Voice Of Humanity

17/04/2025

Oduu: Barruun namoota bara 2025 addunyaa irratti dhiibbaa uuman 100 keessatti lammii Teediroos Adihaanoom filate

Daarektarri Olaanaa Dhaabbata Fayyaa Addunyaa Doktar Teediroos Adihaanoom namoota bara 2025 keessa sadarkaa idil-addunyaatti dhiibbaa uuman ykn dhageettii guddaa qaban 100 barruun Taayim (Time) ifoomse keessatti hammataman.

Dr. Teediroos Adihaanoom filatamuu isaanii ilaalchisee barreeffama fuula miidiyaa hawaasaa isaanii irratti maxxasaniin, “tarree dhiibbaa uumtoota keessatti hammatamuun koo ogeessota kaayyoo fayyaa hundaaf jedhu galmaan ga’uuf magaalaa, baadiyyaa, fi naannoo walitti bu’iinsi itti uumame keessatti halkanii fi guyyaa hojjetaniif beekamtii kennuudha” jedhan.

Barruu kana irratti waa’ee Dr. Teediroos ragaa bahuun kan barreessan ogeessi dhibee daddarbaa beekamaa Piroofeesar Laarii Briiliyaant, Dr. Teediroos Adihaanoom “nama mul’ata qabu, murtee saayinsii irratti hundaa’e kennuudhaaf deeggarsa guddaa godhu” jechuun ibsaniiru.

Pireezidaantiin Doonaald Tiraamp, abbaan qabeenyaa Elon Mask, Muummichi Ministeeraa Yunaayitid Kingidam Ker Staarmar namoota bara kana keessatti dhiibbaa guddaa uuman jedhamuun barruu kana keessatti filataman keessaa argamu.

14/04/2025

Barattoonni dorgommii Huwaawwee 'Teek foor Guud' dorgomame injifatan

Barattoonni Yuunivarsiitii Itoophiyaa dorgommii Huwaawwee 'Giloobaal Teek foor Guud' Chaayinaatti dorgomame tokkoffaa bahuun injifataniiru.

Gareen Itoophiyaa barattoota jahaan bakka bu'ame kun barattoota kana Yuunivarsiitii , , , , fi Yuuniversiitii Saayinsii fi Teeknooloojii Finfinnee ( ) irraa akka hirmaatan eerameera.

Barattoonni kunneen dorgomtoota Morookoo, Afrikaa Kibbaa, Arjentiinaa, Ayerlaandi, Maalaawwii, Veetinaam, Emireetoota Araba Gamtoomanii fi biyyoota adduunyaa biroorraa walitti dhufan gareewwan 12 waliin dorgomuun injifannoon galaniiru.

Barattoonni kunneen pirojektii isaanii 'EarlyVet' jedhamu kan dhukkuba beeyladootaa dursanii adda baasuuf qophaa'ee fi hubannoo nam-tolcheetiin hojjetameen dorgomuu isaaniin xiyyeeffannoo hawwataniiru.

10/04/2025

Oduu: Barattoonni musliimaa hijaaba akka uffataniif murtoo Mana Murtii Aanaa Aksum dabarse manni murtii godinaa raggaase

Naannoo Manni Murtii Aanaa Aksum qajeelfama manneen barnoota magaalattii barattoonni Musliimaa hijaaba akka hin uffanne dabarsan dhorkuun murtoo dabarse Manni Murtii Godina Giddugaleessaa raggaase.

Manni Murtii Aanaa Magaalaa Aksum murtii Amajjii 18, 2025 dabarseen, ajajni bulchiinsaa manneen barnoota magaalattii shan dabarsan galmeen kun hanga furmaata argatutti ykn ajajni biraa hanga kennamutti yeroof ugguramee akka turu ajajuu ni yaadatama.

Haata’u malee uggurri manni murtii aanaa Aksum dabarse kun hanga ammaatti manneen barnoota kanaan hojiirra akka hin oolle fi barattoonnis gara barnootatti akka hin deebine odeeffannoon Mana Maree Dhimmoota Islaamummaa Tigraay irraa arganne agarsiisa.



Voice Of Humanity

08/04/2025

Oduu: Ogeeyyiin fayyaa kaffaltii madaalawaa dabalatee gaaffiileen isaanii deebii yoo hin arganne hojii akka dhaaban akeekachiisan

Ogeessonni fayyaa keessa argaman mindaa haqa qabeessa, uwwisa inshuraansii fayyaa, fi faayidaa fooyya’aa gaafachuun miidiyaa hawaasaa irratti duula qindaawaa eegaluu isaanii Addis Standard’tti himan.

Doktoroota, narsoota, ispeeshalistootni fi ogeeyyii baqaqsanii hodhuu dabalatee ogeeyyiin fayyaa marsaalee miidiyaa hawaasaa adda addaa irratti duula "lubbuu baraaraa turre, amma kan keenya baraaruu qabna" jedhu fayyadamuun yaaddoo fi gaaffilee isaanii kaasaa jiru.

Ogeessi fayyaa tokko, "hojjataan fayyaa qaala'insa jireenyaaf saaxilamaadha. Wal'aansa ofiifillee dadhabnee kadhachuuf dirqamaa jirra. Galiin ogeeyyii fayyaa dadhabbii hojii isaanii akka hin madaallee waan ta’eef sagalee keenya dhageessisuuf sochii eegalle" jechuun Addis Standard’tti himan.

Voice Of Humanity

03/04/2025

"Barattoonni yuunivarsiitii eebbifamuun dura waggaa tokkoof akka barsiisan taasisuuf":- Ministeera Barnootaa

Ministeerri Barnootaa hojimaata barattoonni yuunivarsiitii eebbifamuu isaaniin dura waggaa tokkoof ogummaa barataniin hawaasa isaaniin akka barsiisan ykn tajaajilan taasisu hojiirra oolchuuf karoorfachuu beeksise.

Ministirri Ministeera Barnootaa Piroofesar Birhaanuu Naggaa kaleessa Ebla 02, 2025 Koreen Dhaabbii Dhimmoota Misooma Qabeenya Namaa, Boobbii Hojii fi Teknoloojii Mana Maree Bakka Bu’oota Uummataa sababoota qabxiin barattoota kutaa 12ffaa gadi aanaa ta’e ilaalchisee qorannoo dhiyaate irratti marii yeroo gaggeessu karoora kana ifoomsaniiru.

Sagantaan “Tajaajila Yuunivarsiitii Itoophiyaa” jedhamuun moggaafame kun karoora barattoonni yuunivarsiitii osoo hin eebbifamin dura ogummaa barataniin hawaasa akka tajaajilan kan taasisu ta’uu Ministirri Barnootaa Piroofeesar Birhaanuu Naggaa himaniiru.

Sagantaan “yoo danda’ame bara dhufu yoo ta’uu baate bara 2019 ALI hojiirra oola” jedhame kun, barattoonni yunivarsiitii beekumsa isaanii hojiitti hiikuuf kan dandeessisu ta’uus ministirichi akeekaniiru.

Itoophiyaatti hanqinni barsiisotaa 100,000 ol akka jiru kan ibsan Pirof. Birhaanuun, hanqina barsiisota gahumsa qaban olaanaa biyyattii keessatti mul’ate furuuf ministeerichi sagantaalee adda addaa kan akka “Tajaajila Yuunivarsiitii Itoophiyaa” karoorfachuun hojiirra oolchaa jiraachuu ibsaniiru.

Voice Of Humanity

29/03/2025

Baga Geessan!
Ed Mubarek!
Ummanni Muslimaa baga Ayyaana Id Al-Fixrii kan bara 1446 ALH/2025 ALAtiin isin gahe.

Ayyaanni Ayyaana milkii fi gammachuu isiniif haa ta'u!

Ayyaana Gaarii!

Voice Of Humanity

24/03/2025

Oduu: barattoonni miiliyoona 7.2 ol sababa rakkoo nageenyaan barnoota ala ta’uu Ministeerri Barnoota ibse

Itoophiyaa keessatti rakkoo nageenyaa naannoo adda addaatti uumameen barattoonni miliyoona 7.2 ol ta’an gara barnoota isaanitti akka hin deebine Ministirri Barnootaa Birhaanuu Naggaa (Prof.) ibsaniiru.

Ministirichi waltajjii sosochii barnootaa Baahirdaaritti gaggeeffamaa jiru irratti haasawa taasisaniin, Itoophiyaa naannolee tokko tokkotti rakkoo nageenyaa mudateen barattoonni miiliyoona 7.2 ol ta’an gara mana barumsaatti akka hin deebine ibsaniiru.

Walitti bu’iinsi hiree gara fuula duraa daa’immanii fi dargaggootaa kan gufachiisu waan ta’eef furmaanni hatattamaan kennamu akka qabu cimsanii dubbataniiru.

28/02/2025

Guyyaa harraa jimaata February 28, 2025 baatiin ji’a waan mul’atteef, Sabtii borii Ramadaanni 1 jedhee kan jalqabu ta’a.

Voice Of Humanity

28/02/2025

27/01/2025

Laammiileen gaazaa gara qe'ee isaaniitti deebi'aa jiru

Gazans are returning to their homes

22/01/2025

President America 47ffaa

17/12/2024

Voice Of Humanity