01/04/2026
GRADUATION CEREMONY
Kananga National High School
Senior High School Department
Kananga, Leyte
Ikinagagalak kong nakadalo at nakasama ang mga mag-aaral ng Kananga National High School–Senior High School Department sa Leyte, sa mismong araw ng kanilang pagtatapos.
Sa ating mensahe sa kanila, muli nating ipinaalala ang kahalagahan ng edukasyon sa pagbabago ng kanilang buhay at maging ng kanilang pamilya.
Ibinahagi rin natin sa mga nagsipagtapos ang apat na Be’s na itinuro ko rin sa aking mga anak.
Una, be kind. Huwag manira at manakit ng kapwa.
Pangalawa, be humble. Ang kakayahan ay ating gamitin sa pagtulong sa kapwa.
Pangatlo, be happy. Palaging magpasalamat sa Diyos kahit sa mga maliliit na bagay sa ating buhay.
At pang-apat, be careful. Piliin nang mabuti ang mga magiging kaibigan, lalo’t sila ang magdadala sa inyo tungo sa kabutihan o kapahamakan.
Pinaalalahan din natin ang kabataan na magpasalamat sa kanilang mga magulang at mga taong tumulong upang sila’y makapagtapos. Bilang ina, alam kong hindi madali ang pinagdaanan ng mga magulang upang mapag-aral ang kanilang mga anak.
Sa lahat naman ng magulang, pakiusap natin na sa gitna ng krisis ay patuloy na mamuhunan sa edukasyon ng kanilang mga anak.
Maraming salamat sa Kananga National High School at sa mga dati kong kasamahan sa Kagawaran ng Edukasyon sa inyong imbitasyon at mainit na pagtanggap.
Mahalin natin ang Pilipinas—para sa Diyos, sa Bayan, at sa bawat Pamilyang Pilipino.
