07/05/2026
دکھ :دکھ کیا ہوتا ہے؟ کوئی عورت ساری رات اپنے شوہر سے مار کھا کر اب کسی کے گھر میں صفائی کر رہی ہوگی اور اس گھر کا مالک اسے گھور رہا ہوگا (دکھ) کسی مدرسے میں سالوں سے دور کوئی بچہ کسی کونے میں بیٹھا اپنی ماں کو یاد کر رہا ہوگا اور سسکیاں لے کر رو رہا ہوگا (دکھ ) کسی سکول میں کوئی بچی آج بھی سکول فیس نہ ہونے کی وجہ سے کلاس سے باہر کھڑی ہوگی اور اس کے آنسو اس کی روح میں جذب ہو رہے ہوں گے (دکھ ) کبھی کوئی اپنے صحن میں اپنے پیارے کا جنازہ لیے بیٹھا ہوگا اور اس سے لپٹ کر خود کو یقین دلا رہا ہوگا کہ یہ خواب ہے حالانکہ وہ ایک خوفناک حقیقت ہوتی ہے (دکھ ) کوئی مسافر پردیس میں ہنستا رہے مگر ہر رات تکیہ آنسوؤں سے بھگو دے اور کسی کو خبر نہ ہو (دکھ ) کوئی جوان بیٹا روزگار نہ ہونے پر گھر والوں کی نظروں سے بچتا پھرے اور اپنی ہی نظر میں گر جائے (دکھ )
