HONA ALkanez-هنا الكنز

27/06/2025

اللهم صلِّ على قرَّة أعيُننا محمَّد، واحشرنا في زمرته، واجعلنا من أهل شفاعته، وأحينا على سُنَّته وتوفَّنا على ملَّته وأوردنا حوضه يا حيّ يا قيّوم إنَّكَ على كلِّ شيءٍ قدير ♡

#هُنا_الكنز ❤️✨

24/06/2025

رسائل من إبن القرية.. عبد المجيد شرقاوي
استتِري يا فتاة_

صديقتي العطاءة كزهرة السمسم
أشهدُ أن عمل الخير يرتمي بين أحضانكِ لِكي تسعيه
وأنكِ تُحبين المساكين وتطأ يداكِ الناعمتان على رؤوس
اليتامى عطفاً عليهِم
لا تنقصكي سوى عبائةً ساترة لِكي تبدي كملاك
فلِما تُصعبي هذا الأمر؟

صديقتي الحُلوة "كمُلاح النعيمية "
ومُبهجةٌ كيوم الحصاد
مالكِ كُلما تحدثتُ إليكِ عن السِتر هِجتي كثور جارنا!
لِما تترُكين شعرُكِ كاشفاً ليراه الناس!؟
هو أسودٌ كالليل لكنَّ سإمنا منه ونُريدُ الإستيقاظ ما لكِ تأبين الحِجاب!؟
أين الراحة في أن تكوني كاسية عارية!؟
إن قلبكِ لطيب وأنا أعلمُ بذلك فاترُكي طريق الظلمة واتجهي إلى الله
والله إني لا أُريدُ أن يموت قلبكِ كموت ذرعنا الذي انقطع منه المطر بل أودُ أن أكون المطر الذي يحييه
واعلمي أن صديقاتكِ الجاهلات لن ينفعوكِ بشيء فهُنَّ "كالبورة " التي تمنع القشَّ من أن ينهض ليرى النور
لذا تخلصي منهنَّ ولا تتبعيهنَّ في معصية
أخبريني صديقتي، لِما كُلما اقتربتُ من أن أُرشدكِ للصواب انفلتِّ من يدي لماذا لذجة أنتِ "كثمرة الويكة"
لا أظُنُ أنكِ قد فهمتِ مقصدي ولكن هذا منطقي وما أفهمُ فيه.

صديقتي الطرية كضرع شاة جدي
لا أعلم إن كان التشبيه سيروقُ لكِ لكني لم أجد ما هو أطرى من ضرعِ شاة جدي
فأنا قرويٌ لا يعلمُ من الحداثةِ إلاّ القليل.
أراكِ تلبسين البنطال الضيق وشيئاً قبيح المنظر يُدعى قميصاً، تظنينَ أنكِ جميلة هكذا وتلفتين أنظار الناس
لكن لو تعلمي فأنا أراكِ مثل تيسِ عبد القيّوم
آسفٌ على تشبيهاتي فكما ذكرتُ سالفاً لا أعلم عن حداثتكم شيئاً

أنا صديقُكِ الذي حرَّمتُ على نفسي رُكوب عربةٍ محددة
بعلةِ أن صاحبها تركَ فتاة لتركب محلَّ المُختلِص "الكمساري"
وأنا الذي تشاجرتُ مع صديق لأنة كان يلبسُ سلسلاً

صديقتي الناعمة كريش دجاجة أُمي
والله إني أخافُ عليكِ عذاب النار كما أخافه على نفسي
فبحق رفقتنا "استتِري" .
صديقُكِ المُخلِس..





#كُتاب_بلادي
#هُنا_الكنز❤️🫡

18/06/2025

كلما نظرنا ل ولدنا جابرعبدالله كنزوي شعرنا بفخرٍ لا يوصف… فخرٌ ب (ولد حلتنا ) الذي لم يكتفِ بأن يحلم فقط، بل عمل بصدق حتى بلغ مكانةً تستحق كل التقدير والاحترام. اليوم، أنت أستاذ، لكنك لست مجرد حامل للقب، بل حامل لرسالة، صانع للتغيير، وبانٍ لعقول الغد.

جمال الأستاذ لا يُقاس بالكلمات، بل بالأثر الذي يتركه، وبالقلوب التي يفتحها للعلم، وبالنفوس التي يزرع فيها الأمل. وأنت يا جابر عبدالله حسن موسى، من أولئك الذين اختاروا أعظم مهنة، مهنة الأنبياء، فصارت قامتك أعلى، وكلمتك أعمق، ووجودك أبهى.

قوة الأستاذ الحقيقية ليست في صوته العالي أو مكانته المجتمعية، بل في صبره، وفي قدرته على أن يصنع من الحروف نورًا، ومن السؤال طريقًا، ومن الطالب إنسانًا قادرًا. أنت الآن في مكان لا يصل إليه إلا من يحمل قلبًا مليئًا بالعطاء وعقلاً ناضجًا بالإدراك.

وليس هناك شرف أعظم من أن تكون سببًا في نهضة، أو أن تترك بصمة في عقل طالب سيذكرك يومًا وهو يصنع مجده. لقد اخترت مهنة لا تنتهي بانتهاء الدوام، بل تبقى آثارها إلى آخر العمر.
نحن فخورين بك، وسعيدين بك، وموقنين أن كل طالب سيمر تحت ظلك، سيخرج وهو أفضل، وأقوى، وأكثر وعيًا. فهنيئًا لك هذه المكانة، وشكرًا لأنك اخترت أن تكون أستاذًا في زمن يحتاج لمن يُعلّم بإخلاص ويقود بحكمة.
#هُنا_الكنز

Back to school 🏫

14/06/2025

مثلاً

شهدت مدرسة الكنز الاساسية بنات في يوم امس الاثنين الموافق 11 ديسمبر 2023 افتتاح الدورة التدريبية الرابعة للبرمجة بلغة الاسكراتش للاطفال. 🔥
باعتبار ان الاطفال هو رواد المستقبل فالبرمجة ستساعدهم بشكل كبير على التفكير المنطقي والابدعي و حل المشكلات.💙
🥰
🔥

11/06/2025

السلام عليكم
اخطر آفة خاشة علينا الفترة دي هي التك توك والفيس بوك، الميديا عموماً سلاح ذو حدين لكن ديل بالذات خطيرين شديد
التك توك 99% مفاتن ومعازف وتعري يعمل تعفن للدماغ عديل
والفيس بوك يصاحبو ناس اكبر منهم ويخشو قروبات ما مناسبة ل عمرهم
راقب ولدك/ بتك
صاحب ولدك/ بتك
خلو بالكم من اولادكم ربنا بسألكم منهم
كلكم راعي وكلكم مسؤول عن رعيته
للاسف الواحد لما يبوظ ما بضر نفسه براه بضر مجتمع كامل💔 ، ونحن محتاجين ل شباب وجيل الكنز يكون واعي وصاحي ما مغيب
وشكراً
#هُنا_الكنز

06/06/2025

#هُنا_الكنز

السنة الجاية في امن وامان وخير وتسهيل ورخاء وصحة وعافية وخير وبركة يارب العالمين ❤️❤️❤️✨

01/06/2025

#هُنا_الكنز
من رسائل الصفحة 💌
حاجة نحارب بيها بؤس الحياة والسلبية الفينا
زيارة طلاب الصف الخامس في مدرسة الكنز الابتدائية بنين ل معملتهم المريضة
كتبت الاستاذة معبرة:
"طلابي الاعزاء، البيت نور بيكم، والضحكة رجعت للقلوب، والجو بقى مليان طاقة وفرح. ما كنت متخيلة إنو بس حضوركم كفاية يخليني أنسى التعب والدوخة!
الطريقة الكنتوا بتضحكوا بيها، تسألوا عني، وتقولوا لي "الحمد لله على السلامة"، دي لحظات حفرتها في قلبي وما حنمشي ننساها أبدًا.

اليوم دا كان لطيف شديد... الهوا كان ناعم، والشمس كانت دافئة، وكلامكم الحلو كان بلسم لروحي. أنا مبسوطة بيكم فوق ما تتخيلوا، وكل لحظة معاكم عندي بالدنيا وما فيها.

ربنا يحفظكم ويخليكم دايمًا سند وفرحة، وإن شاء الله دايمًا متجمعين على المحبة والعِلم.
وخلوني أقول حاجة كمان من قلبي:
أكتر شي خلاني أتأثر وأحس بدفى حقيقي، هو إنو لاحظت ل طيبة أطفال الريف أطفال حلتنا ... يا ربي شوفوا النقاء والحنية!
كل كلمة قلتوها كانت طالعة من قلوبكم، وكل تصرّف بسيط كان مليان لطف وأدب وأصالة.
فيكم براءة ما موجودة في أي مكان، فيكم تواصل حقيقي... وده ما ساهل. دي تربية جميلة وأصل نضيف، لازم تفخروا بيهو دايمًا💗

أنا أستاذتكم، وصاحبتكم، وأختكم الكبيرة كمان 🥰💖
وفرحتي بيكم ما بتنكتب، وما بتنقاس. شكراً عشان جيتوا، شكراً على محبتكم، وشكراً على اليوم اللطيف الخلاني أنسى التعب كله.
خليكم دايمًا كدا... قلوب حلوة، وعقول منورة، وإن شاء الله دايمًا سوا على طريق النجاح.

Love you all so much! 💕 "

ربنا يحفظ اطفال الكنز رحمة من ربنا بالجد ❤️
نخلي ليهم الصور والبوست عشان نذكرهم أنهم كانو طيبين قدر شنو 😂😂✨

28/05/2025

السلام عليكم
الموضوع الاخير الحصل في حلتنا دا لو ما اتصعد وكبر ووصل المحاكم وكل الكنز وقفت وقفة رجل واحد دفاعاً عن حقوقنا وحقوق ولايانا، يبقى نقنع من الحلة وعلى الدنيا السلام
سكتنا كتييييير والساكت عن الحق شيطاناً اخرص
وعليكم السلام
#تعديل
الحصل يا جماعة ك الاتي اتنين من نسوانا طالعين من حلتنا راجعين بيتوهم برا الحلة شايلين حاجاتهم في امان الله يقومو شباب من عمبسة يتعرضو ليهم ويدقوهم (دا ما أول غلط منهم علينا زي ما كلنا عارفين) المهم المرتين كانو شجاعات وحاولو يدافعو عن نفسهم لكن فشلو ما هم نسوان في النهاية وإتدقو شديد للاسف
المهم شافو شباب من الكنز ونادوهم ينقذوهم وكتر خيرهم ما قصرو وربنا يواليهم بالعافية لانهم اتعوقو برضو!!
الكلام دا برضي منو يا ناس؟؟؟؟
دي كلام يتسكت عنو؟؟؟
من متين بحصل في القرى كدا؟؟؟؟ نحن كلنا اهل وكل يوم زول غريب بجي في الحلة يوم واحد ما زول مد يدو ولا اتعدى على غيرو !!!! ليه البحصل دا؟؟
عليك الله ناس ترقد مستشفى وهم ما عندهم ذنب؟؟
غايتو الموضوع دا لو اتجاوزناهو عادي كدا تاني ما نلوم إلا نفسنا على البحصل في الحلة

#كسرة ، الصفحة بس بتلفت انتباهك عشان الناس تعرف.
وأقول قولي هذا واستغفر الله العظيم لي ولكم