Saffa in Sweden Official

Saffa in Sweden Official Running, vibing & oversharing my Stockholm adventures 🇾đŸ‡Ș You can also find me on Instagram and TikTok with the same handle - See you there!

Nou die lyk na ‘n blink plan! đŸ€©âœšSal jy dit eet?
04/06/2026

Nou die lyk na ‘n blink plan! đŸ€©âœšSal jy dit eet?

04/06/2026

Vanoggend op pad werk toe val die haatlike gedagte my by:

Daar is min dinge in die lewe wat jou so vinnig van ’n verantwoordelike volwassene terug verander in ’n paniekbevange amateur-speurder soos die vraag:

“Het ek die deur gesluit?”

Jy is reeds halfpad werk toe. Die son skyn. Die lewe is mooi. En dan, uit die niet, klim daardie gedagte op soos ’n ongewenste WhatsApp-boodskap van ’n eks:

“Het jy die deur gesluit?”

Skielik begin jou brein ’n ondersoek. Jy probeer die toneel van vanoggend herskep soos ’n misdaaddokumentĂȘr. Jy onthou die koffie. Jy onthou die skoene. Jy onthou die hond wat nie wou beweeg nie. Maar die deur? Die deur bestaan net as ’n vae skaduwee in jou geheue.

Vir die volgende uur of twee leef jy in twee parallelle heelalle:

In die eerste een is die deur veilig gesluit en jy is besig om jou tyd te mors.

In die tweede een staan die deur wawyd oop, die wind waai deur die huis, die televisie is weg, die buurman gebruik jou lugbraaier en jou hond bestuur waarskynlik reeds ’n Uber.

Teen die tyd dat jy omdraai om te gaan kyk, het jy jouself oortuig van minstens ses rampscenario’s. En dan kom jy by die huis aan


Die deur is nie gesluit nie. Gelukkig bestuur Sossi nog nie die Uber nie en die bure is bewus van niks.

Nou ja, ek is dankbaar dat ek die geleentheid het in ‘n dag om net vinnig huis toe te kan hardloop en dat ek weet al is die deur nie gesluit nie, hier in Swede is my TV veilig. Selfs met ‘n oop deur.

Die enigste ding wat sterker is as jou vermoĂ« om ’n deur te sluit, is jou brein se vermoĂ« om jou daarvan te laat twyfel. 😅.

Gebeur dit met jou ook? Hoe dan gemaak?

Wat is jou opinie oor die volgende?Een van die grootste kulturele verskille wat ek in Swede raakgesien het, is die beken...
04/06/2026

Wat is jou opinie oor die volgende?

Een van die grootste kulturele verskille wat ek in Swede raakgesien het, is die bekende “jag orkar inte” (“ek het nie die energie daarvoor nie”) ingesteldheid.

In Swede word dit algemeen aanvaar dat mense hul eie welstand, rus en persoonlike grense beskerm, selfs al beteken dit om uitnodigings, planne of ekstra verantwoordelikhede van die hand te wys.

Vir baie Suid-Afrikaners voel dit vreemd, want ons kom uit ’n kultuur waar mens dikwels opdaag al is jy moeg, help al is jou dag lank, en nog ’n stoel by die braai aanskuif vir iemand wat onverwags opdaag.

Waar die Sweed dalk sĂȘ: “Ek orkar inte vandag nie,” sal die Suid-Afrikaner eerder sĂȘ: “Ek is moeg, maar kom ons maak ’n plan.”

My opinie:
Nie een benadering is noodwendig reg of verkeerd nie, dit weerspieël bloot twee verskillende maniere waarop mense gemeenskap, verantwoordelikheid en persoonlike energie benader.

As onderwyser hoor ek diĂ© woorde gereeld, meer as wat jy d**k, daagliks, in amper elke les. Persoonlik glo ek dat “jag orkar inte” nie ’n plek in die klaskamer het nie - nie vir onderwysers en ook nie vir leerders nie. Onderwys gaan juis daaroor om op te daag, jou beste te gee en deur moeilike dae te werk, want groei, leer en sukses gebeur dikwels op die dae wat jy die minste daarvoor lus voel.

03/06/2026

As jy my 10 jaar terug gevra het waar ek myself sien, sou ek nooit gesĂȘ het: “In Swede, besig om kinders te leer hoe om te saag, stik, meet en skep nie.”

Ek het my loopbaan as ’n Afrikaanse onderwyser begin, waar my dae gevul was met gedigte, romans, opstelle en die fyn kuns van die korrekte gebruik van ’n komma. Vandag staan ek in ’n slöjdsal in Swede en verduidelik hoe om ’n naaimasjien veilig te gebruik of waarom jy altyd twee keer moet meet voordat jy sny.

Die oorgang was soms vreemd, soms uitdagend, maar ongelooflik verrykend. Ek het geleer dat onderwys nie net oor die vak gaan wat jy aanbied nie, maar oor die mense wat jy inspireer. Of ek nou ’n kind help om ’n argumenterende opstel te skryf of hul eerste houtprojek te voltooi, die doel bly dieselfde: om selfvertroue, nuuskierigheid en groei aan te wakker.

Dit wys net hoe onverwags die lewe kan wees. Een dag verduidelik jy die verskil tussen ’n metafoor en ’n vergelyking, en die volgende dag verduidelik jy die verskil tussen ’n figuursaag en ’n lintsaag en op ’n vreemde manier maak albei my net so gelukkig. 🇿🇩🇾đŸ‡ȘâœïžđŸ”šđŸ§”

Moes jy onlangs van loopbaan verander of ‘n nuwe vaardigheid aanleer? Wat was jou ervaring?

03/06/2026

Jy kan wakker word in enige jaar van jou lewe.

Watter jaar kies jy en hoekom?

Wie is jy? Daar is iets besonders aan mense wat hulself bly wees, selfs wanneer alles rondom hulle verander.Jy kan jou t...
02/06/2026

Wie is jy?

Daar is iets besonders aan mense wat hulself bly wees, selfs wanneer alles rondom hulle verander.

Jy kan jou taal verander, nuwe gewoontes aanleer, ander kos eet, in ’n ander klimaat leef en selfs aan die ander kant van die wĂȘreld wakker word, maar die belangrikste deel van jou behoort nooit verlore te raak nie: wie jy werklik is. ✹

Te dikwels d**k mense dat aanpassing beteken jy moet jouself prysgee. Dat jy jou aksent moet wegsteek, jou stories moet vergeet of jou verlede moet afstof om in te pas. Maar ware groei gebeur nie wanneer jy minder van jouself word nie; dit gebeur wanneer jy leer hoe om alles wat jy is saam met jou te dra. đŸ’ȘđŸŒ

’n Boom vergeet nie sy wortels omdat hy in nuwe grond geplant word nie. Inteendeel, sy wortels gee hom die krag om nuwe takke te laat groei.

Maak nie saak of jy in Suid-Afrika, Swede, AustraliĂ« of Kanada woon nie. Maak nie saak of mense jou naam anders uitspreek, jou gebruike nie verstaan of jou storie nie ken nie. Jy hoef nie tussen jou verlede en jou toekoms te kies nie. Jy mag albei hĂȘ.

Die wĂȘreld het nie meer mense nodig wat probeer wees soos almal anders nie. Die wĂȘreld het meer mense nodig wat die moed het om outentiek te wees.

Want uiteindelik is jou grootste bydrae nie om in te pas nie.

Dit is om te wys dat dit moontlik is om te groei sonder om te verdwyn. Om te verander sonder om jouself te verloor. Om nuwe horisonne te ontdek sonder om jou oorsprong te vergeet.

Waar jy ook al is, wees trots op waar jy vandaan kom.

Maar wees nog trotser op wie jy kies om elke dag te wees.☀

*Die blomme in ons voortuin (foto onderaan) het die gedagte vanoggend laat ontkiem.

🚗🇾đŸ‡Ș Die pad na ’n Sweedse bestuurslisensie is nie vir sissies nie!Ek moet eerlik sĂȘ, om jou lisensie in Swede te kry voe...
29/05/2026

🚗🇾đŸ‡Ș Die pad na ’n Sweedse bestuurslisensie is nie vir sissies nie!

Ek moet eerlik sĂȘ, om jou lisensie in Swede te kry voel soms meer soos ’n universiteitskursus as om net te leer bestuur. 😅 Ps. Ek het al ‘n 🇿🇩 lisensie vir 12 jaar op doe punt!

Eers moet jy deur Risk 1, wat fokus op verkeersveiligheid, alkohol, dwelms, moegheid en hoe jou besluite jou bestuur beĂŻnvloed kom.

Dan volg Risk 2 (die bekende “halkbana”), waar jy prakties ervaar hoe ’n motor reageer op gladde oppervlaktes (ys en water) en noodsituasies. Die was vetpret! â„ïžđŸ§Š

As jy privaat wil oefenbestuur, moet jy ook jou Handledarutbildning voltooi saam met jou toesighouer, sodat julle wettig saam kan oefen.

Dan kom die groot monster: die teorie-toets. Ek d**k die meeste mense onderskat hoe moeilik dit eintlik is. Dit is nie net padtekens nie daar is baie reĂ«ls, situasies, risiko-analise, wiskunde, wetenskap en verkeersbegrip. Die wagtyd, die stres en daardie oomblik wanneer jy op “done” klik, is genoeg om enige mens se bloeddruk op te jaag!

En dan, uiteindelik, mag jy jou praktiese toets bespreek.💃

Vir my is die groot dag 5 Junie. 🎉

Wat my die meeste trots maak, is dat ek tot dusver alles met die eerste poging geslaag het. Risk 1, Risk 2 en die teorie-toets is almal klaar en afgehandel op die eerste slag. As iemand wat uit ’n ander land kom en ’n hele nuwe verkeersisteem moes aanleer, voel dit vir my soos ’n groot persoonlike oorwinning.

Nou is daar net een laaste hekkie oor.

Hou duimvas vir my op 5 Junie, hopelik kan ek dan sĂȘ dat ek amptelik my Sweedse bestuurslisensie ook op die eerste poging gekry het! đŸ‡żđŸ‡Šâ€ïžđŸ‡žđŸ‡Ș🚗✹

Die is die foto wat op die liksens gaan wees! đŸ«Ł Kan iemand vir my se waarom my een oor so ver uitsteek asb? En hoekom kom ek dit eers op 30 agter????

Wat is/was jou grootste uitdaging toe jy jou lisensie gedoen het?

Ek sweer daai eerste warm dag in Swede voel soos wanneer jy Vrydagoggend onthou jy het nog ‘n pak tjoppies in die vriesk...
26/05/2026

Ek sweer daai eerste warm dag in Swede voel soos wanneer jy Vrydagoggend onthou jy het nog ‘n pak tjoppies in die vrieskas vir mîre se braai.

Van Oktober 2025 af was almal net gevries.
Jy sien nie meer mense nie, net jasse met oë.
Mens vergeet later hoe jou eie arms lyk.
Selfs die son het bedank en gesĂȘ:
“Ek sien julle in Mei, sterkte.”

Teen Februarie begin almal vreemd raak. Mense staan buite in 3 grade en sĂȘ: “Dis eintlik baie lekker vandag.” Nee Hendrik, jy het net winterbreinskade opgedoen.

Maar dan
 een dag
17 grade.

Skielik verander Swede in ‘n braai by die rugbyklub.
Mense lĂȘ halfkaal in parke soos wors wat uiteindelik ontdooi het. Iemand hardloop sonder ‘n h**p. Iemand anders eet roomys asof hy pas uit die tronk uit ontsnap het. Selfs die honde kyk geskok.

Dis letterlik soos daai braaivleis wat jy Vrydagaand uit die vrieskas haal: Eers hard, bleek en emosioneel dood
en dan Saterdagmiddag lĂȘ almal oopgevlek in die son en sweet asof hulle nog heeltyd daar was.

Swede het nie lente nie.
Dis net ‘n nasionale ontdooi-program.

02/06/2025

Op 6 Junie, vier die Swede 🇾đŸ‡Ș hul nasionaliteit op die mees Sweeds moontlike manier:

– Hulle hang ’n vlag uit,
– eet dalk ’n kanelbulle of twee,
– kyk na ’n formele seremonie op TV,
– en dan
 gaan hulle huis toe. Sonder lawaai. Sonder tjops. Sonder sokkie.

Dis amper soos Suid-Afrika 🇿🇩 se Erfenisdag (Heritage Day), maar as Erfenisdag ’n spa-dag was. Geen boerewors nie, net baie stil trots.

Maar moenie jou misgis nie – daar’s darem liefde in die lug. In Stockholm sal jy dalk ’n paar mense sien met blommekransies of kinders wat vlaggies swaai, maar niemand gaan jou vra om te braai of jive nie. 👀

Wat maak julle die naweek? 😊

26/05/2025

This was absolutely one of the worst smells I have ever smelled! đŸ€ź If you ever get your hands on a can of surströmming you need to try it!😂 🇾đŸ‡Ș 🇿🇩

Adress

Stockholm

Webbplats

Aviseringar

Var den första att veta och lÄt oss skicka ett mail nÀr Saffa in Sweden Official postar nyheter och kampanjer. Din e-postadress kommer inte att anvÀndas för nÄgot annat ÀndamÄl, och du kan nÀr som helst avbryta prenumerationen.

GenvÀgar

Dela

Typ