27/09/2023
#نود ين بت من حب❤
=أحماااااد.
_عضلاتو.
=إنت دي شنو عضلاتو الماسك فيها من يوم ما نزلت الچيم دي .. أنا عايزة يتقال لي عيونو .. قلبو .. روحو .. وين الكلمات الحلوة؟
_أنا دافع في الإشتراك دا دم قلبي على فكرة.
=أهو بتدلع نفسك بس لما أطلب من "شي إن" أبقى أنا الزوجة المبذرة البتضغط على راجلا؟
_لحظة .."قرب وهو رافع حاجبو"
إنتِ عارفة إنو سعر فستان من "شي إن" بساوي إشتراك شهر كامل في الچيم ؟
=قصدك إسبوعين لأنو عندك أيام أوف .. بتقارن خمستاشر يوم بفستان حألبسو أقلاها تلاتة سنين؟
_يعني ضحكوا علي؟
=اه يا حبيببي .. كل مرة بضحكوا عليك.
_وإنتِ شغلتك شنو؟
=أشتري فساتين وأطلع مُزة وبي كدا تبقى مضحوك عليك بس معاك وحدة حلوة.
_صفقة فاشلة.
=على العموم وإنت نازل الچيم حيجيك الواد بتاع التوصيل وقع على الأوردر وأدفع.
_تااااني .. تاااااني يا نون؟
=أخر مرة يا أحمد.
_مش المرة الفاتت كانت أخر مرة؟
=ديك بمناسبة عيد ميلادي ما تحسبا.
_والقبلها؟
=بمناسبة عيد ميلادك.
_بس أنا ما قاعد أحتفل بعيد ميلادي.
=أنا بحتفل نيابة عنك .. ما أحتفل باليوم اللي الدنيا رزقتني فيهو واحد زيك؟
_ياخي إحتفلي بعيد عني .. أنا كنت موفر القروش دي لهدف سامي.
=قصدك الفستان اللي طلبتو شي تافهه؟
_أووف سعرو كم؟
=الفستان ولا الأوردر كلو؟
_هو في حاجات تانية ما باينة لسة؟
=ما تقلق حاجات بسيطة طقم وأكسيسر وهدباند وشوية مك اب.
_مش في العرس أنا مشتري ليك شنطة مك اب؟
=أيوة إنتهت.
_لحقتي تنتهي منها بالسرعة دي؟
=أسأل نفسك.
_وأنا مالي؟
=وأنا كل يوم بجر لاينا وبعمل ماسكرا وروج لمنو؟
_من الليلة خليك على طبيعتك.
=معليش فاهم غلط أنا بتمكيج عشان روح الأنوثة الجواي إنما لو عليك إنت أصلًا ما عارف عدساتي دي حقيقية ولا لينسيز.
_وهي حقيقية ولا سينززز دي؟
=لينسيزز اسمها لينسيزز يا أحمد .. إنت أكيد كنت بترسب في الإنجليزي.
_اللي راسب في الإنجليزي دا أبو عيالك.
=ملناش دعوة .. إنت ما إتأخرت؟
_صح .. بس ما قلتي لي أدفع كم؟
=دا سؤال يا رمضان؟
_رمضان ولا عيد .. أنجزي يا نون.
=طيب أقعد أنا ختيت في التلاجة عصير منقة تحفة حضوقك منو بالأول.
_أنا موقف سكر وما تخافي علي خشي على الهبوط طوالي.
=هبوط شنو بعد الشر يا عمري.
_قصدي الموضوع الحيعمل لي هبوط .. قولي ما تلعبي بأعصابي.
=أمممم بفكر في طريقة رومانسية أجيبو ليك بيها.
