23/07/2025
Israa’iil ayaa diiday kuna Gacan seertay hadal dhwaan ka soo yeeray in ka badan 20 Dal oo ku baaqaya in si degdeg ah loo joojiyo dagaalka Gaza. Maalintii Isniinta ayay aheed kadib Markii In ka badan 20 waddan ayaa ku baaqay in si degdeg ah loo joojiyo dagaalka Gaza, waxayna dhaleeceeyeen qaabka khatarta ah Ee ay dawladda Israa'iil ula tacaamulayso gargaarka la gaarsiinayo Dadka rayidka ah Ee reer Falastiin oo iyagu si aad iyo aad ah ugu baahan Gargsarka Bani'aadanimo Israa'iil ayaa Isniintii diiday bayaanka wadajirka ah oo ay daabaceen in ka badan 20-ka waddan oo ku baaqaya in la joojiyo dagaalka Gaza, iyadoo at Cadahay in daraasiin Reer Falastiiniyiin ah ay gaajo ugu dhinteen gargaar la'aan ka jirta halkaa iyada oo ay Bsrbar socdaan weeraro. Bayaanka "waa mid xaqiiqada ka Fog, wuxuuna fariin qaldan u dirayaa Xamaas," ayay tiri wasaaradda arrimaha dibadda Israa'iil. Docda kale Britain iyo in ka badan 20 dal oo kale ayaa Isniintii ku baaqay in si deg deg ah loo joojiyo dagaalka 21-ka bilood ah, waxayna dhaleeceeyeen qaabka ay dowladda Israa’iil gargaar u gaarsiinayso ka dib markii boqolaal Falastiiniyiin ah lagu dilay meel u dhow goob cunto lagu qaybinayay. France, Italy, Japan, Australia, Canada, Denmark iyo dalal kale ayaa sheegay in in ka badan 800 oo falastiiniyiin ah la dilay xilli ay gargaar raadinayeen Dowladahan ayaa sidoo kale waxa ay dhaleeceeyeen wax ay ugu yeereen "quudinta gargaarka iyo dilka bini'aadantinimada ka baxsan E Dadka rayidka ah". Inta badan dadka la dilay ayaa ku sugnaa agagaarka xarumaha Hay’adda Bini’aadantinimada ee Gaza (GHF), oo Maraykanka iyo Israa’iil ay ku taageereen in ay kala wareegaan qaybinta gargaarka Qaza shabakad ay hoggaaminayso Qaramada Midoobay. "Qaabka gargaarka Ee Dawladda Israa'iil waa mid khatar ah, waxa uu sii hurinayaa xasillooni darrada, wuxuuna ka reebayaa dadka reer Gaza sharafka iyo bini'aadminimada," ayay wasiirrada arrimaha dibadda Ee dalalka ku sheegeen hadal ay si wadajir ah u soo saareen. Baaqa ku aadan joojinta dagaalka iyo qaabka ay Israa’iil gargaarka u geyso ayaa ka imaanaya dalal dhowr ah oo xulafo la ah Israa’iil iyo taageerada ugu muhiimsan Ee Mareykanka. Hay'adda Qaza Humanitarian Foundation waxay isticmaashaa shirkadaha gaarka ah Ee amniga iyo saadka Ee Maraykanka si ay sahay u geliyaan Gaza, iyada oo inta badan ka gudubta nidaamka Qaramada Midoobay Ee ay Israa'iil ku eedaysay inay u ogolaatay mintidiinta uu hoggaamiyo Xamaas inay dhacaan shixnadaha gargaarka Ee loogu talagalay dadka rayidka ah. Dhanka kale Xamaas ayaa beenisay eedeynta. Qaramada Midoobay Waxa ayna ku tilmaantay qaabka GHF mid aan badbaado lahayn iyo jebinta heerarka dhexdhexaadnimada bini'aadantinimo, taas oo GHF ay beenisay. Ugu danbeyntii Wasaaradda arrimaha dibadda Sacuudiga ayaa Talaadadii soo dhaweysay bayaankan wadajirka ah, iyadoo ku celisay Riyaad diidmada qayaxan ee dhaqamada maamulka gumeysiga ee Israa’iil iyo habka bini’aadantinimada ka baxsan ee ay ku horjoogsanayaan gargaarka iyo beegsiga dadka rayidka ah ee doonaya.
