18/12/2025
200,000.00 SAR ang naging bunga ng negosasyon sa kaso.
Si Ate J ay may dalawang anak na 8 at 5 taong gulang. Dahil inabandona ng kanyang live in partner, napilitan mag abroad si Ate J bilang kasambahay noong 2022.
Okay sana ang kanyang pagtatarabaho sa loob ng tatlong taon dito sa Jeddah. Pero sa isang iglap ay nagbago ang situasyon ni Ate. Ayon sa kanya, siya ay naabuso. Agad natin siyang nerespondehan nang humingi ng saklolo.
Nang makuha natin si Ate sa employer ay sinamahan natin sa ospital para ipa forensic examination. Hindi nag sinungaling ang forensic result, positive nga na inabuso si Ate. Subalit si Ate ay ayaw ihabla ang salarin at ang hiling lang niya ay mabigyan ng exit visa at ticket para makauwi agad. Ngunit ang MWO ay hindi siya pinayagan dahil may nakita na malakas na ebidensya para ipakulong ang salarin.
Sinamahan natin si kabayan sa Pulis at naghain tayo ng habla para kay Ate kahit medyo alanganin ito dahil gusto na nga niyang umuwi. Subalit ang salarin na ikinulong agad ng mga pulis ay gusto makipag areglo. Nagharap si Ate at ang salarin at hindi natibag si Ate kahit ito ay takot dahil pinasamahan natin sya sa abogado ng MWO. Ang salarin ay mayroon din abogado na humarap sa imbestigasyon.
Maghapon nagusap-usap kahapon ang mga abogado ng magkabilang panig para sa settlement ng kaso kahit si Ate ay ok lang sa kanya ang exit visa at ticket lamang.
Bandang hapon na ay nagkasundo ang mga abogado sa 200,000.00 SAR, exit visa at ticket, kapalit ng hindi pagpapatuloy ng kaso. Kaya ora-orada ay inihatid natin si kabayan sa airport sa utos ni DMW Undersecretary Bernard P. Olalia na nagkataon na pauwi din ng Pilipinas mula Jeddah. Isinabay na ng nabanggit na opisyal si Ate para makauwi ng matiwasay sa Pilipinas.
Mabuti at may abogado ang MWO na nag represent kay Ate at kahit papaano ay medyo naibsan ang kanyang hinagpis sa kanyang sinapit.
Tatlong milyong peso ang conversion ng naiuwi ni Ate na settlement. Sana ay magamit niya ito sa pag-ahon sa kahirapan.
Post📷 Tahanan ng OFWs-Jeddah
