13/10/2025
لفت انتباهي في ناس مستغربة انه سعر تنكة زيت الزيتون صارت 700شيقل
وبهاجموا المزارعين
ليش مستغرب؟
انزل لقط الزيتون بإيدك، وأعتني بأرضك بين المستوطنين،
وخاطر برجعتك سالم، وشمر عن إيديك واتعب من الفجر،
وبعدين تعال احكي عن سعر تنكة الزيت!
الـ٧٠٠ شيقل مش غلاء…
هاي عدالة متأخرة لتعب سنة وعرق فلاح،
بندفع 700 شيكل دخان بالشهر،
أو بنزين لأسبوعين، أو عشوة بمطعم… عادي!
بس تنكة زيت بتقعد معك ٦ شهور، صارت غالية؟
الزيت الفلسطيني مش سلعة للمفاصلة،
هذا زيت مغمّس بالدم والكرامة.
احترم تعب الفلاح، وخلّيه يعيش من خير أرضه… وادعم صموده.
#للعلم انا معنديش زيت للبيع
