مرت خويا كي دخلت دخلت بعقلية متهدرو معايا منهدر معاكم هيا ساكنة لفوق وحنا لتحت زوج خطرات نعرضوها للقهوة ولعشاء متجيش يهبط غير خويا بقولنا راهي عيانة ولا راسها يوجعها نبعتولها لماكلة معاه و خطرة برك طلعنا خويا باش نشوفو فلاش ديسك تاع لعرس ستقبلتنا فوق لقلب غير تأفف و ننسف فهمنا روحنا هبطنا م لتم صاي مام يقولنا خويا طلعو منطلعوش وكان هذا رمضانها لول تحتمت عليا نهار برك ف رمضان منفطرش ف دار و ماما مريضة كانت قلت طيبت كلش ف دار و عيطت لخويا قوتلو إذا تفطر معاهم ليوم قالي مكاشني مراحش نفطرف دار بصح شوفي فلانة تهبط على مرتو طلعت ليها قلتلها إذا تقدري تفطري معاهم راني مطيبة كلش سخني برك و خلي كلش هكاك كي نجي غدوة انا نفرز و نخمل ماما مراهيش قادرة تنوض و بابا علبالك حالتو قاتلي اسمعي مرانيش خديمة على يماك نتي تزنقي و انا نحط و نرفد و اصلاراني عارضة دارنا ليوم و غلقت ل باب وليت عيطت لصحبتي مسكينة جابت دارهم و جاو فطرو مع ماليا ربي بجازيهم ان شاء الله ودكاكي زيدت حبت تنفس عندنا و نقوموها و نقومو ضيافها و نوقفولها على قهوتها كل يوم تبعتنا ارواحو عاونوني منطلعوش و ليوم دايرة قهوة دايرة ف بالها نطلع و نحط و نرفد لضيافها و صباح جابتنا لحم ولخضرة قالتنا إذا طيبولي خالاتي و بناتهم عرضتهم للقهوة جاين لفطور قلتلها مرانيش خديمة على داركم يماك راهي عندك طيبلك رانا خارجين و حليتها و صح مور لفطور ديت دارنا للبحر بصح والله يلا ندمت خفت تدعي عليا وراهي نافسة لكن من جهة اخرى انا عاملتها ب المثل
05/08/2026
Vos messages
انا عرسي في 3 أكتوبر وكي حكيت مع خطيبي قوتلو روح للدار لي رايحين نسكنو فيها بعد ما نتزوجو وافتح لاكام باش نشوفها ونوصيهم وين يحطو القش ايا قالي منقدرش خاطر الدار راهي ساكنة فيها اختي🤷♀️🫢 قتلو وحنا وين رح نسكنو قالي مع دارنا ندو شمبرة ايا قتلو بالسلامة بالعافية والعرس انساه قالي كفاش و جدت روحي وعرضت ناس وووو قتلو ربي يسهل انسى العرس
نتا كذبت عليا وخبيت عليا وكي قرب العرس وضمنتني جاي تقلي نسكنو مع دا رنا .
لعشية عيطت يماه قاتلي إذا تحوسي على دار وحدك قولي لباباك يشريها 😳 لك فهمتي قتلها كون زوجتي بنتك لراجل عندو دار كي الرجال ولا كون شرالها باباها دار كي راهي تحوس تسكن وحدها وكوبيت عليها
ايا عيطلي خطيبي قالي كفاش تحكي مع يما هاك وكفاش وووو وش رايكم لبنات عندي الحق لا ؟؟
يكذبو ع بنات الناس اميعد يقلولولك ماشي مربيين 😫
05/08/2026
صباحكم خير
04/08/2026
Vos messages
خويا شاف وحدة فالطريق مع يماها و قعد يتبع فيها كل يوم تقرى فالجامعة عاقلة من القراية للدار و شابة، قالنا باش يدي يما و يتقدم، رحنا عندهم بالعشية ما لقيناهاش فالدار قالولنا ارجعو غدوة العشية باش هو يشوف البنت والبنت تشوفه، لغدوة منذاك رجع غير خويا وحده باش يتشاوفو، كي دخلت عنده للصالون جمعو قاتله انا عندي عيب و وراتله بلي لابسة صباط سبيسيال عندها رجل قصيرة على رجل وتلبس صباط سبيسيال باش تتمشى نورمال، كي جا قالنا ها واش ها واش، قلناله معليش ماشي فالمكتاب، قالنا أنا منيش نقولكم مبغيتهاش، انا غير باش يكون في علمكم و باش نحذركم ما رجوهاش بالسؤال عالموضوع هذا، قالتو يما ايلا تزوجتها ماراك ولدي ماراني امك، 😫و منديرلك عرس ما نوقف فيه، و منرجعش نخطبها، وهو خويا قالها البنت عجبتني ورتاحيتلها و استخرت مولانا 2 راني مكمل، ايلا ما حبيتيش ديريلي عرس هي دير عرسها ونروحوا لدارنا ماراكيش مجبورة تشوفيها ولا تقبليها، المهم نقبلها أنا.✅
خويا قالنا انا راني رايح ندير الحلال ويما راهي تصعبها عليا، ونتوما
لي حبت توقف معايا مرحبا و لي ما حبتش ما نلومهاش.
حطنا في موقف صعب🤦♀️🤷♀️🤔
04/08/2026
بنت بلكور من صغري وانا كي لمعلمة ✅
04/08/2026
Vos messages
دير الخير وانساه الدنيا فاينية✉️
عندي لوستي ترملت في الشهر الثامن دورك قريب تدخل شهرها انا ساكنة وحدي وبعيده عليهم خاطيهم وخاطيني انا غير لوستي هاذي لي تجي عندي وتعيطلي وتحوس عليا وواقفة معيا دارولي ناس داري مشاكل غير هي لي قرت لخوها بلي كنت مضلومة ايا هي ترملت مسكينة رجعت عندهم دارولها بونيشة ايا واش دارو لها نسا خاوتها لخرين هي لي طيب وتغسل وقايمة بالدار وتدير كلش وزيد مدولها غرفة سخونة بزاف برا غسلتها مسكينة المهم ترقد وتعيش فيها وعايروها كل يوم معايرة انا مكنتش علابالي
باسكو نروح خطرات برك عيطتطلي جارتهم كانت حبيبتي خبرتني بحالتها 🫢
حكيت لراجلي بكا عليها دم عيطنالها مكاش تليفون ايا انا وراجلي رحنا جبناهنا معنا لقيتها في حالة بيها🤦♀️ قالو لها لكان تخرجي متزيدش تدخلي داري قالو راجلي الاز ادت دخلت دارلكم رخسوني ديتها لطبيب مسكينة قعدت 3ايام تحت المراقبة وخرجت دوشتلها وطيابها غير لعزيزة وعندي شومبرة فداري اشرينا لها انا وراجلي سرير لها وكليماتيزور و وسرير لاابنها وديكوريتلها شمبرتها وشرينا ترسو للبيبي ☺️هي لي خيرت كلشي وحاشمة منا مسكينة وتبكي حكمنا رونديفو في كلينيك تزيد فيك ياربي يسلكها على خير مازالها 10ايام وتزيد وعدتها قدام ربي وعبادو راح نعيشوها كي ختي وارح نخدما ونرفدها في نفاسها ونعاونها على تربية ابنها إلى يوم الدين🤲
03/08/2026
حنا درنا التاويل بكري كي كنا صغار درك نعيشو الحياة 🤍🤍
03/08/2026
Vos messages
لبنات انا راجلي قبلي كان مع بنت خالتو ،منبعد صراو مشاكل حبسو موراه بتلت سنين خطبني ورانا لبااس لبارح عرس خو راجلي كي كنا نشطحو جات الغنية تع شابة جنات هادي بنت خالتو جات زعما تشح معايا منبعد جات لقطة تع راجلك يبغيني راجلك يعشقني بدات زعما تشوف فيا بعين وجبدت ليا وقاتلي في وذني راجلك يبغيييني راجلك يعشقنييييي وزعما تغير فيا وتخبط فيا بشعرها منبعد انا تقلقت منها جبدتها من شعر جبتها طايحا فلرض وهي اصلا توصل عند كرشي بينازة وتخيلو الموقف وجاو خياتو يسلكو ممبعد رحت عند dj قتلها دريلي الاغنية تع وردة تع لي تخرباي فالعمر🤣🤣 من شعرها نكركرها تغلطي من عندي تتسوطي لي توصلني نوصلها من شعرها نكركرها ونشطح و نلعب بشعري ونبرح عليها ب مليون ودوك هو كي حكيتلو عجبو الحال قالي نتكل عليك بصح نا حاسا صورتي راحت قدام فاميلتو وحرشتهم 🤣🤣🤣
03/08/2026
Vos messages
🥺🥺🥺🥺🥺
جاتني لحظة ادراك ضرك راني نخدم عيطتلي ماما قاتلي علاش كي خرجتي صباح ومخليتيش دراهم باش تمد لبابا يقضي لدار بابا من نهار خرج تقاعد 3 سنين و شهريتو نقصت رجع ميلحق على والو وزيد يتكيف انا و خويا نخدمو في زوج بصح انا لي نصرف على دار و نخلص لفاتورات و نفليكسيلهم رمضان انا لي نقضي و العيد انا لي نشري حوايج لقاطوو طيب ونشريلهم حوايج جدد يلبسوهم
العيد لكبير منشريش اضحية من نهار رجعت غالية ب8 ملاين و 9 منقدرش نشريها بصح نشري سقيطة كامل و دوارة ولفاتورات تاع تريسيتي و لغاز لماء عليا تخيلو بوماد تاع ترطيب لوجهي موليتش نلحق باش نشريها !!
ميكفيونيش و حتى كي يسلفو ويديرو الدين تاني انا لي نخلصو و خويا ساعات برك يجيب شوية خضرا لدار و لا يمد لبابا 200 الف رمضان هادا نهار لول جاب غير 4 حبات قلب اللوز هادا مكان انا منحبش نشوفهم حاصلين و لا مكانش واش يقضيو بصح عييت يعني هوما والفو انا لي نصرف خويا قدامهم جامي قالولو و انا والفو نقضيلهم كلش حتى لما عن نشريهم و لعرضات عليا و لباروك عليا انا خاتم ذهب منسعاهش ... راسي يقولي لي يجي الاول نتزوج بيه ونتهنى خلاص بزاف 🥺🥺🥺🥺🥺
Be the first to know and let us send you an email when Reel by Miral posts news and promotions. Your email address will not be used for any other purpose, and you can unsubscribe at any time.
