04/12/2025
YouTube မှာ အောင်မြင်ချင်ရင် ကျတော်လို အမှားတွေ မလုပ်နဲ့
- ပုံမှန်မတင်ခြင်း
ဟိုးအရင်က စင်ကာပူမှာ ပွဲတွေကို ရိုက်ပြီး ဆက်ပြီးရင် တင်ကြရော။ တင်စရာမရှိရင် မတင်တော့ဘူး။ အေးတာပဲ။ အဲတုန်းကတော့ မှတ်တမ်းသဘော တင်တာမို့ အရေးမကြီးခဲ့ပေမယ့်၊ တကယ် content တွေ ဖန်တီးပြီး တင်တော့ကျတော့ ဝင်ငွေမရတော့ဘူး။ view က ၁၀၀ တောင်မပြည့်တော့ဘူးလေ။
- အကြောင်းအရာ ရောပြွန်းခြင်း
ဟိုးအရင် စင်ကာပူပွဲဆိုတာလည်း သိတဲ့အတိုင်းပဲ။ သကြင်္န်ပွဲတွေ၊ စတိတ်ရှိုးတွေ၊ တိုင်းရင်းသားပွဲတွေ၊ စာပေဟောပြောပွဲတွေ စသဖြင့် အမျိုးမျိုး စုံလင်ခဲ့ရာကနေ အခု စက်ဘီးစီးတာ စင်ကာပူနေရာတွေ တင်တော့ကျတော့ သူတို့ရဲ့ AI တွေလည်း လိုက်မမီတော့ဘူး ထင်တယ် ကိုယ့်နောက်ပိုင်း Created Content တွေကို လူတွေဆီ ပေးမပြတော့ဘူး။ Algorithm အောက်ကုန်တာပေါ့။
- ကိုယ်ကြိုက်တာ/ကိုယ်လုပ်တာတင်ခြင်း
နောက်တစ်ခုကတော့ အခုနောက်ပိုင်းလုပ်တဲ့ content တွေဟာ မိမိလုပ်တာတွေကိုပဲ တင်နေတာ ဖြစ်တယ်။ ပရိတ်သတ် ကြိုက်လား မကြိုက်လား မတွေးတော့ မစဉ်းစားခဲ့တာ။ တကယ်တော့ အခုမှ စလုပ်တဲ့ ချန်နယ်မျိုးဆိုရင်တောင် အခုထက် ပိုပြီး လူကြည့်များမယ်လို့ ယူဆလို့ရတယ်။ သူ့ AI က အရင် စင်ကာပူကပွဲတွေကို စိတ်ဝင်စားပြီး ကြည့်နေကြတဲ့သူတွေကို အခု နောက်ပိုင်း Content တွေ သွားပြကြည့်ရာ အဲသူတွေက စိတ်မဝင်စားတော့ မကြည့်၊ တစ်ယောက် ကနေ နှစ်ယောက် ၊ သူကတော့ ပြပေးတယ်နော်၊ ပရိတ်သတ်က စိတ်မဝင်စားတော့ မကြည့်ဘူး၊ နောက်ဆုံး AI က ဒီအရင်က ကြည့်တဲ့သူတွေဟာ အခုကျတော့ Content အသစ်တွေကို မကြည့်တော့ပါလား ဆိုပြီး မှတ်ပလိုက်ပြီး နောက်ဆို လုံးဝကို သွားမပြပေးတော့တာပဲ။ အဲတော့ view က နည်း။
ဆိုတော့ YouTube မှာ ဖြစ်ဖြစ် ဘယ်မှာပဲ ဖြစ်ဖြစ် Content တွေ လုပ်ကြမယ့်သူတွေဆို ကျတော့်လို အမှားတွေ မလုပ်ကြဖို့ ပြောပြပေးချင်ပါတယ်။ ဒီအကြောင်းကို ရုပ်သံလည်း လုပ်ပေးပါအုံးမယ်။ နောက်ဆို စက်ဘီးစီးတာအပြင် ဗဟုသုတလေးတွေပါ တင်ပြမှာမို့ ကျတော့်ချန်နယ်လေးကို အားပေးကြပါအုံး ပြောကြားရင်း ထပ်မှားလိုက်ပါတယ်၊ အဲလေ… 😀… မဟုတ်ပါဘူး…
