08/05/2025
فاقدك ومشتاق ليك اكيد
ما انت ناحت فيني ريد
والشوق إذا غلب البحب
بنسلا من جوف الوريد
بتذكرك ... ساعة الدعاش
يغشاني في لحظة رؤاك
بتخيلك ... ساعة تكون
فاقدني او قاعد براك
وايامي من دونك عزاب
ما انت في قلبي الوحيد
ما غبت عن عينيا يوم
او حتي من جمبي اختفيت
وراهنت بيك كل الخلوق
وعارفني ليك انت اصطفيت
يا ربي ما تحرمننا يوم
ورغم الظروف يجمعنا بيت
رغم انو طولت الغياب
وبي بسمتك ما دار تبين
بترغبك ... امكن تعود
مهما الغياب تم السنين
عارفني دايما في انتظار ..
والشوق رفيق المخلصين
#متابعة لوسمحتوو 😏
