علي سعيد - كاتب محتوى

علي سعيد - كاتب محتوى الكتابة هي طريقتي في التفاوض مع الحياة،
وفي كل جملة أكتبها، أحرّر فكرة، أو أُضيء زاوية، أو أُشعل رغبة في التغيير! Official page ©

كاتب خواطر - متحدث تحفيزي - ناشط إجتماعي

🔻 ما تقارن نفسك بي زول ..كل زول ماشي في درب مختلف، وبظروف مختلفة، وبخطوات مختلفة.✅ المهم تسأل نفسك:أنا اليوم أحسن من أمس...
05/08/2025

🔻 ما تقارن نفسك بي زول ..
كل زول ماشي في درب مختلف، وبظروف مختلفة، وبخطوات مختلفة.

✅ المهم تسأل نفسك:
أنا اليوم أحسن من أمس؟
لو الإجابة (نعم)، فإنت في الطريق الصح، ولو (لسه)، فابدأ بخطوة صغيرة اليوم.

📍 التطوير الذاتي ما محتاج معجزة:
•خصص 10 دقايق تقرا في مجال بتحبو
•نظم نومك
•قلل من السوشيال ميديا
•واكتب أهدافك، حتى لو كانت بسيطة

- ما تخلي الظروف تكسر طموحك، ولا تسمح لأي زول يقلل من مجهودك!

أنت مشروع ناجح، بس محتاج تصدّق دا بنفسك 👌✨

🔗 علي سعيد - كاتب محتوى

الحب وحده لا يكفي ..فالفكرة ليست أن تُحب فقط، بل أن تكون وفيًّا ..أن تهتم دون انقطاع ..أن تصدق في وعدك، وتثبت في موقفك.أ...
03/08/2025

الحب وحده لا يكفي ..

فالفكرة ليست أن تُحب فقط، بل أن تكون وفيًّا ..
أن تهتم دون انقطاع ..
أن تصدق في وعدك، وتثبت في موقفك.

أن تكون سندًا، لا شعورًا عابرًا.
أن تبقى معها في كل الظروف، لا فقط في لحظات الكلام الجميل.
فالحب الحقيقي لا يظهر في الرسائل،
بل في الأفعال، في التفاصيل، في الأيام القاسية.

أن تختار البقاء .. حين يرحل الجميع.
وأن تكون عونًا .. حين يتخلى الآخرون.
وأن تصدق .. حين يكون الشك هو الأسهل.

تلك هي الأشياء التي تصنع علاقة حقيقية…
أما - أنا أحبك - فهي مجرد بداية،
أما الباقي، فهو مسؤولية، وصدق، واستمرار!

🔻 علي سعيد - كاتب محتوى 🔻

🔻 ليس من الإنسانية أن تُغيث من هم بعيدون .. وتترك من يموتون إلى جوارك 🔻في فلسطين، يُقتل الناس في دقائق.وفي الفاشر، يُقتَ...
02/08/2025

🔻 ليس من الإنسانية أن تُغيث من هم بعيدون .. وتترك من يموتون إلى جوارك 🔻

في فلسطين، يُقتل الناس في دقائق.
وفي الفاشر، يُقتَل الناس على مدى شهور، بالجوع، بالعطش، بالصمت، بالتجاهل.

كلاهما موت،
لكن الفرق أن ضميرك يختار أي موت يراه، وأي وجع يشعر به، وأي دم يعتبره مقدسًا.

نعم، نحن نغضب لغزة، وندعمها، ونتألم لما يحدث فيها.
لكن،
هل يُعقل أن نُطلق حملات لغزة، بينما الفاشر تعيش عامها الثاني تحت الحصار، دون رغيف أو دواء؟

أليس الأولى أن نبدأ من هنا ..
من ترابنا، من أطفالنا، من جوعنا؟
أليس من الحكمة أن نُنقذ من حولنا، قبل أن نبحث عن بطولات في الخارج؟

⛔ لا إنسانية انتقائية
⛔ لا عدالة بلا توازن
⛔ لا شرف في تجاهل الفاشر





#السودان

31/07/2025

🔴 الحرب لم تنتهِ بعد .. ودارفور ما زالت تحت المعاناة .. والميليشيا لا تزال قائمة!

أيها الناس، أفيقوا!

لقد خدّرتنا وسائل التواصل الاجتماعي، وأوهمتنا بأن الحياة عادت إلى طبيعتها، بينما الحقيقة تقول إن الوطن ما زال ينزف، والناس ما زالوا يعانون في صمت.

▪️ ما زال هناك نازحون بلا مأوى
▪️ ما زالت القرى تُحرَق
▪️ ما زال الخوف يسيطر على الأرواح، والجوع يفتك بالأجساد

لا تنخدعوا بالمظاهر ولا تسمحوا للزيف أن يغطي الحقيقة.
لا تجعلوا “الاعتياد” يُميت فيكم الإحساس، ولا تجعلوا “الهدوء الرقمي” يُغلق أعينكم عن الواقع.

🔻إن الوطن لا يُشفى بالتجاهل .. بل بالوعي، والصوت، والموقف!

📍 علي سعيد - كاتب محتوى

#السودان

مدينة تُحاصر، تُجَوَّع، تُقصَف، والعالم يتفرّج.الفاشر، عاصمة شمال دارفور، دخلت عامها الأول تحت حصار خانق فرضته مليشيا ال...
29/07/2025

مدينة تُحاصر، تُجَوَّع، تُقصَف، والعالم يتفرّج.

الفاشر، عاصمة شمال دارفور، دخلت عامها الأول تحت حصار خانق فرضته مليشيا الدعم السريع.
الهدف واضح: تركيع المدينة بالمجاعة بعد أن فشلوا في اقتحامها بالسلاح.

لا طائرات إغاثة، لا قوافل إنسانية، لا صوت يصل.
الدفاعات الجوية التي نشرتها المليشيا حول المدينة – بدعم إماراتي – منعت حتى - الأمل - من الوصول.
المدنيون يتساقطون واحدًا تلو الآخر، ليس بالرصاص، بل بالجوع.

الفاشر لا تحتضر فقط .. الفاشر تُذبح بالبطيء.

🔻 علي سعيد - كاتب محتوى 🔻




📍 غزة ما بس تحت القصف، غزة الآن - تحت الجوع - حرفياً:في ناس في غزة اليوم ما لاقية لقمة تأكلها،أطفال بيمشوا يفتشوا في الز...
28/07/2025

📍 غزة ما بس تحت القصف، غزة الآن - تحت الجوع - حرفياً:

في ناس في غزة اليوم ما لاقية لقمة تأكلها،
أطفال بيمشوا يفتشوا في الزبالة،
أمهات بيموتوا من الجوع عشان يخلوا اللقمة لعيالهم.

📉 أكثر من 80٪ من سكان غزة بيعانوا من “انعدام الأمن الغذائي الحاد”،
يعني حرفياً ما عارفين حيأكلوا شنو بكرة… أو لو حيأكلوا أصلاً.

الدقيق؟ معدوم
الموية؟ ملوثة
الحليب؟ حلم
الأكل؟ سلعة نادرة
وأي لقمة بتدخل غزة بقت معجزة.

والعالم ساكت،
والعرب ساكتين، وكأن الجوع دا ما جريمة حرب!

❌ اللي بيحصل في غزة إبادة جماعية بالجوع
قدام عيوننا، في 2025
ما في زمن المجاعات، في زمن التكنولوجيا والتقدم والنفط والترف.

📢 أضعف الإيمان؟
اكتب، اصرخ، شارك، انشر، تبرّع، قاطع، احكي ..
خلي صوتك يوصل، لأنو هم بيموتوا جوع، وإنت صوتك ممكن يكون سبب في حياة زول.





🔻 ليه الناس بتتفاعل مع المحتوى الهابط؟سؤال كل زول بقدم حاجة هادفة بيقيف عندو يومي ..لكن الحقيقة بسيطة ومؤلمة:🔹 المحتوى ا...
27/07/2025

🔻 ليه الناس بتتفاعل مع المحتوى الهابط؟

سؤال كل زول بقدم حاجة هادفة بيقيف عندو يومي ..

لكن الحقيقة بسيطة ومؤلمة:

🔹 المحتوى الهابط ساهل الهضم
ما محتاج تفكير، ضحكة، فضيحة، لقطة سريعة وخلاص.

🔹 بيخاطب الغرائز قبل العقول
ضحك، فضول، استهزاء ..
والزول التعبان من همو، داير يضحك بأي طريقة.

🔹 الخوارزميات بتحب التفاعل السريع
ما بتسأل: المحتوى دا مفيد؟
بتسأل: الناس وقفت عندو كم ثانية؟ شافتو للنهاية؟ علقت؟!

🔹 كتيرين بيستهلكوا التافه ..
مش لأنو مفيد، بل لأنو ساهل وبريح.

📌 الحل شنو؟
ما نتخلى عن الهادف ..

خلينا نقدّم الكلام العميق بعقل ذكي ولسان خفيف،
ما من فوق، من بين الناس ..
لأن الفكرة القوية ما محتاجة تتقال بتعالي،
محتاجة تتقال بذكاء وبقلب قريب! 👌

🔻 علي سعيد - كاتب محتوى


صدّقت زول .. وطلع ما زول حقيقي؟! 😳ماشي في الفيس، لقيت زول بيكتب كلام بيهزك من جوه…كأنو بيحكي قصتك، يلمس وجعك، يواسيك بدو...
26/07/2025

صدّقت زول .. وطلع ما زول حقيقي؟! 😳

ماشي في الفيس، لقيت زول بيكتب كلام بيهزك من جوه…
كأنو بيحكي قصتك، يلمس وجعك، يواسيك بدون ما يعرفك.

تابعتو، علّقت، شيّرت، بديت تحس إنك لقيت - زول فاهمك!
لكن بعد فترة، تكتشف إنو الصورة مسروقة، الاسم مزيف، والقصص مأخوذة من روايات قديمة او قصص وكتابات شخص تاني.

🔻قلبك وقع في فخ كيبورد واسم وهمي:

الزول دا ما كان هنا ..
إنت كنت بتتكلم مع فراغ، بتتأثر بخيال، بتثق في شبح رقمي.

🔻 السوشال ميديا مليانة أصوات بدون وجوه، ومشاعر بدون أصحاب.

🔻 ليك إنت:
– قبل ما تحب، اسأل.
– قبل ما تتعاطف، تحقّق.
– قبل ما تعيش في قصة، اتأكد إنها حقيقية.

🚫 ما كل من كتب، كان موجود ! 👌

🔗 علي سعيد - كاتب محتوى

25/07/2025

- في زحمة الأيام، بننسىٰ نطمّن على نفسنا ..
نطمّن إنها بخير، وإنها لسه بتحاول رغم التعب!

- جمعة مباركة عليكم،
وما تنسوا تدوا نفسكم نفس القدر من الاهتمام
اللي بتمنحوه للناس! 💙

جمعة مُباركة عليكم

🔻علي سعيد - كاتب محتوى 🔻

📌 من أنا؟أنا علي سعيد،كاتب محتوى، ومهتم بالعلم، بالأدب، وبكل شيء بيخلينا نفهم الحياة بعمق أكتر.لكن المرة دي…أنا جاي أقدم...
24/07/2025

📌 من أنا؟

أنا علي سعيد،
كاتب محتوى، ومهتم بالعلم، بالأدب، وبكل شيء بيخلينا نفهم الحياة بعمق أكتر.

لكن المرة دي…
أنا جاي أقدم حاجة مختلفة.

🎯 هدفي؟
ما بس أكتب،
بل أكتب عشان أترك أثر…
أصنع قيمة، أفتح مدارك، وأمدد جسور بين “الكلمة” و”الفرصة”.

💡 المرة دي، المحتوى حيكون:
• تسويقي لكن بفهم…
• فيهو وعي تجاه البيع والربح،
• وفي نفس الوقت، فيهو احترام لـ عقل القارئ واحتياجاتو.

✍️ عايز أقدم محتوى:
• يساعد الزول العادي يفهم التسويق بلغة بسيطة
• ويخلي صاحب البزنس يبيع بدون ضغط أو خداع
• ويبني ثقة بين المنتج، والناس

لو إنت:
• صاحب مشروع
• صانع محتوى
• مهتم بالتسويق
• أو زول بس داير يفهم السوق والناس أكتر

فـ تابعني ✨
لأن المحتوى الجاي، ما حيكون عادي.💙👌

🔻 علي سعيد | كاتب محتوى 🔻

23/07/2025

الحرب كَسرت فينا حاجات كتيرة ..
ناس، أماكن، تفاصيل، وحتى أطراف من أجسامنا ..
لكن ما قدرت تكسر الروح.

لسه في نفس، ولسه في أمل، ولسه فينا قدرة نقيف ونواصل.
نحن ما اتعودنا نستسلم، ولا نتراجع،
اتعلمنا نتحمل، نتصبر، ونتكاتف.

نكتب عشان نخفف،
ندعم بعض بالكلمة الطيبة،
ونمشّي في درب الحياة، مهما كان تقيل.

ما دام فينا قلب بنبض، فينا وطن ما بيموت! 💙



23/02/2024

الحرب دي علّمتنا الكتير عن الحياة وأخلاقيات الناس والمجتمع ولسّه بتعلِّم فينا ..

رغم إنو في ظاهرها سيء إلا إنو فيها خير كتير لو فهمنا تدابير ربنا للأقدار وكل حاجة تحصل لينا ..

الحمد لله على كل شيء!

Address

Al Dabbah

Opening Hours

Monday 08:00 - 22:00
Tuesday 08:00 - 22:00
Wednesday 08:00 - 22:00
Thursday 08:00 - 22:00
Saturday 08:00 - 22:00
Sunday 08:00 - 22:00

Website

Alerts

Be the first to know and let us send you an email when علي سعيد - كاتب محتوى posts news and promotions. Your email address will not be used for any other purpose, and you can unsubscribe at any time.

Shortcuts

Share

Category