07/08/2025
ဗီလာရီးရဲနဲ့ပွဲက အာဆင်နယ်ကစားသမားတွေရဲ့ အဆင့်သတ်မှတ်ချက်များ
ဒေးဗစ် ရာယာ(၆ မှတ်)- ဗီလာရီးရဲရဲ့ ဒုတိယမြောက် ဦးဆောင်ဂိုးမှာ အက်တာ အီယောင်က ပြန်လျှံထွက်လာတဲ့ ဘောလုံးကို မပိတ်သွင်းမီ ကောင်းမွန်တဲ့ကာကွယ်မှုပြုလုပ်နိုင်ခဲ့ပါတယ်။
ဘန် ဝှိုက်(၆)- အန္တရာယ်ရှိတဲ့ ပန်းတက်ပြေးလွှားမှုနဲ့ ပထမပိုင်းမှာ အာဆင်နယ်အတွက် အခွင့်အရေးတွေဖန်တီးပေးနိုင်ခဲ့ပါတယ်။
ဝီလီယံ ဆာလီဘာ(၆ မှတ်)- ပြင်သစ်နောက်ခံလူအတွက်တော့ အရမ်းတိတ်ဆိတ်တဲ့ပွဲတစ်ပွဲဖြစ်ခဲ့ပါတယ်။
ခီဗီယော(၃ မှတ်)- ပေပေ အနီးကပ် တချက်ထိ ပိတ်သွင်းယူသွားတဲ့ အဖွင့်ဂိုးမှာ စိတ်ပျက်စရာ ခံစစ်ကစားပုံပြသခဲ့ပြီး အက်တာ အီယောင် ဂိုးသွင်းယူချိန်မှာလည်း ပိုလန်နောက်ခံလူက ဂိုးစည်းနဲ့ အနီးဆုံးရှိနေခဲ့သူဖြစ်ပါတယ်။ ပြီးတဲ့နောက် ကွင်းလယ်စည်းနားမှာ ပေပေရဲ့ ဘောလုံးကို ပေါင်ကြားထဲထည့်ပြီး အရူးလုပ်တာ ခံခဲ့ရပါသေးတယ်။
လူးဝစ္စ စကယ်လီ(၇ မှတ်)- ပေပေနဲ့ တစ်ဦးချင်းတိုက်ပွဲမှာ သူ့ရဲ့ ကြံ့ခိုင်မှုကို ပြသခဲ့ပြီး တိုက်စစ်ကို အရှိန်အဟုန်နဲ့ ပြေးတက်မှု အများအပြားလည်း ပြုလုပ်ပြခဲ့ပါတယ်။ ဒါပေမယ့်လည်း စကယ်လီရဲ့ ပေးပို့မှုက မတိကျခဲ့ဘဲ ပေပေကတော့ ပျော်ရွှင်စရာအချိန်တွေကို ပိုင်ဆိုင်ခဲ့ပါတယ်။
နွာနယ်နီ(၆ မှတ်)- ကောင်းမွန်တဲ့ လှည့်ထွက်မှုတွေနဲ့ ဘောလုံးအထိန်းအသိမ်းအများအပြား ရှိခဲ့ပေမယ့် လွှမ်းမိုးနိုင်စွမ်းတော့ မရှိခဲ့ပါဘူး။ ပထမပိုင်းမှာ ဆိုးရွားတဲ့ ဂိုးကန်ချက်နဲ့ ဂိုးသွင်းယူဖို့ ကြိုးပမ်းခဲ့ပြီး အလွတ်တည်ကန်ဘော ကန်တင်ပေးတာကလည်း ညံ့ဖျင်းခဲ့ပါတယ်။
နောဂွါဒ်(၇ မှတ်)-မာတီနယ်လီရဲ့ထောင့်ကန်ဘောမှာ ဂိုးတိုင်နားကစောင့်ပြီး ခေါင်းတိုက်ဂိုးသွင်းယူတဲ့အချိန်မတိုင်ခင်အထိ ကွင်းထဲမှာ ပျောက်နေခဲ့ပါတယ်။
မယ်ရီနို(၇ မှတ်)-ပွဲကို ကောင်းမွန်တဲ့ပုံစံနဲ့ စတင်နိုင်ခဲ့ပြီး ဆာကာခေါင်းတိုက်နိုင်အောင် ကွက်တိ ဖြတ်တင်ပေးနိုင်ခဲ့ပေမယ့် အင်္ဂလန်ကြယ်ပွင့်က ဂိုးပေါက်အလွတ်ထဲကို ခေါင်းမတိုက်နိုင်ခဲ့တာပါ။ အာဆင်နယ်အသင်းရဲ့တိုက်စစ်ဆင်မှုပြုလုပ်နိုင်အောင်လည်း ကြားဖြတ်လုယူမှုတွေနဲ့လည်း ကူညီပေးခဲ့ပါတယ်။
ဆာကာ(၆ မှတ်)- အပိုင်ခေါင်းတိုက်ပြီး အဖွင့်ဂိုး ရယူနိုင်မယ့်အခွင့်အရေးကို လွဲချော်ခဲ့တာက စိတ်ပျက်စရာဖြစ်ခဲ့ပါတယ်။ အတွင်းထဲ ချိုးဝင်ပြီး ဂိုးကန်သွင်းချက်တွေနဲ့ ဂိုးသမားကို စမ်းသပ်နိုင်ခဲ့ပြီး ပွဲအစောပိုင်း အချိန်ကာလတခုအထိ ပုံစံကောင်းအချို့ပြသနိုင်ခဲ့ပေမယ့် ဆာကာရဲ့ အကောင်းဆုံးပုံစံတော့ မဟုတ်ခဲ့တာပါ။
ယော်ကရက်စ်(၅ မှတ်)-ပြေးလွှားမှုအများအပြားပြုလုပ်ခဲ့ပေမယ့် ဘောလုံးပေးမယ့်သူမရှိခဲ့ဘဲ စိတ်ပျက်စရာ ပွဲဦးထွက်ဖြစ်ခဲ့တယ်ဆိုတာကိုတော့ ငြင်းလို့မရပါဘူး။ ဘောလုံးမရှိဘဲ ဘော်ဒီတိုက်ခဲ့ပြီး အလွတ်တည်ကန်ဘောပေးခဲ့ရတာက စိတ်ပျက်စရာဖြစ်ခဲ့ပြီး ရခဲ့တဲ့ တခုတည်းသော အကောင်းဆုံးအခွင့်အရေးကတော့ ထောင့်ကျဉ်းအနေအထားမှာ ဂိုးသမားတည့်တည့်ကန်ခဲ့မိတာဖြစ်ပါတယ်။
မာတီနယ်လီ(၆ မှတ်)-နောဂွါဒ် ခေါင်းတိုက်သွင်းယူခဲ့တဲ့ဂိုးအတွက် ကန်တင်ပေးပို့နိုင်ခဲ့တာကလွဲရင် တောင်ပံကနေ အသင်းအတွက် ဘာမှများများစားစား မလုပ်ပေးနိုင်ခဲ့ပါဘူး။
လူစားဝင်ကစားသမားများ
မော့စ်ကီရာ(၆ မှတ်)-ပရိသတ်တွေဟာ မော့စ်ကီရာရဲ့ ခပ်ကြမ်းကြမ်းကစားပုံကြောင့် သဘောကျခဲ့ပေမယ့် ကံဆိုးစွာနဲ့ပဲ ဒန်ဂျူးမားရဲ့ဂိုးမှာ နောက်ပြန်ပြေးပြီး ကာကွယ်ဖို့ ကြိုးပန်းမှုက မအောင်မြင်ခဲ့တာပါ။
ဇူဘီမန်ဒီ(၆ မှတ်)- စပိန်ကွင်းလယ်လူရဲ့ ကစားပုံနဲ့ပတ်သက်ပြီး ပရိသတ်တွေ ဘာမှ အပြစ်ပြောစရာ များများစားစား မရှိခဲ့ပါဘူး။
တင်းဘား(၆ မှတ်)-ကြံ့ခိုင်မှု ပြန်ရအောင် နာရီဝက်လောက် ဝင်ကစားပေးခဲ့ပြီး ဘာမှ အထူးအထွေပြောစရာမရှိပါဘူး။
မက်စ် ဒေါင်းမန်း(၈ မှတ်)- နောက်ထပ်တကြိမ် စိတ်လှုပ်ရှားစရာ ခြေစွမ်းကို လူစားဝင်လာပြီး ပြသခဲ့ပါတယ်။ ညာတောင်ပံကနေ အတွင်းကို ချိုးဝင်ပြီး ဗီလာရီးရဲ ကစားသမားအနည်းငယ်ကို ကျော်ဖြတ်ပြီးနောက် ကန်သွင်းမှုက ဂိုးဘေး ဝိုက်ထွက်သွားခဲ့ပါတယ်။ ဒီလို ပါးနပ်တဲ့ လှည့်ကွက်ကြောင့်ပဲ အာဆင်နယ်တို့ ပင်နယ်တီရခဲ့ပြီး အော်ဒီဂွါဒ်က ဂိုးအဖြစ်ပြောင်းလဲနိုင်ခဲ့တာပါ။
ဂါဘရီယဲလ်(၅ မှတ်)-ဒန်ဂျူးမားရဲ့ဂိုးမှာ အေးရာအေးကြောင်း ပြေးလွှားနေခဲ့ပါတယ်။
အော်ဒီဂွါဒ်(၇ မှတ်)- အသင်းေခါင်းဆောင်ဝင်လာမှ အာဆင်နယ်ကစားပုံ ပိုကောင်းလာခဲ့ပြီး ပင်နယ်တီကို အကောင်းဆုံး အဆုံးသတ်နိုင်ခဲ့ပါတယ်။
ကီပါ(၅ မှတ်)-ဝေဖန်တာတော့မဟုတ်ပေမယ့် ဒန်ဂျူးမားရဲ့ သွင်းဂိုးမှာ ဂိုးရှေ့နည်းနည်းထွက်ပြီး ထောင့်ကျဉ်းသွားအောင် ပြုလုပ်ခဲ့သင့်ပါတယ်။
ဒီကလန် ရိုက်(၆ မှတ်)-ဒီကလန် ရိုက်ကို လူစားဝင်ကစားစေခဲ့တာကို ပရိသတ်တွေက အားပါးတရ ကြိုဆိုခဲ့ကြပေမယ့် အသင်းအတွက် များများစားစား မကူညီနိုင်ခဲ့ပါဘူး။
Photo credit to owner
