أثر - Athar

أثر - Athar التطور يُكشف عبرة تحولات الوعي💚
أول قناة بودكاست في زالنجي
( أثر صوت الأمل) ✨🤍
(1)

21/08/2025

الحلقة الثانية من حملة
مع الدكتور: حسين محمد

19/08/2025

خلي صوتك يكون سبب في انقاذ الاخرين

حملة
مع الاستازة نغم ابوبكر

📢 شاركوها مع أسركم وأصدقائكم عشان نحافظ على سلامة مجتمعنا”خلي
18/08/2025

📢

شاركوها مع أسركم وأصدقائكم عشان نحافظ على سلامة مجتمعنا”

خلي

‏‏‏⚠️م في وقت للتهاون الكوليرا خلاص انتشر! ‏‏يا جماعة الخير، دي اللحظة البنحدد فيها أثرنا ‏هل حنقيف متفرجين؟ ولا حنكون ج...
17/08/2025

‏
‏
‏⚠️م في وقت للتهاون الكوليرا خلاص انتشر!
‏
‏يا جماعة الخير، دي اللحظة البنحدد فيها أثرنا
‏هل حنقيف متفرجين؟ ولا حنكون جزء من حملة ( ) ونوعي أهلنا ونحمي بلدنا
‏
‏مرض الكوليرا ما بتفرّق بين كبير وصغير
‏لكن كلمة منك او صورة او بوست بسيط ممكن ينقذ حياة زول ما كان عارف خطورة الموضوع أو ح يعمل شنو عشان يحمي نفسه وأولادو
‏
‏👇 شنو المطلوب منك؟
‏
‏~انشر معلومة بسيطة عن الوقاية (غسل اليدين – شرب ماء نظيف – تجنب الأكل المكشوف)
‏* شارك البوست دا في القروبات
‏* استخدم الهاشتاق
‏
‏وخلي أثرك ظاهر ولو بكلمة واحده
‏
‏
‏خلونا نحارب الكوليرا مع بعض، ونخلي صوت الوقاية يصل لكل بيت في السودان
‏
‏📢 شارك الحملة الآن يمكن توعي زول واحد ويكون سبب في إنقاذ حياته
‏

30/07/2025

حلقتنا الليلة بعنوان العشرين سن الانجاز
مع الدكتور: حسين محمد

‏في العشرين، بتحس إنك لازم تكون أنجزت، لازم تكون بنيت، لازم تكون حققت، لكن منو القال ليك الكلام ده حقيقه ‏‏نحن الجيل الش...
29/07/2025

‏في العشرين، بتحس إنك لازم تكون أنجزت، لازم تكون بنيت، لازم تكون حققت، لكن منو القال ليك الكلام ده حقيقه
‏
‏نحن الجيل الشاف الدنيا بعيون الواقع، لا أحلام وردية ولا شوارع مفروشة بالزهور، لكن رغم ده كلو لسه فينا نفس طويل، وقلب بيحلم بحياة فيها معنى و"أثر"
‏
‏سن العشرين ما سِن وردي، ولا مشوار مفروش بالرياحين
‏دي السِن البتكتشف فيها حاجات كتيرة:
‏تكتشف ذاتك، وتغلط، وتتعب، وتتمنى تنجح قبل الفشل يكسرك
‏
‏في السِن ده بتلقى الناس حولك بيجروا،والدنيا كأنها بتسابقك، وأنت واقف تتنفس وتحاول ما تنهار
‏
‏📌 في حلقتنا الجاية من بودكاست "أثر"
‏ح نغوص معاكم عن الحقيقة الما بعرفها كتار مننا
‏
‏هل العشرين سِن الإنجاز؟ ولا سِن الأسئلة؟
‏خليك معانا وخلّي البودكاست يكون مرآة لوجدانك
‏
‏منصة اثر هي منصحتك وصوتك ورأيك
‏في_فضاءات_المعرفة_نجسد_الأمل
‏
‏
‏
‏ 💚
‏
‏
‏

‏في أثر ___‏نكتب لنحس، نحسّ فنُغيّر لأنو الكلمة ممكن تعمل فرق ‏وموضوعنا الليلة عن وجع حقيقي بعيشو كتير من الشباب في بلدن...
27/07/2025

‏في أثر ___
‏نكتب لنحس، نحسّ فنُغيّر لأنو الكلمة ممكن تعمل فرق
‏وموضوعنا الليلة عن وجع حقيقي بعيشو كتير من الشباب في بلدنا
‏
‏"لو ما عندك واسطة، أقيف في الصف الغلط "
‏
‏في الزمن دا، بقت الواسطات زي المفتاح السحري تفتح بيه أبواب مقفولة، وتدخل بيه أماكن ما بتعرفك، وناس ما كان ح يشوفوك
‏لكن السؤال الحقيقي:هل الواسطة فعلاً بتحدد قيمتك؟
‏
‏ناس كتار، موهوبين، مبدعين، متفوقين، لكن بسبب إنهم ما "أولاد فلان ولا عندهم ضهر بيقيفوا في الصف التاني
‏الصف الغلط صفّ الانتظار الطويل، صفّ التجاهل، وصفّ "نرجع ليك بعدين"
‏والمؤلم إنو نحنا كمجتمع، بقينا نصدّق إنو دا الطبيعي
‏
‏لكن الحقيقة
‏الواسطة ممكن توصلك لمكان، لكن ما بتخليك تثبت فيه
‏الناس بتتذكّر المجتهد، الشغال بصمت، الماشي بطريقو حتى لو اتأخر لأنو بصنع ليهو قيمة حقيقية ما مربوطه باسم ولا منصب
‏
‏خلي صوتك، شغلك، وأخلاقك، هم الواسطة
‏خلي نجاحك يفرض نفسو، حتى لو الطريق أطول
‏
‏لو ما عندك واسطة، ما مشكلة بس خليك في صفك الصح، وقاتل بالحلم، مش بالحسرة
‏
‏
‏ما تخلي إحساس الظلم يكسرك
‏أثبت، اشتغل، طور نفسك وخلّي الفرق فيك يكون واضح
‏
‏"أنت ما محتاج واسطة محتاج تصدّق في نفسك أكتر "
‏
‏ومنصة "أثر" دايمًا بتآمن بالقيمة الحقيقية، مش بالاسم
‏
‏- هل لو لقيت واسطة، بتستخدمها ولا بتختار تمشي بطريقك الصعب؟
‏
‏شاركونا رأيكم في التعليقات
‏الكاتبة: نغم ابوبكر
‏
‏في_فضاءات_المعرفة_نجسد_الأمل
‏
‏
‏
‏ 💚
‏
‏
‏

26/07/2025

حلقتنا الليلة بعنوان: الجامعات خرّجتنا لكن البلد لم يستقبلنا
مع: مبارك محمد

كتار منّنا اتخرجوا لكن ما لقوا وظيفة لا في تخصصهم ولا حتى برة تخصصهم تخرجنا بعد سنين تعب وسهر، وقعدنا نحلم بالفرص والمست...
26/07/2025

كتار منّنا اتخرجوا لكن ما لقوا وظيفة لا في تخصصهم ولا حتى برة تخصصهم

تخرجنا بعد سنين تعب وسهر، وقعدنا نحلم بالفرص والمستقبل الزاهر لكن أول صدمة واجهتنا بعد التخرج هي الواقع المرير للبطالة

استنونا قريبا في حلقة جديدة من بودكاست اثر

في حلقتنا الجايه حنغوص معاكم في وجع حقيقي يعيشه آلاف الشباب الخريجين اليوم

# هل البلد فعلاً ما محتاج لينا؟
# ليه الشهادة بقت حِمل بدل ما تكون مفتاح؟
# شنو الحل؟ وهل في أمل؟

في الحلقة دي ح نحكي عن قصص حقيقية، ونفتح نقاش جاد بعيد من التنظير

لو إنت/ي من الناس اللسه ماسكين شهاداتهم وواقفين في الصف الطويل للفرص — الحلقة دي خاصه ليك

📅 استنونا قريبا وم تسنو
تشاركو البوست مع أي زول بتحسّه محتاج يسمع الكلام دا

منصة اثر هي منصحتك وصوتك ورأيك
في_فضاءات_المعرفة_نجسد_الأمل
‏
‏
‏
‏ 💚
‏
‏
‏

02/07/2025

حلقتنا الليلة مع المبدعة: حفصة عثمان
بعنوان هل تقبل الذات هو الثقة بالنفس ؟

منصة اثر منصتك وصوتك ورأيك
‏
‏
‏
‏
‏
‏ 💚
‏
‏
‏
‏الاربعاء ، 2 يوليو 2025
‏

‏‏‏🔸هل تقبل الذات هو الثقة بالنفس؟ ‏‏هل فعلاً لما تقول "أنا راضي عن نفسي" معناها إنك واثق؟‏ولا في فرق عميق بين إنك تتقبل...
01/07/2025

‏
‏
‏🔸هل تقبل الذات هو الثقة بالنفس؟
‏
‏هل فعلاً لما تقول "أنا راضي عن نفسي" معناها إنك واثق؟
‏ولا في فرق عميق بين إنك تتقبل ذاتك وإنك تثق فيها؟
‏
‏في زمن الناس فيه محتارة بين حب الذات وغرورها، بين النقد الذاتي والتقبل، بنجي نحنا ونفتح النقاش على وسعو مع الاستاذة : حفصة عثمان محمد
‏🎙️في حلقة جديدة من بودكاست اثر
‏
‏
‏📌 خليك جاهز
‏حوار عميق، بلغة بسيطة، وقصص من الواقع
‏لأنو اليوم أكبر صراع الانت بتعيشها هي بينك وبين نفسك
‏
‏🕐استونا قريبا وتابعونا علي قنواتنا
‏
‏منصة اثر منصتك وصوتك ورأيك
‏
‏
‏
‏
‏
‏ 💚
‏
‏
‏
‏الاثنين ، 1يوليو 2025
‏

امبارح رفعنا ليكم بوست في صفحتنا لكن الليلة القصة بقت أعمق✍🏽 في زمن بقت الحياة فيه كلها اوجاع كتبنا ليكم كلام طالع من ال...
29/06/2025

امبارح رفعنا ليكم بوست في صفحتنا لكن الليلة القصة بقت أعمق

✍🏽 في زمن بقت الحياة فيه كلها اوجاع كتبنا ليكم كلام طالع من القلب، عن الوجع، عن الحيرة، عن حال الشباب التايهين بين الحرب والحلم بين المسؤولية وهمّ الحياة

✅ والليلة البوست دا نزلناه في منصتنا الإلكترونية كاملة، بتنسيق جميل وسرد أصدق

📖 لو كنت حاسي بتعب ساكن فيك، أو داير تلقى صوت يشبه صوتك أمشي اقرأو هناك وخلينا نسمع رأيك

👇🏽 شوف الرابط تحت وشاركنا رأيك في المنصة:
🔗 [أقرأ المقال من هنا
https://podcast-athar.blogspot.com/2025/06/asab-haga-athar-2025.html
📣 وما تنسى تتابعنا في المنصة عشان تصلك باقي الحكايات والمواضيع البتلامسك

💚



Address

Zalingei

Website

Alerts

Be the first to know and let us send you an email when أثر - Athar posts news and promotions. Your email address will not be used for any other purpose, and you can unsubscribe at any time.

Shortcuts

Share

Category