https://www.facebook.com/994394380424864/

Doaa Nutrivibe, Khartoum (2026)

03/03/2026

#هل ترتيب الأكل في الطبق بيفرق فعلًا💜؟

الإجابة القصيرة؟
أيوه. وفرق كبير كمان.

الموضوع ما منظر ساي…
الموضوع له علاقة بـ:

✅كمية الأكل

✅الإحساس بالشبع

✅سرعة الأكل

✅ وحتى التحكم في الشهية

# المخ بياكل بعينو قبل معدتو

لما الطبق يكون:

متكدس

أو كله لون واحد

أو الكربوهيدرات مسيطرة على المساحة

المخ بيستقبل رسالة إنو "الوجبة غير متوازنة"
وغالبًا بناكل بسرعة ومن غير وعي.

لكن لما الطبق يكون:

مقسوم

ألوان مختلفة

خضار ظاهر بوضوح

بروتين واضح

كمية النشويات محدودة بصريًا

المخ بيحس بالاكتفاء أسرع.

# قاعدة الطبق الذكي (المبدأ البسيط)📌📌

نص الطبق = خضار
ربع = بروتين
ربع = نشويات

💚النتيجة؟
✔️ شبع أطول
✔️ سكر دم أهدأ
✔️ تحكم أفضل في الشهية
✔️ تقليل نوبات الأكل المفاجئ

#طيب ليه ناس كتار بتاكل زيادة؟
لأنهم:
بياكلوا من صحن التقديم مباشرة أو الطبق كله نشويات
أو الخضار يكون حاجة جانبية صغيرة
العين لما تشوف كمية كبيرة… الجسم بيتبع💜.

02/03/2026

# ليه بنفقد السيطرة على الأكل لما نكون مضغوطين؟

يوم طويل… أعصاب مشدودة… تفكير كتير
وفجأة نلقى نفسنا بندوّر على أكل
مش لأننا جعانين لكن لأننا مضغوطين.

كتير مننا اول ما تزعل أو تتوتر أو تحس بي ضيق بتتجهة للاكل 😢
فنلوم نفسنا ونقول “ما عندي إرادة”....... لكن الحقيقة أعمق من كدا💜.

# #شنو الحاصل في جسمنا وقت الضغط؟

💚 الضغط يفعّل هرمونات التوتر
لما نكون متوترين، الجسم يفرز هرمونات
بتخلي الشهية تزيد
خصوصاً للحاجات السكرية والدسمة.

💚 الأكل كوسيلة تهدئة
الأكل (خاصة السكر)
بيرفع هرمونات الراحة بشكل مؤقت
فالمخ يربط بين
الأكل = راحة.

💚التعب الذهني يقلل السيطرة
الضغط المستمر
يخلّي قدرتنا على اتخاذ قرارات واعية تقل
فنلجأ للحلول السريعة… والأكل واحد منها.

💚 الأكل ما بيحل المشكلة
الراحة مؤقتة
وبعدها يجي الذنب
ويرجع التوتر من جديد.

فقدان السيطرة وقت الضغط
ما ضعف شخصية
ولا قلة إرادة
هو رد فعل طبيعي لجسم متعب.

# # نعمل شنو بدل ما نجلد نفسنا؟

✔️ لاحظي الإحساس قبل الأكل
(جوع ولا توتر؟)

✔️ ابحثي عن راحة غير الأكل
مشي، تنفّس، كلام، دعاء

✔️ اكلي بوعي
حتى لو أكلتي، اكلي بهدوء ومن غير جلد ذات

✔️ اشتغلي على مصدر الضغط
مش بس على الأكل

الأكل وقت الضغط
رسالة، مش مشكلة.
رسالة إنك محتاجة راحة، أمان، واحتواء
مش حرمان وقسوة ولا جلد ذات💚.

# افهمي نفسك عشان تحافظي علي صحتك 💜

01/03/2026

🩸 نقص الحديد ولا أنيميا؟ خلينا نفهم الفرق ببساطة

كتير بنسمع.....
“عندي أنيميا”
“لا، دا بس نقص حديد”
لكن هل الاتنين نفس الشي؟
الإجابة: لا… في فرق مهم بينهم.

# أولاً: شنو هو نقص الحديد؟

نقص الحديد يعني إنو:

مخزون الحديد في الجسم قليل

الجسم ما عندو حديد كفاية يصنع بيه الدم بشكل طبيعي

📌 ممكن يكون في نقص حديد بدون أنيميا
يعني المخزون قليل، لكن الدم لسه طبيعي.

🔹 ثانياً: شنو هي الأنيميا؟

الأنيميا (فقر الدم) تعني...

نقص في كمية الهيموغلوبين أو كريات الدم الحمراء

وبالتالي الأكسجين ما بوصل للخلايا بشكل كفاية

📌 نقص الحديد هو السبب الأشهر للأنيميا
لكن في أسباب تانية للأنيميا غير الحديد.

#🧠 الفرق بينهم شنو؟

نقص الحديد = مشكلة في المخزون

الأنيميا = مشكلة في الدم نفسه

كل أنيميا نقص حديد؟ ❌
لكن كل نقص حديد ممكن يتحول لأنيميا لو ما اتعالج ✔️

# أعراض ممكن تكون مشتركة:

تعب وإرهاق✅

دوخة✅

شحوب✅

خفقان القلب✅

ضيق نفس✅

ضعف تركيز✅

📌 شدة الأعراض بتزيد مع الأنيميا✅.

# # كيف نعرف الفرق؟

الطريقة الصحيحة هي عمل فحوصات دم (مخزون الحديد + الهيموغلوبين) ما ممكن نعتمد على الأعراض بس💜.

💚 الخلاصة:
نقص الحديد مرحلة
والأنيميا نتيجة ممكن تحصل لو أهملنا المرحلة دي.

العلاج بدري
بيمنع التعب، المضاعفات، ويوفّر علينا معاناة كبيرة 💚💜🩸

28/02/2026

☀️ نقص فيتامين د… لما التعب يكون رسالة من جسمك💜💜💜💜

تحسي بتعب مستمر؟
آلام في جسمك؟
مزاجك متقلّب بدون سبب واضح؟
أحياناً المشكلة ما في الضغط ولا الإرهاق
المشكلة ممكن تكون نقص فيتامين د
واحد من أكتر النقصانات انتشاراً.

# #🔍 علامات نقص فيتامين د "ممكن تظهر كلها أو بعضها"

✅تعب وإرهاق أغلب الوقت

✅آلام في العظام أو المفاصل

✅ضعف في العضلات

✅تقلب المزاج أو إحساس بالحزن

✅تساقط الشعر

✅مرض متكرر وضعف مناعة

# #ليه نقص فيتامين د شائع؟

رغم إنو الشمس هي المصدر الأساسي، إلا إنو النقص منتشر بسبب:

✅قلة التعرّض للشمس

✅استخدام واقي الشمس طول الوقت

✅البشرة الداكنة (تحتاج وقت أطول للشمس)

✅سوء التغذية

✅الحمل والرضاعة

✅السمنة

✅بعض مشاكل الامتصاص

✅التقدّم في العمر

# #كيف نعالج نقص فيتامين د؟

العلاج بسيط، لكن لازم يكون واعي:

✅عمل فحص للتأكد من المستوى

✅تعرّض منتظم للشمس

✅الاهتمام بالأكل المتوازن

✅استخدام المكملات بإشراف طبي

⚠️ الزيادة بدون فحص ممكن تضر.

🥗 مصادر فيتامين د

الشمس ✅

الأسماك الدهنية✅

صفار البيض✅

الكبد✅

الأطعمة المدعّمة✅

# # كيف نتجنّب النقص؟

**تعرّض معتدل للشمس (10–20 دقيقة حسب البشرة)

**تغذية متنوعة

**متابعة الفحوصات عند وجود أعراض

**عدم أخذ المكملات عشوائياً
:

نقص فيتامين د مشكلة شائعة… لكن تجاهلها بيتعب الجسم.
اسمعي للإشارات البيرسلها ليك
لأن التعب المستمر ما حاجة طبيعية 💜☀️

27/02/2026

# #فقدان الشهية عند الأطفال (من سنة لـ3 سنوات)… طبيعي ولا لا؟

# #كتير أمهات في العمر دا بيسألوا:
“طفلي ما بياكل!”
“كان بياكل أحسن قبل!”
ويبدأ القلق والمقارنات
لكن خلينا نوضح بهدوء....
فقدان الشهية في العمر دا غالباً مرحلة طبيعية💜💜.

# #ليه الشهية بتقل في العمر دا؟

✅النمو ببطّأ شوية
بعد السنة الأولى، نمو الطفل ما بكون سريع زي قبل
فاحتياجه للأكل بيقل، وده طبيعي.

✅ حب الاستقلال
الطفل داير يقرر بنفسه
يقول “لا”
ويرفض الأكل كنوع من إثبات الشخصية.

✅ كثرة السناكات أو العصائر
الطفل يكون شبعان
لكن من حاجات ما بنحسبها أكل شبس أو حلاوة مثلا.

✅ التشتت وقت الأكل
التلفزيون، الموبايل، اللعب
بتخلي الطفل ما يركّز على الأكل.

✅الضغط والإجبار
الإلحاح، التهديد، أو المقارنة
بتحوّل الأكل لمعركة
وتقلل الشهية أكتر.

# # كيف نتعامل مع فقدان الشهية؟

✔️ التزمي بمواعيد وجبات ثابتة
✔️ قدّمي كميات صغيرة
✔️ قللي السناكات بين الوجبات
✔️ خلي وقت الأكل هادي وممتع
✔️ ما تجبري الطفل على الأكل
✔️ ركّزي على تنوع الأسبوع مش وجبة واحدة

📌 متى نقلق؟

لو فقدان الشهية مصحوب بـ:

نقص وزن واضح

✅ خمول شديد.

✅ تأخر نمو.

✅ تعب مستمر.

هنا الأفضل استشارة طبيب💜.

طفلك ما عنيد ولا إنتِ ما مقصّرة دي مرحلة، ومع الصبر والتنظيم الشهية بترجع لطبيعتها 💜

قولي لينا 👇
شنو أكتر حاجة بتتعبك في أكل طفلك؟

26/02/2026

# # طفلك انتقائي في الأكل… طبيعي ولا مشكلة؟

💜لو طفلك بياكل أنواع محددة
ويرفض يجرب أكلات جديدة
يمكن أول إحساس يجيك: قلق، تعب، أو حتى إحباط
لكن خلينا نبدأ بحاجة تطمِّنك:
الانتقائية في الأكل مرحلة شائعة عند الأطفال💜.

# #شنو يعني طفل انتقائي؟

💜يعني الطفل:
يرفض أكلات معيّنة💜

يطلب نفس الأكل كل مرة💜

يحكم على الأكل من الشكل أو اللون
وده غالباً بيظهر بعد عمر السنة💜.

# # ليه الأطفال بيكونوا انتقائيين؟

💜 حب الاستقلال
الطفل بيحاول يثبت رأيو ويقول “لا”💜.

💜 الخوف من الجديد
الأكل الجديد بالنسبة ليه تجربة غير مريحة💜.

💜 التعوّد على طعم معين
لو تعوّد على أكلات محددة،
حيقاوم التغيير💜.

💜الضغط وقت الأكل
الإجبار، التهديد، أو المقارنة
بتخلّي المشكلة تزيد💜.

🌱 كيف نتعامل مع الطفل الانتقائي؟

✔️ قدّمي الأكل الجديد أكثر من مرة
(أحياناً الطفل يحتاج يشوف الأكلة 10 مرات قبل يقبلها).

✔️ خليه يشوفك بتاكلي
القدوة أقوى من الكلام.

✔️ ما تجبريه
المسؤولية عليكِ تقدمي الأكل
وهو يقرّر يأكل كم.

✔️ خلي الأكل تجربة ممتعة
ألوان، أشكال، مشاركة في التحضير.

✔️ التزمي بالهدوء
الضغط بيحوّل الأكل لمعركة.

الطفل الانتقائي
ما طفل “صعب”
هو طفل بيتعلم… بطريقته.

بالصبر، التكرار، والهدوء
الأكل الصحي بيبقى عادة، مش معركة 💜

# #شنو أكتر أكلة طفلك بيرفضها؟

25/02/2026

🌱 كيف نكوّن عادات أكل صحية؟ (من غير قسوة)

كتير مننا يفتكر إن الأكل الصحي يعني
منع، حرمان، وقوانين صارمة❌❌❌

بس في الحقيقة العادات الصحية بتتكوّن بهدوء… ومع الوقت.

💜ابدئي بخطوات صغيرة
ما محتاجة تغيّري كل أكلك فجأة.
عادة صغيرة ثابتة
أقوى من تغيير كبير ما بيكمل💜.

💜 نظّمي مواعيد الأكل
الأكل في أوقات شبه ثابتة
بيساعد الجسم يفهم إشارات الجوع والشبع
وبيقلل الأكل العشوائي💜.

💜خلي التوازن هدفك
ما في أكل “ممنوع”
في أكل نكثرو منو، وأكل نقللو
من غير شعور بالذنب💜.

💜 اسمعي لجسمك
كلي لما تجوعي
وقفي لما تحسي بالشبع
مش لما يفضى الطبق💜.

💜طريقة الأكل مهمة
الأكل بهدوء، ومن غير موبايل
بيخلّي المخ يحس بالشبع في وقتو💜.

💜 كوني رحيمة مع نفسك
في أيام بتكون أحسن من غيرها
وده طبيعي💜.

💜الاستمرارية أهم من المثالية💜.

✨ في النهاية عايزة اقول ليك انو العادات الصحية ما بتتبني في يوم ولا أسبوع .... بتتبني بالوعي، الصبر،
واحترام جسمك💜.

قولي لينا 👇
شنو أول عادة صحية حابة تبدئي بيها؟
خلينا نشجّع بعض 💜🌱

و ما تنسي تتابعينا و تتفاعلي معانا عشان ما تفوتك معلومه 💜💜💜

23/02/2026

🍽️ ليه في وجبات كبيرة… لكن ما بتشبع؟

ممكن تاكلي طبق مليان
وتقومي منو ولسه حاسة بالجوع أو دايرة حاجة مسكرة
فتحسي إنو “أنا أكلي كتير” أو “ما عندي سيطرة”
لكن شنو الحقيقة؟
المشكلة غالباً ما فيك… في نوع الوجبة نفسها.

✅الحجم ما هو الشبع
ممكن الوجبة تكون كبيرة في الحجم
لكن فقيرة في العناصر البتخلي الجسم يحس بالامتلاء الحقيقي.

✅ قلة البروتين
البروتين هو أكتر عنصر بيدّي إحساس الشبع.
وجبة مليانة نشويات أو دهون بس
بتملأ المعدة… لكن ما ترضي الجسم.

✅ قلة الألياف
الألياف (الخضار، الفاكهة، الحبوب الكاملة)
بتبطئ الهضم وبتخلّي الشبع يدوم أطول.
من غيرها، الجوع برجع بسرعة.

✅ سكر ونشويات سريعة
الوجبات العالية بالسكر أو الدقيق الأبيض
ترفع السكر في الدم بسرعة
وبتنزلو بسرعة…
والنتيجة؟ جوع سريع وتعب.

✅ الأكل بسرعة أو بشرود
لما نأكل بسرعة أو مع التلفون
المخ ما بلحق يستقبل إشارات الشبع
فنقوم من الأكل ولسه ما راضين.

✨ الشبع الحقيقي ما بجي من “الكمية”
بجي من توازن الوجبة وطريقة الأكل.

ما كل وجبة كبيرة بتشبع
وما كل إحساس بالجوع معناه ضعف إرادة.
أحياناً جسمك بس بقول ليك:
“أنا محتاج أكل يفهمني… مش يملاني وبس” 🤍

23/02/2026

👶 ليه السكر والملح ممنوعين للطفل في عمر 6 شهور؟

أول ما نبدأ ندخل الأكل للطفل
كتير أمهات بيسألوا:
“طيب لو نقطة سكر؟ رشة ملح؟”
لكن التوصيات واضحة: السكر والملح ممنوعين في المرحلة دي
والسبب مهم نفهمو.

أولاً: ليه السكر ممنوع؟

✅ بيبرمج ذوق الطفل
الطفل في البداية بيتعلم طعم الأكل.
لو تعوّد على السكر بدري،
حيكره الطعم الطبيعي للفواكه والخضار.

✅ما عندو أي فائدة غذائية
السكر سعرات فاضية
ما فيها فيتامينات ولا معادن يحتاجها الطفل للنمو.

✅يزيد خطر التسوس لاحقاً
حتى قبل ظهور الأسنان الكاملة،
السكر بيأثر على صحة الفم.

✅ يرفع الشهية للحلويات مستقبلاً
والعادة دي صعب نغيّرها بعدين.

🧂 ثانياً: ليه الملح ممنوع؟

✅ كِلى الطفل لسه غير مكتملة
جسم الطفل ما قادر يتعامل مع الصوديوم الزائد
وده ممكن يضغط على الكلى.

✅الملح موجود أصلاً في الأكل الطبيعي
الخضار، الحبوب، واللحوم
فيها كمية كافية تناسب عمره
من غير إضافة أي ملح.

✅ تعويد مبكر على الطعم المالح
بيخلي الطفل بعدين يرفض الأكل الطبيعي
ويطلب أكل مالح اكثر
📌 الخلاصة:

الطفل محتاج يتعرف على طعم الأكل الحقيقي

السكر والملح ما ضروريين أبداً في عمر 6 شهور

المنع هنا حماية… مش حرمان

21/02/2026

ليه بنحس بالخمول بعد الإفطار في رمضان؟

أول ما نفطر بنحس بتعب، نعاس، وثِقل غريب…
مع إنو المفروض الإفطار يدينا طاقة!

الحاجة دي ما مجرد كسل مننا 😂😂
في 4 أسباب رئيسية ليها
تعالي نشوفها واحدة واحدة 💜

1️⃣ اندفاع السكر في الدم فجأة (عصائر وسكريات)
بيخلي الجسم يفرز كمية كبيرة من الإنسولين ف بالتالي بيحصل هبوط مفاجئ
والنتيجة: خمول، نعاس، صداع أحيانًا

2️⃣ تحويل كميات من الدم للجهاز الهضمي عشان عملية الهضم تتم
ودا بيقلل وصول الدم للمخ والعضلات مؤقتًا
والحاجة دي بتظهر في شكل إحساس بالكسل وعدم التركيز

3️⃣ نقص السوائل والجفاف في الجسم
ودا بيقلل ضغط الدم ويسبب تعب عام وإرهاق
حتى لو ما حسّيتي بعطش واضح

4️⃣ تغيّر الساعة البيولوجية في رمضان
يعني مواعيد النوم وتوقيت الأكل ما بتكون زي باقي الأيام
فالحاجة دي بتأثر على إفراز الهرمونات
ودا بيأثر على مستوى الطاقة والتركيز

الخمول بعد الإفطار استجابة طبيعية من الجسم للعوامل دي 💚
لكن نقدر نتحكم فيه باختيارات ذكية وعادات صحية زي إننا:

✔️ نفطر إفطار متدرج (تمر + ماء → صلاة → وجبة)
✔️ نقلل السكريات والحلويات في البداية
✔️ بروتين + ألياف (بيض، شوربة، خضار)
✔️ نشرب موية على فترات طول الليل
✔️ نديها حركة خفيفة بعد الأكل بدل النوم مباشرة (صلاة التراويح أو نتمشى شوية)

لو بتحبي النوع دا من المحتوى تابعينا عشان يصلك أول بأول 💜

20/02/2026

في معلومة لاقتني في درس عن الصيام وقلت أجي أشاركها معاكم
كلنا قبل رمضان بننوي صيام الشهر كامل🤲💜 ....
بس الحاجة الفائتة على معظمنا هي مسألة تجديد النية....
لو حصل ظرف و قطعتي صيامك لأي سبب
(مثلا سفر ـــ مرض ـــ أو حتى بعد البريود )
لازم تجددي النية للصيام تقولي في نفسك "نويت الصيام غدًا" أو "نويت إكمال صيام رمضان"
زي ما بنعمل في أول يوم لأنو الصيام انقطع
اللهم تقبل منا صيامنا وقيامنا واجعلنا من عتقاء رمضان 💜
لو استفدتي شاركيها مع غيرك إنتي كمان واكسبي الأجر 💜

Doaa Nutrivibe

03/03/2026

02/03/2026

01/03/2026

28/02/2026

27/02/2026

26/02/2026

25/02/2026

23/02/2026

23/02/2026

21/02/2026

20/02/2026

Address

Website

Alerts

Shortcuts

Share

Category