10/04/2025
မိဘပြည်သူအပေါင်းအား လေးစားစွာ တောင်းပန်ခြင်းနဲ့ အသိပေးခြင်း
မြေပြင်တပ်ရင်းတပ်ဖွဲ့များကို အားဖြည့် ထောက်ကူဖို့ ၇ ကြိမ်မြောက်အထိ မီလီလက်မှတ် ဝယ်ယူ ဝန်းရံခဲ့ကြသူ အားလုံးကို ဦးစွာ ကျေးဇူးတင်ရှိပါတယ်။
ယခုလတ်တလောတွင် ငလျင်ဘေးကြောင့် မီလီကိုအဓိက ပါဝင်ရောင်းချနေကြသည့် တပ်ရင်းတပ်ဖွဲ့များအနေဖြင့် တပ်ရင်းများကိုယ်တိုင် ငလျင်ဒဏ်ခံစားနေရခြင်းကြောင့်လည်းကောင်း၊ အရေးပေါ်နေရာရွှေ့ပြောင်းရေးနှင့် ထိခိုက်ပြည်သူများအား ကူကြဖို့ အရေးကြီးနေသည့် အချိန်ခါသမယကို ကြုံတွေ့ရင်ဆိုင်နေရပါသည်။
အဓိကရောင်းချနေသည့် တပ်ရင်း၊ တပ်ဖွဲ့များအနေဖြင့် ယခုလ (၈) ကြိမ်မြောက် မီလီလက်မှတ် ရောင်းချနိုင်ခြင်း မရှိပါသောကြောင့် ပင်မရောင်းချသူတပ်ရင်းများ ပြန်လည်ရောင်းချနိုင်မည့်အချိန်ထိ ခေတ္တရွှေ့ဆိုင်းထားရမည်ဖြစ်ပါသည်။
မီလီနှင့် ပြည်သူ အဆက်သွယ်မပြတ်စေရေးအတွက် ယခုလရောင်းအားရသရွှေ့ကို ငလျင်ဘေးဒဏ်သင့် ပြည်သူများနှင့် တပ်ရင်းတပ်ဖွဲ့များအား ဖေးကူရေးအတွက် စဉ်းစားစီစဉ်ကြေညာခဲ့ပေမယ့် ဝေဖန်ထောက်ပြသူ အများသဘောဆန္ဒအရ ဤအစီစဉ်ကို ဖျက်သိမ်းအပ်ပါတယ်။
ယနေ့ထိ မီလီလက်မှတ် ဝယ်ယူထားသူ အသီးသီးကို မီလီကိုယ်စားလှယ်များမှ ပြန်လည် ဆက်သွယ် ပြန်လွှဲပေးသွားမှာဖြစ်ကြောင်းနဲ့ ပင်မရောင်းချသူ တပ်ရင်းတပ်ဖွဲ့များ ပြန်လည်ရောင်းချနိုင်သည့်အချိန်တွင် မီလီလက်မှတ် (၈) ကြိမ်မြောက် ပြန်လည် ရောင်းချမယ့်ရက်ကို ပြန်လည် ကြေညာသွားမှာဖြစ်ကြောင်း လေးစားစွာ အသိပေးအပ်ပါတယ်။
အဆင်မပြေမှု တစုံတရာရှိခဲ့ပါက နားလည်ပေးကြပါရန် လေးစားစွာ တောင်းပန်အပ်ပါတယ်။
