20/04/2026
تصدقو دا جنقاوي في مصر كنت كفيلو وكان شغال إسبوعو بي 120جنيه مصري وانا زول تاجر المهم اتجاوزو دي ....تصدقو يا مؤمنين الزول دااا من 2020 كل راتبو بشتريهو عبايات ومسميها المرة و لي لحظة كتابة المنشور دا هو. عزابي لعين و7 من الكان خاطبهم كلهم اتزوجو اخر واحده حالياً عندها ولد لحدي أسي ضربته ليهو عبايتو لقيتها 370 عبايه اضربوها في سعر اليوم العبايه بي 50 .....
ولكم أن تتخيلو المبلغ البطلع كم .....
ولحدي أسي في مصر م قادر يجي كل ما يلمم ليهو حق تزكرة سعر علبة الكشري يزيد تنقص يقعد😂😂😂المهم يا محسنين لله اخوكم دا طالب يد العون عشان يجي إمورو طيبه أنجز أشترى 7 كركاسات من قطونيل انا جيت منو 2023 خليت عندو 4 زادهم تلاته م قصر كل سنه بي واحد. 😂😂
المهم شكلو جنقاوى مصر ديل حنتعب معاهم. شديد الناس جابتهم. كورونا ما جو السيول والفيضانات ما جو اعلنو الأستنفار ما جو الكشه ما جابتهم القائد. العام أدهم فرصة يجو من غير ورق بوكو ما جو بقينا نتكلم معاهم يقولو لينا أنا مستفتش الشونط يا بيه 😂😂😂
