في كل محنة، هناك ثلاثة أنواع من الناس: من يقف معك، ومن يقف ضدك، ومن يقف على السياج ينتظر النتيجة ليتظاهر أنه كان معك منذ البداية. قضية "أسمراني" لم تكشف فقط حجم التسرع في إطلاق الأحكام، بل كشفت معدن الناس من حوله.
من المؤسف أن نرى من كانوا يومًا يرفعون شعار "الحق فوق الجميع" ينساقون اليوم وراء موجة الترند، فقط لأن الأجواء الرقمية فتحت باب الشماتة. المؤلم أكثر أن بعض من وقف أسمراني بجانبهم في أيام ظلمهم، هم أنفسهم من لزموا الصمت أو انضموا لصفوف المهاجمين، وكأن المواقف لا تُقاس بالذاكرة بل بمصلحة اللحظة.
والأغرب أن هناك من اتخذ قضيته مادة لزيادة "الريتش"، وكأن الظلم صار أداة تسويق، والإنسان مجرد عنوان جذاب. هذه ليست حرية رأي، بل متاجرة رخيصة بوجع الآخرين.
لكن الحق، حتى وإن بدا ضعيفًا في وجه ضجيج الشماتة، لا يموت. التجارب تقول إن الوقت كفيل بفرز الأصوات: من كان يبحث عن الحقيقة سيبقى، ومن كان يبحث عن مشهد تمثيلي سيغادر مع انتهاء العرض.
هذه ليست فقط محنة أسمراني، بل محنة مجتمع أمام امتحان النزاهة والذاكرة. من يتخلى عن المظلوم اليوم، يفتح الباب لأن يُترك هو غدًا في مواجهة الظلم وحيدًا.
فليعلم الشامتون أن الظلم لا يدوم، وأن كل كلمة قيلت في غير حق ستعود على صاحبها يومًا، أما المظلوم فله وعد الله: ﴿إِنَّ رَبَّكَ لَبِالْمِرْصَادِ﴾.
اسمراني سوداني باذن الله محنه وتعدي وانت رافع راسك ❤️
#اسمراني
04/08/2025
12/07/2025
طه في اول لحظه في الحفله ظهر جلد اي زول شايل مايك وعامل فنان
جلدهم كلهم بدون فرز
صوت
حضور
موسيقي ياخ
امشو اتعلمو اخدو عندو درس خصوصي
مسرح ما بغني فيو الا زول عالمي
حقيقي ياطه عالمي بالاثبات❤️❤️❤️
الضرس لاي فنان وهمان
09/07/2025
🔻 مجزرة في مدينة "مرات".. سوداني يقـ.ـتل طليقتو الدكتورة (رؤى) ويهاجم أسرتها بالساطور 😱
في فجر الخميس 3 يوليو 2025، مدينة "مرات" القريبة من الرياض في السعودية صحت على أبشع جريمة أسرية ممكن يتخيلها زول ، المجرم اقتحم بيت أسرة كاملة، وسـ.ـفك دمهم بساطور في جريمة تهز الوجدان.😭
الجاني دخل البيت وضرب، قـ.ـتل، وشرّد، وطلع شايل معاهو طفل رضيع، وسلم نفسو للشرطة، وقال بكل برود إنو "عايز حضانة الولد"!😤
حوالي الساعة 5 صباحاً، الجاني اقتحم بيت طليقتو الدكتورة (رؤى دفع الله)، وكان شايل معاهو ساطور كبير.
أول زول هاجمو كان طليقتو "رؤى"، ضربها بالساطور في رقبتها وكتفها وصدرها، وماتت في الحال.
بعد داك مشى على أختها الدكتورة (دلال)، وقطعها لدرجة إنو جسمها اتناثر، وماتت قدام عينو.
✋️ لكن المجرم ما وقف لحدي هنا…
دا ضرب كمان شقيقاتها التانيات:
الدكتورة ربى ..
و الدكتورة ريماز ..
وهاجم أمهم الحاجة (رانيا)، وضربها ضرب مبرّح. التلاتة ديل اتنقلوا للمستشفى، وحالتهم بين الحياة والموت في العناية المركزة.😭
والد البنات، الدكتور دفع الله، كان خارج البيت وقت الحادث. بعض المصادر بتقول إنو كان في الشغل، وبعضها بتقول كان مسافر. وبعضها بقول انو متوفي.. بس لسه ما طلع تصريح رسمي عن مكانو..
اكبد لو عايش حتكون حالتو النفسية سيئة جداً، وخاصة إنو فقد بنتين والتلاتة الباقيات بين الحياة والموت.
🟥 طيب شنو سبب الجريمة يا ابوحميد؟
الجاني كان متزوج من الدكتورة رؤى، وجاب منها طفل رضيع عمره حوالي ٥ شهور. بعد الطلاق، حاول ياخد الحضانة، لكن المحكمة رفضت وقررت إنو الحضانة تكون للأم.✋️
الزول دا ما قدر يستوعب الرفض، واتجنن حرفياً، وخطط للجريمة دي، ونفذها بإيدو، واستخدم ساطور مطبخ حاد وكبير لقـ.ـتل وتمزيف الضحايا، وتم تحرير الساطور كدليل رئيسي في الجريمة. 🔪
ومشى بعد داك لقسم الشرطة، شايل معاهو الرضيع، وسلّم نفسو واعترف بي كل شي..
قال في التحقيقات إنه "كان يائس وعايز حضانة ولدو بأي طريقة"، وإنه "ما كان عندو نية يقـ.ـتل اي زول لكن الأمور خرجت عن سيطرتو".
📌الان الجاني محبوس، وتُوجّه ليه تهم القتل العمد والشروع في القتل.
📌المصابين تحت العناية المكثفة.
📌الطفل تحت حماية الدولة لحد ما تتحدد الوصاية.
🥹 طبعا الجريمة نزلت كالصاعقة على السودانيين في السعودية وحتى في السودان. المجتمع كلو مصدوم، والبنات الضحايا معروفات بسيرتهن الطيبة وتعليمهن العالي، وكل الناس كانت بتحترم الأسرة دي.
✍️ في الختام
جريمة الدكتورة رؤى وأسرتها بتفتح أبواب كثيرة للنقاش حول:
العنف الأسري
التهديدات بعد الطلاق
قضايا الحضانة
الحماية القانونية للنساء في حالات الطلاق والنزاع
نسأل الله يتقبّل القتيلات في جناته، ويشفي المصابات، وينتقم من القاتل. والعدالة تاخد مجراها..
⛔️ السوال.. هل دي اول حادثة تحصل في السعوديه (راجل يقـ.ـتل زوجتو)؟؟ .. تعااال معاي التعليقات نتذكر كل الجرائم في السنوات الاخيرة👇👇
لو وصلت لحدي هنا ماتنسى اللايك والكومنت والشير..
وناسف للاطالة🌹
04/07/2025
ناس مصر ديل حررتو ليهم مدني ما رجعو حررتو ليهو الخرطوم ما رجعو رجعتو ليهم ندى القلعة تمويه وحركة وقالت ليهم ارجعو ما رجعو جاهم زلزال عديل هناك زلزال ما رجعو صورتو ليهم الخريف والمطر برضو ما برجعو ، الناس ديل ما برجعو تاني 🙂
صورنا ليكم الخريف عديل 🤣🤣🤣🤣🤣🤣🤣🤣💔
03/07/2025
رئيس الوزراء يصدر قراراً بتعيين ثلاثة وزراء ضمن حكومة الأمل
بورتسودان، 3-7-2025 (سونا) أصدر رئيس مجلس الوزراء الانتقالي، البروفيسور كامل إدريس، اليوم، القرار رقم (147) لسنة 2025، القاضي بتعيين ثلاثة وزراء ضمن تشكيلة حكومة الأمل.
وتضمن القرار تعيين كل من:
– البروفيسور عصمت قرشي عبد الله محمد وزيراً للزراعة والري.
– البروفيسور أحمد مضوي موسى محمد وزيراً للتعليم العالي والبحث العلمي.
– البروفيسور معز عمر بخيت العوض وزيراً للصحة.
وأكد رئيس الوزراء أن التعيينات الجديدة جاءت بعد دراسة دقيقة للكفاءات والخبرات.
ويُذكر أن عدد الوزراء الذين تم تعيينهم حتى الآن بلغ خمسة، حيث سبق أن أعلن رئيس الوزراء، في وقت سابق من الأسبوع الماضي، تعيين وزيري الداخلية والدفاع. ومن المقرر تعيين بقية الوزراء تباعاً.
#سونا #السودان
03/07/2025
الاستاذه داليا إلياس
تحية طيبه
رساله من بريد الصفحة
داليا زولة طيبه جدا نيتها ابيضّ من الحليب
عمرها لا كانت بتاعت مصالح ولا بتعرف أصلا أنها تعمل مصلحة
داليا زولة خدومة لدرجة انه لو في فعاليه او اي ظهور او تقديم فعاليه ما بتتفق مع الجهة بتمشي تشتغل بالنيه البيضاء
وانا بشهد بالحاجة دي شهادة حق
داليا لو كانت بتعرف تعمل مصالح زي ناس الدنيا اقسم بالله
كان ممكن تمتلك فلل وقصور
داليا حتي اللحظة دي لا عندها بيت ملك في السودان ولا القاهرة
مع العلم الناس الأقل منها من الارزقيه في مجال الإعلام والصحافة متملكين
داليا إنسانه عفيفة جدا
لا تنظرو إلي الجزء الفارغ من الكوب
بكفي إنها ساترة حالها لا يوم جابوها في قواله ولا في زول يقدر يقول فيها نص كلمة غير أنها ام عظيمة وشخصية موثرة اجتماعياً
عمرها لا سعت لترند ولا لي شهرة
الشهرة جاتها لحد عندها
نقول كلمة الحق في كل الظروف
سيري يا ام محمد داليا الياس
ودربك اخضر ياريت تعملي مدير أعمال ليك يدير كل تفاصيلك لأنك تستحقي ذلك 🫶🏻
رسالة حق من
خ … د
بريد الصفحة
29/06/2025
تنويه رسمي لزوجة ولدي المستقبلية😁💍
🌹🌹
يا بتي، شوفي…
اولاً أنا ما نسيبة ،، أنا جهة رقابية مستقلة عديل كده☺️ مهمتي اتأكد انه ولدي اموره تمام
ومع كده ماحااتدخل كتير،نوووووهاي بس لو شفت ولدي ناحف ووجهه شاحب، وعينيه غراق ،، ببدا اشك طوالي انو الوجبات بقت صور بس في الإنستغرام🙄 ،،،،، يابتي الولد أتربى على الكسرة والعصيدةالسمحة والملاح البلدي الساخن يعني ماتقومي تجيبي ليه شوربة وملعقة تقولي دايت ولا كسل منك تشبكيه إندومي وبيتزا ومعجنات حأعتبر ده إعلان حرب😅 اكبر من حرب ايران وإسرائيل فشنو انتبهي
أكلك يكون حار، حبّك يكون نار، ومواعينك نضيفة و مليانة خير وبهار!
بس أهم شي… خلّي في قلبك مساحة لي، لأنو أنا أصل البلاية والمراية😉
وكلنا في مركب واحد، اسمه “نرضي الولد وما نزعل النسيبة ” 😂❤
أنا ما بدخل بين الزوجين…نهاااااااي لكن ممكن ادخل في القروب ساي أتفرج وادعي ليكم😁
او ممكن ادخل المطبخ عادي جدًا أشم الملاح، واشوف أجهزتكم المطبخية الحديثة
وأشوف “التقنية المستخدمة” في الكسرة ،،غايتو اعرفي🤔لو الولد بدا يشتهي ملاحي وعصيدتي وشاي اللبن حقي المقنن معناها في حاجة غلط في التوازن الغذائي المنزلي لديكم☺️☺️ولو حصل العكس وولدي قال مرتي زي أمي بديك نجمة ذهبية لانك تفوقتي على نظيراتك😁
بعدين لما أجيكم زيارة حبيبتي أنا ماتقولي دي نسيبتي قولي جاتنا نسمة خفيفة ترد الروح ☺️ نصيحة اخيرة اهتمي بهدومه مايلبس معفص ومكرفس اناقة المرأة بتظهر في هندامها لراجلها ،، بعدين كان زعلتي منو ماتوريني عشان حااكون في صفه 😁 لكن في قلبي حااقول الله يبعد عنهم الشيطان ويهدي سرهم والسعادة تملى حياتهم 🤲،،وفي نفس الوقت ماتكلمي امك لانها حتقيف معاك ،، فشنو خلافاتكم لازم تكون بينكم حلوها برواقة ☺️،،. صدقيني حبيبتي
أنا ما بنكد، أنا بدي نكهات إضافية للبيت زي الفلفل والتوم والليمون 😁،، بمعنى في قلبي حنية ام زايدة بس معجونة و
ممزوجة ببهارات النسيبة 😅في النهاية أنا مادايرة ليكم اكتر من بيت دافيء وضحكة حلوة بينكم وشاي مغرب تدعوني ليه بمزاج في بيتكم 😍 وأحفادي حولي 🙏
تحياااااتي ومحبتي ام سليمان
كسرررررررررة 🌹
بوست كتبته للإرشاد والفرفشة معا ،، وماكعب لوكان توثيق 😁لكن صدقني واطمأنن يابنياتي حااكون باذن الله نسيبة ناعمة وظريفة وخفيفة الظل والروح وفي حدودي☺️
🌹لعناية
د / سليمان و د/ زين و اخر العنقود من الاولاد كابتن بيبو 😁
🙏 كسررررررة ملحقة بحب ليكم ،،،بعد التفاعل الجميل 🤣للبوست و بتاريخ اليوم السبت ٢٨ شهر ٦
شكرا جزيلا للمتابعين الجدد على المتابعة وعلى الايكات والقلوب ياحلوين وشكرا على مشاركة البوست ،، البوست ده النية فيه الضحك،والفرفشة والرسالة حُب… وخير شاهد الاموشنات الكتيرة والطريقة
والنسيبة الشريرة دي في المسلسلات فقط ،،أصلا ماموجودة في بيوتنا السودانية المليانة طيبة ومحنة لذلك النية من البوست ماشر ولا دي قيمنا وأخلاقنا الاتربينا عليها ،، تربينا على ان النسيبة ام ،،بالتالي زوجة الولد في بيوتنا هي بنت من بناتنا والما بنرضاه لبناتنا مابنرضاه لبنات الناس وبيناتنا الضحكة الحلوة والعشرة الجميلة ،، شكرا وودا سعيدة بيكم جميعا والله ممتنة انو احرفي المتواضعة راقت ليكم 😁حتى لو أثارت الجدل 🙏
Be the first to know and let us send you an email when Sudani. posts news and promotions. Your email address will not be used for any other purpose, and you can unsubscribe at any time.
