اشعار سودانية

30/09/2025

نسيتينى
الشاعر محمد سفله
أداء محمدالنصري
✍️
النص كامل
✍️
نسيتينى وماقايلك بتنسينى
نسيتينى ونسيتى إنك نسيتينى

سألت عيونك المحتاره لمن إنتى شفتينى
مشبهى والله هاديه النظره أم بهتت عناوينى
هدلتى عجن رويتى وجن

بنانك فى شفاك طعن أتاريك ماعرفتينى
حرام والله تنسى الماضى ياغرة دواوينى
فاكرك فوق جحيم مشتاقه صابره متين تلاقينى
اتاريك انتى فى وادى وبنات أفكارى فى وادى

وقليبك طاشى بى غادى ناسى البينو والبينى
إستاهل عشان طاريك لم سهيت عن دينى
فقدت الذات وقلبى المات والله يكضب الشينى
أغنى وماعرفت غناى هويتك وماحفظتى هواى

وحنانك زى ضايقو سواى ينتح هينو فى هينى
كلكلت المشاعر الباكى موت أحلامه ود عينى
وضمدت الجراح النازفه من أعماق شرايينى

وجيتك برضى انا الولهان أصدح بى غناوى زمان
ناسى أوجاعى والاحزان وداير إتهنى بى حينى
أمانى بلاك وهم مابيبقه حتى ان كان جرحتينى

تراى صابر أغنى وأدوبى بغفرلك تعالى وتوبـى
رضيت بالجمرة البتبوبى غيرك شن مبكينى
متين ياسفرة الفرح اللحق فى التربه والدينى

ضفافك يارهود الرحمه فوقه يكاكى وزينى
تقيف فينوس على الاهرام تمد ايديها لى قدام
تفرد أحضانه لى الايتام أصافيها وتصافينى
...
.
#احمدالمسيك

30/09/2025

يـــــــا فـرحـــــة فـــــــي بحــــــر الســــــــراااب
يــــــــا كلمــــــــة فــــــــــي اول جــــــــــــواااب

ياواحــــــة فــــــــــــي ليــــــــل الصعــــــــــــاب
اخـــــر شعــــــــاع وســـــــــــط الضبـــــــــــاب

يا نجـــــــم مــــــــــن دنيــــــــــانـــــــا غــــــــاب
يا أغلــــــــــــى مـــــــــــا تحـــــت التـــــــــــراب

مـــــــن خلفــــــــي قبـــــــــــــال العـــــــــــزاب
ليــــــك برســـــــل الاهـــــــــات صعــــــــــــاب

✍️🤎.
#مًتٌآبًعٌهّ_لَلَصّفُحًهّ_فضلا_اضغط_متابعة 👉

👇

28/09/2025

26/09/2025

♡ألم الفراق♡
●كلمات الشاعر /عبد الرحمن الريح●
اداء الراحل المقيم/ أبراهيم عوض●

أحكي ألم الفراق و اشكي
لمين انا أحكي
يوم الحبيب ودعني راح
ضاعف علي ألم الجراح
كان لي أمل أجد إنشراح
وأجد مع المحبوب صراح
كانت دموع عيني تسيل
كلما أشوف وجهو الجميل
بين الزهور وعلي النخيل
بكت الطيور يوم الرحيل

مهما تزيد الروح ضرام
ليك الوقار والأحترام
أحب كتير أيام أراك
أنت المني وأنت المرام

ياروحي ما هذا الصدود
و انا دمعي جاري علي الخدود
لو كان قليل خليك ودود
فرط الدلال فات الحدود

انا يا حبيب عاشق أسير
أعتز بيك و أهواك كتير
لو قلت لي غيرك سمير
مولانا عارف الفي الضمير

انا يا حبيب الروح محال
أنساك لو هجراني طال
لو أبعدك عني الدلال
لا بد من يوم للوصال

23/09/2025

..!! 💜!! ..

في حاجات ما ينفع إنك تطلبها من الزول القدامك !

زي الإهتمام .. الحب ..

أو إنك تحاول تحسس الطرف المعاك إنك موجود في حياتو !

الزول براهو لو ما حس بيك = يبقى ماف داعي إنك تحسسو بي وجودك.

الما عاوز يلتفت ليك !

= ما تلّوِح بي إيدينك ليهو.

قاسية جداً فكرة إنك تلّوِح بي إيدينك وما تتشاف ..

وإنك تعبر عن مشاعرك .. وببساطة جداً يُستهان بيها.

العلاقات عموماً لو ما بقت ملاذ يحتويك من تعب الأيام يبقى ما منها فايدة ..

الشاريك بتعب عشانك ..

والعاوزك بيعرف كيف يتمسك بيك ..

والإحترام والتقدير هم أساس العلاقات ..

في الوقت البتلقى نفسك فاقد الحاجتين ديل ..

امشي .. وما تخلي وراك الباب مُوارب ..


نحن خيارات حلوة شديد للناس المستعدة تختارنا ))

نستاهل نتشال في الرأس ..

ويتمشي عشانا بلاد ..