08/09/2026
زیارت تعمیرِ نو اسکول میں ششماہی امتحانات کے نتائج کے موقع پر تقریب کا انعقاد
زیارت تعمیرِ نو اسکول میں ششماہی امتحانات کے نتائج کے موقع پر ایک پروقار تقریب منعقد ہوئی، جس میں ڈائریکٹر عرفان مجیب، مہمانِ خصوصی نصیب اللہ کاکڑ، پرنسپل عبدالمالک، گوہر خان۔مولوی اللہ داد اور فیض محمد فیضانی سمیت اساتذہ، طلباء اور والدین نے شرکت کی۔
تقریب سے مقررین نے خطاب کرتے ہوئے طلباء کو محنت، لگن اور تعلیم کی اہمیت پر زور دیا اور نمایاں پوزیشن حاصل کرنے والے طلباء کو مبارکباد پیش کی۔
اس موقع پر طلباء نے بھی تقریب سے خطاب کیا اور اپنی تعلیمی سرگرمیوں کے حوالے سے اظہارِ خیال کیا۔ پوزیشن حاصل کرنے والے طلباء میں انعامات اور مہمانوں میں شیلڈز بھی تقسیم کی گئیں۔
