လွတ်လပ်သောထီးထာကလုန်းကရင့် မီဒီယာ, Singapore (2025)

မြစ်၀ကျွန်းပေါ်ရှိ ကရင့်လူမှုဘ၀၊ သမိုင်း၊ စာပေများနှင့် ကရင့်သတင်းများကို ပြန့်ပွား ရန်နှင့် ထိန်းသိမ်းနိုင်ရန် မှန်မှန်ကန်ကန် ဖော်ပြရန်ရည်ရွယ်တည်ထောင်သည်

20/10/2025

MAN- Social Assistance and Rescue
ထီးထာဖောင်ဒေးရှင်း (ထီးထာကလုန်းကရင်လူငယ်များပရဟိတ)အသင်းမှ ဦးဆောင်မှုဖြင့် အရေးပေါ်ကူညီကယ်ဆယ်ရေးလုပ်ငန်းများ ပူးပေါင်းဆောင်ရွက်နိုင်ရန်အတွက် ကွန်ယက်တည်ဆောက်ခြင်း၊ လူငယ်တွေ့ဆုံပွဲနှင့် မိတ်ဖက်အသင်းများနှင့် မိတ်ဆက်ခြင်းအခမ်းအနားအား ၂၀၂၅ ခုနှစ် ၊အောက်တိုဘာလ (၁၈)ရက်နေ့တွင် မြောင်းမြမြို့နယ်၊ မြစိမ်းတောင်သာသနာ့နယ်မြေတွင် ကျင်းပပြုလုပ်ခဲ့ရာ ပန်းတနော်၊ ကျောင်းကုန်း၊ အိမ်မဲ၊ မြောင်းမြ၊ လပွတ္တာ၊ ညောင်တုန်း၊ ဝါးခယ်မ၊ ပုသိမ် စသော မြို့နယ်များမှ ကရင်လူငယ်အသင်းအဖွဲ့များ၊ လူမှုကူညီရေးအသင်းအဖွဲ့များ၊ ကရင်လူငယ်များ တက်ရောက်ခဲ့ပါသည်။

သတင်းနှင့် ဓာတ်ပုံ-
မှ ကူးယူတင်ပြသည်။

30/09/2025

လူငယ့်တာဝန် -အနောက်ပိုးကရင်ဖလုံး ပညာပေးဇာတ်လမ်း အပိုင်း (၂)

#လွတ်လပ်သောထီးထာကလုန်းကရင့်မီဒီယာ
#အနောက်ပိုးကရင်
#အပိုင်း-၂

28/09/2025

လူငယ့်တာဝန် (အနောက်ပိုးကရင်ဖလုံး ပညာပေးဇာတ်လမ်း)အပိုင်း (၁)

#လွတ်လပ်သောထီးထာကလုန်းကရင့်မီဒီယာ
#အနောက်ပိုးကရင်
#အပိုင်း-၁
゚viralシfypシ゚viralシalシ
゚

22/09/2025

ပန်းတနော်မြို့နယ် ကရင်စာပေနှင့်ယဉ်ကျေးမှုအသင်း၏ အသင်းဖွဲ့စည်းတည်ထောင်ခြင်း နှစ်(၆၀)ပြည့် စိန်ရတု အထိမ်းအမှတ် အကြိုအခမ်းအနားအား ၂၀၂၅ခုနှစ် စက်တင်ဘာလ (၂၂)ရက်နေ့တွင် ပန်းတနော်မြို့နယ် ကရင်အမျိုးသားပြတိုက်၌ ကျင်းပပြုလုပ်ခဲ့ပါသည်။
ပန်းတနော်မြို့နယ် ကရင်စာပေနှင့်ယဉ်ကျေးမှုအသင်းသည် ၁၉၆၅ခုနှစ် စက်တင်ဘာလ (၂၂) ရက်နေ့တွင် စတင်ဖွဲ့စည်းတည်ထောင်ပြီး ယခု ၂၀၂၅ခုနှစ် စက်တင်ဘာလ (၂၂)ရက်နေ့တွင် နှစ် (၆၀) တိုင်တိုင် ပြည့်မြောက်ခဲ့ပြီ ဖြစ်ပါသည်။
"နှစ်(၆၀) ပြည့်စိန်ရတုမှသည် ကရင်အမျိုးသား စည်းလုံးညီညွတ်မှုဆီသို့"

#ကရင်စာပေနှင့်ယဉ်ကျေးမှုအသင်းစိန်ရတုအထိမ်းအမှတ်
#ပန်းတနော်မြို့နယ်
#ကရင်အမျိုးသားစည်းလုံးညီညွတ်မှုဆီသို့
#နှစ်(၆၀)ပြည့်အခမ်းအနား
- KYDA

18/08/2025

ဇွဲကပင် မျိုးချစ် ကရင်လူငယ်များ အဖွဲ့ (စင်ကာပူ) က ဦးစီးကျင်းပသည့် ၁၄-ကြိမ်မြောက် ကရင့်ရိုးရာ ချည်ဖြူဖွဲ့ မင်္ဂလာ အခမ်းအနားကို မနေ့က (၂၀၂၅ ခုနှစ် ဩဂုတ်လ ၁၇ ရက် နေ့က) စင်ကာပူနိုင်ငံ တာလော့ဘလန်းဂါး အရပ်မှာရှိတဲ့ Yeos Building မှာ ကျင်းပခဲ့ရာ စင်ကာပူနိုင်ငံရောက် ကရင်တိုင်းရင်းသားများနှင့် ဖိတ်ကြားထားသည့် တိုင်းရင်းသား အဖွဲ့များ တက်ရောက်ခဲ့ကြသည်။

ရှေးဦးစွာ အခမ်းအနားကို ဖားစည်တီး၊ ကျွဲချိုမှုတ်ကာ စတင်ဖွင့်လှစ်ခဲ့ပြီး ကရင်အမျိုးသား သီချင်းကို သံပြိုင်သီဆိုခဲ့ကြသည်။

ထို့နောက် ဇွဲကပင် မျိုးချစ်ကရင် လူငယ်များအဖွဲ့ (စင်ကာပူ)ရဲ့ အကအဖွဲ့က လာခေါင်ခိုင်စူးကို ကြိုဆိုသည့် အကဖြင့် ကပြဖျော်ဖြေခဲ့ကြသည်။

ဆက်လက်ပြီး ဇွဲကပင် မျိုးချစ်ကရင် လူငယ်များအဖွဲ့ (စင်ကာပူ) ၏ ဥက္ကဋ္ဌ စောလင်းဦးခိုင် က အခမ်းအနား ကျင်းပဖြစ်ပုံ အကြောင်းအား လည်းကောင်း၊ စင်ကာပူနိုင်ငံ ကရင်အမျိုးသား နှစ်သစ်ကူးပွဲတော် ကျင်းပရေး ဗဟိုကော်မတီ ဥက္ကဋ္ဌ စထင်လင်းထွဋ်က အမျိုးသားရေးနှင့် ပက်သက်သည့် အကြောင်းအား လည်းကောင်း၊ ဇွဲကပင် မျိုးချစ်ကရင် လူငယ်များအဖွဲ့ (စင်ကာပူ) ၏ အတွင်းရေးမှူး စအောင်သီဟက ကျေးဇူးတင် စကားကိုလည်းကောင်း အသီးသီး ပြောကြားခဲ့ကြသည်။

၎င်းနောက် ကရင်ရိုးရာ ချည်ဖြူဖွဲ့ မင်္ဂလာ စာတမ်းများကို အရှေ့ပိုးကရင် ဘာသာဖြင့် စောသန့်ဇင်ဖြိုးက လည်းကောင်း၊ အနောက်ပိုးကရင် ဘာသာဖြင့် နန့်ထက်ထက်က လည်းကောင်း၊ စကောကရင် ဘာသာဖြင့် စောသိန်းမင်းထွန်းက လည်းကောင်း၊ မြန်မာဘာသာဖြင့် နော်မေဝင်းခိုင်က လည်းကောင်း အသီးသီး ဖတ်ကြားခဲ့ကြသည်။

ထို့နောက် ပအိုဝ်မိသားစု (စင်ကာပူ)၊ Kareni Youth Singapore၊ တအောင်း (ပလောင်) မိသားစု (စင်ကာပူ) တို့ရဲ့ အကအဖွဲ့များက ကူညီအားဖြည့် ဖျော်ဖြေခဲ့ကြသည်။

ဆက်လက်ပြီး ကရင်ရိုးရာ ချည်ဖြူဖွဲ့ လက်ချည်ခြင်း အစီအစဉ်ကို ဆက်လက်ပြုလုပ်ခဲ့ရာ၊ ဖိတ်ကြားထားသည့် ဧည့်သည်များနှင့် တက်ရောက်လာသည့် ကရင်တိုင်းရင်းသားများက စုပေါင်း ချည်ဖြူဖွဲ့ခဲ့ကြသည်။

ချည်ဖြူဖွဲ့နေစဉ် အတောအတွင်း 777 music band နှင့် ကရင်တိုင်းရင်းသား ဝါသနာရှင်များက ကရင်တေးသံသာများဖြင့် သီဆိုဖျော်ဖြေခြင်း၊ အကအလှအဖွဲ့များက ရိုးရာ အကအလှများဖြင့် တင်ဆက်ကပြခြင်းများဖြင့် ဆက်လက်ဖျော်ဖြေ ခဲ့ကြသည်။

ထို့နောက် အခမ်းအနားကို ညနေ ၄:၃၀ မှာ ကရင်အမျိုးသား စည်းလုံးရေး သီချင်းတစ်ပုဒ်ဖြစ်သည့် အောခုအောခေါင် တေးသီချင်းကို သံပြိုင်သီဆိုကာ အခမ်းအနားကို အောင်မြင်စွာ ပိတ်သိမ်းခဲ့သည်။ ထို့နောက် ဇွဲကပင် မျိုးချစ် ကရင်လူငယ်များ အဖွဲ့ (စင်ကာပူ) အဖွဲ့ဝင်များ၊ တက်ရောက်လာသည့် ဧည့်ပရိတ်သတ်များက အမှတ်တရဓာတ်ပုံ စုပေါင်း ရိုက်ခဲ့ကြောင်း သတင်းရရှိပါသည်။

သတင်း - မြောင်းမြကရင်လေး
Credit - Photo

Address

Singapore

Telephone

+6584125678

Website

http://www.hteehtarklonemedia.weebly.com/

Alerts

Be the first to know and let us send you an email when လွတ်လပ်သောထီးထာကလုန်းကရင့် မီဒီယာ posts news and promotions. Your email address will not be used for any other purpose, and you can unsubscribe at any time.

Contact The Business

Send a message to လွတ်လပ်သောထီးထာကလုန်းကရင့် မီဒီယာ:

လွတ်လပ်သောထီးထာကလုန်းကရင့် မီဒီယာ