Abdullah Talib

Abdullah Talib Contact information, map and directions, contact form, opening hours, services, ratings, photos, videos and announcements from Abdullah Talib, Port Sudan.

هنا تجد أفكار وتجارب لمساعدتك على النمو الشخصي.
​كل جديدي من الفيديوهات على قناتي اليوتيوب، تستطيع الوصول لها مباشرة من خلال زر "المشاهدة" بالصفحة.
​يشرفني اشتراكك وتفعيل الجرس!

​مساحة آمنة لأسئلتكم واستشاراتكم وملاحظاتكم:
https://479768156401.sarhne.com

يا صديقي... الواحد فينا قاعد يقلب في صفحات السنة الفاتت دي ومستقبل سنة جديدة، في "حقيقة" كدة لازم تقع ليك في جرح وتغير ن...
26/12/2025

يا صديقي...
الواحد فينا قاعد يقلب في صفحات السنة الفاتت دي ومستقبل سنة جديدة، في "حقيقة" كدة لازم تقع ليك في جرح وتغير نظرتك لكل شي.

​إنت قايل حكايتك دي بدت يوم ولدوك؟ ولا بدت لما طلعت للدنيا وصرخت أول صرخة؟

لا يا صاحب.. الموضوع أعمق وأكبر من كدة بكتييير، لدرجة ممكن تخليك تقيف مع نفسك "وقفة صح".

​تخيل بس، إنك ما جيت الدنيا دي صدفة، ولا إنت "تكملة عدد". ربنا سبحانه وتعالى، بجلالة قدره، قرر وجودك ورسم ملامح حياتك قبل ما يخلق السماوات والأرض بـ50 ألف سنة!

​يعني إنت "مقصود" بوجودك ده، وموجود لسبب، ولك رسالة.. فـ ليه يا صاحبي تتعامل مع نفسك كأنك نكرة ولا تجتهد؟

عن عبدِ اللهِ بنِ عمرو بنِ العاصِ رضي الله عنهما قال:
سمعتُ رسولَ الله ﷺ يقول:
«كتبَ اللهُ مقاديرَ الخلائقِ قبلَ أن يخلقَ السماواتِ والأرضَ بخمسينَ ألفَ سنةٍ»
قال: «وكان عرشُه على الماء».
— رواه مسلم

التمويل الأولي ده ما رفاهية... ده ضرورة!حتى لو كان بقروش بسيطة، ابدأ بيها!في ناس نجحت بمبالغ بسيطة من العائلة والأصحاب (...
21/12/2025

التمويل الأولي ده ما رفاهية... ده ضرورة!

حتى لو كان بقروش بسيطة، ابدأ بيها!
في ناس نجحت بمبالغ بسيطة من العائلة والأصحاب (31% من المشاريع بتبدأ بأقل من 13,500 دولار).
ما تنتظر مستثمر او ممول، ابدأ بالمتاح عندك!... فالسوق اليوم ما زي التسعينيات ده سوق تنافسي شديد!

خليك عملي:
— جمع قروشك الأولية
— اعمل خطة تمويل واضحة
— ما تنتظر التمويل الكبير... ابدأ صغير!

النجاح ما بيتطلب ملايين... بيتطلب بداية!

لمن تجي تنصح زول، ما تنتظر منه يقبل كلامك على طول... الناس بتختلف، وفي ناس ما بتقبل النصيحة مهما عملت، عشان كده، خلي هدف...
19/12/2025

لمن تجي تنصح زول، ما تنتظر منه يقبل كلامك على طول... الناس بتختلف، وفي ناس ما بتقبل النصيحة مهما عملت، عشان كده، خلي هدفك الأول والأخير هو رضا الله تعالى، ونصح لله.

زي ما قال الله تعالى:
_"فذكر إنما أنت مذكر ۝ لست عليهم بمصيطر"_
(سورة الغاشية، الآية 21-22)

المعنى: دورك تذكر وتوجه، لكن ما عليك إلزام الناس تقبل كلامك...
وخليك عادي:
- قدم النصيحة بأسلوب ظريف ولين
- ما تنتظر نتيجة معينة
- خليك مستعد لأي رد فعل
- واحتسب الأجر عند الله

النصيحة دي مش لك، ولا عشان تتفضل بيها على زول او تعجب وتظهر لزول، دي لله 😊
فخليها خفيفة ولينة، وربنا حيجازيك على نيتك.

لما تيجي تطلب زيادة، خليك ذكي. ما تحكي عن ظروفك الشخصية (أقساط، مدارس، ديون...)، الشركة ما جمعية خيرية. اتكلم عن الإنجاز...
18/12/2025

لما تيجي تطلب زيادة، خليك ذكي. ما تحكي عن ظروفك الشخصية (أقساط، مدارس، ديون...)، الشركة ما جمعية خيرية. اتكلم عن الإنجازات والفوائد:

- "أنا ساهمت في نجاح الشركة بمبلغ كذا..."
- "قدرت أوفر للشركة كذا..."
- "عايز أحسن وضعي كجزء من النجاح ده"

خلي أرقامك تتكلم عنك، مش ظروفك. الشركة عايزة تعرف أنت بتضيف ليها شنو، مش أنت محتاج شنو. 😉


القدرات اللي كانت كافية بالأمس ما بتكفي اليوم، خصوصاً مع دخول الذكاء الاصطناعي وأدواته القوية... الموضوع ما بس تغيير، ده...
18/12/2025

القدرات اللي كانت كافية بالأمس ما بتكفي اليوم، خصوصاً مع دخول الذكاء الاصطناعي وأدواته القوية... الموضوع ما بس تغيير، ده تحول كبير في طريقة الشغل والحياة.

التدريب ما بقى حاجة ترفيهية... ده استراتيجية أساسية لأي شركة عايزة تظل في السوق، لازم الناس تتعلم وتطور مهاراتها عشان تقدر تواكب التغييرات السريعة دي.


18/12/2025

في عصرنا ده، أي شركة عايزة تنجح وتكبر لازم تعمل حساب للتوسع الرقمي...

ما في شي اسمو "ما بحب التكنولوجيا" أو "ما عندي وقت للموضوع ده"... لانه دي بقت ضرورة، لأنه لو ما كنت موجود على الإنترنت، كأنك ما موجود! 😅 الناس بقت تبحث عن الخدمات والمنتجات على الإنترنت، فلو ما كنت موجود، حيفوتك كتير.

ما بتكلم عن الشركات الكبيرة بس، حتى الشركات الصغيرة والمتوسطة لازم تكون على المنصات الرقمية عشان تنافس وتكبر.


يا جماعة سؤال للنقاش الطاقة والنشاط والخطط البتجينا الساعة 2 صباحاً ونحن بنخطط لمستقبلنا دي، بتمشي وين الساعة 8 الصباح؟ ...
17/12/2025

يا جماعة سؤال للنقاش
الطاقة والنشاط والخطط البتجينا الساعة 2 صباحاً ونحن بنخطط لمستقبلنا دي، بتمشي وين الساعة 8 الصباح؟ 😂

معضلة الإستمرارية
لماذا تخوننا الارادة وتنهار البدايات العظيمة؟
في لحظة بيعرفها معظم الناس، لحظة بتتكرر في حياة كل من يريد أن يبدأ شيئا جديدا (بيدا مشروعا جديدا، أو عادة صحية، أو خطة تطوير ذاتي... الخ) ويشعر بطاقة عالية جدا وكانك قادر على تغيير كل شيء...

​ليه بنبدأ أي حاجة بـ 'حماس ألف' (جيم، كورس، عادة جديدة) وبعد أسبوع بالكتير بنلقى نفسنا رجعنا لنقطة الصفر وبقينا نأجل؟

14/12/2025

ربط سعادتك بالنتائج = ضغط مجاني (فخ التعلق ❌)

شوف الفيديو الكامل عشان تعرف كيف تتجنب الـ5 حاجات اللي بتسرق عمرك! ⬅️
[رابط الفيديو الكامل في أول تعليق]


👂🏽 سرّ العلاقات ما في شخصيتك… السر في كلامك!كثير من الناس فاكرين النجاح في العلاقات – سواء في الشغل أو البيت – معتمد على...
14/12/2025

👂🏽 سرّ العلاقات ما في شخصيتك… السر في كلامك!

كثير من الناس فاكرين النجاح في العلاقات – سواء في الشغل أو البيت – معتمد على “الشخصية”. لكن الحقيقة؟
التواصل هو اللعبة كلها.

خليني أديك معلومة مهمّة:
🔹 في بيئة العمل:
المعلومة المعقّدة ممكن تفقد لحدود 70% من معناها وهي بتنتقل من مدير لموظف.
يعني لو كلامك ما واضح، سوء الفهم ح يكون طبيعي جدًا.
🔹 في القيادة والعلاقات:
الناس ما بتشوف نواياك ولا طيبتك الجوة.
الناس بتقيسك من طريقة كلامك.
وببساطة بيحكموا:
“أسلوبو كده… معناها شخصيتو كده.”

✨ الخلاصة:
التواصل ما رفاهية ولا مهارة إضافية.
التواصل هو الأساس لأي نجاح:
– مع فريقك
– مع شركتك
– ومع شريك حياتك
فخلّي كلامك واضح، ونبرتك واثقة، وصوتك يعكس قيمتك الحقيقية.

💬 سؤال للنقاش:
شنو أبسط عادة أو فكرة جرّبتها وحسّنت تواصلك اليومي مع الناس؟ سواء في الشغل أو في البيت؟.. 🤔

13/12/2025

شوف الفيديو الكامل عشان تعرف الـ5 حاجات اللي بتسرق عمرك! ⬅️

[رابط الفيديو الكامل في أول تعليق]
#السودان

من حوالي خمسة سنين كدا، أنا ما كنت بعاين للتسويق زي أي زول تاني. ما كنت بس بقرا أو بحضر كورس؛ كنت عايش جوا المجال ده زات...
08/12/2025

من حوالي خمسة سنين كدا، أنا ما كنت بعاين للتسويق زي أي زول تاني. ما كنت بس بقرا أو بحضر كورس؛ كنت عايش جوا المجال ده زاتو... التسويق بالنسبة لي كان زي النظارة البشوف بيها الدنيا كلها.
​أي دكان أغشاهو... أي مؤسسة أمر بيها... أي بوست أشوفو في السوشيال ميديا... كنت بعاين ليهم بعين المحلّل. بشوف الغلط قبل الصح، وكنت بربط كل حركة في البزنس بي هدف معين.
​لكن رغم الشغف ده، كنت حاسي بي حاجز كبير... السبب كان بسيط: التسويق في راسي كان مفرق ومفَرتك، يعني ما قدرت أربط بين الكلام النظري الجميل، وبين الشغل العملي في الواقع... كنت مفتّش لي زول أو منهجية تربط لي الاتنين ديل بي طريقة واضحة لانه كنت حاسي بـ "حلقة ناقصة" ما عايزة تكمل.
​وفي اللحظة دي بالذات، بديت أتابع زول حسيت إنو هو البيتم الناقصة دي: د. قاسم Gasim Salah

​تابعته أول مرة قبل خمسة سنين كدا، ومن ديك بقى واحد من أهم الناس البتعلم منهم، لانه كان بيقدّم التسويق بي عمق ما عادي، وبي طريقة بتخليك تشوف صورة أوضح لأي بزنس.

​مرت سنين، بعدت فيها شوية من المجال. ما عشان الشغف راح، لكن عشان كنت لا زلت حاسي إنو في "حاجة ناقصة".
​قلت في نفسي، الزول ده ما بتابعوهو إلا ناس البزنس والتسويق بس 😂 لكن قبل يومين بس، حضرت ورشة "ذكاء الأعمال بالذكاء الاصطناعي" مع الدكتور قاسم.
​المفاجأة كانت في الإعلان عن الورشة البتعمل لأول مرة في بورتسودان! لقيت عدد كبير من الناس البعرفهم، وناس كتار تانيين ما عندهم أي علاقة لا بالبزنس ولا بالتسويق، حضروا! هنا عرفت إنو الزول ده وصل لناس كتار، وظني انه تأثيره الإيجابي حا يوصل حتى للما حضروا.
​لمن حضرت الورشة، فعلاً حسّيت إنو القطعة الناقصة اكتملت.
​قدرت أفهم كيف كل مرحلة في التسويق مربوطة بالمرحلة البعدها، وكيف إنو الشغل ده كلّه منظومة واحدة.

Address

Port Sudan
33311

Telephone

+249116076152

Website

Alerts

Be the first to know and let us send you an email when Abdullah Talib posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Abdullah Talib:

Shortcuts

Share