أنيق - Aneeq

أنيق - Aneeq الأناقة معنى آخر لكلمة البساطة

عشان تكون أنيق في حاجات لازم تهتم بيها:النظافة الشخصية ودي من المسلمات,يعني ما لازم تخش الجامعة عشان تستحم بصورة يومية,و...
15/03/2023

عشان تكون أنيق في حاجات لازم تهتم بيها:

النظافة الشخصية ودي من المسلمات,يعني ما لازم تخش الجامعة عشان تستحم بصورة يومية,وأيضا القليل من العطور والعطر ما للمرقات بس وخلاص,دي حاجة جزء من شخصيتك,والعطر السمح بحسن المزاج.
اللبس لازم يكون بسيط ومناسب لي عمرك وجسمك.
والأهم من ده كلو لازم تمارس رياضة لأنها الطريقة الوحيدة لبناء جسم مثالي متناسق مع كل الموضة.

#ملابس #موضة #أحذية #ساعات

الأفضل شنو؟في خطأ بقعوا فيهو أغلب الناس لم يمشوا يشتروا ملابسهم,وهو إنهم بفضلوا الكمية على الجودة,والكلام دة جاي من إعتق...
05/03/2023

الأفضل شنو؟

في خطأ بقعوا فيهو أغلب الناس لم يمشوا يشتروا ملابسهم,وهو إنهم بفضلوا الكمية على الجودة,والكلام دة جاي من إعتقادهم بإنو الواحد عشان يكون لبيس لازم ملابسو تكون كتيرة وكلو يوم بي لبسة
عشان كدة تلقاهو بشتري خامات أي كلام,وده ممكن يسبب ليك إحراج عمرك ما حتنساه.يعني تخيل في يوم من الأيام وبينما أنت قاشر من آخر الشنطة ومارق,وفي طريقك
صادفك خور صغير,وإنت عامل فيها سبايدر مان وقلت إلا تنطو,ومع النطة ديك سمعت ليك صوت جميل خلاص وإنت في بالك بتردد "ياريت يكون ده مجرد ريح عابر" بس للأسف البنطلون اتشرط
ح تعمل شنو؟أنا اقول ليك,يا تأجر ترحال عشان يرجعك البيت,أو تنتظر في محلك لامن الشمس تغيب وترجع بالسلامة,وفي كلا الحالتين إنت الخسران.
عشان ما تتعرض لي موقف زي ده,خت في بالك دائما الجودة ولا الكمية.
إنك تكون لبيس يعني إنو اللبسة تكون مفصلة ليك والألوان تكون متناسقة مع بعض وما عندها علاقة ابدا بانو اللبسة قاعد تلبسها كل يوم ولا مرة واحدة في العمر.

#ملابس

كيف تختار لبسك؟زي ما عارفين إنو اللبس بقى بعكس صورتـنا للقدامنا وممكن يحكم علينا من مجرد اللبس,عشان كده ما ينفع إختيارنا...
04/03/2023

كيف تختار لبسك؟
زي ما عارفين إنو اللبس بقى بعكس صورتـنا للقدامنا وممكن يحكم علينا من مجرد اللبس,عشان كده ما ينفع إختيارنا لي لبسنا يكون عشوائي,في شوية حاجات كده لازم نراعيها.
أول حاجة
لم تكون لابس رسمي ابتعد تماما عن الشرابات البيضاء,وإختار لون يكون نفس لون الحذاء أو البنطلون.
تاني حاجة
الشرابات لازم تكون طويلة,عشان لم تقعد الساق ما يكون مكشوف,وما تسألني ليه.
تالت حاجة يا حبيبي
الملابس لازم تكون قدر جسمك بالضبط,يعني طالما إنت بتدفع لازم تختار صح,ما معقولة تدفع مبلغ وقدره وفي النهاية تجيب حاجة ضيقة عليك وتبقى زي الدقيق الفاير جو اللبسة.
وأخيرا لو ماشي مناسبة رسمية يبقى لازم تختار ألوان هادية زي الكحلي,الأسود,والرمادي.
لبسك جزء مهم من شخصيتك,عشان كده الإهتمام بيهو لازم.

#ملابس #جذاب

Address

Khartoum

Website

Alerts

Be the first to know and let us send you an email when أنيق - Aneeq posts news and promotions. Your email address will not be used for any other purpose, and you can unsubscribe at any time.

Contact The Business

Send a message to أنيق - Aneeq:

Shortcuts

Share

Category