19/09/2025
Maxaad kala socotaa sheekada fadeexadii qarniga.
goor dhaw ka daawo Mug-saaf YouTube channel.
Jeffrey Epstein wuxuu ahaa maalqabeen Mareykan ah oo caan ku ahaa xiriirkiisa dadka awoodda leh, balse magaciisa si weyn ayuu u shifmay kadib markii lagu eedeeyay dambiyo galmo ah oo lagula kacay gabar yar yar. Waxaa la tuhunsanaa inuu shabakad ballaaran oo kufsi iyo ka ganacsiga gabdhaha yaryar ku lug lahaa, isagoo isticmaalaayay xiriirkiisa siyaasadeed iyo lacag si uu uga badbaado caddaaladda.
Epstein waxaa markii ugu dambeysay xabsiga loo taxaabay 2019, waxaana lagu soo oogay eedo cusub oo galmo ah oo lala xiriirinayo in ka badan 30 gabar oo da’doodu yartahay. Intii uu ku jiray xabsiga, ayuu si lama filaan ah ugu dhintay August 2019, waxaana la sheegay inuu isdilay – hase yeeshee, dhimashadiisa waxay dhalisay su’aalo badan iyo tuhunno ah in laga yaabo in la dilay si loo aamusiyo.
Dadka lagu tuhunsanaa ama kiiska si dadban ugu xirmay waxaa ka mid ah:
Ghislaine Maxwell – saaxiibtiisii dhow oo lagu xukumay kaalinta ay ku lahayd shabakadiisa kufsiga.
Prince Andrew – Amiirka UK oo lagu eedeeyay inuu galmo la yeeshay mid kamid ah dhibbanayaasha Epstein (wuxuu iska fogeeyay eedaha, balse si hoose ayuu uga baxay howlaha boqortooyada).
Bill Clinton iyo Donald Trump – in kastoo aysan si rasmi ah eed loo soo jeedin, waxay xiriir dhow la lahaayeen Epstein, taasoo dhalisay su’aalo badan.
Elon Musk, Bill Gates, iyo magacyo kale – Waxaa magacyadooda lagu arkay “Epstein files” ama faylasha maxkamadeed ee soo baxay, balse ma jiro eed rasmi ah oo loo jeediyay inta badan.
Buqa ka dhashay "Epstein Files": Kadib dhimashadiisa iyo xukunka Ghislaine Maxwell, faylal badan oo maxkamadeed ayaa la sii daayay, kuwaas oo muujinaya magacyo caan ah, socdaallo, iyo faahfaahin laga yaabo iney muujinayso xiriir hoose oo lala lahaa shabakadda dambiyeedka Epstein. Dad badan ayaa dalbaday in runta laga sheego, in magacyada dhabta ah ee dambiyada galay la shaaciyo, iyo in aan la aamusin dhibbanayaasha.
