JUI DMC Tehsil Wana

03/09/2026

جے یو آئی تحصیل وانا کا اہم اجلاس
جمعیت علماء اسلام تحصیل وانا کے ذمہ داران کا اہم اجلاس بمقام جامعہ دارالقرآن ڈبکوٹ منعقد ہوا، جس میں مستقبل کے سیاسی لائحۂ عمل اور تنظیمی امور پر تفصیلی غور و خوض کیا گیا۔
اجلاس میں آئندہ بلدیاتی انتخابات کے حوالے سے حکمتِ عملی، تیاریوں اور تنظیمی سطح پر مؤثر کردار ادا کرنے سمیت مختلف اہم امور زیرِ بحث آئے۔
ذمہ داران نے اس عزم کا اظہار کیا کہ جماعتی نظم و ضبط، باہمی مشاورت اور بھرپور عوامی رابطے کے ذریعے آئندہ کے سیاسی و تنظیمی مراحل کا مؤثر انداز میں سامنا کیا جائے گا۔

03/08/2026

مفتی جنامیر کی بہیمانہ شہادت پر جے یو آئی لوئر وزیرستان تحصیل وانا کا شدید رنج و غم اور گہرے اضطراب کا اظہار

جمعیت علماء اسلام لوئر وزیرستان کے سینئر رہنما اور وزیرستان کے قومی جرگوں میں نمایاں کردار ادا کرنے والے مفتی جنامیر کی بہیمانہ شہادت پر جے یو آئی لوئر وزیرستان شدید رنج و غم، دکھ اور گہرے اضطراب کا اظہار کرتی ہے۔

ہم آخر کس پاداش میں خون سے نہلائے جا رہے ہیں؟ یہ کس جرم کی سزا ہے؟ آخر کب تک وزیرستان کے علماء، مشران اور بے گناہ عوام کو خون میں نہلایا جاتا رہے گا؟ ہم بھی اس ملک کے وفادار شہری ہیں، اگر ہماری وفاداری کا ثبوت بھی ہمارے خون سے ہی لیا جا رہا ہے تو پھر ہمیں بتایا جائے کہ آخر ہمارا جرم کیا ہے؟

وانا کے مرکزی بازار میں سپر مارکیٹ کے اندر، لوگوں کے درمیان ایک عالمِ دین اور قومی جرگوں میں فعال کردار ادا کرنے والی شخصیت کی بہیمانہ شہادت کئی سنجیدہ سوالات کو جنم دیتی ہے۔ یہ واقعہ صرف ایک فرد کا قتل نہیں بلکہ امن، قانون کی بالادستی اور معاشرے کے مستقبل کے حوالے سے ایک بڑا سوالیہ نشان ہے۔

مفتی جنامیر نہ صرف جمعیت علماء اسلام کے ایک مخلص اور سینئر رہنما تھے بلکہ وزیرستان کے قومی جرگوں میں بھی ایک نمایاں اور مؤثر کردار ادا کرتے رہے۔ ان کی شہادت سے جے یو آئی لوئر وزیرستان ایک مخلص رہنما اور وزیرستان ایک اہم قومی و سماجی شخصیت سے محروم ہو گیا ہے۔

جمعیت علماء اسلام لوئر وزیرستان حکومت اور متعلقہ اداروں سے مطالبہ کرتی ہے کہ اس افسوسناک سانحے کی شفاف اور غیر جانب دارانہ تحقیقات کر کے ملوث عناصر کو فوری طور پر گرفتار کیا جائے اور انہیں قانون کے مطابق سخت سزا دی جائے۔

ہم شہید مفتی جنامیر کے اہلِ خانہ، لواحقین، جمعیت علماء اسلام کے کارکنان اور تمام غمزدہ عوام سے دلی تعزیت کا اظہار کرتے ہیں اور دعا گو ہیں کہ اللہ تعالیٰ شہید کی مغفرت فرمائے، درجات بلند فرمائے اور پسماندگان کو صبر جمیل عطا فرمائے۔

إِنَّا لِلّٰهِ وَإِنَّا إِلَيْهِ رَاجِعُونَ

منجانب: جمعیت علماء اسلام لوئر وزیرستان تحصیل وانا

02/05/2026

اللہ تعالیٰ جناب اسد اللہ اسد صاحب کو صحت کاملہ عاجلہ نصیب فرمائے آمین ۔

20/03/2026

16/03/2026

جمیعت علماء اسلام تحصیل وانا آل وزیرستان تقریری مقابلہ کے کامیاب انعقاد پر جمیعت طلبہ اسلام کے ضلعی کابینہ بالخصوص ضلعی صدر مولانا احسان اللہ حقانی اور جنرل سیکرٹری مولانا دین محمد حقانی اور تمام تحصیلوں کے صدور اور نظماء کو مبارکباد پیش کرتی ہے اور اس مقابلہ میں حصہ لینے والے تمام طلبہ کرام بالخصوص پہلی دو سری تیسری پوزیشن حاصل کرنے والے حضرات اور انکے اساتذہ کو مبارکباد پیش کرنے کے کیساتھ دلی دعاہے کہ اللہ تعالیٰ آپ کو مزید کامیابیاں نصیب فرمائے
منجانب ۔ جمعیت علمائے اسلام تحصیل وانا

21/01/2026

امیر جمعیت علمائے اسلام تحصیل وانا چیئرمین مولانا نیک محمد صاحب ایگزیکٹیو ممبر لوکل کونسلر ایسوسی ایشن خیبرپختونخواہ منتحب ہونے پر مبارکباد پیش کرتا ہوں
منجانب ۔ مولانا محمد مومن صاحب جنرل سیکرٹری جمعیت علمائے اسلام تحصیل وانا

Naik M Dervesh
Muhammad Momin

07/01/2026

ملک پاکستان کے دینی مدارس بشمول جامعہ حقانیہ جامعہ نعمانیہ جامعہ دارالعلوم وزیرستان سے لوئر وزیر ستان کے فارغ التحصیل ہونے والے علماء کرام مفتیان عظام حفاظ قراء حضرات کو جمیعت علماء اسلام تحصیل وانا مبارکباد پیش کرتی ہے اور تمام فتنوں سے بچاؤ کے لئے قافلہ حق جمیعت علماء اسلام کیساتھ مضبوط وابستگی کی تلقین کرتی ہے

30/12/2025

عظیم الشان خوشخبری 2جنوری2026 کو رشدوہدایت کے مینار سرزمین وزیرستان کو جہالت سے نکالنے والے محسن وزیرستان شیخ التفسیر والحدیث شہید اسلام حضرت مولانا نور محمد صاحب رحمہ اللہ کے لگائے گئے گلشن میں ختم بخآری شریف کی مناسبت سے عظیم الشان تقریب کا انعقاد کیا گیا ہے ہم جامعہ دارالعلوم وزیرستان وانا کے مہتمم حضرت مولانا نیک محمد صاحب دامت برکاتہم اور جامعہ کے انتظامیہ کو مبارکباد پیش کرتے ہیں اور اس پروگرام میں شرکت کی اپیل کرتے ہیں منجانب جمیعت علماء اسلام تحصیل وانا

29/12/2025

إِنَّا لِلّٰهِ وَإِنَّا إِلَيْهِ رَاجِعُونَ-
ہم اللہ ہی کے ہیں اور اسی کی طرف لوٹ کر جانا ہے-

مفتی مختار الدین شاہ کی وفات کی خبر سن کر انتہائی افسوس ہوا -مفتی مختار الدین شاہ مرحوم امتِ مسلمہ کا ایک نہایت گراں قدر سرمایہ تھے۔ ان کے وصال سے امت ایک ایسے عظیم شخص سے محروم ہوگئی جو ایمان، تقویٰ اور اخلاص کا عملی نمونہ تھا۔ انہوں نے کربوغہ جیسے دور افتادہ اور پسماندہ علاقے میں دین کی شمع فروزاں کی، جس کی روشنی سے بے شمار افراد نے رہنمائی حاصل کی۔

مرحوم شعائرِ اسلام کے محافظ اور دینی غیرت و حمیت کے علمبردار تھے۔ ان کی دینی، علمی، قومی، ملی، خانقاہی اور تصنیفی خدمات ہمیشہ یاد رکھی جائیں گی۔ دعا ہے کہ اللہ تعالیٰ ان کی بے لوث کوششوں کو قبول فرمائے اور انہیں ان کے لیے صدقۂ جاریہ بنا دے میں تمام سوگواران سے دلی تعزیت کرتے ہیں ۔

جمعیت علمائے تحصیل وانا-

28/12/2025

جیسا کہ آپ حضرات کے علم میں ہےکہ علماء کرام اور انکے کیساتھ مخلص عوام معاونین کی قربانیوں اور اخلاص کی برکت سے قرآن وحدیث کے علوم نئی نسلوں تک منتقل ہو رہے ہیں یہ سلسلہ انشاء اللہ تاقیامت جاری وساری رہے گا قرآن وحدیث کے ساتھ محبت کے اظہار کے طور پر مدارس میں تقریبات کے انعقاد کیے جاتے ہیں اسی مناسبت سے 29دسمبر بروز پیر صبح 10بجےجامعہ اشرفیہ وانا میں مشکوٰۃ شریف کی تکمیل ہوگی یہ اس جامعہ کے علمی میدان میں ترقی کی واضح ثبوت ہے ہم اس جامعہ کے مہتمم حضرت مولانا سلطان محمد صاحب دامت برکاتہم اور اس کے انتظامیہ کو مبارکباد پیش کرتے ہیں اور اس پر نور پروگرام میں شرکت کی اپیل کرتے ہیں منجانب جمیعت علماء اسلام تحصیل وانا