ست الودع

27/11/2025

زمان الواحد كان بغشك براك أسى بقى يقول ليك اديني رقم ابوك يغشك انتي وأهلك

18/11/2025

😭😭
عاد يابنات م شفتن السوتها امي.. من جات الحـ.ـرب ونزحنا في بيت اخوي ود ابوي ال هو كبيرنا المهم متزوج واحدة غريبة بت اصول وعز ومتربية تربية جد زمان معرفتنا بيها سطحية بتجينا مناسبات يوم يومين وترجع المهم جينا لقينا البت دي طبعا هي وحيدة وسط ستة اولاد وكلهم برة السودان يهزو ويرزو البيت حقها ورثتو من ابوها واخوانها بنو ليها وفرشو ليها وامها متوفية عاد هو م بيت ومافرش لكن تحسي نفسك في تركيا المهم استقبلتنا بي ضبيحة واخر كرم ولطافة وزوق عندها بت شغالة نحن قشة م بنرفعها وهي بتخش المطبخ قالت بتعشق حاجة اسمها طبخ للحظة تتخيلها منال العالم المهم نحن جينا وكان في بالنا نقعد فترة نرتب امورنا ونسافر السعودية لي اخوي اها امي شكلو عجبها الوضع واتعرفت علي خالات البت وخالات اخوي وكل يوم يعزمونا وونسات وطلعات مرات تخلينا قاعدين وتقول معزومة قعدة جبنة ظريفين يخ اهلهم ديل قالو تغيير من جو الحرب اها اخوي بتاع السعودية يشيل ويضرب اها اعمل ليكم الزيارة وح تجو متين وكدة ..امي قالت لي اخوك دة احظري 🙂

16/11/2025

البعاتي 😅

06/11/2025

السلام عليكم ورحمة الله وبركاته بنات
وروني هل انا غلطت في تصرفي دا
انا طبيبة مقيمة في الخليج اشتغلت طب أسرة مع عائلة واصلة ماشاء الله تبارك
نزلت السودان كان اجازة الكلام دا قبل الحرب واتعرفت على واحد هناك وكان محترم وتعاملو راقي وحصل بينا إعجاب متبادل اكتر حاجة كانت عاجباني انو هو م عارف امكانياتي شنو فعجبتني فكرة ان حباني لنفسي دي ولمن حسيت بيهو جادي وعايز يتقدم وكدا حكيت ليهو كل شي ولقيت ليهو شغل وبعد الزواج تم
سافرنا، اها جات الحرب والدنيا جاطت وعنده اختو كان بشيل مني ويرسل ليها انا كنت رضيانة الحمدلله بقول م نقص مال من صدقة اها لمن الفترة طولت قال لي عايز اجيبها وهي عندها عيال قلت ليهو لا انا بفتش إقامة لراجلها وهو يجي يشتغل ويجيب اسرتو معاهو وفعلا حصل
اها هم جو والراجل جاب معاهو اختو، ومبدئيا قعدو معاي في البيت اديناهم الشقة فوق (البيت مدياني ليهو العائله الشغالة معاهم) اها الحاجة العرفتها انو هو مفهمهم انو هو الجاب راجلها وحتى البيت دا بيتو وكدا سكت مشيتها قلت م مشكلة، الحاجة الضايقتني اني قلت ليهم انا لمن راجلي لمن يجي من الشغل عايزين ناخد راحتنا واقعدو في شقتكم وكدا م اشتغلو بي واخت راجلي قالت لي بيت اخوي م بقيف منو ومشتاقة ليهو، وبترسل عيالها يقعدو تحت معانا وازعاج وحماتها برضو يقعدو تحت ويعملوا قهوتهم ويضحكو ويخلو الدنيا جايطة، كلمت راجلي قال لي اصبري شوية بالتدريج بوقفهم، اخت راجلي بقت لمن انا اجي القاها خاته حنه تقول لي تعالي ختي حنة لأخوي دا بكون مشتهيها وتجدع كلام ومرة تقول لي والله لو م عملتي حسابك اخوي دا بعرس فيك وتضحك هي وحماتها، اها يوم كنت بايته برا وكلمت راجلي لكن البرنامج اتغير وجيت راجعة فجأة لقيت حماتها لابسة ضيق بدون طرحة بتعمل في القهوة وراحلي قاعد يضحك ويتونس لمن شافني لما اتخلع دخلت غرفتي طوالي جا بي وراي ومالك الحاصل شنو وجيتي راجعة و و م رديت عليهو قال لي هسة اختي وراجلها طلعو فوق وجايين، عاينت ليهو وقلت ليهو انا م سألتك
سبحان الله ربنا اليوم داك وراني كل شيء
بعد قهوتهم خلصت راجلي طلع وتلفونو م كان فيهو شحن خلاهو في البيت ودي كانت أول مرة اشيل التلفون افتشو، فتحتو القى ليك رسايلو مع اختو تتكلم معاهو يعرس حماتها وتقنع فيهو وهو رضى سبحان الله، وراجل اختو نفس الشيء وقال ليهو م قصرت جبتنا وسكنتنا انا م بلقى ارجل منك لأختي و و، ومعاها هي زاتها حبكانيات وضحك و ونسة حتى وراها اني بايتة برا البيت وتجي تعمل ليهو القهوة وكلام كتير عن إني م فاضية ليهو وانو مشتاق للحنان و و و،
حسيت الدنيا ضلمت في وشي قفلت التلفون في محلو تاني يوم م طلعت ، قعدت في الصاله اول م جو نازلين وقعدو قلت ليهم لو سمحتو ارجعو شقتكم انا عايزة مصدعة م عايزة إزعاج!! قامت اخت راجلي تجوط بيت اخوي وتقل ادبها وبكره بنطلعك منو وانت أصلا ضيفة بس في البيت دا م اكتر ونجيب المرأة التوزنك وست ستك، قلت ليها عايزة تعرسي لاخوك قالت لي اي بنخاف منك عشان ندس منك؟! 😂😂وراجلي جا قلت ليهو عايز تعرس؟! سكت، راجل اختو رد علي اي عايز يعرس عايز يعرس اختي وانت ماف زول مرقك من بيتك تقعدن ذي الأخوات وم حيظلم واحدة فيكن 🙂🙂قلت لراجلي رد!! قال لي اي العرس م حرام م عملت حاجة غلط انا🙂🙂اختو بعدت تضحك وقالت زمن الغتغتة انتهى
دخلت غرفتي غيرت ملابسي جاني قال لي انا كنت عايز اقول ليك وانت ماف داعي كان تعملي مشكلة وعايز يغلطني 🙂م رديت عليهو أصلا آخر حاجة قال لي على كيفك العايزاهو اعمليهو، ضحكت وقلت ليهو تمام وطلعت
بعد، طلعت رسلت ليهو رسالة اختك وشلتها عندهم ساعة يطلعو من بيتي والا حتصرف بطريقتي!!! قال لي اعملي العايزاهو 🙂🙂
مشيت فتحت بلاغ تعدي جات الشرطة كشتهم يشيل ويتصل علي أبيت ارد عليهو
ساقهم قعدهم في فندق وحسب ما هو عمل ليهم فيها مرطب بقى يدفع هو😂😂😂
غيرت مفاتيح البيت كلو ستفت ليهو؛ شنطتو وحاجاتو وختيتهم عند الباب 🙂🙂🙂
اتصل عايز يجن بقى يرسل رسايل اتفاهمي معاي وخلينا نقعد، رسلت ليهو قلت ليهو العايزة اعملو انا ياداب بديتو 🙂🙂🙂بلغت في راجل اختو بتحويلات كنت محولاها من حسابي وهو فاكر دا نسيبو الضكران قبضوهو وسجنوهو وكنسلو اقامتو وسفرو هو ومرتو واسرتو😂😂😂😂😂راجلي عايز يجن رسل لي ريكوردات يبكي عديل وانو هو م كان قاصد وانو انا عملت العايزاهو ونرجع حياتنا الأولى 🙂🙂رسلت ليهو رسالة قلت ليهو لالا لسة فضلت انت 🙂🙂 مشيت للعائلة الشغالة معاهم وحكيت الحاصل كلو وقالو العايزاهو نحن معاك انت بتنا وم بنرضى فيك انا عيالهم كنت براجع ليهم بدون مقابل ، قلت ليهم يطلقني وتفصلوهو تودوو السودان 🙂🙂
فعلاً رفعت قضية طلاق للضرر وعصروهو يطلقني، بكى لي عشان اتنازل بس انا رفضت، بعد الطلاق تم قال لي خلاص ارتحتي قلت ليهو لا بعد ترجع السودان يد ورا ويد قدام حتى ارتاح 🙂🙂قال لي السعودية م حقت ابوك قلت ليهو حتشوف، بعدها م تم تلاته يوم فصلوهو من الشغل ومنعوهو يدخل المملكة لمدة خسمة سنين ورحلو 😂😂😂😂
سمعت انو هو واختو علاقتهم مقطوعة بعد رجع
هل انا غلطانة؟!

02/11/2025

متحنط من ٧٠٠٠ سنه وشعره لسه علي دماغه زي ماهو وانتي مامخليه خلطات وكريمات وبرضو بتساقط 😂😂
التاق بجيب مشاكل 😂😂😂😅🧑‍🦯🧑‍🦯

01/11/2025

السودان كلو هامش...

اقرب مثال نهر النيل فيها ناس الى الان بيسكنو في رواكيب...لا بتقيهم حر الصيف ولا زيفة الشتاء...

ولا عطبرة دي ذاتها... فيها موية بتجيب فشل كلوي حرفيا كده...

موية جيرية مالحة...ده غير موية النيل اللي مليانة طين والناس بتشربها عادي جدا... للاسف...

الكل هامش...

وزيهم ناس كردفان ودارفور...

ياخ الى الان فب الجزيرة في ناس بتشرب من نفس مكان شرب الحمير... وفي ناس ساكنة في نفس البيوت الفوق...

الى الان في حلفا بتلقى ناس عندهم مشكلة موية... والنيل ع بعد امتار منهم..

الى الان بتلقى مشاكل تعليم في دارفور وكردفان وفي الخرطوم امشي الريف الشمالي حتفهم قصدي..

السودان كلو هامش...

اما فيما يخص الحروبا-ت ناس كردفان ودارفور والنيل الازرق نالو القدح المعلى... من الحرو-بات دي..ولازالت...

ولا الشرق؟

ياخ ديل موية وتعليم وكل شي... برضو عايشين تهميش شديد...

انا بقول ليك الكلام ده ما عاطفة مني..دي وجهة نظري لانو انا مشيت ةلمناطق دي وشفت بي عيني يعني...

ياخ ناس مروي الى الان بيولعو النار ب عويش النخيل (ان صح التعبير)
ومشاكل كتيرة مرتبطة بتعليم وصحة..

ف معليش...تعالو نمرق من الباب ده ونتجرد لمشكلتنا الاساسية ونواجهها...

مشكلة السودان بالنسبة لي معروفة...

ياها القبل-ية..لوني احسن من لونك..انت ابيض... انا اسو-د..

ياخ في ناس الى الان بخافو من الزول اللي لونو ما لونهم🤣🤣🤣

شايفنو ما خلقو الله...ده خلق نفسو براهو حسب فهمهم والعياذ بالله..

مش كده وبس..

ياخ عندنا ناس قبيلتهم واحدة تلقاهم..اللي شايفين روحهم لونهم ما زي غيرهم..بيشتموهم ب الحاجة دي..

ف مشكلة السودان ياها القبلية دي...

وطبعا صعب تتحل بين يوم وليلة...حتى ةلمتعلمين في الحرب دي انجرفو في الخط ده للاسف...

ف عشان كده محتاجين لسه كتير...

نحن الى الان عندنا رأي في خلق الله...

وتقولو لي ليه الحرب قامت؟؟؟

-عود عينيك في الضلمة تشوف

01/11/2025

29/10/2025

‏ماعندي 1% فضول أعرف حاجه عن حياة أي زول
‏وياريت تبادلوني نفس الشعور .

19/10/2025

ان شاء الله سمستر مافيهو ملاحق ومعدل عالي 💛🫰

19/10/2025

في بلدنا دي لو امك علقت ليك برسلو ليها طلب🙂💔

19/10/2025

لا زال العلماء يدرسون ما السبب الذي يجعل إنسان بكامل قواه العقلية يرفع إشعار بنكك استوري..🙂💔

19/10/2025

في الجامعه في ثلاثه انواع لشله

1- شلة الطقه وديل بجو الجامعه عشانها😅

2- شلة الونسه والشمارات والطلعات 🫣

3- شلة بجو وبرجعو زي طلاب المدارس بدري بدري وماعندهم للجامعه حاجه 🧑‍🦯🧑‍🦯