Rahaf Ahmed

18/04/2026

صباح الخير ، صباح اليقين والثقة بأن الله قادر ولا يُعجَزه شيء..!♡

17/02/2026

I am filled with enthusiasm and pride to share that I was part of this meaningful initiative.

It was a journey full of challenges, surprises, and many joyful achievements.

Thank you, Opportunities SD .✨

08/11/2025

في ظِل كل التعب والظروف القاهرة، بعض الإنجازات تملأ النفس بالسرور والطُمئنينة..
الحائزة بعيداً عن إنها إسداء الشكر والتقدير لمن يستحقه، هي دافع لينا إحنا كمان، كطلاب كدكاترة في بداية الطريق ، دا دافع لينا كلنا إنو السعي يُكلل بالوُصول✨
ويخلينا برضو نستشعر القيمة الانسانية في المجال حقنا
ألا بارك الله في كل شخص عمل فأتقن عمله وكان أهلاً لمنصبه
وأخيراً مُبارك لِ د.جمال الطيب..🌸✨

مجلس السيادة يهنئ مدير مستشفى النو بمناسبة فوزه بجائزة أورورا الإنسانية لعام ٢٠٢٥م

بورتسودان 7-11-2025 (سونا) هنأ مجلس السيادة الانتقالي مدير مستشفى النو دكتور جمال الطيب، بمناسبة فوزه بجائزة أورورا الإنسانية، وذلك من بين ٩٠٠ منافس على مستوى العالم.

و مجلس السيادة إذ يهنئه بهذا الفوز المستحق، إنما يهنئ كل أطباء السودان الذين ظلوا يعملون في تجرد ونكران ذات من أجل تقديم الخدمات الصحية والعلاجية للمواطنين رغم الظروف الدقيقة التي يمر بها الوطن.

لقد ظل دكتور جمال الطيب يعمل بجد واجتهاد في إدارة مستشفى النو، ولم يغادره طيلة فترة الحرب. بالرغم من القصف المدفعي الذي تعرضت له المستشفى من قبل مليشيا آل دقلو الإرهابية، وهذا ديدن البارين والمخلصين في خدمة شعبهم.

إن اختيار د.جمال الطيب يعد تكريماً لكل الأطباء والعاملين في الحقل الصحي بالسودان، كما أنه يمثل شهادة على تفوق ونبوغ الكوادر الطبية السودانية على المستويين الإقليمي والدولي.

#سونا #السودان

12/07/2025

فهم ولا حفظ؟ 🤔

أول سؤال بيتبادر لذهنك لما تشوف مادة الـ physiology أو علم وظائف الأعضاء.

قد يُخيل لك إنو الطريقة المُثلى عشان تقرأ الفسيولوجي صح هي إنك تحفظ، بس بعدين حتكتشف إنك وقعتا في الفخ، وضيعتا جهدك في الطريق الغلط.

اليوم، كمواصلة في سلسلة ، حنتكلم عن كيف تقرأ الـ physiology، وزي ما قلنا الطريقة دي من واقع تجربتي وتجربة زملاء مع المادة.

فـ بسم الله، ونبدأ 🌸

- أول حاجة :
الـ key point في الفسيولوجي = الفهم + الحل ⭐
فهمت آلية العمل؟ كدا إنت مظبط الفسيولوجي 👌

💡 نجي لي: كيف نذاكره؟

الفسيولوجي دامها مادة شرح وفهم، حتلاقي كل زول بشرحه بطريقته وحسب فهمه، لكن في النهاية نفس المعلومة.
فـ خليك حريص تقرأ أو تسمع لمصدر بيناسب الطريقة المفضلة ليك في الفهم.

¹ قبل تحضر محاضرة الجامعة:
أسمع فيديو أو ملخص عن التوبيك قبل.
(حقيقي الحركة دي حتفرق معاكم شديد في المذاكره والفهم، خصوصاً في الفسيولوجي).

² في محاضرة الجامعة:
ما تنسى تاخد نوتس، بنفس الطريقة اللي ذكرناها في بوست الأنتومي.

³ بعد المحاضرة، يفضل تشوف مرجع.
وعموماً، زي ما قلنا: ما تتشتت بين المصادر، يكفي مرجع بسيط يغطي الأساسيات.

← ترشيح:
• Core Physiology المذاكرة
• Linda cases
• Guyton MCQs
(ديل مع بعض، حقيقي شي رهيب تذاكر من Core وتراجع بحل الأسئلة من الباقين).

⁴ لو حسيت إنك ما فاهم كويس:
ممكن ترجع تسمع من اليوتيوب. الخطوة دي خليها دايماً بعد ما تشوف المرجع.
← ترشيح:
• لو بتسمع إنجليزي كويس: Dr. Najeeb lectures
• عربي: قناة دكتور ناحي إسكندر
• لو امتحانك قريب والوقت ضيق: Medcosis أو Ninja Nerd

⁵ بعد الخطوات دي، إنت جاهز عشان تعمل ملخصات الزيتونة للدرجة المضمونة

⁶ وأخيرًا: المراجعة.
زي ما قلنا، المراجعة في الفسيولوجي = حل، حل، حل.
تحل cases وMCQs. وذكرنا ترشيحات كويسة ممكن تعتمدوا عليها.

⁷ ولو سجلت شرحك لنفسك أو شرحت لناس المعلومة حترسخ جداً جداً.
• (دي ما مرحلة أساسية بس ليها أثر كبير)

دا كل ما يخص الفسيولوجي والطريقة اللي اعتمدتها في مذاكرته.
أتمنى تفيدكم، أو على الأقل تساعدكم تلقوا الطريقة المناسبة معاكم.🌸

وزي ما قلنا:
اتعب، جرّب، اسأل.
وبإذن الله ربنا يوفقك ويكلل مجهودك بالنجاح 🌸

"المبتغى الصعبُ كم يحلوا له التعبُ."♡⁩

29/06/2025

"لو أن الناس كلما استصعبوا أمراً تركوه، ما قام للناس دنيا ولا دين."
— عمر بن عبد العزيز

المشقة جزء من الطريق، واللي بيصبر وبيجتهد هو البينجح في دنياه ودينه.
والأحلام لا تُحقق بالتمني، إنما تتحقق بالإرادة، والسعي، والصبر على الطريق.✨

28/06/2025

أجيب خبرة من وين؟🤔

سؤال بيتكرر من أي شخص عاوز يقدم على وظيفة، منصب، أو فرصة تطوعية…

أول حاجة لازم تعرفها:
لو لسه فريش، وما عندك خبرة، ما تتوقع تبدأ من فوق!

ابدأ بالبسيط…
لو هدفك وظيفة، شوف فرص التطوع أول. وطبيعي ما كل المنظمات الكبيرة حتقبلك من البداية.

لكن تقدر تبدأ مع فرق أو مؤسسات ناشئة. هناك حتتعلم، تطور نفسك، وتفهم المطلوب في أي منصب.

بالتدريج حتكتسب مهارات، وتبني CV قوي ومعاه خبرة حقيقية جرّبتها بنفسك.

التدرج هو السر.
جرب، اسأل، وما تتردد في أي فرصة مناسبة لقدراتك ووقتك.

كل خطوة حتوديك للي بعدها، وStep by step، بإذن الله حتوصل .🌱✨

#نصائح

27/06/2025

🌟 كيف نقرأ أنتومي؟ – How to study Anatomy?

قبل أي حاجة حابة أنبّه إنو الكلام دا خلاصة تجربتي وتجارب زملاء في المجال، يعني ممكن تفيدك أو لا، حسب أسلوبك واحتياجك ✨

أول حاجة لازم نعرفها:
الـ Key Point في الأنتومي = التكرار، التكرار.
كل ما كررت أكتر، كل ما ثبتت المعلومة أكتر 🧠✨

💡 نبدأ كيف؟

➀ محاضرات الجامعة
هي الأساس! ضروري تحضرها وتسجل ملاحظاتك:
• شنو الدكتور ركز عليه؟
• شنو قال مهم للإمتحان؟
• شنو ما فهمته ومحتاج ترجع ليه؟
دي النقاط بتكون مرجعك الأساسي في المذاكرة.

➁ مصدر شرح إضافي
ودا في حال ما فهمت من محاضرات الكلية، أسمع شرح من مصدر تاني.
← ترشيح: د. أيمن خنفور – شرحه بسيط ومباشر.
لكن الأهم تلاقي زول أسلوبه بيريّحك واعتمده، وما تتشتت بين مصادر كتيرة.

➂ الصور والتطبيقات البصرية
مافي حاجة بتوضح الأنتومي زي الـ visual sources.
← ترشيح: Anatomy 3D Atlas – مهم جداً وما ينفع تتجاهلو.

➃ الأسئلة أولاً!
قبل المرجع، قبل الملخصات:
ابدأ بالـ MCQs، لأنها:
✔️ بتحدد المهم وغير المهم
✔️ بتكشف نقاط ضعفك
✔️ بتوضح نوعية الأسئلة في الامتحان
← ترشيح: Appleton & Lange Review of Anatomy

➄ الرجوع للمراجع
لو محتاج تعمّق، ارجع للكتب:
📚 ترشيحات: Snell’s Anatomy و BRS Anatomy
(أنا ما كنت ملتزمة بيهم دايماً، لكن برجع ليهم في التوبيكات البحسها محتاجة زيادة.)

➅ ملخصات الزيتونة للدرجة المضمونة
المنقذ قبل الإمتحان
نمشي فيها بمبدأ: "Common is common"
✅ نركز على الحاجات المهمة فقط، عشان الوقت والمجهود.

➆ سجّل شرحك!
نصيحة ذهبية:
سجّل شرحك لنفسك – بيساعدك تثبت المعلومة، وبتحتاجو بعدين صدقني.🫱🏼‍🫲🏼

➇ نرجع للـ key point: التكرار والمراجعة!
أنا كنت بستخدم Anki – بحمل فلاش كاردز جاهزة من الموقع أو مرات براحع من ملخصات الزيتونة.

📌 وكمان، راجع مع زميل أو سنير – المراجعة التفاعلية فعّالة جداً (تخليهم يسألوك عن السستم أو الريجون بصورة عامة)

أخيراً...
ما وصلت للطريقة دي من أول مرة، لكن جربت، سألت، حاولت، والحمد لله لقيت الأسلوب المناسب ليا.
ممكن طريقتي ما تنفع معاك، لكن تلهمك تلقى طريقتك.✨

"المبتغى الصعبُ كم يحلو له التعبُ"♡
فا اتعب، جرّب، اسأل… وبإذن الله ربنا يوفقك ويكلل مجهودك بالنجاح 🌸✨

26/06/2025

مُبارك عليكم العام الهجري الجديد 1447 هـ.
نسأل الله أن يكون بداية لهجرة ما يُثقل أرواحنا، وعودة لما يُحيي قلوبنا، وأن يحمل في أيامه الخير والبركة والسلام للجميع.♡⁩✨


#تهنئة

25/06/2025

📢 مساحة حوارية ليكم!

جاتني فكرة نبدأ سلسلة جديدة أتكلم فيها عن كل مادة بندرسها في المجال الطبي…
من تجربتي الشخصية، حأشارك معاكم:
← كيف كنت أذاكر؟
← شنو الصعوبات اللي واجهتني؟
← المصادر البتنفع فعلاً
← وشوية نصائح تساعد أي طالب/ة ماشي في نفس الطريق 🩺✨

شنو رأيكم؟
نبدأ السلسلة دي؟
وتحبوا نبدأ بي ياتو مادة أول؟ 🧐

📌 شاركوني آراءكم في التعليقات!

26/05/2025

صباح الخير ♡⁩🌸

كل صباح هو بداية جديدة، وفُرصة تانية عشان تبدأ.
ما حأقول ليك "أنتَ قادر" أو "أنتَ تَستطيع"،
لكن طالما بتحاول، وفيك نفس، وبتسعى — فأكيد حتوصل.
ما معروف متين، لكن الأكيد إِنك حتوصل.

قال تعالى:
﴿وَأَن لَيسَ لِلإِنسانِ إِلّا ما سَعى ° وَأَنَّ سَعيَهُ سَوفَ يُرى ° ثُمَّ يُجزاهُ الجَزاءَ الأَوفى﴾

الآيات دي بتورينا إنو على قَد تَعبك حتلقى،
وإنو تعبك، حتى لو كان بِمقدار ذَرة، ما حيضيع، وحتُثاب عليه.

فاجتهد، واسعَ، وما توقف
لأنو ما في تعب بروح ساي

وفي النهاية...
نحن عبيدٌ لله، علينا السعي،
والباقي توفيق وتقدير من رب العالمين.

وربُ الخيرِ لا يأتي إلا بالخير.♡⁩

فاستبشر. ^^

25/05/2025

السلام عليكم ورحمة الله وبركاته
مرحبًا بمن نزل على الرؤوسِ والمُقَل♡⁩

أما بعد، كلي فخر وسرور وأنا أشارككم أولى خطواتي هنا، تحت الشعار العريض:
"بسم الله نبدأ دروبًا جديدة، آملين ألا نتعثر."🌸✨

أنا رهف مزمل، طالبة طب في المستوى الثاني
متطوعة، ومبتدئة في مجال البحث العلمي،
شغوفة بالتعلم، الاستكشاف، وكل ما يواكب التطور.
محبة لـ الجرافيك ديزاين، والتصوير، أطمح أن أكون جزء من مجتمع ينهض بالعلم والعمل وأشارك في بناءه.

الصفحة دي حتكون مساحة آمنة، واقعية، وملهمة، موجهة لكل طلاب الطب، المهتمين بالصحة، الشغوفين بالتطوع، والساعين للتطور العلمي والإنساني.

حأشارك فيها:
• مقتطفات من يومياتي كطالبة طب
• تجربتي كأمة مسلمة تحاول الموازنة بين طلب العلم وطاعة الله
• صعوبات واجهتها، وحلول قد تُفيد من يمر بها بعدي
• فوائد ومعلومات طبية مبسطة
• فرص تطوع وتطوير نفسي وعلمي

الهدف بسيط وواضح:
نساعد بعض، نلهم بعض، ونتطور سوا.

وعسى أن تكون هذه المساحة سبباً في نفعٍ لأحد، وصدقة جارية لي ولكم بإذن الله.♡⁩

وختاماً:
"المبتغى الصعبُ كم يحلو له التعب." – (لقائله)

تابعوا الصفحة، وخليكم مستعدين، الخير جاي بإذن الله.🌸✨

#بداية