25/07/2025
من لما طلع ابو جوليا على السوشيال ميديا وانا بتابع محتواه، وكثير تعلمت منه طبخات كنت اسويها بالغربة.. لدرجة مرة سويت لصحابي مكمورة على طريقته وقالولي هاي ازكى مكمورة بنوكلها بالعالم..
برمضان كنت افطر على وصفاته..
الزلمة كان يطبخ باميا ويقلي سردين ويحكيلنا عن السلطة الغزاوية، فجأة لقى حاله رمز لدمار الامة العربية والاسلامية، ويتحمل مسؤولية انقراض سمك الساربيتوس بالمحيط الهاديء..
اقسم بالله ما بعرف هذا الرجل ولا في بيني وبينه اي علاقة، لكن من خبرتي بالبشر، هذا انسان محترم وفهمان وعنده قيم واخلاقيات، حتى كلامه كلام متوازن ومحترم وانا دايما بسمع شو بحكي..
نفسي اعرف شو عمل ابو جوليا عشان تعاملوه بكل هاي القسوة؟
كثير كنا نحبه ونحب محتواه وهو مش رجل سياسة، والا هي فرصة لاغتيال الشخصيات؟
من علامات المنافق اذا خاصم فجر
ويقول الله في محكم التنزيل:
ستُكتب شهادتهم ويُسألون
كل الحب والاحترام يا ابو جوليا المحترم ❤️
