26/12/2024
*Giɗgol Goonga*
So yiɗɓe e giɗli njontii jaŋteede ,
Mi sifoo giɗo am mi haala ko woodi
Haa yiila h***e gannduɗo giɗli,
Miijoo ɗi mum goongɗina yiɗde
So goonga, boru yoo joomum loppu ,
Ko jooni laañal hooti e cehnooɗo
Galle kidiiɗo hoɗnaa mahnooɗo
Jimol giɗli hooti e baawɗo
Ko tawaaɗo wolde laaɓaa njangu
Ko ndu piyaa-mi ngon-mi e woytaade
Ngam ko giɗli kaɗti mi ɗaanaade
Giɗo am, holi ko pototaa yerneede?
Tuggi daƴƴe haa tottoyi koode!
Keɗto-ɗee mbiɗo yima giɗli
Dillinooji ɓerkon yiɗondirɓe,
Njunnginoo njumpa e miijooji Ɓerɗe mawɓe ndurta e haŋki Sahaaji belɗi jawtuɗi mbaɗi pille.
Ñaldo-am ɓero mi doori e yimde
Mi sifoo mbaydi maa, mi jubba e golle
S**a tokooso mo hakkille mawɗo ,
Pamaro duuɗi mo fuuyaa peeje
Jibinaaɗo diine mawni sunna Jooɗɗo mbaydi, suɗorii nehdi Pinɗo, paamɗo, gannduɗo fotde
Potɗo darnde, mo ŋakkaa terɗe.
Mo daande juuti nanndi e tewda
Jalbi suɗiraa kaalis e kaŋŋe Ɓolotooɗo, yimɓe njalta ne njeeɓa
Mo gite ndanwi nanndi e ɓoccooɗe,
E ñiiƴe cewɗe, carŋiɗi njooɗi Daneeje, potɗe, nanndi e yeesoode
Ɗakkudi ɓawli, yuumɗi no fino Alla
Jooɗɗo mooso, mo jalataa mehre
Debbo debbiiɗo kisɗo e sinno Ɓuuɓri jamma, jom ñaam-golluuje
Ngenndiyaŋke mo firtaa aadi
Giɗo am biyɗo ɓerɗe ko lampaaji
Ɓernde maaɗa wonanii kam lewru
E saanga jeewe ceerɗum nokkuuje
Jime e jimɗi njuutat ngaynaani
Yonii seede yiɗɓe e yahdiiɓe Ngam giɗo am ko aan tigi poofrat-mi
E koode kammu, mi wiy maa : jaayre
Saanga nde miijo am fecciti pooɗe
Taƴi sutooji, wirtii dunɗi
Takki daande maayo no jaaltaaɗo
Giɗo nan daande giɗo maa jeewaaɗo
Saanga nde caalli njokkii e maaje
Laabi caɗti jeeri e waalo, Yimɓe toobi, njowitii e laaɗe
Ngeerii-mi Aliiw Sammba Yero jaaltaaɗo
Ganndo maayo, teddini giɗli Mo renndo Pulaar to Ganngel, yahri-maayo
Fetta laana, miijoo Maymuuma
Tawa Yello-Haawa na heedi mi bannge
Sammba Caam na takkii, woɗɗaani
E Muusaa Bah banndu Kootoowo.
Mawka siirtoo joofa e ciiɓe Haayoo waɗa, ñiiƴe ceedoo weltaare
Mi annda daɗii
