09/06/2026
اگر اپ اس معاہدے کو دیکھیں تو چیخ چیخ کر بتا رہا ہے کہ ریاست قاتل تھی اور پرامن مظاہرین پر گولی چلا کر اس نے سنگین جرم کا ارتکاب کیا یہی وجہ ہے کہ وفاقی کابینہ کے وزراء نے اس بات کو تسلیم کیا کہ شہید ہونے والے تمام کارکنان کو معاوضہ دیا جائے گا ۔ دوسری بات اس وقت جو بھی احتجاجی تحریک چل رہی ہے اس کی ذمہ دار وفاقی کابینہ ہے کیونکہ یہی وفاقی کابینہ اپنے کیے گئے حلف سے روگردانی کر رہی ہے اس کے علاوہ طاقت کا بے دریغ استعمال کرنے والوں کو یہ بات باور کروانا چاہتا ہوں طاقت کے استعمال سے وقتی طور پر کوئی مسئلہ دب تو سکتا ہے مگر اس کا کوئی مستقل حل نہیں نکل سکتا اس کی مثال ہمسایہ ملک 75 سال اور آٹھ لاکھ فوج، اگر وہ قابو نہیں پا سکے تو آپ بھی نہیں پا سکیں گے نہ ہی آج نہ ہی مستقبل میں کبھی ، لہذا آپ عسکری محاز سنبھالیں جہاں آپکی سب سے زیادہ ضرورت ہے۔ براہ کرم آپ پولیٹیکل انجینئرنگ میں جتنے مرضی ماہر ہو جائیں بے شک آپ نے تین کونسٹیٹیوشنل اور تین ملٹری (کووپ ) کیے ہیں مگر اس کے باوجود آپ کی سیاسی تربیت نہیں ! لہذا اس سب سے اپنے آپ کو الگ رکھیں یقینا اس سے آپ کی عزت میں اضافہ ہی ہوگا اور مسائل کا فل فور سیاسی حل نکلنے دیں جو کہ یقینا نکل آئے گا ۔
اب آتے ہیں ان لوگوں کی طرف جو غداری کے سرٹیفکیٹ تقسیم کرنے پر لگے ہوئے ہیں ۔ کیا آپ لوگوں نے اس معاہدے کو پڑھا جس کی خلاف ورزی وفاقی کابینہ نے کی ہے ؟ کشمیری آپ سے مانگ کیا رہے ہیں ؟ سستی بجلی جس کا آپ نے ان سے دہائیوں پہلے وعدہ کیا تھا ، ایم آر ائی اور سی ٹی سکین کی سہولت ؟ یہ تو بڑے شرم کی بات ہے مجھے تو سمجھ نہیں آتی یہ شق معاہدے میں شامل کرتے ہوئے وفاقی کابینہ شرم سے ڈوب کیوں نہ مری ؟ اور با اختیار لوکل گورنمنٹ ؟ اور 12 سیٹوں کے اوپر آئینی حل؟ مطلب مجھے یہ بات سمجھ نہیں آتی کہ اتنی مہان قانونی ٹیم جس نے 26 ویں ترمیم ، 27ویں ترمیم اور اب 28ویں ترمیم دینے جا رہی ہے وہ ایک چھوٹے سے آئینی مسئلے کا حل تلاش کرنے سے قاصر ہے ؟ کہیں ایسا تو نہیں کہ آ پ یعنی کٹھ پتلی حکومت اور آپ کو اشاروں پر نچانے والے بلکہ آپ کو گھسیٹ کر ہمارے سروں پر مسلط کرنے والے عوام کی نمائندگی سے خائف ہیں اور پاور سٹرکچر کے ڈھانچے میں متوقع تبدیلی کے باعث
اقتدار حقیقی عوامی نمائندوں کو منتقل ہو جانے کے ڈر میں مبتلا ہیں ؟
اپنے بنیادی حقوق مانگنے پر غداری کے سرٹیفیکیٹ آج جو کشمیریوں کو نوازے جا رہے ہیں کل یہی سرٹیفکیٹس پنجابیوں کو بھی نوازے جائیں گے جب کبھی وہ اپنا سیاسی، سماجی اور معاشی حق مانگیں گے ۔ چے دلی دور است
Copy paste
Photo Courtesy: Dawn.com
