Gulf Stories

Call

Gulf Stories This page is about news of Middle east which includes Saudi Arabia and UAE

01/10/2026

سعودی پولیس اہلکار نے غیر ملکی خاتون موٹرسائیکل سوار کی مدد کرکے ایک خوبصورت مثال قائم کردی، ویڈیو میں خاتون سعودی عرب سے عراق کی طرف سفر کرتی نظر آتی ہیں جہاں ایک سعودی پولیس اہلکار ان کے پاس رک کر ان کی مدد کرتا ہے، اہلکار خاتون کو راستہ سمجھانے کے لیے اشارے کرتا ہے اور ان کا فون دیکھ کر انہیں درست سمت کے بارے میں رہنمائی فراہم کرتا ہے، خاتون کے ساتھ پولیس اہلکار کا یہ شائستہ اور مددگار رویہ سوشل میڈیا پر لوگوں کی توجہ کا مرکز بن گیا، صارف نے سعودی سیکیورٹی اہلکاروں کے اس انداز کو سراہتے ہوئے اسے سعودی اہلکاروں کے اچھے رویے کی مثال قرار دیا۔

01/10/2026

کراچی کی سڑک پر فروٹ فروخت کرنے والے ایک شخص کی ویڈیو سوشل میڈیا پر توجہ حاصل کر رہی ہے، جس میں وہ اپنے ساتھی کا بلڈ پریشر چیک کرتا دکھائی دے رہا ہے۔ فروٹ کی ریڑھی کے پاس بیٹھے شخص کے بازو پر بلڈ پریشر مشین لگا کر وہ اس کا بلڈ پریشر چیک کرتا رہا، جبکہ قریب موجود افراد بھی یہ منظر دیکھ کر حیران رہ گئے۔

ویڈیو سوشل میڈیا پر شیئر ہونے کے بعد صارفین مختلف انداز میں تبصرے کر رہے ہیں اور اسے کراچی کی روزمرہ زندگی کا ایک دلچسپ اور منفرد منظر قرار دے رہے ہیں۔

01/10/2026

ننھا ہادی سموسے بیچ کر اپنی بیمار ماں کا ہاتھ بٹا رہا ہے، ایک شخص نے اس کی مدد کے لیے سموسے کی قیمت سے زیادہ پیسے دینے چاہے تو ہادی نے لینے سے انکار کردیا، اس کا کہنا تھا کہ میری ماما نے منع کیا ہے کہ جس سے سموسہ لینا ہے صرف اسی سے پیسے لینے ہیں، کسی اور سے پیسے نہیں لینے، ہادی نے بتایا کہ ایک سموسہ 50 روپے کا ہے اور وہ خود محنت کرکے سموسے بیچتا ہے، ساتھ اسکول اور ٹیوشن بھی پڑھتا ہے اور سپارہ بھی پڑھتا ہے، بات چیت کے دوران ہادی نے بتایا کہ اس کی والدہ بیمار ہیں اور انہیں دل کا مسئلہ ہے، جبکہ اس کے والد کا انتقال ہوچکا ہے، گھر کے مشکل حالات کے باعث ہادی نے چھوٹی عمر میں ہی محنت شروع کردی، وہ دوسری جماعت میں پڑھتا ہے اور پڑھائی کے ساتھ اپنی بیمار ماں کا ہاتھ بٹانے کے لیے سموسے بھی بیچتا ہے، ننھے ہادی کی کم عمری میں محنت، ایمانداری اور اپنی ماں کی نصیحت پر عمل کرنے کے انداز نے ہر کسی کو متاثر کردیا۔

01/10/2026

دبئی میں ایک خاتون کی ویڈیو سوشل میڈیا پر توجہ حاصل کر رہی ہے، جس میں بتایا گیا کہ خاتون نے مال میں اپنا موبائل فون چارجنگ کے لیے سوئچ پر لگایا اور اسے وہیں چھوڑ کر تقریباً ایک گھنٹے تک شاپنگ کرتی رہی۔

خاتون نے شاپنگ مکمل کرنے کے بعد جب دوبارہ اسی جگہ کا رخ کیا تو اس کا موبائل فون حیران کن طور پر وہیں موجود تھا۔ اس دوران آس پاس سے متعدد لوگ گزرتے رہے، تاہم کسی نے موبائل فون کو ہاتھ تک نہیں لگایا۔

واقعے نے سوشل میڈیا صارفین کی توجہ حاصل کی، جہاں لوگ دبئی کے محفوظ ماحول اور شہریوں کے ذمہ دارانہ رویے کو سراہتے ہوئے تبصرے کر رہے ہیں۔ کئی صارفین نے کہا کہ عوامی مقام پر قیمتی موبائل فون کو اتنی دیر تک چھوڑ کر بے فکر ہو کر شاپنگ کرنا اور پھر اسے اسی جگہ موجود پانا دبئی کے ماحول اور سکیورٹی پر اعتماد کی ایک مثال ہے۔

تاہم یہ بھی واضح ہے کہ کسی بھی عوامی مقام پر قیمتی اشیا کو بغیر نگرانی چھوڑنا خطرے سے خالی نہیں، اس لیے احتیاط ضروری ہے۔

01/10/2026

پہاڑ پر ایڈونچر کے دوران نوجوان نے نیچے موجود بڑے پتھر کو لات مار کر گرانے کی کوشش کی، پتھر نیچے کی طرف تو چلا گیا لیکن راستے میں ایک بہت بڑے درخت کے تنے سے جا ٹکرایا، ٹکر کے بعد وہ بھاری تنا خطرناک انداز میں نوجوان کے سر کی طرف آنے لگا اور ایسا محسوس ہوا جیسے وہ سیدھا اس سے ٹکرا جائے گا، نوجوان نے بروقت خود کو بچایا اور بڑے حادثے سے بال بال محفوظ رہا، چند سیکنڈ کی یہ حرکت انتہائی خطرناک ثابت ہوسکتی تھی، کیونکہ اتنے بڑے اور بھاری تنے کی زد میں آنا نوجوان کے لیے سنگین نقصان کا باعث بن سکتا تھا۔

01/10/2026

ماں کی محبت کا قرض اتارنے کے لیے بیٹے نے سونے کا کام سیکھ لیا، ویڈیو وائرل

سوشل میڈیا پر ایک جذباتی ویڈیو تیزی سے وائرل ہو رہی ہے جس میں ایک نوجوان اپنی والدہ کی محبت اور قربانیوں کا ذکر کرتے ہوئے نظر آتا ہے۔ ویڈیو کے مطابق ایک موقع پر نوجوان کے بہتر مستقبل کے لیے اس کی والدہ اپنا سونا فروخت کرنے کے لیے تیار ہوگئیں، جس پر بیٹے نے والدہ کی آنکھوں میں اداسی محسوس کی۔

نوجوان کا کہنا ہے کہ اس دن اس نے فیصلہ کیا کہ وہ کسی بھی طرح اپنی والدہ کی قربانی کا بدلہ چکائے گا اور انہیں خوش دیکھے گا۔ اس مقصد کے لیے اس نے محنت کرتے ہوئے سونے کے زیورات بنانے کا کام سیکھا اور بالآخر اپنی محنت کے ذریعے والدہ کو وہ خوشی دینے میں کامیاب ہوا جس کی وہ حقدار تھیں۔

ویڈیو میں نوجوان کو سونے کا کام کرتے ہوئے بھی دکھایا گیا ہے، جبکہ اس کے جذباتی الفاظ نے سوشل میڈیا صارفین کی توجہ حاصل کرلی۔ ویڈیو پر لاکھوں لائکس اور ہزاروں تبصرے کیے جا چکے ہیں، جہاں صارفین ماں کی محبت اور بیٹے کی محنت کو سراہ رہے ہیں۔

01/10/2026

مکہ مکرمہ سے طائف ریجن کے ایک گاؤں کی جانب جانے والی اسکول ٹرانسپورٹ کو آج صبح المناک حادثہ پیش آیا، حادثے کے نتیجے میں پانچ خواتین اساتذہ اور اسکول ٹرانسپورٹ کا ڈرائیور جاں بحق ہوگئے، واقعے کی اطلاع ملتے ہی متعلقہ امدادی ادارے موقع پر پہنچے اور ضروری کارروائی شروع کردی، حادثے کی وجوہات اور دیگر تفصیلات کے بارے میں متعلقہ حکام کی جانب سے مزید معلومات کا انتظار ہے، اللہ تعالیٰ جاں بحق افراد کی مغفرت فرمائے اور ان کے اہلِ خانہ کو صبر عطا فرمائے۔

01/10/2026

دبئی سے تل ابیب جانے والی فلائی دبئی کی پرواز میں پیش آنے والے خوفناک واقعے کے دوران ایک اسرائیلی مسافر نے کاک پٹ میں داخل ہو کر مبینہ حملہ آور کو قابو کیا اور طیارے کو مزید نقصان سے بچانے میں مدد دی۔

بین الاقوامی میڈیا کی رپورٹ کے مطابق یانیو ہئیون نامی اسرائیلی مسافر نے اسرائیلی وزیرS اعظم نیتن یاہو سے ملاقات کے دوران بتایا کہ جب وہ کاک پٹ میں پہنچا تو ایک شخص کنٹرولز کے قریب موجود تھا، جسے اس نے پکڑ کر اپنی گرفت میں لیا اور کاک پٹ سے باہر کھینچ لیا۔اسرائیلی مسافر نے بتایا کہ حملہ آور طیارے کے کنٹرول سسٹم کو نقصان پہنچانے کی کوشش کر رہا تھا۔

یانیو ہئیون نے بتایا کہ مجھے حملہ آور کو اس طرح کنٹرول کرنے کا طریقہ ٹی وی پروگرام ’Mayday‘ دیکھنے سے معلوم ہوا تھا

01/10/2026

اتحاد ریل کے سفر کے دوران یو اے ای صدر شیخ محمد بن زاید نے کڑک چائے کا آرڈر دیا، جب ان سے پسند کے بارے میں پوچھا گیا تو انہوں نے کہا کہ وہ پرانے انداز کے ہیں اور کڑک چائے ہی پسند کرتے ہیں، اس موقع پر شیف مائتھا نے ان کے لیے کڑک چائے تیار کی جسے شیخ محمد بن زاید نے بہت پسند کیا اور اسے اپنی زندگی کی بہترین کڑک چائے قرار دیا، کڑک چائے یو اے ای میں روزمرہ کی مقبول چائے ہے جو مضبوط چائے، دودھ، چینی اور الائچی سے تیار کی جاتی ہے، اس خوبصورت لمحے کی ویڈیو سوشل میڈیا پر وائرل ہوئی تو لوگوں نے بھی اسے پسند کیا، خاص طور پر اس لیے کہ ایک عام سی کڑک چائے کے شوق نے صدر کی سادگی اور مقامی ذائقوں سے وابستگی کو نمایاں کیا۔

01/10/2026

فلاي دبئی طیارہ واقعے میں مسافروں کی مدد کرنے والے اسرائیلی شہری سے نیتن یاہو کی ملاقات

اسرائیلی وزیراعظم بنیامین نیتن یاہو نے فلاي دبئی کی پرواز FZ1073 میں سوار اس اسرائیلی مسافر سے ملاقات کی جس نے طیارے میں پیش آنے والے ہنگامی واقعے کے دوران معاون پائلٹ کو قابو کرنے میں مدد کی تھی۔ طیارے کو بعد ازاں سعودی عرب کے تبوک ایئرپورٹ پر ہنگامی لینڈنگ کرنا پڑی۔

رپورٹ کے مطابق معاون پائلٹ پر الزام ہے کہ اس نے طیارے کے کپتان پر چاقو سے حملہ کیا اور پرواز کو گرانے کی کوشش کی۔ اسرائیلی حکام کے مطابق معاون پائلٹ عمانی شہری بتایا گیا ہے، تاہم واقعے کے محرکات کی تحقیقات جاری ہیں۔

ملاقات کے دوران نیتن یاہو نے مسافر کی بہادری کو سراہتے ہوئے کہا کہ "میں آپ کو دیکھتا ہوں تو مجھے ایک شیر نظر آتا ہے، ایک عظیم ہیرو نظر آتا ہے۔" مسافر نے جواب دیا: "ہم شیروں کی قوم ہیں۔"

Address

Jeddah

Telephone

+923405324729

Website

Alerts

Be the first to know and let us send you an email when Gulf Stories posts news and promotions. Your email address will not be used for any other purpose, and you can unsubscribe at any time.

Shortcuts

Share

Category