https://www.facebook.com/214592835069261/

Phyo, Singapore (2026)

19/12/2024

😋😋

10/10/2024

ကျွန်မကတော့ အမှီခိုကင်းတဲ့
အမျိုးသမီးပဲ ဖြစ်ချင်တယ်"
ဇိမ်ဘယ်လောက်ရှိရှိ သူတစ်ပါးကို
အမှီပြုပြီး ဘဝကို မရှင်သန်ချင်ဘူး။
မပြည်စုံတဲ့ ဘဝဆိုရင်တောင်
ကျွန်မ မပျော့ညံ့ ချင်ဘူး"
သူများကို အားကိုးပြီးတော့
ဘယ်မျော်လင့်ချက် ကိုမှလည်း
ကျွန်မ အသက်မသွင်းချင် ဘူး"
ဘဝမှာ ထမ်းပိုးထားရတဲ့
တာဝန်တွေ အများကြီးရှိတယ်"
ဒါကြောင့် ~
ကိုယ့်ကိုယ်ကိုယ် သန်မာနေဖို့ ကြိုးစားတယ်။
ပြိုလဲလို့မဖြစ်တဲ့ ဘဝမို့ ဘယ်လောက်ပဲ
ကျွန်မ ပင်ပန်းနေပါစေ ရပ်တည်နေ ပါတယ်"
ကျွန်မကို သိမ်ငယ်စေတဲ့ လူတွေ
ပတ်သက်မှုတွေ ဆိုရင် ရဲရဲဝဲ့ဝဲ့ ဘဲ
စွန့်လွတ်လိုက်မယ်ဆိုတဲ့ သတ္တိ မွေးတယ်"
တကယ်တော့ ဘဝမှာ မပျော်မရွှင်
ကြီးပြင်းလာခဲ့ရတဲ့ လူတွေ အများစုဟာ"
ဘဝနေနည်းတွေ မျိုးစုံတတ်ကြပါတယ်။
ဒါကြောင့်
ကျွန်မကိုယ် ကျွန်မ ဂရုစိုက်ပြီး
ရှေ့ဆက်ရဦးမယ် ဒီသံသရာဘဝခရီး ဟာ
ကြမ်းတမ်းနေလည်း ကျွန်မ လျှောက်ရဲတယ်"
အရောင်စုံတဲ့ ဒီလောကကြီးထဲမှာ
နာကျင်ခြင်း ကျရှုံးခြင်းတွေ ရှိနေရင်တောင်
ကျွန်မ တစ်ယောက်တည်းပဲ ရှင်သန်မယ်"
ဒီလိုပါပဲ
နည်းနည်းလောက် ပျော်ဖို့အတွက်
အများကြီး ကြိုးစား ရုန်းကန်
နေရတာကိုပဲ ဘဝလို့ ခေါ်ရမယ်ထင်တယ်။
လိုအပ်ရင် ဘယ်သူ့ကိုမှ မျော်ကိုးမနေပဲ
ကျွန်မကိုယ် ကျွန်မ အားပေး နှစ်သိမ့်တယ်"
ရှင်သန်ခြင်းဟာ ဘယ်လောက်ပဲ
ခက်ခဲနေပါစေ ရအောင်ကျော်ဖြတ်မယ်"
ဘဝမှာ တောက်ပတဲ့ အပြုံးတစ်ပွင့်
လင်းလပ်တဲ့ အရောင်ထွက်ဖို့ဆိုရင်
ကျွန်မကိုယ်ကျွန်မပဲ အရောင်တင်မယ်"
အမှီအခို ကင်းတဲ့ ရှင်သန်ခြင်းနဲ့ပဲ
ကျွန်မက ရှင်သန် နေထိုင်ချင်ပါတယ်။
ဒါကြောင့်
အခုနောက်ပိုင်းမှာ ဒဏ်ရာတစ်ခုရတိုင်း
ပြိုလဲဖို့ထက် သန်သန်မာမာ ရှင်သန်ပြဖို့ပဲ
ကျွန်မ ပိုအာရုံစိုက်ပြီး တွေးဖြစ် ပါ တယ်။
ဒီရှင်သန်ခြင်းမှာ ဒဏ်ရာတွေ များတယ်
ဒါပေမယ့် ပြိုလဲလို့မဖြစ်ဘူး။
Crd

20/05/2024

လူတွေဟာ သူတို့ချစ်တဲ့သူ သူတို့အလေးနက်ထားတဲ့သူတွေကိုဆိုရင်...
အသေးမွှားကအစ ဂရုစိုက်ပေးတတ်တယ်
သူတို့ တစ်ရက်တာလုပ်ဆောင်ချက်တွေကိုလည်း အသေးအဖွဲကအစ တင်ပြလေ့ရှိတယ် အသိပေးလေ့ရှိတယ် ဒီလိုအပြုအမူတွေက တကယ်ချစ်တတ်တဲ့သူတွေဆီမှာပဲ တွေ့ရတတ်တာမျိုးပါ

တကယ်လို့ တစ်စုံတစ်ယောက်က ငါတို့ကို
ဂရုမစိုက်ဘူး အလေးနက်မထားဘူးဆိုရင်...
ငါတို့သိထားရမှာက သူကိုယ့်ကိုတကယ်မချစ်ဘူးဆိုတာပဲ...အတင်းမလုပ်ယူနဲ့ အတင်းမတောင်းဆိုနဲ့ - အတင်းလုပ်ယူရင် အတင်းတောင်းဆိုနေရင် ကိုယ်ပဲပူလောင်ရတယ် - ပြီးတော့ သူလည်းစိတ်ညစ်ရတယ်

အဲ့တော့ ငါတို့လုပ်ရမှာက ရရှိတဲ့အတိုင်း လက်ခံလိုက် - စောဒကမတတ်နဲ့ ။

#ဟေမာန်

31/03/2024

ငါ့ကိုယ်ငါ ဂုဏ်ယူမိတယ် ။
ရှင်သန်ဖို့ ခက်ခဲနေပြီဆိုတဲ့ နေ့ရက်တွေကိုလည်း
ကောင်းကောင်း ဖြတ်ကျော်နိုင်ခဲ့တယ် ..
နာကျင်စရာ ကိစ္စတွေကိုလည်း
ငါ့ကိုယ်ငါ ထွေးပွေ့ရင်း ရင်ဆိုင်နိုင်ခဲ့တယ်..

မျှော်လင့်ချက်တွေ ၊ အနာဂတ်တွေ
ဝေဝါးနေလည်း အားမလျော့ဘူး ။
ပြိုလဲစေချင်ကြတဲ့ လူတချို့
လက်လျော့ရလောက်တဲ့အထိ
ငါဟာ သန်မာနေခဲ့တယ် ။

ဘယ်လောက်ပဲ မှောင်မိုက်နေပါစေ
သေးငယ်တဲ့ အလင်းရောင်ကအစ
ငါ ရှာဖွေနေဦးမှာပဲ...
ပင်ပန်းလွန်းရင် ခဏတာငိုပြီး
ခေါင်းပြန်မော့နေဦးမှာပဲ
လဲကျဖို့ ငါ့ကိုယ်ငါ ခွင့်မပြုသရွေ့
ငါဟာ အမြဲသန်မာနေဦးမှာပဲ ။

26/01/2024

ကိုယ်တို့ စကားခဏ မပြောပဲနေကြရအောင်တဲ့ …

ဒီရက်ထဲ ဘာပြသနာမှ မရှိပဲ စိတ်အဆင်မပြေလို့ဆိုတဲ့ အကြောင်းပြချက်နဲ့ ခဏလောက် တစ်ယောက်တည်း နေပါရစေဆိုတဲ့ စကားလုံးတွေ သုံးလာတယ် ။ ကိုယ့်ကို ပြောပြလို့ မရဘူးလားဆိုပြီး အထွန့်တက်မိတော့ မင်းပါ စိတ်ညစ်ရမှာပေါ့ ကလေးရယ်တဲ့ …
အင်းပါ ဒီရက်ထဲ အဆင်ပြေအောင် နေနော် ။
စိတ်အဆင်ပြေတဲ့အခါ ဖုန်းဆက်လို့ရတယ်နော်
စာတွေ ပို့ထားလို့လည်း ရတယ် အမြဲတမ်းမျှော်နေပါ့မယ်ဆိုတဲ့ စကားတွေသုံးပြီး ကိုယ်ဟာ အလိုက်သိပေးလိုက်မိတာ ။

ကိုယ့်ကို ပြောပြလို့မရတဲ့ အဆင်မပြေမှုတစ်ခုခု ရှိနေလို့ဖြစ်မှာဆိုပြီး … နားလည်ပေးလိုက်မိတာ ။ သူ အဆင်ပြေတဲ့အခါ အရင်ကထက် ပိုပျော်စရာကောင်းတဲ့ ဆက်ဆံရေးလေးတစ်ခု ဖြစ်လာခဲ့မယ်ပေါ့ ။ အရင်ကလိုပဲ အသက်ဝင်တဲ့ ဆက်ဆံရေးလေး ဖြစ်လာမယ်လို့ မျှော်လင့်ပြီး သူ အဆင်ပြေလာမယ့် တစ်ရက်ထိ ကိုယ့်မှာ နှုတ်ဆိတ်ပြီး နေခဲ့လိုက်မိတယ် ။

သိပ်လွမ်းတာပဲ … ဖုန်းခေါ်နေကျ အချိန်လေးတွေ ကိုယ့်မှာ အသံလေး ကြားချင်မိတာ ။ မီးစိမ်းလေးမြင်ရင် စာလေး ပို့ချင်နေမိတာ ။ ဒါပေမယ့် ကိုယ်က အလိုက်မသိတတ်ဘူးဖြစ်မှာစိုးလို့ ခေါ်ချင်နေတဲ့ ဖုန်းလေးကို ချပြီး ပို့ချင်နေမိတဲ့ စာလေးတွေကို ပြန်ဖျက်လိုက်မိတယ် ။ အင်း … သူ စိတ်အဆင်ပြေသွားတဲ့အခါ ကိုယ့်ဆီ သေချာပေါက် ပြန်လာမှာဆိုပြီးတော့ ကိုယ့်ကိုယ်ကိုယ် အားပေးနှစ်သိမ့်လိုက်မိတယ် ။

မထင်ထားခဲ့တဲ့အရာလေးက ကိုယ် သတိမထားလိုက်မိခင်မှာပဲ ဖြစ်ပျက်သွားတယ် ထင်ပါတယ် ။ တစ်နေ့မှာ ကိုယ် မဟုတ်တဲ့ မိန်းကလေးတစ်ယောက် တွဲပြီး … ဘယ်အရာနဲ့ပဲ ယှဉ်ယှဉ် မင်းကိုပဲ ရွေးချယ်မှာပါ တဲ့ ။ ။

အော် … ကိုယ့်အဖြစ်ကိုယ် ကိုယ်ပြန်ရယ်နေမိတဲ့ အဖြစ်ပါပဲ ။ အချိုလေးသတ်ပြီး ထားသွားတာကို ကိုယ့်မှာကျန်ခဲ့မှန်း အခုမှ သိရတဲ့အဖြစ်လေ ။ ကိုယ်ကိုယ်တိုင်တောင် လမ်းခွဲလို့ လမ်းခွဲမှန်း တခြားလူတစ်ယောက်က လာမေးမှ သိရတဲ့အဖြစ်ပေါ့ ။ ကိုယ်တို့ လမ်းခွဲလေးက ရယ်ရပါတယ် … မျက်ရည်တွေကျလောက်ထိကိုပေါ့ ။ ဘာလို့ မဆက်သွယ်တာလဲ ဆိုတဲ့ မေးခွန်းတွေကို အဆင်ပြေတဲ့တစ်နေ့ကျ မေးမယ်ဆိုပြီး တွေးထားခဲ့တာ … ဒီရက်ထဲ ဘယ်လို နေခဲ့သလဲဆိုပြီး ကိုယ်နဲ့သူ ဘယ်သူ ပိုလွမ်းလဲ ပြိုင်ကြမယ်လို့ တွေးခဲ့တာ ။ ဒိုင်ယာရီစာအုပ်လေးမှာ … ဒီရက်ထဲ စာတွေပိုရေးဖြစ်နေတာကို အတူတူဖတ်ဖို့ မျှော်လင့်ခဲ့တာမိတာ ။

ဒီရက်ထဲ မင်းအဆင်ပြေရဲ့လားလို့ တွေးနေရင်း ပူနေမိတဲ့ ကိုယ့်ကိုယ်ကိုယ်ပဲ သနားလာမိပါတယ် ။ တစ်ယောက်တည်း နေရအောင်ဆိုတဲ့စကားကို တကယ်အဟုတ်ကြီးထင်ပြီး တခြားတစ်ယောက်နဲ့ သာယာနေတဲ့ရက်တွေမှာ ဖုန်းမဆက်မိအောင် စာမပို့မိအောင် အပင်ပန်းခံ ကြိုးစားနေမိတဲ့ ကိုယ်က သိပ်ကိုပဲ တုံးအပါတယ် ။ ကိုယ့်တို့ မဆက်သွယ်ပဲ နေကြရအောင်ဆိုတဲ့စကားဟာ တစ်သက်စာအတွက် ဖြစ်ခဲ့မယ်မှန်းသိရင် … အဲ့ဒီနေ့ကတည်းကနေ ဘာလို့လဲဆိုတဲ့ မေးခွန်းတွေ ကိုယ် မေးဖြစ်အောင် မေးခဲ့မိမှာ ။ တကယ်ပါ … မင်းသာ ချမပြခဲ့ရင် ကိုယ်ဟာ လမ်းခွဲလို့ လမ်းခွဲလိုက်မှန်းမသိအောင် မျှော်မိနေဦးမှာ ။

ကျန်ခဲ့လို့ ကျန်ခဲ့မှန်းမသိတဲ့ … သိပ် နားလည်သိတတ်လွန်းသူကြီးလေ … တခြားတစ်ယောက်လက်ထဲကို ရော့အင့်ဆိုပြီး ထည့်မပေးလိုက်ရုံတမယ် အလိုက်သိတတ်လွန်းခဲ့တာလေ ။ ကိုယ်က သိပ်တုံးအလွန်းပါတယ် ။

#ကျေးကို

25/01/2024

တစ်ပါးသူရဲ့ အချစ်ကို လက်ခံထားတာဟာ
သိပ်တာဝန်ကြီးပါတယ် ။
ကိုယ်ဟာ သူ့ရဲ့အချစ်နဲ့ ထိုက်တန်သူဖြစ်ကြောင်း
ပြသဖို့အတွက် စကားလုံးတွေနဲ့ မဟုတ်ပဲ အပြုမှုသေးသေးလေးကအစ ၊ ကြီးမားတဲ့ ပြောင်းလဲမှုတွေအထိ
အမြဲ ကြိုးစားပေးရပါတယ် ။

သူ့အပေါ် ကောင်းတာတွေ ပေးနိုင်ဖို့ …
သူပျော်ရွှင်ဖို့ ၊ စိတ်လုံခြုံဖို့ …
ကိုယ်ဟာ သူ့အတွက် နှစ်သက်မြတ်နိုးစရာလေးဖြစ်နေဖို့ … အဘက်ဘက်ကနေ ကြိုးစားပေးရပါတယ် ။
ကိုယ့်မှာ မကောင်းတဲ့ အကျင့်စရိုက် ၊ စိတ်နေသဘောထား နှင့် အပြုမှုတွေရှိနေခဲ့ရင် ပြောင်းလဲပေးရတယ် ။ ဒါဟာ ချစ်ခြင်းမေတ္တာပါ ။

" တကယ်ချစ်ရင် ပြောင်းလဲစရာမလိုဘူး … မင်းပုံစံလေးအတိုင်း သူမြတ်နိုးလိမ့်မယ် " ဆိုတဲ့ စကားက
လုံးဝအပြည့်စုံ မှန်ကန်နေတာမျိုးတော့ မဟုတ်ဘူး ။
အစစ အရာရာ တိုးတက်ပြောင်းလဲလာနေတဲ့ ခေတ်မှာဆို ပိုလို့တောင် မမှန်နိုင်ဘူး ။

အချစ်ဟာ မမြင်ရတဲ့ စိတ္တဇနာမ် ဖြစ်ပေမဲ့လည်း
ရှင်သန်နေရတာက စိတ်ကူးယဉ်ကမ္ဘာထဲမှာ မဟုတ်တဲ့အတွက် အချစ်ကို လက်တွေ့ကျကျ သိမြင်နားလည်ဖို့ လိုပါတယ် ။

ပြောင်းလဲစရာမလိုပဲ ချစ်ပေးတဲ့သူရှိတာဟာ ကံကောင်းခြင်းတစ်ခုဖြစ်ပေမဲ့လည်း လူတိုင်းက ကောင်းတာတွေလိုချင်ကြတယ် မဟုတ်လား … တစ်စုံတစ်ယောက်ကို ကောင်းတာတွေ ပေးချင်တာ ၊ သူ့အတွက်ဆို ပိုကောင်းတဲ့သူ ဖြစ်နေချင်တာဟာ ချစ်ခြင်းမေတ္တာပါ ။ ဒါကြောင့်ပဲ ကိုယ့်ကိုကိုယ် တိုးတက်ပြောင်းလဲဖို့ ကြိုးစားရပါတယ် ၊၊

အချစ်ခံချင်တာတစ်ခုတည်း သိနေလို့မရပဲ
ချစ်မြတ်နိုးချင်စရာကောင်းလောက်အောင် တန်ဖိုးရှိတဲ့သူတစ်ယောက်ဖြစ်နေဖို့လည်း လိုပါတယ် ။

အခြေခံအကျဆုံး အချက်တွေပြောရရင် …

ချစ်သူလေးကို ရင်ခွင်ထဲထည့်ထားတဲ့အခါ ကိုယ့်ဆီက ကိုယ်သင်းနံ့ဟာ သူစိတ်ပျက်စရာမဖြစ်ဖို့ ဂရုစိုက်ရတာမျိုးပေါ့ ။ ( ဒီနေရာမှာ ချစ်သူရဲ့ ချွေးနံ့က Dior Sauvage ထက် ပိုဆွဲဆောင်မှုရှိတယ်လို့ ခံယူထားတဲ့ အချစ်ကြီးသူဆို တစ်မျိုးပေါ့လေ ) ကိုယ့်ရဲ့ သန့်ရှင်းရေး ၊ ကျန်းမာရေးက အစဂရုစိုက်ရတယ် ။ ကိုယ်ဟာ သူ့ရဲ့ ချစ်သူဖြစ်တဲ့အတွက် အတူတွဲလျှောက်တိုင်း ၊ လူတွေက ကိုယ်နဲ့သူ့ကို တွဲမြင်ကြတိုင်း သူမျက်နှာမငယ်ရဖို့ ကိုယ့်ကိုကိုယ် ကောင်းအောင်ပြုပြင်ရတယ် ။

သူသိသိ ၊ မသိသိ မဟုတ်တဲ့ အလုပ်မျိုး မလုပ်ဘူး ။
ကွယ်ရာအရပ်မှာ ဖောက်ပြန်တာတို့ ၊ သူ့ကွယ်ရာမှာ ဖြစ်သလို ပြောဆိုနေထိုင်တာတို့ ဆင်ခြင်ရတယ် ။
သူနဲ့ကိုယ်ဟာ တွဲဖက်တွေဖြစ်နေတဲ့အတွက် လူတွေ
ကိုယ့်အပေါ် နှာခေါင်းရှုံ့စရာကိစ္စတွေဟာ သူ့အပေါ်လည်း သက်ရောက်နိုင်တာပဲ မဟုတ်လား ။

အပေါင်းသင်းတွေ သူသူကိုယ်ကိုယ် ချစ်သူအကြောင်းပြောကြတဲ့အခါ … သူတစ်ယောက် မျက်နှာမငယ်ရဖို့ ကောင်းတဲ့သူဖြစ်အောင် ကြိုးစားပေးထားတာ ၊ ဂုဏ်ယူစရာဖြစ်အောင် နေထိုင်တာဟာ ချစ်ခြင်းမေတ္တာတစ်မျိုးပဲ ။

ကြာရှည်သွားမဲ့ Relationship အတွက်ဆို အားစိုက်ထုတ်မှုတွေလည်း ရှိရပါတယ် ။ အတူနီးနိုင်ဖို့ ကြိုးစားတာ ၊ သက်တောင့်သက်သာ ဘဝရောက်ဖို့ ကြိုးစားရတာတွေဟာလည်း ချစ်ခြင်းမေတ္တာပါပဲ ။
ကြိုးစားအားထုတ်မှုမပါတဲ့ ချစ်ခြင်းတွေဟာ လေထဲတိုက်အိမ်ဆောက်သလိုပဲ … လေထဲမှာတင် ကွယ်ပျောက်ရပါတယ် ။

ဒါတွေဟာ အခြေခံအကျဆုံးအချက်တွေပေါ့ ။ အချစ်ရဲ့ နောက်မှာ ကြိုးစားပေးခြင်း ပေါင်းစပ်ကြည့်တဲ့အခါ အဓိပ္ပာယ်က ပိုလေးနက်သွားစေတယ် ။

ကြိုးစားပြောင်းလဲရတယ်ဆိုတာ အချစ်အတွက်ချည်း
မဟုတ်ပါဘူး ။ ကိုယ့်ရဲ့ ကိုယ်ပိုင်ဘဝအတွက်လည်း ပါဝင်ပါတယ် ။ အချစ်ကြောင့် ပြောင်းလဲလာခဲ့သူတွေဆိုတာ ကြားဖူးတယ် မဟုတ်လား ။ ချစ်တဲ့စိတ်ကြောင့်ပဲ အရာရာကို အကောင်းဘက်ရောက်အောင် ပြောင်းလဲခဲ့ပါတယ် ဆိုတာမျိုးလေ ။

အချစ်ကို တန်ဖိုးထားတာမို့ ပြုပြင်ပြောင်းလဲ ပေးရတယ်ဆိုတာဟာ အပန်းကြီးတာမှ မဟုတ်ပဲ ….
အပျင်းမကြီးဖို့ပဲ လိုတာလေ ။

တစ်ပါးသူကို ချစ်တဲ့အခါ ပိုကောင်းတဲ့သူဖြစ်အောင်
ကြိုးစားခြင်းဖြင့် သက်သေပြပါ …
နောက်ပြီး ကိုယ့်အတွက် ကြိုးစားပေးနေသူနဲ့ မေတ္တာမျှပါ ။

Phyo

19/12/2024

10/10/2024

20/05/2024

31/03/2024

26/01/2024

25/01/2024

Address

Website

Alerts

Shortcuts

Share

Category