20/03/2026
काठमाडौं। चुनावपछिको पहिलो संसद् बैठकमा रास्वपाका सांसदहरू अग्रपंक्तिमा उत्साहका साथ बसेका थिए। मोबाइलमा सेल्फी खिच्दै, साथीहरूलाई जिस्काउँदै र कुर्सी घुमाउँदै उनीहरू संसद्को औपचारिकता भन्दा रमाइलोमा व्यस्त देखिन्थे।
संसद्को जेठो सदस्य महावीर पुनले बैठक सुरु गर्दै सबैलाई सम्मानपूर्वक बस्न वा उठ्न स्वतन्त्रता दिँदै हल्ला नगर्न अनुरोध गरे। उनले सेल्फी खिच्न अनुमति दिँदै भने, “देशको अवस्था जस्तो छ, त्यस्तै देखिनुपर्छ। फिल्टर नलगाउनु।”
अगाडिका बेञ्चमा रहेका बालेन शाहले हातको इशारामा सबैलाई बस्न निर्देशन दिएपछि सांसदहरू चुपचाप बसे। केही सांसदहरूले गीत गाउने विषयमा हल्का मजाक गरेका थिए, जसमा चुनावी र हार–जीतको गीत चयन गर्ने चर्चा भयो।
सभामुख पुनले आफूलाई संसद्को जिम्मेवारी दिनु भएकोमा टिप्पणी गर्दै भन्नुभयो, “सधैँ सभामुख हुँदैन, अहिलेलाई जेठो भएर जिम्मेवारी दिएको छ।” उनले सांसदहरूले संसद्को कुनामा खान, बस्न र सुत्न सक्ने तर फोहोर नगर्ने व्यवस्था मिलाउनुपर्ने पनि जोड दिनुभयो।
उक्त बीच हर्क साम्पाङले संसद् भवन नभएको अवस्थामा कुनै पनि काम सम्भव नभएको भन्दै ढुङ्गा बोक्ने र भवन निर्माण गर्ने व्यंग्य गरे। आशिका तामाङले सफाईको महत्त्व औंल्याइन्।
कांग्रेस, एमाले र नेकपाका सांसदहरूले आफ्नो अनुभव प्रस्तुत गर्दा प्रचण्डले अनुभवको आधारमा पार्टी र संसद् सञ्चालनको भूमिका लिनुपर्ने संकेत गरे। रास्वपाका रवि लामिछानेले भने दुईतिहाइको बलका बावजुद पार्टी सञ्चालन आफूहरूले गर्ने र चुनावी वाचा पूरा गर्ने प्रतिवद्धता व्यक्त गरे।
सभामुख पुनले अन्ततः बैठकको समापन गर्दै, “बस्न मन लागे बस्नुस्, नाच्न मन लागे नाच्नुस्। तपाईंहरू सबै लाइनमा बस्नुहोस्, मेरो किताब किन्नुहोस्। सबैले किताब किनेपछि आजको बैठक अन्त्य हुनेछ र म फेरि सभामुखको कुर्सीमा फर्कनेछु,” भनी रमाइलो ढङ्गले बैठक समाप्त गर्नुभयो।
