی جانب سے علاقائی مسائل کو اجاگر کرنے کے لیے سوشل میڈیا ونگ کا خصوصی قیام عمل میں لایا گیا

اس حوالے سے طاہر محسود کو سوشل میڈیا ونگ کا انچارج نامزد کر دیا گیا

ڈویژنل تحصیل اور یونین کونسل کی سطح پر سوشل میڈیا ونگ طاہر محسود کی زیر نگرانی علاقائی مسائل کو بھرپور طریقے سے اجاگر کریں گے