sh zada khan

18/01/2026

Jannatul baki

01/01/2026

18/12/2025

یہ خبر بہت افسوسناک ہے۔ کہا جا رہا ہے کہ کراچی ایئرپورٹ پر ایک ناخوشگوار واقعہ پیش آیا جہاں ایک ایئرلائن کے عملے نے بیرونِ ملک جانے والے ایک پاکستانی نوجوان کا پاسپورٹ پھاڑ دیا۔ متاثرہ نوجوان کے مطابق اس نے تقریباً 10 لاکھ روپے دے کر ویزا حاصل کیا تھا اور 85 ہزار روپے کا ٹکٹ بھی خریدا تھا۔ اگر یہ واقعہ واقعی سچ ہے تو یہ نہایت شرمناک اور دکھ دینے والی بات ہے۔ اللہ تعالیٰ ہمیں ایسے ظالم لوگوں سے محفوظ رکھے، آمین۔
یہ سوچنے کی بات ہے کہ آخر ہمارے ملک میں اپنے ہی شہریوں کے ساتھ اس طرح کا ظلم اور زیادتی کیوں ہو رہی ہے؟ آج کا نوجوان پہلے ہی بے روزگاری اور غربت سے پریشان ہے۔ وہ محنت مزدوری کرکے اپنی اور اپنے خاندان کی زندگی بہتر بنانا چاہتا ہے۔ اگر کوئی نوجوان بہتر مستقبل کی تلاش میں بیرونِ ملک جانا چاہے تو اس میں کیا برائی ہے؟
ایسے واقعات سے لوگوں کا نظام پر اعتماد ختم ہو جاتا ہے۔ حکامِ بالا کی ذمہ داری ہے کہ اس واقعے کی مکمل اور شفاف تحقیقات کریں۔ اگر عملے کی طرف سے زیادتی ثابت ہو جائے تو ایسے پالتو نوکروں کو سخت سزا دی جائے تاکہ وہ دوسروں کے لیے عبرت بنیں اور آئندہ کوئی بھی شہری کے ساتھ ایسا سلوک کرنے کی ہمت نہ کرے۔ ریاست کا فرض ہے کہ وہ اپنے شہریوں کی عزت، حق اور مستقبل کا تحفظ کرے۔