02/08/2025
الله بعلم إني بحاول أكتب البوست دا وكتبت ومسحت أكتر من خمسة مرات من كمية الألم الما قادر أعبر عنها بكلمات 💔💔 أطفال الفاشر وأمهاتنا وكبار السن بيأكلوا الامباز من الجوع وبيأكلوا صفق الشجر من الجوع 🥺
منظر الأطفال في الفاشر وهم جارين يمين وشمال ووببكو .. ما من الجوع بس .. الجوع سااهل ممكن ياكلو ليه صفق الشجر وبالفعل أكلوه .. جارين من التدوين العشوائي 💔
متخيل إنك عسكري واقف وسادي خانة وقد تموت في أي لحظة ؟ .. طيب إتخيل إنو عندك سبعة أطفال ورا البيت الإنت واقف تحميه دا ؟
طيب إتخيل إنو إذا مت ممكن يحصل فيهم أي شي .. ممكن يق.تلوهم .. يغتصبوهم .. يدفنوهم أحياء .. متخيل الضغط النفسي ؟ متخيل إنت الوضع دا ؟
ولا زالو صامدين وواقفين ومنتصرين بفضل الله في اكتر من مائة معركة .."
أنا عايزك تحس بحجم التضحية والمعناة هنااك .."
الصباح بتكلم مع الماسك المعسكرات الاكل هناك .. قلت ليه كيف الأوضاع ؟
قال لي والله موية ما قادرين نجيبها للأكل 💔
بنزين شبه معدوم وديزل .. وديل بعد ربنا سقوطهم يعني إنفصال البلد .. سقوطهم يعني خسرنا بلدنا كلو .."
لقيتو كاتب في بوست في صفحتو وهو الماسك الإطعام والاكل في المعسكرات للأطفال والنسوان المرابطين وواقفين .. قال بإذن الله من برا ما بننهزم .. لكن خايفين يهزمنا الجوع من جوة المدينة ..💔
إنت وأنا كلنا شفنا دكتورة هنادي ربنا يتقبل شهادتها .. شفنا كم مثال بخدم من مكان الله ختاه .. بتمشي تعالج المجروحين في مناطق الإشتباك .."
إنت بتقدر تخدم بالحاجة البتقدر عليها .. نحن أقل شي بنقدر نعملو .. نوفر ليكم قروش للأكل والشراب .. مبالغ تخلي الماسك السلا.ح دا مطمن إنو ولدو نام شبعان والجوع ما بق.تلو زي الرصاصة ..."
ودا أقل شي بنقدر نعملو .. منك الف ومني الفين ومن المستطيع عشرة الف ومليار .. ما بنخليهم يحتاجو لشي بإذن الله .."
ونحن أصحاب قلوب رحيمة وايادي بيضاء عاوزين نجبر خاطرهم بي إتثين مليار نرسلها ليهم تقعدهم يومين تلاتة
يا أصحاب القلوب الرحيمة .. أخوانكم منتظرنكم .. والله بعلم إني براهن عليكم ومقتنع بنقدر علي أي شي بفضل الله .. فيا أصحاب القلوب الرحيمة ما دايرين زول يقرا البوست ويطلع من غير مايساهم ورجاء شارك البوست مع اصحابك وفي وقروباتك .."
أقل شي بتقدر تقدمو وإنت في مكانك وأجرو زي الماسك سلا.ح .."
التكلفة مليون فقط
للتبرع بنكك 2265413
فوري 30028826 منظمة منشدون الخيرية
اوكاش 1123705 سامي محمد بابكر
إرسال الاشعار 0115201925
